MAKIKITA ang kislap sa mga mata ni Rita Daniela nang ipakilala na niya sa social media ang kanyang first born na si Baby Uno.

Noong December 2022 sinilang ni Rita si Baby Uno pero ngayon lang niya pinakita ang mukha nito.

Caption pa niya: “sending good vibes, love and hope to everyone. here’s my hope, my ball of sunshine and my home. my lovely son, UNO. i’m so blessed and proud to be your nanay.”

Kita naman na masayang-masaya si Rita sa buhay niya ngayon dahil sa kanyang anak. Kahit na alam niyang matagal siyang hindi muna makakapagtrabaho, happy itong nakikitang lumalaking malusog ang kanyang baby.

Marami na kasing fans ni Rita ang nami-miss siyang umarte sa teleserye at mag-perform sa ‘All-Out Sundays’. Nangako naman si Rita na kapag ready na siya, physically and mentally, babalik ulit siya sa showbiz dahil nami-miss na rin nito ang umarte at kumanta.

Pero priority niya sa ngayon ay ang kanyang baby.

(RUEL J. MENDOZA)

KAKAIBA talaga ang ‘Korina Interviews’ ni Korina Sanchez-Roxas na umeere tuwing Linggo ng hapon sa NET 25 dahil cool na cool at masarap panoorin.

At sa latest episode na pinalabas last April 30, ang magkapatid na Arjo at Ria Atayde naman ang in-interview ni Ate Koring, na kung saan kitang-kita ang closeness ng magkapatid na noong bata pa sila ay para silang aso’t-pusa, na normal lang naman sa magkakapatid, growing up.

Kakaiba na ang closeness nila noon, at sa paglaki lalo pa sila naging close at sabi pa ni Ria, “Arjo is one of my bestfriend and I think the same goes with him.”

Dagdag pa ng beautiful daugther, “It really changed, noong mas tumanda kami. Same set of friends, tapos same ng trip sa buhay. Especially now, same career. Parang the world put us close together, as erratic and gulo of life would be, we have each other.”

Sa pagsalang sa solo interview ng Representative ng QC 1st District, napa-‘sana all’ nga si Korina habang pinapakilala si Arjo na from ‘kontrabida to kongresista’, na isa ring mahusay na aktor, negosyante at higit sa lahat happy pa ang lovelife.

Anyway, kitang-kita naman na in-enjoy na si Arjo ang pagiging Congressman, lalo pa nga’t unti-unti nang natutupad ang pangarap niyang makatulong sa mga nangangailangan.

Sa naging interview ni Korina kay Sylvia last year, naikuwento nga ng premyadong aktres sa batikang broadcast journalist na bata pa si Arjo ay bukas na ang mga mata sa mga charity projects ng ina sa Nasipit, Agusan del Sur, na taun-taon ay namimigay ng ayuda sa kanilang kababayan tulad ng Pasko at Bagong Taon, at maging sa panahon ng kalamidad.

Say nga ni Korina, “ito ang revelation ng kanyang nanay, ‘Korina, wag lang magkamali, gusto talaga niyang mag-politiko. Gusto nga niyang maging Senador’, bata ka palang daw ang sinasabi mo, ‘I want to be a senator’, talaga ba?”
“Yes po, I wanted to be a senator when I was younger for a reason that, i would asked question as basic as what position do I need to be able to help a lot of people.

“Because we we’re exposed a foundations, family just helping and that the type of environment we grew up and na-adopt namin.”

Kaya noong nang-decide na siyang tumakbo sa pagiging congressman, isa lang naman ang nasa isip niya, ang makatulong sa mga tao.

Isa pa naging dahilan para siya mag-decide ay ang pandemya, kasabay pa ang pag-shutdown ng ABS-CBN na kung saan nawala din siya ng trabaho.

At sa tingin niya ay meron siyang magagawa para makatulong.

Kaya say pa ni Arjo, “I have to do may part, i want to be more responsible person, not trying to do good and not trying to prove anything at all.

“I just really want to do, what I want do, to help people.”

Natanong tuloy ni Ms. K, kung may time pa si Arjo sa ibang bagay, sa dami ng kanyang ginagawa.

Na sinagot naman ni Cong. ng, time management lang ang katapat.

Hirit naman ni Korina, ilang percent doon ang soon-to-be-wife na si Maine Mendoza.

Ang sarap ng tawa ni Arjo at sumagot na, “a lot of time. As much as I’m free po, we got to spent time together. Even during dinner or late dinner. We try to catch up, as much as possible.”

Of course natanong ni Ms. K kung kailan na nga ba ang kasal nina Cong. Arjo at Maine…

“To be honest po, we can’t also say it yet,” sagot ni Arjo.

“But we are in the process of planning for our big day and we are enjoying every bit of it, I really enjoying with her.
I’m just looking forward to it. But for now po, hindi pa namin puwedeng sabihin.”

Paniniguro pa ng premyadong aktor, “within this year at wala na, wala na pong urungan.”

Marami pang revealations sina Arjo at Ria sa ‘Korina Interviews’ na puwedeng balik-balikan sa YouTube channel ng NET25.

(ROHN ROMULO)

MATAPANG na inamin ni ‘Voltes V: Legacy’ actor na si Martin del Rosario ang kanyang nagawang pagkakamali.

Ito ay ang manguha ng mga starfish sa dagat at ilagay ang mga ito sa kanyang katawan para sa isang photo op sa beach sa Palawan.

“Kung kilala talaga ako ng mga tao sa paligid ko, hindi naman ako clout chaser. Actually sobrang private ako na tao,” umpisang pahayag ni Martin sa “Fast Talk with Boy Abunda” nitong Biyernes tungkol sa pananaw niya kung bakit tila lapitin siya ng bashing.

“‘Yung totoo, hindi ko talaga alam na kapag tinanggal ang starfish sa water mamamatay sila kasi, I mean ang daming species ng starfish. Hindi ko alam kung anong species ‘yung kinuha ko,” pag-amin ng aktor tungkol sa isyu.

Gayunman, sinabi niya ring nakatanggap siya ng mga panghuhusga mula sa ilang tao.

“Tingin ko naunahan ako ng judgment ng mga tao.”

Kuwento ni Martin, nagpapahinga siya noon sa beach nang may makita siyang grupo ng mga foreigner na naglalaro ng mga buhangin at mga starfish, bago sila tinawag ng kanilang bangkero.

“Ako curious, pumunta ako sa spot nila, nakita ko ‘yung mga starfish, nagandahan ako, nilagay ko sa katawan ko.

Hindi naman siya ‘yung as if hinanap ko sa tubig ‘yung mga starfish isa-isa,” paglalahad ni Martin.

“Nilagay ko kasi naaliw ako dahil ang daming starfish,” dagdag niya.

Ayon kay Martin, halos dalawang minuto tumagal ang kaniyang photo op.

Tinanong ni Tito Boy kung may nagpaalala kay Martin na delikado para sa mga starfish kapag inaahon ito mula sa tubig.

“‘Yun naman ang, sasabihin kong hindi ko talaga alam. Gusto kong magpasalamat sa mga nag-inform sa akin or nag-educate sa akin.

“Pero doon sa mga nag-spread lang ng hate or nam-bash, hindi talaga ako pumapatol,” pahayag pa ni Prinsipe Zardoz ng Voltes V: Legacy.

“Lumalabas doon sa komentaryo, kasi kung komentaryo na mali ang ginawa mo, I think it’s something that we should take with open hearts and arms, because you learned from your own mistakes and experiences,” payo naman ng King of Talk kay Martin, bagay na sinang-ayunan ng aktor.

***

BIGLAANG nagkaroon ng anniversary moment ang celebrity couple na sina Ryan Agoncillo at Judy Ann Santos noong Biyernes, April 28 sa ‘Eat Bulaga!’

Bibisita lang sana si Judy Ann sa kaniyang asawa na si Ryan sa trabaho nito pero hindi niya inakala na haharap siya sa mga Dabarkads.

Isinama kasi siya ng kanyang asawa sa stage ng noontime show kung saan naroroon ang iba pang co-hosts nito.

Pagtuntong ni Judy Ann sa stage dito na siya binati ni Ryan ng happy anniversary (14 years na silang kasal) at ng iba pang Eat Bulaga hosts gaya nina Joey De Leon, Allan K, Paolo Ballesteros, Wally Bayola, at Jose Manalo.

“Patunayan niyo naman na anniversary niyo,” tukso ni Joey kina Ryan at Judy Ann.

Dito na live na nagbigayan ng matamis na halik ang dalawa sa isa’t isa sa harap ng maraming Dabarkads.

(ROMMEL L. GONZALES)