TUNAY ngang punum-puno ng kulay at drama ang pinagdaanang buhay ng OPM hitmaker at award-winning composer na si Rey Valera sa biopic na dinirek ni Joven Tan, ang “Kahit Maputi Na Ang Buhok Ko (The Music of Rey Valera).”

Ito ang official entry ng Saranggola Media sa first Summer Metro Manila Film Festival na magsisimula sa Sabado de Gloria, ika-8 ng Abril.

Pag-amin ni Rey sa ginanap na grand mediacon sa GloriaMaris, noong March 25 bago ang special celebrity screening ss Gateway Cinema 5, ang layunin ng pagsasa-pelikula ng kanyang buhay ay ang maka-inspire…

“Ang iniisip ko sa pelikulang ito ay para maka-inspire sa ating mga kababayan at sa mga susunod na herenasyon. Sa mga kabataan ngayon, ang impact nito ay inspiration.

Pagpapatuloy pa niya, “masasabi mo rin na intellectual ang pelikulang ito. Hindi siya sosyal at hindi rin naman siya pang-masa. Yung balancing act na ginawa ni direk dito, yun talaga ang malaking magagawa namin sa pelikulang ito, ang maka-inspire. Yun lang naman talaga ang mahalaga, na may maramdaman ka rito.”

At base nga sa napanood namin, agree kami sa sinabi ni Rey na, “Iba ito sa usual na Tagalog movie. Halu-halo siya. Hindi sya musical, hindi siya biography.

“Pero pag-uwi mo, saka mo siya ma-re-realize at sasabihin mo sa sarili mo, paano niya nagawa yun? Kung paano na-execute ang pelikula, magugulat ka.”

Matutunghayan nga sa napakagandang pelikula ni Direk Joven, ang sampung OPM megahit na pinili mismo ni Rey, na sumasalamin sa kanyang buhay at mga kwento iba’t-ibang Pilipino na kanyang nakilala at nasilayan, na katulad niya’y nakibaka at may kanya-kanyang pinagdaanan sa buhay.

Na tiyak kaming marami ang makaka-relate kapag napanood nila ang pelikulang pinag-isipan at pinagkagastuhan para mapaganda ng husto, na tagos na tagos sa puso’t-isipan.

Sa “Kahit Maputi Na Ang Buhok Ko (The Music of Rey Valera)” tiyak na maraming mai-LSS, simula sa unang kanta hanggang sa katapusan ng pelikula, na talaga namang pinalakpakan nang husto mga naunang nakapanood.

Napakahusay ng nakapasuwabeng pagganap ni RK Bagatsing bilang Rey Valera at nakakikilig ang mga eksena nila ni Meg Imperial na kanyang asawa na pinag-alayan ng kantang “Ako Si Superman” na tinanggihan ngang kantahin si Rico J. Puno (na mahusay ding naitawid ni Eric Nicolas, na kopyang-kopya pati boses.)

Nakaaaliw ang eksena nina RK at Eric, na dahil nga sa pagtanggi ay nagkapangalan din si Rey bilang singer. At may pa-bonus pa sina Direk Joven, dahil na-feature din ang pagkanta ni Rico J ng mga awiting nilikha ni Rey, ang “Daigdig ng Alaala” at “Sorry Na, Puwede Ba”, bilang tribute na rin nila sa ‘Total Performer’.

Kapansin-pansin din ang pagganap ni Rosanna Roces habang nasa sementeryo na pinagkunan ng awiting “Maging Sino Ka Man” na kung saan kaeksena niya sina Dennis Padilla at Ronnie Lazaro.

For sure, papalakpakan din ng husto ang mga eksena ni Gardo Versoza bilang bading na na-in love kay Aljur Abrenica na gumaganap na isang stuntman na gustong maging artista, na kung saan pinasok ang “Walang Kapalit” na kanta nga para sa beki ni Rey, na ni-request gawin ni Ike Lozada na ginampanan pa ni Ricky Rivero.

Remarkable din sa amin ang mga pagganap nina Gelli de Belen at Ariel Rivera (bilang mga magulang ni Rey), Lotlot de Leon, Epy Quizon at Christopher de Leon.

Kasama rin sa movie na sina Ara Mina, Rico Barrera, Josh de Guzman, Jenine Desiderio, Gian Magdangal, Carlo Mendoza, Arlene Muhlach, Pekto Nacua, Biboy Ramirez, Arman Reyes, Lloyd Samartino, Shira Tweg at Lou Veloso.

Bukod sa title ng movie at pinakasikat niyang awitin na “Kahit Maputi Na Ang Buhok Ko”, tampok din sa pelikulang magpapasaya at magpapaiyak ay ang “Kung Kailangan Mo Ako,” (na naalala namin hanggang ngayon dahil sa movie nina Vilma Santos at Edu Manzano na ‘Romansa’) “Pangako,” (ang kantang pinakamalaki ang kinita ni Rey dahil naging titulo ng pelikula at dalawang teleserye kaya napaayos ang kanyang bahay) “Mr. DJ,” (of course ang nagpasikat kay Megastar Sharon Cuneta), “Tayong Dalawa,” “Kumusta Ka,” “Kung Tayo’y Magkakalayo” (na pinagsisisihan ni Rey na kinompos dahil masyadong nakaapekto sa maraming tao) at ang isa sa gustung-gusto namin, ang hugot song din ni Rey ang “Malayo Pa Ang Umaga,” na matindi rin ang epekto at sobrang mahalaga kaya niya ito nagawa, kaya tama kung saan ito inilagay sa kabuuan ng pelikula.

Sa totoo lang, kulang ang sampung kanta na napasama sa pelikula, sa rami ng magagandang nilikha ng 68 year-old singer/composer at tv host. For sure may maghahanap ng “Hindi Kita Iiwan,” “Gabay Mo Ako,” “Ngayong Wala Ka Na,” at “Sinasamba Kita.”

Sigurado na uulitin namin ang “Kahit Maputi Na Ang Buhok Ko (The Music of Rey Valera)” sa April 8, dahil gusto ulit naming bumalik sa masasaya at malulungkot na nakaraan dahil sa mga awitin ni Rey Valera na kailan man ay hindi mabubura ilan mang henerasyon ang dumating o lumipas.

At sa rami ng mga awitin nilang nilikha na naging bahagi na ng mga buhay ng mga Pilipino, simula pa noong Dekada ’70, na hanggang ngayon ay patuloy na inaawit at nakaaantig ng mga puso, maging masaya man o malungkot.

Wish namin na mabigyan ng pagkakataon si Rey Valera na ma-nominate at mahirang bilang ‘National Artist for Music’ sa darating na panahon, dahil super deserving siya sa kanyang naiambag sa musika, telebisyon, mga pagtatangghal at pelikula.

(ROHN ROMULO)

WALA na raw sama ng loob si Paul Salas sa ex-girlfriend na si Barbie Imperial.

Kahit na maraming sinabing hindi maganda si Barbie na puwedeng ikasira ng pagkatao ng Kapuso hunk, itinanggi niya ang mga paratang nito sa kanya at pinatawad niya ito.

“Aminin ko po, ngayon lang po nawala ‘yung pagiging bitter ko sa kanya. Kasi noong time na ‘yun hindi ko matanggap na, ilabas ‘yung mga ganu’ng news about me na matagal ko nang sinasabi na hindi naman talaga totoo,” sey ni Paul sa ‘Fast Talk With Boy Abunda’.

Inamin ni Paul na na-trauma siya sa pakikipagrelasyon, hanggang sa nakilala niya ang girlfriend niya ngayon na si Mikee Quintos

“Dumaan po sa akin ‘yung trauma na, ‘yung ‘pag iniiwan ng ka-relationship, like sa girlfriend noon. Hindi ko po alam ‘yun hanggang sa makilala ko si Mikee. At parang siya pa ‘yung nakakita noon sa akin.”

Hindi naman itinanggi ni Paul na may trust issues siya. Umiiral daw sa kanya ang pagiging sobrang seloso.

“Nandoon na ‘yung trust issues ko, nandoon na ‘yung tamang hinala ko. Aminado po ako sa sarili ko, sobra akong seloso. Kasi feeling ko kaunting time lang na may makausap lang na ibang lalaking kaibigan ‘yung nagiging karelasyon ko, feeling ko lolokohin na ako.”

Pero with Mikee, unti-unti raw nawala ang pagiging seloso ni Paul at natuto siyang magtiwala ulit. Magkasama ang dalawa sa GMA Public Affairs at Viu Philippines teleserye na ‘The Write One’ na bida sina Ruru Madrid at Bianca Umali.

***

HINDI naman daw sinasara ni Bamboo Mañalac ang posibleng reunion concert nila ng former bandmates na Rivermaya.

Ayon sa The Voice Kids coach: “I will never say never. But I cannot imagine how. We can hang out in the house or have dinner, but to play again? You have to imagine how long we’ve been away from each other and what kind of family I’ve built with the guys I’m playing with now. I’m pretty loyal to my band now.”

Kasama noon ni Bamboo sa Rivermaya sina Rico Blanco, Mark Escueta, Nathan Azarcon and Perf de Castro. Iniwan ni Bamboo ang banda for a solo career in 1998. Naging malaking dagok sa banda ang biglang pag-alis niya at matagal din bago naayos ang relasyon niya sa former bandmates.

Pero tanggap na rin ni Bamboo na dahil sa nangyari 25 years ago, hindi na raw mababalik ang dating naging samahan nila ng Rivermaya: “I understand we’re all trying to make a living. I got to take care of my guys. I know Rivermaya is out there. They are doing their thing as well, as they are playing. They are sharing their music, as well.”

Ilan sa mga pinasikat na songs ng Rivermaya noong ’90s ay “Ulan”, “214”, “Hinahanap-Hanap Kita”, “Himala” at “Kisapmata”.

***

IN-ANNOUNCE ng Hollywood actress na si Reese Witherspoon ang pagtatapos ng 11-year marriage niya sa kanyang husband na si Jim Toth.

Kinasal sila noong 2011 at may isang anak na si Tennessee James (10 years old)

Kapwa sila naglabas ng official announcement via Instagram: “We have some personal news to share… It is with a great deal of care and consideration that we have made the difficult decision to divorce. We have enjoyed so many wonderful years together and are moving forward with deep love, kindness and mutual respect for everything we have created together.

“Our biggest priority is our son and our entire family as we navigate this next chapter. These matters are never easy and are extremely personal. We truly appreciate everyone’s respect for our family’s privacy at this time.”

Ito ang second divorce ng Legally Blonde star. Una siyang kinasal sa aktor na si Ryan Phillippe noong 1999 at mag-divorce sila noong 2008. Dalawa ang naging anak nila na sina Ava (23) at Deacon (19).

(RUEL J. MENDOZA)