2023 May Archive - People's Balita

July 5, 2024
Search in People's Balita
Ang Diyaryong Pinagkakatiwalaan

Archive for May, 2023

PBBM, muling nanawagan kay Cong. Teves na umuwi na ng Pinas

Posted on: May 13th, 2023 by @peoplesbalita No Comments

PINAYUHAN ni Pangulong Ferdinand R. Marcos Jr. si Negros Oriental Rep. Arnolfo Teves Jr. na magbalik-Pinas na at harapin ang alegasyon laban sa kanya ukol sa pagpatay kay Negros Oriental governor Roel Degamo at iba pa.

“Come home. That’s the best advice I can give him. Come home,” ayon kay Pangulong Marcos bilang tugon sa tangong kung ano ang maipapayo niya sa mambabatas.

Kinapanayam ang Pangulo ng mga miyembro ng media habang lulan ito ng PR 001 habang pabalik ng Pilipinas matapos dumalo sa 42nd ASEAN Summit sa Labuan Bajo, Indonesia.

Ayon sa Pangulo, sinabi sa kanya ni Timor-Leste Prime Minister Taur Matan Ruak sa kanilang bilateral meeting na humirit ng political asylum si Teves sa huli.

“Yes. It turns out that Congressman Arnie Teves applied for political asylum but was denied. Ganun lang. So I think they will continue to be — to go to the process,” ang pagbubunyag ng Pangulo.

“May appeal process para sa — those who are applying… but na-deny so we’ll just wait for the process to complete,” anito.

Dahil dito, pinasalamatan naman ng Pangulo si Ruak para sa agarang pag-aksyon sa aplikasyon ni Teves.

Malugod aniyang ikinatuwa ng gobyerno ng Pilipinas ang mabilis na desisyon ni Rual dahil mas magiging mabilis na aniya na maibabalik sa Pilipinas si Teves para sagutin ang alegasyon laban sa kanya.

Samantala, iniulat naman ng Department of Foreign Affairs (DFA) na binasura ng Timor-Leste ang aplikasyon ni Teves’ para sa political asylum at ipinag-utos dito na kaagad na lisanin ang bansa sa loob ng limang araw. (Daris Jose)

Sikat talaga ang loveteam nila: SOFIA at ALLEN, ‘di makapaniwalang kasama sa sitcom ni Bossing VIC

Posted on: May 13th, 2023 by @peoplesbalita No Comments

PINAKASIKAT na young loveteam ngayon sa Kapuso network ang Sparkle loveteam na AlFia nila Allen Ansay at Sofia Pablo.

Naging patok ang loveteam nila sa mga teleserye na ‘Prima Donnas: Book 2’, ‘Raya Sirena’ at ‘Luv Is: Caught In His Arms’. May natapos na rin silang digital series para sa GMA Public Affairs na ‘In My Dreams’.

Ngayon ay kasama ang AlFia loveteam sa upcoming sitcom na ‘Open 24/7’ na pinagbibidahan nila Vic Sotto, Jose Manalo, at Maja Salvador.

Natuwa sina Sofia at Allen dahil unang sitcom ito na gagawin nila at kasama pa nila si Bossing Vic.

“Sinabihan kami ni Sofie na may Zoom kami dahil may bago raw kaming sitcom. Tapos hindi pa namin alam nung una na kasama namin sila Bossing. Tapos nung nalaman namin, sabi namin, ‘yung mga pinapangarap lang namin dati na maka-work, napapanood lang namin sa TV ay makakasama na namin ngayon,” kuwento ni Allen.

Si Sofia naman ay na-starstruck sa mga artistang nakasama sa Zoom storycon nila ng ‘Open 24/7’.

“Akala po kasi namin, nung natanggap namin ‘yung text, kasi biglaan lang talaga. So, hindi pa po namin alam, kung sino ‘yung cast, ‘tapos nagulat po kami. Pagbukas ng Zoom, andun si Bossing Vic Sotto, si Sir. Jose Manalo, si Miss Maja Salvador.”

Di napigilan ni Sofia na maiyak sa mediacon at sinabing hindi siya makapaniwala na part siya ng ‘Open 24/7’: “Masarap sa feeling. Kasi looking at them here po right now sa harap po. Nakaka-proud po sa amin kasi before we really dream lang po na magkaroon ng mga project.

“Pero, we never imagine na makaka-work namin sila. I just remember watching them before. I’m so happy, kasi ngayong kumakain kami sabay-sabay sa set. And then, umaarte kami harap-harapan ng comedy.”

***

HINDI na napigilan na i-post ni Joaquin Domagoso ang latest photos ng anak niyang si Scott sa social media.

First time daw na nag-post si Joaquin ng maraming photos ni Baby Scott at proud na proud siyang gawin ito para makilala na ng marami ang anak nila ng girlfriend na si Raffa Castro.

Caption ni Joaquin: “Baby ko si kulot, inaalis n’ya’ng aking lungkot — Dada loves you.”

Pinusuan ng maraming netizens at nakatanggap ng maraming positive comments ang photos ni Baby Scott. Bakit nga naman daw itatago ang anak nila kung sobrang cute ito?

July 2022 noong kumalat ang balitang nagkaroon na ng apo si former Manila Mayor Isko Moreno at actor-turned-newscaster na si Diego Castro. Nagkaroon na nga ng photo sa Instagram ang dalawang lolo kasama si Baby Scott.

Masaya naman daw ang dalawang lolo sa pagtanggap ng marami sa kanilang apo. Nakagaan daw sa kanilang dalawa ang paglabas na ng photo ni Baby Scott at maganda ang pagsasama ng mga magulang nito.

***

SA edad na 79 ay naging tatay ulit ang Oscar-winning actor na si Robert De Niro.

Inaming ng veteran Hollywood star na sinilang na ang ikapito niyang anak, pero hindi niya sinabi kung lalake o babae ba ito.

“I just had a baby,” sey ni De Niro sa Entertainment Tonight habang nagpo-promote ito ng bago niyang comedy film titled About My Father.

May dalawang anak si De Nito sa unang asawa niyang si Diahnne Abbott. Dalawa rin ang anak niya sa socialite na si Grace Hightower na hiniwalayan niya noong 2018. May twin boys naman siya sa model na si Toukie Smith.

Kabilang si De Niro sa mga tulad nila George Lucas, Charlie Chaplin at Mick Jagger na nagkaroon pa ng anak in their 70’s.

(RUEL J. MENDOZA)

‘Venom 3’ Is Reportedly Set to Start Filming, Tom Hardy returns as Eddie Brock

Posted on: May 13th, 2023 by @peoplesbalita No Comments

TOM Hardy’s return as Eddie Brock looks to be sooner than expected, as Venom 3 is reportedly getting ready to start filming.

Sony’s Spider-Man Universe is going forward with new characters from the web-slinger’s rogue’s gallery, but the franchise is also set to finish the player who started this universe to begin with: Venom. Hardy, who has played Eddie Brock since 2018, is set to reprise the role of the iconic Marvel antihero as Venom 3 has been in pre-production since February.

While several films have been affected by the ongoing Writers Guild of America strike, it appears Venom 3 is not going to be one of them. In a new report from Production List, the outlet reports that Venom 3 is looking to start principal photography as early as June 5. Filming is apparently going to be taking place in London as well as Los Angeles. At the time of this story’s publication, Sony Pictures has yet to comment on Venom 3’s supposed production start.

While Sony Pictures has been keeping story details under wraps for Venom 3, there is another big mystery that they have yet to address. With Venom 3, it will complete Hardy’s trilogy in Sony’s Spider-Man Universe, but it’s unclear if this is going to be the actor’s finale time as the iconic Marvel character. Even though the franchise is continuing, Sony Pictures has remained quiet about Hardy’s future after Venom 3 as other characters come into play.

It wouldn’t be shocking if this is Hardy’s swan song as Eddie/Venom, with a trilogy finale being perhaps the right place to wrap things up. A lot of it may also come down to how Venom 3 does critically and commercially to determine if the Symbiote’s time on the big screen is done or not. It would seem odd for Hardy to be done as Venom after this film and not even cross paths with other characters in Sony’s Spider-Man Universe.

For the time being, it’s likely wise to look at Venom 3 as Hardy’s possible last film since there has been little to no word about his future in the franchise after the sequel. It’s also interesting that despite looking to start filming next month, Sony Pictures has yet to even announce a release date for the film. (source: screenrant.com)

(ROHN ROMULO)

DOTr may plano na kumuha ng solicited proposals ng NAIA rehab

Posted on: May 13th, 2023 by @peoplesbalita No Comments

MAY PLANO ang Department of Transportation (DOTr) na isulong ang kanilang plano na kumuha ng mga solicited proposals para sa rehabilitation ng Ninoy Aquino International Airport (NAIA).

Inaasahan ng DOTr na makapagbibigay ng rekomendasyon ang Asian Development Bank (ADB) para sa rehabilitation ng NAIA ngayon darating na June.

Ang nasabing rekomendasyon ay gagamitin ng DOTr upang gumawa ng draft para sa terms of reference (TOR) na gagamitin sa solicited proposals ng operasyon at maintenance ng NAIA.

Noong nakaraang March, ang Manila International Airport Consortium (MIAC) ay nagbigay ng unsolicited proposal upang mag rehabilitate ng NAIA kung saan naglalayon ang consortium na doblehin ang passenger capacity nito sa 62.5 miilion kada taon.

Ang nasabing consortium ay binubuo ng anim (6) na infrastructure developers na ang may-ari ay ang mga pinakamayaman na mga tycoons sa Philippines.

“The DOTr will study the unsolicited proposal filed by the Manila International Airport Consortium (MIAC) to invest P100 billion for the modernization of NAIA. At present, the agency is checking whether the offer complied with all the required documents. The initial study is to have a solicited proposal. That is the reason we engaged ADB, for us to be able to entertain a solicited proposal. Since, there is the unsolicited proposal, we have to work on it. We are given 35 days to do the completion check and that is what we are doing,” wika ni DOTr Secretary Jaime Bautista.

Sinabi rin ni Bautista na may plano sila na gamitin ang rekomendasyon ng ADB sa pag assess ng proposal ng MIAC dahil walang kasiguraduan na ang offer ay mabibigyan ng approval kahit na may proposed na budget na nagkakahalaga ng P100 billion.

Kapap pinagpatuloy ang plano ng DOTr na gawing solicited bidding, ang mga proponents ay kinakailangan magkaron ng calibration ng cost at design ng kanilang proposal based sa TOR na ginawa ng pamahalaan.

Ang ADB ay nakikipag trabaho sa DOTr upang ihanda ang mga technical studies tulad ng market sounding at traffic report na siyang magsisilbing framework sa paggawa ng TOR para sa privatization ng NAIA.

Ang NAIA ay siyang pinaka abalang airport sa Philippines na may passenger capacity na 31 million kada taon. Noong 2019, ang nasabing gateway ay nakapagtala ng paglalakbay ng 48 million na visitors kung kaya’t kailangan na itong sumailalim sa expansion at upgrade upang mabigyan ng magandang serbisyo ang tumataas na bilang ng mga pasahero.

Samantala, ang grupo ni businessman Manuel Pangalinan na may control sa Manila Electric Co. ay nagbigay ng offer sa DOTr upang sila ang gumawa ng electrical audit sa NAIA na walang bayad. LASACMAR

First Pinoy endorser ng sikat na eyewear: DINGDONG, proud sa bagong endorsement at nakikita ang billboard sa Times Square

Posted on: May 13th, 2023 by @peoplesbalita No Comments

PROUD si Dingdong Dantes dahil sa kanyang bagong endorsement.

Bakit nga ba hindi, ‘di-hamak na institusyon ng matatawag at may legacy na ang bagong endorsement sa buong mundo, ang Police eyewear.

At isang malaking karangalan nga rito na sa Pilipinas, si Dingdong ang kauna-unahang Pinoy na kinuha bilang celebrity endorser nito.

Ang naging Instagram post ng Kapuso Primetime King dito, “Excited to announce that I’m now the first Filipino endorser of Police Eyewear! As someone who values style and function, I’m proud to represent a brand that offers both.

“And as a firm believer in defying norms and making a difference, it’s an honor to join the audacity movement with Police Eyewear.”

Bukod dito, very proud din na ipinost ni Dingdong na katulad ng ibang local celebrities, makikita na rin ang billboard niya sa Times Square.

Tinawag niyang multi-tasker ang sarili dahil habang nagte-taping daw siya para sa ‘Amazing Earth’, ang campaign photo naman niya ay ipina-flash sa Times Square.

“Just call me the master of multitasking with my Police shades on, of course.”

****

PURING-PURI ng Regal Entertainment producer na si Roselle Monteverde ang lead actor ng pelikulang horror na “Ang Mga Kaibigan ni Mama Susan” na si Joshua Garcia.

Siyang tunay rin naman dahil kahit ang mga nakapanood ng premiere night ay pinupuri ang actor na mula umpisa ay siyang nagdala ng movie.

Pre-pandemic at kasagsagan pa ng pandemic nang gawin nila ang movie. Kaya halatang bagets na bagets pa si Joshua pero napag-topless ito.

Inamin ni Joshua na nagkaroon din siya ng hesitation pero, hindi naman daw siya kinailangang pilitin ng director na si Direk Chito Roño, “Meron siyempre, pero hindi naman niya ako kinailangang pilitin. Ginawa ko na lang siya kasi kailangan. At kahit wala akong katawang maipapakita…”

Hiniritan naman si Joshua na, “may katawan na siya ngayon?”

“Hindi ko sinasabi,” natawang sabi niya.

“Pero mas wala akong katawan noon, 2019, ilang taon ako? Twenty-one, twenty-two, ang sarap kumain at that time.”

Sa movie, solo talaga ito ni Joshua dahil wala siyang kasamang karaniwang leading lady o ka-loveteam.

“Masarap sa pakiramdam kasi, ang dami kong ginagawa na puro may loveteam. This time, parang bago rin sa akin at masaya ko na nasubukan ko siya.”

Sey pa niya, “It’s my first solo movie and lead ako with Regal. Gusto ko lang din silang maka-trabaho, gusto kong ma-experience na mag-trabaho sa kanila, ‘di ba?

“First ko rin ‘to kay Direk Chito and masaya lang ako. Kung ano mangyari, mangyari. There’s no stopping.”

Wala rin daw problema kay Joshua kung sa Prime Video ito mapapanood at hindi sa mga sinehan.

(ROSE GARCIA)

De Lima inabswelto ng korte sa ika-2 kaso kaugnay ng droga

Posted on: May 13th, 2023 by @peoplesbalita No Comments

IBINASURA ng isang korte sa Muntinpula kahapon Biyernes ang ikalawang kasong kinakaharap ni dating Sen. Leila de Lima kaugnay ng iligal na droga — ito matapos aminin ng isa sa mga susing testigo na gumawa siya noon ng pekeng alegasyon laban sa akusado.

Nakita ng Muntinlupa Regional Trial Court Branch 204 na hindi totoong tumanggap si De Lima ng P10 milyon mula sa ilang Bilibid inmates upang pondohan ang kanyang 2016 senatorial campaign, perang nanggaling diumano sa iligal na kalakalan ng droga sa loob ng New Bilibid Prison.

Dahil dito, dalawa na sa tatlong kaso kaugnay ng iligal na droga ang naipapanalo ng opposition figure. Matatandaang inabswelto rin noong 2021 si De Lima sa ibang kaso kaugnay ng droga.

Sa kabila nito, gumugulong pa ang isang kaso ang dating senadora kung kaya’t mananatili pa rin siya sa kulungan.

“I am of course happy that with this second acquittal in the three cases filed against me, my release from more than six years of persecution draws nearer. I am extremely grateful to all those who stood by and prayed for me all these years,” dagdag pa ni De Lima sa hiwalay na pahayag.

“Nagpapasalamat ako sa lahat ng naniwala at sumama sa aking laban. Hindi ninyo ako iniwan. Hindi ninyo ako pinabayaan. Maraming salamat sa inyong paninindigan na balang araw ay makakamit ko ang katarungan, lalaya, at makakasama kayong muli.”

Patuloy din daw lalaban ang kanilang kampo upang makamit ang katarungan. Patunay daw itong hindi pa ito ang katapusan.

Isa si Former Bureau of Corrections Officer-in-Charge Rafael Ragos sa mga nag-atras ng kanyang testimonya noon laban kay De Lima matapos sabihing pinwersa siya noong magsinungaling laban sa akusado.

Una nang sinabi ni Ragos na kinita siya noon si dating Justice Secretary Vitaliano Aguirre noong 2021 at pinilit umamin sa bagay na hindi nangyari. Ginawa raw niya ito upang hindi idawit sa kaso at sa halip gawin pang testigo.

Itinatanggi naman ito hanggang ngayon ni Aguirre.

Maliban kay Ragos, kumambyo rin noon sa kanilang akusasyon ang self-confessed drug lord na si Kerwin Espinosa at ang kanyang driver-bodyguard na si Marcelo Adorco. Binawi na rin ng kanyang kapwa akusado na si Ronnie Dayan, dati rin nyang aide, ang mga sinabi laban sa senadora.

“The Court acquits both accussed [De Lima and Ronnie Dayan] on the ground of reasonable doubt,” wika ng ruling na nilagdaan ni Presiding Judge Abraham Joseph Alcantara.

“The general rule is that recantations are hardly given much weight in the determination of a case and in the granting of a new trial. The rare exception is when there is no evidence sustaining the judgement of conviction other than the testimony of a witness or witneeses who are shown to have made contradictory statements to the material facts under which circumstances the court may be led to a different conclusion.”

“Under the circumstances of this case, the testimony of witness Ragos is necessary to sustain any possible conviction. Without his testimony, the crucial link to establish conspiracy is shrouded with reasonable doubt. Hence, this Court is constrainted to consider the subsequent retraction of witness Ragos. Ultimately, the retraction created reasonable doubt which warrants the acquittal of both accused.”

Kilalang human rights advocate si De Lima at kritiko ng madugong war on drugs ni dating Pangulong Rodrigo Duterte, bagay na pumatay na nang libu-libo. Sa palagay ng ilan, pagdidiin ito sa kanya noon ng dating administrasyon.

Anim na taon nang nakakulong si De Lima para sa mga naturang kaso simula pa noong Pebrero 2017, dahilan para ipanawagan nang maraming grupo pati na ng international community ang kanyang paglaya. (Daris Jose)

Nagparehistro ng SIM, 95 milyon na

Posted on: May 12th, 2023 by @peoplesbalita No Comments

UMABOT na sa 95 milyon ang bilang ng mga SIM cards na nakarehistro o katumbas ng 56.56% ng halos 169 milyong telco subscribers sa bansa.

Sa pinakahuling tala ng National Telecommunications Commission (NTC), mula sa kabuuang SIM card registrants noong May 8, pinakamataas ang nakarehistro sa Smart Communications Inc., na nasa 44,982,292 o 67.84% ng kanilang subscribers.

Sinundan ito ng 43,709,775 sa Globe Telecom Inc., o katumbas ng higit kalahating porsyento na ng kanilang subscribers habang 6,337,347 ang nakarehistrong SIM sa DITO Telecommunity.

Patuloy namang hinihikayat ng NTC at DICT ang publiko na samantalahin ang extension ng SIM registration hanggang sa July 25 na extended deadline para sa pagpaparehistro.

After seven years, nagbabalik sa first solo tour: BEYONCE KNOWLES, tinatantiya na kikita ng higit sa $2 billion

Posted on: May 12th, 2023 by @peoplesbalita No Comments

HINAHANGAAN ni Glaiza De Castro ang kanyang kaibigang si Angelica Panganiban sa pagiging totoo nito.

Kahit daw mataray ang tingin ng ibang tao, ‘yun daw ang pagiging totoong tao nito.

“Kaya rin kami naging friends ni Angelica dahil nakita ko sa kanya ‘yung sincerity, na kung ano ‘yung nasa isip niya ‘yun talaga ‘yung sasabihin niya. ‘Yun po ‘yung minsan nakakatakot sa mga tao, na ang daming sinasabing mga magagandang bagay sa ‘yo pero pagtalikod mo, iba na ‘yung sinasabi.

“Siya (Angelica), kung pangit ‘yung sinasabi niya sa ‘yo sa harap mo, asahan mo na ‘yun talaga ‘yung opinyon niya sa ‘yo,” sabi pa ng bida ng ‘The Seed Of Love’.

Kaya naman daw naging tapat din si Glaiza kay Angelica na kaibigan niya for 15 years. Bukod kay Angelica, kaibigan din ni Glaiza ang iba pang empowered women tulad nina Maxene Magalona, Chynna Ortaleza, Sheena Halili at Rochelle Pangilinan.

“Sa akin lang, feeling ko lang kapag nagsasama-sama kami, mas na-e-empower nila ako, ‘yung energy nila na nakukuha ko. Sa life, meron kang kasama na mga matitikas na mga babae na handa rin sumama sa ‘yo sa laban mo,” sabi ni Glaiza.

***

INIHAYAG nina Epy Quizon at Gabby Eigenmann na mali ang paniniwala ng iba na madaling nakapasok sa showbiz industry kapag anak ng artista.

Inilahad din nila ang disadvantage kapag mula sa angkan ng mga celebrity.

“Akala nila madali para sa amin na makapasok ng industriya kasi anak ka ni Dolphy or anak ka ni Ralph (tunay na pangalan ni Mark Gil). Akala nila madali. Pero pagpasok mo, ikukumpara ka agad sa mga kapatid mo, sa tatay mo. ‘Yun ‘yung maling expectations ng tao,” sabi ni Epy.

Ayon naman kay Gabby: “It was an advantage na anak ka ng artista or galing ka sa angkan ng mga artista. It was an advantage, a stepping stone, easier way to show business.

“Pero ang problema lang is they expect you to be as good as your dad or as good as your tito. Sabihin nila ‘Sana kasing galing niya ang lolo niya si Eddie Mesa.’ It was a pressure, pressure para sa amin ‘yon.

“Misconception nga is akala nila it was easier for us. Mahirap kasi they tend to compare nga eh. I-e-expect nila na kasing galing mo, pero iko-compare nila na ‘parang mas magaling pa rin ang daddy mo, mas gwapo ang daddy mo.”

Parehong kasama sina Epy at Gabby sa big cast ng top-rating primetime series na ‘Voltes V: Legacy’.

***

AFTER seven years, muling nagbabalik sa kanyang first solo tour si Beyonce Knowles.

Nagsimula first leg ng kanyang ‘Renaissance World Tour’ sa Stockholm, Sweden at susunod na ang 57 city tour sa Europe and North America.

Huling tour ni Queen Bey ay noonng 2016 at dahil sa excitement ng kanyang fans sa buong mundo, sold-out na ang ilang venues na pagdarausan ng kanyang tour. Tulad na lang sa Stockholm, na-sold out ang 60,000 seating capacity ng Friends Arena. Nagkakahalaga ang ticket between $150 to $1,000.

Bongga ang stage production ni Queen Bey dahil disco themed ito. Bukod sa kanyang dancers at live band, may ilang pasabog ito tulad ng pagsayaw nito na may giant robot arms at may image ng isang silver alien dancer na nagsasayaw sa ibabaw ng disco ball.

Ang estimate na kikitain ni Queen Bey sa tour niyang ito ay $2.1 billion!

(RUEL J. MENDOZA)

Ads May 12, 2023

Posted on: May 12th, 2023 by @peoplesbalita No Comments

Pangako nina PBBM, Vietnamese PM, palalawakin ang ugnayan sa agrikultura

Posted on: May 12th, 2023 by @peoplesbalita No Comments

KAPWA sinang-ayunan nina Pangulong Ferdinand Marcos Jr. at Vietnamese Prime Minister Pham Minh Chinh na palawakin ang kanilang kooperasyon pagdating sa usapin ng agrikultura.

Sa idinaos na bilateral meeting sa Indonesia, kapuwa rin nangako ang dalawang bansa na palakasin ang kanilang partnership pagdating sa usapin ng kalakalan at pamumuhunan, turismo at maging sa tanggulan at seguridad.

Binigyang diin naman ni Pangulong Marcos ang yumayabong na kalakalan sa pagitan ng dalawang bansa partikular na sa agricultural products.

Sinabi ng Pangulo, napakahalaga nito sa food supply ng bansa.

“I think that the market is ripe for continued development in the areas of course as I mention, in agriculture, transfer of technologies for climate change, the different areas that we have been looking at also at specific products that Vietnam has been successful at,” ayon kay Pangulong Marcos.

Hindi rin lingid sa kaalaman ng Punong Ehekutibo na nag-improved o naging maayos na ugnayan sa pagitan ng dalawang bansa sa tulong ng pribadong sektor.

Aniya, panahon na para sa dalawang pamahalaan na makahabol sa pribadong sektor at “strengthen our relationship to be beyond just in trading in rice.”

Winika pa ng Pangulo na nakikita niya ang Vietnam bilang mahalagang katuwang pagdating sa rehabilitasyon ng Philippine tourism sector kasunod ng lockdown na ipinatupad dahil sa COVID-19 pandemic.

“So I think that this is an important area to… for us to develop stronger relations. Because that is the way that we will derive strength from each other, from ASEAN, from our member states, from also our agreements that we make between the two countries,” anito.

“I think is something that we, the Philippines, are ready to initiate and we will after this start to make contact especially between our foreign service and eventually maybe even with our military leaders,” dagdag na pahayag ni Pangulong Marcos.

Para naman kay Pham, nangako ito na makikipagtulungan sa Pilipinas hinggil sa trade promotion, naglalayong ipagpatuloy na i-diversify ang supply chains at kalakalan sa pagitan ng dalawang bansa.

“When it comes to products… we can afford to provide a long term strategic supply to the Philippines, to continue to try to do so by tasking with the ministries and agencies to work on said matters because we do have great empathy with sympathy for the Philippines, in the natural disaster that they often have to come across,” ayon kay Pham.

“And if you can ensure a long term strategic cooperation in the provision of such goods both and ensure stability both in terms of the goods themselves and have their price, that would help us to be better resilient to external shocks in the years to come,” lahad nito.

Samantala, humingi naman ng suporta ang Vietnamese leader sa Pilipinas para sa kandidatura ng Vietnam para sa iba’t ibang United Nations-led organizations, kabilang na ang UN Human Rights Council, UN Security Council, ang Presidency ng 91st session ng United Nations General Assembly, at maging ang UN Commission on International Trade. (Daris Jose)