2023 March 11 Archive - People's Balita

December 22, 2024
Search in People's Balita
Ang Diyaryong Pinagkakatiwalaan

Archive for March 11th, 2023

MSMEs, makakakuha ng P1.2-B fund assistance sa ilalim ng 2023 budget

Posted on: March 11th, 2023 by @peoplesbalita No Comments

INANUNSYO ng Department of Budget and Management (DBM) na may kabuuang P1.2 bilyong piso ang magpopondo sa iba’t ibang programa ng gobyerno para palakasin ang micro, small and medium enterprises (MSMEs) sa ilalim ng national budget ngayong taon.

Sinabi ng DBM na ang mga programang ito ay bahagi ng MSME Development Plan at ibang inisyatiba ng Department of Trade and Industry (DTI) para i-promote ang paglago ng MSMEs; pagtatayo ng Negosyo Centers; One Town One Product (OTOP) Next Gen; at Shared Service Facilities (SSF).

“MSMEs serve as the building blocks of the economy. Dahil dito, sinisikap po ng pamahalaan na palakasin ang MSMEs at alalayan sila sa pagbangon, especially from the challenges that hindered their growth, such as the pandemic,” ayon kay DBM Secretary Amenah Pangandaman.

“Following the directive of President Marcos Jr., sisiguruhin po natin na patuloy na popondohan ang mga programang tutulong at magpapalakas sa mga MSME,” dgdag na wika nito.

Sa ilalim ng budget para ngayong taon, may P583 milyon ang inilaan para sa implementasyon MSME Development Plan at kahalintulad na mga programa ng pamahalaan.

May P487 milyong piso naman ang gagamitin para makatulong sa pagtatatag ng Negosyo Centers o MSME-suportahan ang tanggapan ng pamahalaan na nago-operate na i-promote na pagaanin ang transaksyon at magkaroon ng access sa serbisyo para sa MSMEs.

Ang Negosyo Centers ay itinatag sa lahat ng lalawigan, lungsod at munisipalidad.

Ang OTOP Next Gen, isang programa na tumutulong sa MSMEs sa product development initiatives, training at referral, para i-level up ang mga produkto pagdating sa disenyo, kalidad at dami ay makatatanggap ng P97 milyon.

“It enables localities and communities to determine, develop, support and promote products or services that are rooted in their respective local cultures, community resources, creativity, connection and competitive advantages,” ayon sa DBM.

Samantala, makakakuha naman ang SSF ng P80 milyon kung saan P70 milyon ay gagamitin para pondohan ang Maintenance and Other Operating Expenses (MOOE) habang ang P10 milyon ay gagamitin para pondohan ang capital outlays.

“The SSF gives MSMEs access to sophisticated machines and equipment towards improving the quality of their products, increase their production capacity, accelerate their competitiveness and expand their businesses,” ayon sa ulat.

“MSMEs comprise 99.5 percent of business establishments in the Philippines, according to the Department of Trade and Industry,” ayon pa rin sa ulat. (Daris Jose)

Nasasaktan pa rin siya sa nangyari: ARRA, lost ang confused sa paghihiwalay ng PBA player bf na si JUAMI

Posted on: March 11th, 2023 by @peoplesbalita No Comments

LOST and confused daw si Arra San Agustin dahil sa pag-reveal niya na hiwalay na sila ng PBA player boyfriend niya na si Juami Tiongson ng Terrafirma Dyip.

October 2022 raw naghiwalay ang dalawa at inamin ni Arra na hanggang ngayon ay nasasaktan pa siya sa nangyari. Apat na taon din daw kasi silang nagkaroon ng relasyon.

“Last talk namin was first week of January, that’s when we we really cleared things out. Kasi ‘di ba kapag nagbe-break naman kayo minsan you go back and forth pa rin. It was painful in a sense na, sa sarili ko naisip ko na I can no longer find another man who’s exactly like him, ‘cause he’s my standard now. He’s so good, he’s really good, he’s a good guy, his family is good, he’s perfect,” sey niya.

Naging dahilan daw ng breakup nila ay ang pagiging busy ni Arra sa kanyang career. Naging dahilan daw ang trabaho para ma-outgrow nila ang feelings nila sa isa’t isa.

“In four years of my life parang lagi lang kaming nasa house, wala na masyadong growth. Pero dahil sa trabaho ko, I have to be proactive, so minsan nabe-blame ko siya dahil hindi ko nagagawa ‘yung ibang gusto kong gawin. Unahin ko pa rin ‘yung sarili ko dapat,” diin ni Arra.

Sey ng netizens na hindi dapat mag-alala ang ‘Mga Lihim Ni Urduja’ star na wala siyang karelasyon ngayon. Sa ganda niya, tiyak dahil tiyak na maraming pipilang lalake para ligawan siya.

***

IN-ANNOUNCE nina Jeffrey Hidalgo at Geneva Cruz na nagpaplano na sila ng isang reunion concert ng Smokey Mountain.

Gusto raw nilang magsama-sama ulit ang grupo na binuo ni National Artist Ryan Cayabyab. Huli raw silang nagsama-sama ay noong 2011 para sa isang earthquake relief fund for Japan. Sunod na ulit ay ang online reunion noong magkaroon ng pandemya in 2020.

Ayon kay Jeffrey, lima raw sa members ng group nila ang nandito sa Pilipinas at yung iba ay nasa ibang bansa na.

“Apat nandito sa Manila. Ako, si Gen, si Tony (Lambino) at saka si James (Coronel). Kami yung original. Si Jayson (Angangan) from the second group nasa Isabela.

“Pero ‘yung the rest ay nasa ibang bansa na. Si Chedi (Vergara) nasa Australia, si Shar (Santos) nasa States, at saka si Anna Fegi.”

Binuo ni Maestro Ryan Cayabyab noong 1989 ang Smokey Mountain at naging aktibo ang grupo hanggang 1995. Nakagawa sila ng six albums at unang pinasikat ng grupo ay ang song na “Kailan” nasundan ito ng “Paraiso”, “Better World”, “Da Coconut Nut”, “Kahit Habang Buhay”, “Tayo Na” at “Can This Be Love” na nagkaroon ng cover versions sina Sarah Geronimo, Juris, Ice Seguerra at Zephanie na ginamit bilang love theme ng GMA primetime teleserye na ‘Luv Is: Caught In His Arms.’

***

DALAWANG Hollywood icons ang magkasunod na pumanaw. Ito ay ang ‘70s TV star na si Robert Blake at ang Israeli actor na si Topol.

Pumanaw si Blake sa Los Angeles noong March 9 dahil sa heart failure. He was 89.

Nakilala si Blake bilang ang streetwise cop na si Tony Baretta sa crime series na Baretta na umere mula 1975 hanggang 1978. Nanalo si Blake ng Emmy Award for best drama series actor.

Nagsimula bilang child actor sa Hollywood si Blake hanggang sa makagawa siya ng maraming pelikula tulad ng Treasure of Sierra Madre. Huling pelikulang ginawa niya ay ang Lost Highway ni David Lynch noong 1997.

Noong 2001 kinasuhan si Blake sa pagplanong pagpatay sa second wife niyang si Booney Lee Baklet. Na-acquit siya sa naturang kaso noong 2005.

Pumanaw naman sa Tel-Aviv, Israel dahil sa Alzheimer’s disease ang nagbida sa 1971 musical na Fiddler On The Roof na si Topol noong March 8. He was 87.

Ang Israeli actor ang natatanging gumanap sa role na Tevye sa film and Broadway version ng Fiddler On The Roof. Tumanggap siya ng best actor nominations sa Oscars, Golden Globe at Tony Awards.

Born Chaim Topol, isa siyang stage actor at naging pinakasikat na aktor sa Israel. Lumabas din siya sa mga pelikulang Galileo, Flash Gordon, For Your Eyes Only, at sa mini-series na The Winds of War at War And Remembrance.

(RUEL J. MENDOZA)

Rep. Teves, iniimbestigahan na sa Degamo slay

Posted on: March 11th, 2023 by @peoplesbalita No Comments

ISINASAMA na sa imbestigasyon ng Department of Justice (DOJ) at National Bureau of Investigation (NBI) si Negros Oriental 3rd District Rep. Arnolfo Teves Jr. ukol sa pagpaslang kay Governor Roel Degamo.

Sinabi ito ni Justice Secretary Jesus Crispin Remulla nang tanungin sa isang panayam ang posibleng pagkakasangkot ng mambabatas.

“We are investigating anybody who has something to do with what is happening in Negros Oriental. We are not exempting anybody,” ayon kay Remulla.

Bumisita nitong Miyerkules ng gabi si Remulla kasama si Pangulong Ferdinand Marcos Jr. sa burol ni Degamo at nakausap ang mga residente. Dito niya natuklasan ang umano’y “culture of impunity” o kultura ng karahasan sa naturang lalawigan na matagal nang nangyayari.

“I think there will be more cases that will be filed about past cases that were dismissed and cases that were not attended to before,” ayon pa sa kalihim.

Nilinaw niya na hindi pa ito kaugnay sa pamamaslang sa gobernador at walong iba pa ngunit marami pang ibang kaso ng pagpatay.

“What comes out is a pattern of impunity that we did not sense before, it is something that is new to us, ngayon talaga, it’s very hard to imagine this happening before. The stories are making sense that there is a pattern of impunity in Negros Oriental,” saad ng kalihim.

Matatandaan na tinukoy na umano ng isa sa mga naarestong suspek ang mastermind sa krimen ngunit hindi muna ito inihayag ng mga awtoridad habang gumugulong pa ang imbestigasyon.

Samantala, pinauuwi na ng Kamara si Teves dahil hanggang Marso 9 na lamang ang ibinigay na palugit dito para bumalik sa bansa matapos na magtungo sa Estados Unidos.

Ito’y kaugnay ng posibleng pagsasailalim kay Teves sa imbestigasyon ng mga awtoridad kaugnay ng pagpatay kay Degamo.

Sinabi ni House Secretary General Reginald Velasco na naisyuhan ng travel clearance si Teves sa trip nito sa US mula Pebrero 28-Marso 9. (Daris Jose)

Team ‘Pinas plantsado partisipasyon sa SEAG

Posted on: March 11th, 2023 by @peoplesbalita No Comments

PLANTSADO na ang lahat para sa maayos na partisipasyon ng Team Philippines sa nalalapit na 32nd Southeast Asian Games na gagawin sa unang pagkakataon sa Cambodia sa Mayo 6-17, ayon kay Chief of Mission Chito Loyzaga.

“All preparations are in place. Aside sa malillit na problema lalo na mga technical handbook which is understandable dahil first time ng Cambodia mag-host ng SEA Games, maayos na ang lahat. We already submitted the entry by numbers, then the entry by names deadline is on Saturday (March 11). Hopefully, makumpleto natin ang lahat, although may ilang mga sports association like swimming na may internal dispute ang katatapos pa lang ng tryouts,” pahayag ni Loyzaga, pangulo rin ng baseball federation, sa kanyang pagbisita sa Tabloids Organization in Philippine Sports, Inc. (TOPS) ‘Usapang Sports’ Huwebes sa PSC Conference Room sa loob ng Rizal Memorial Sports Complex sa Malate, Maynila.

“With close coordination with the Philippine Sports Commission, iyung allowances, mga request namin for training and competition uniforms, approved na. Sa hosting naman, actually, halos lahat ng member country, naguguluhan dahil maraming pagbabago but we have to understand the fact na bagito ang Cambodia sa hosting, but as we go on naayos naman. Iyung mga hinihingi namin lalo na sa wi-fi sa Athletes Village para sa communication naibigay naman nila,” ayon pa kay Loyzaga sa lingguhang sports forum na itinataguyod ng Philippine Sports Commission at Behrouz Persian Cuisine.

Mahigit sa 1,300 ang kabuuang miyembro ng Team Philippines batay sa entry by number na isinumite ng Philippine Olympic Committee (POC), ngunit iginiit ni Loyzaga na mababago pa ito bunsod ng mga naganap na pagbabago sa dami ng events na ibinigay ng host sa bawat sports, gayundin ang pagbusara sa ilang events na nilaro sa Vietnam sa nakalipas na taon. (CARD)

LA Tenorio sumailalim sa opera

Posted on: March 11th, 2023 by @peoplesbalita No Comments

KAHIT ang Iron Man, kailangan ding maglangis ng mga pumapalyang piyesa. Kaya si LA Tenorio, nagpasya na ipaopera na ang lumalang sports hernia na nakuha pa sa finals ng PBA Commissioner’s Cup.

Martes sumalang sa surgery ang Tinyente ng Ginebra, wala na sa sidelines sa 109-104 win ng team kontra Terrafirma sa Ynares Center-Antipolo noong Miyerkoles. “He had surgery I think yesterday, and he’ll be in the hospital for the next few days,” balita ni coach Tim Cone.

Mula apat hanggang anim na linggo ang recovery period, posibleng out na si Tenorio sa nalalabi pang kampanya ng Gins sa pagdepensa sa korona ng Governors Cup.

Walang palya sa laro sa loob ng 17 years si Tenorio, 38. League record ang kanyang 744 straight games – bago napilitang gumarahe sa huling apat na laro ng Ginebra. (CARD)

Number 16 ni Paul Gasol, retirado na

Posted on: March 11th, 2023 by @peoplesbalita No Comments

Tuluyan ng niretiro ng Los Angeles Lakers ang jersey number ni retired player Pau Gasol.

Isinagawa ang isang seremonya sa Crypto.com Arena sa halftime sa laban ng Lakers kontra Memphis Grizzles.

Dito ay ipinakita ng Lakers ang number 16 na jersey ni Gasol at niretiro na nila katabi ang jersey number 24 ng namayapang si Kobe Bryant.

Taong 2007-2008 ng maitrade ng Lakers si Gasol sa Grizzles.

Naging overall number 3 pick ang Spain basketball star noong 2001 ng Atlanta Hawks.

Umabot ng anim na season si Gasol sa Lakers kung saan kasama niya Bryant na nakakuha ng kampeonato mula 2009 hanggang 2010. (CARD)

Megawide may mungkahi sa DOTr na magtatayo ng terminal exchange sa Norte

Posted on: March 11th, 2023 by @peoplesbalita No Comments

BINIGYAN ng suporta ng Department of Transportation (DOTr) ang mungkahi ng Megawide Construction Corp. na magtayo ng isang terminal exchange facility sa parting norte ng Metro Manila.

Ayon sa isang panayam kay DOTr undersecretary Mark Steven Pastor na wala pa naman silang natatangap na pormal na detalyeng mungkahi mula sa Megawide na magtatayo sila ng isang bus loop sa EDSA sa pamamagitan ng pagkakaron ng katulad ng Paranaque Integrated Terminal Exchange (PITX).

“We support the idea of building an ITX in Monumento to serve as a staging area for provincial buses coming from Northern part of Luzon. It is an absolute necessity for the government so we can sort of follow the mechanism here in the south. We will allow provincial buses to use the terminal,” wika ni Pastor.

Dagdag niya na sa ibang bansa ay talagang mayron silang mga terminal hub upang bigyan solusyon ang problema sa congestion at ng magkaron ng transport connectivity.

Sinabi rin ni Pastor na maaaring mag align ang DOTr ng mga ruta ng provincial buses na palabas at papunta sa Metro Manila upang malimitahan ang dami ng mga sasakyan na dadaan sa EDSA.

“For instance, provincial buses in Cubao can be transferred to the ITX without causing commuters any hassle with the availability of transport options to and from Monumento,” saad ni Pastor.

Kahit na suportado nila ang mungkahi ay kanila pa rin na pag-aaralan ito upang sumailalim sa isang standard na proseso bago ito ay aprobahan.

Ang Megawide ay kalahok sa bidding na gagawin para sa operasyon at pangangalaga ng EDSA Busway kung saan nila sinasabing may kapasidad sila sa route management at station development. Ang plano ng Megawide ay maghain ng isang unsolicited proposal sa pagtatayo ng ITX sa Monumento.

Sila rin ang infrastructure builder ng PITX at Mactan-Cebu International Airport. Gusto nilang magtayo ng bus loop sa EDSA na tatakbo mula sa PITX papuntang Monumento na katulad ng existing route ng EDSA carousel buses. Dahil dito makakaasa ang mga pasahero ng availability at punctuality ng mga buses.

Gusto rin ng Megawide na palawakin ang PITX ng hanggang 1.8 hectares upang magkaron ng isan pang staging area ng mga buses na nagkakahalaga ng P5 billion.

Sa ngayon, ang North Luzon Express Terminal ay siyang northern counterpart ng PITX na may kakayanan na magsakay ng 96,000 na pasahero kada araw. LASACMAR

PBBM, personal na nakiramay sa pamilya ng pinatay na si Negros Oriental Governor Roel Degamo

Posted on: March 11th, 2023 by @peoplesbalita No Comments

PERSONAL na nakiramay si Pangulong Ferdinand Marcos Jr. sa pamilya ng pinatay na si Negros Oriental Governor Roel Degamo.

“I just came here here para makiramay sa family ni governor. Nagtatanong lang kami kung ano ba yung kailangang gawin para matulungan yung mga biktima pati yung mga nasa ospital ngayon,” ayon sa Pangulo.

“Nandyan yung ibang mga kamag-anak, asawa ng mga namatay kaya’t nakausap din natin at sinabi ko lang sa kanila na makakaasa sila na magkakaroon ng hustisya dito sa inyong probinsya na naging masyadong magulo,” dagdag na wika nito.

Nangako naman ang Pangulo na bibigyan ng scholarships ang mga anak ng mga kasama ni Degamo na napatay din sa insidente at babalikatin ang medical fees ng mga sugatan.

Sa ulat, sa isang FB live ay kinumpirma mismo ni Pamplona Mayor Janice Degamo, misis ni Gov. Degamo na binawian na ng buhay ang kaniyang mister at limang iba pa kabilang ang mga staff ng gobernador matapos pagbabarilin sa kanyang bahay habang namimigay ng ayuda o 4Ps sa bayan ng Pamplona, Negros Oriental nitong Sabado ng umaga, Marso 4.

Lumilitaw rin sa imbestigasyon na tatlo ang getaway vehicles na ginamit ng mga suspect na kinabibilangan ng Mitsubishi Pajero (NQZ 735), Izuzu pickup (GRY 162) at Mitsubishi Montero (YAP 163) na inabandona sa Brgy. Kansumalig, Bayawan City, Negros Oriental. Nasa 10 armadong suspect ang nakitang tumakas sa lugar kabilang ang mga lookout.

Sa kabilang dako, nagpasalamat naman ang biyuda n Degamo na si widow Pamplona Mayor Janice Degamo sa effort ng Pangulo na bumista sa lamay ng kanyang asawa.

“Na-touch din po talaga kami. Alam ko yung pagiging President hindi madali, lahat ng kaharap niya sa araw na ito kami nakaharap niya ngayon,” ang sinabi ni Janice sa mga mamamahayag.

“We have requests. Mahirap ibigay yung justice dahil may proseso doon. That is just one of the many works President does so appreciate talaga namin,” dagdag na pahayag nito.

Sinabi pa niya na nakakalap na sila ng matibay na ebidensiya hinggil sa di umano’y mastermind.

Samantala, kasama naman ng Pangulo Justice Secretary Jesus Crispin Remulla at Interior and Local Government Secretary Benhur Abalos sa pagbisita sa lamay ni Degamo. (Daris Jose)