ITINAKBO sa ICU ng isang New York City hospital ang singer na si Madonna pagkatapos itong makitang unresponsive.

Na-intubate ang 64-year old singer at ang latest ay natanggal na yung tube at nasa recovery stage na ito.

Ayon sa longtime manager ni Madonna na si Guy Oseary: “She developed a serious bacterial infection which led to a several day stay in the ICU.”

Out of the ICU na ang Vogue singer pero nasa ilalim pa rin ito sa medical care.

Kelan lang ay naka-graduate na sa elementary school ang 10-year old adopted twins niya na sina Estere and Stella.

“2 Kweens!!!! Happy Graduation!” caption ni Madonna sa Instagram.

Earlier this year, in-announce ng singer ang kanyang “Celebration” tour in honor of the 40th anniversary of her music career.

The 84-date global trek was expected to kick off July 15 at Rogers Arena in Vancouver, pero dahil sa pagkakaospital ni Madonna, postponed muna ang concert dates until further notice.

Huling tour ni Madonna was in 2019 for her “Madame X” album.

Ang kanyang Sticky & Sweet Tour, which ran from August 2008 to September 2009, ang highest-grossing tour ever by a female artist.

***

MINSAN na raw naisipang ng award-winning actor na si Christian Bables ang tumigil na sa showbiz dahil sa biglang pagkakaroon ng lockdown.

Kung kelan daw papaganda na ang career niya ay bigla raw nagkaroon ng pandemic at ang pagkawala pa ng prangkisa ng ABS-CBN 2.

“Oo, nagdaan ako noon sa parang, ‘Ayaw ko na,’ Noong pandemic, I felt like mas mahahanap ko ang mga taong magba-value sa kung ano ang kaya kong gawin as an actor sa ibang lugar kaysa dito.

“Kasi ‘yung craft ko is being recognized outside the country. Medyo pumasok siya sa mind ko. Later on napatunayan ko na medyo hindi ako tama roon sa naiisip ko kasi nandiyan lang pala sila, kailangan ko lang hintayin,” sey ni Christian sa programang ‘Magandang Buhay’.

Isang dekada raw na hinihintay ni Christian ang kanyang big break sa showbiz. Kung anu-anong roles daw ang tinanggap niya basta makaarte lang siya at mapansin ng mga direktor.

Kung hindi raw dahil sa manager niyang si Jeffrey Ambrosio, hindi raw niya mararating ang kinatatayuan niya ngayon.

“Ten years ago pinangarap ko lang ito. Dati noong nag-aaral ako, kapag may dumadaan na ABS-CBN na van nagpapapogi ako kasi feeling ko si Ma’am Charo ang nasa loob.

“Feeling ko hindi ko makukuha ang mga dreams ko, at hindi ko makukuha ang kaginhawahan na mayroon ako ngayon, and I don’t think I’d be this happy kung di ko na-reach ang dreams ko. At si Sir Jeff ang naging door para makapasok ako roon. Thank you for not leaving me.

“Kung saan man ako dalhin nitong mga dreams ko, I promise I will be true to my words noong sinabi ko na lahat ng mga tao na tumulong sa akin, lahat ng mga tao na nakita kung ano ang kaya kong ibigay, kaya kong ipakita ay dadalhin ko ‘yon kahit saan ako mapunta.

“Isasama ko kayo with me,” sey pa ni Christian na nanalo ng maraming acting awards para sa mga pelikulang ‘Born Beautiful’, ‘Big Night’ at ‘Signal Rock’.

(RUEL J. MENDOZA)

NAG-LAST shooting day na pala ang BarDa love team nina Barbie Forteza at David Licauco ng kanilang first movie-team-up, ang “That Kind of Love.” 

Sinurpresa sila ng kanilang mga official fan groups, na nag-set ng isang car na ang trunk ay pinuno nila ng purple and silver balloons, streamers ant printed photos ng mga idolo nila.

Pinost naman ito ng Sparkle GMA Artist Center, matapos bigyan din nila sina Barbie at David ng bouquets and cake.

Matatandaan na umalis sina  Barbie at David for South Korea para mag-shoot ng mga eksena nila for “That Kind of Love,” matapos ang top-rating historical fantasy portal series nilang “Maria Clara at Ibarra” with Dennis Trillo and Julie Anne San Jose, na tumanggap din ng iba’t ibang awards here and abroad.

Bago rin sila nag-shoot ng movie, they also worked together for Ben&Ben’s “The Way You Look at Me” music video and a three Sunday’s episodes ng “Daig Kayo Ng Lola Ko,” for GMA-7.

Nag-enjoy ang magka-love team sa South Korean shoot nila, dahil nakapunta sila sa mga lugar doon na madalas ay nakikita natin sa mga Korean dramas na ipinalalabas dito sa bansa natin.  In-enjoy din nila ang Korean food na mga paborito ni Barbie.

Ngayong tapos nang mag-shooting ang BarDa loveteam, ready na silang simulan ang taping ng isang teleserye na magtatampok sa kanilang dalawa for GMA Telebabad.

***

LALONG naging controversial si Kapuso actor at “Eat Bulaga”  host Paolo Contis, na sunud-sunod din ang projects, the latest nga ay ang movie niyang “Ang Pangarap Kong Oskars,” nang hindi sumipot sa premiere night at celebrity screening ng movie ang girlfriend niyang si Yen Santos.  Bakit daw hindi sinuportahan ni Yen si Paulo, o totoo bang break na sila, dahil question din sa kanila na hindi nagpo-post sa socmed ang celebrity couple.

Kaya sinagot na ito ni Paulo, na hindi nila kailangang ipangalandakan pa kung ano ang nangyayari sa personal nilang buhay, para lang ipakitang sweet sila sa isa’t isa.

Dagdag pa ni Paulo, “I will never put her in that position.”

At sa tanong kung may possibility ba na umabot sa kasalan ang kanilang relasyon, sagot ni Paolo: “Eventually, pupunta naman dun, pero marami pa akong dapat ayusin.  Oo naman, bakit hindi!”

Sa kabila raw ng pagiging busy ni Paolo, napaglalaanan din naman niya ng oras si Yen.  Meanwhile, very soon ay malamang daw mag-tape muna si Paolo ng segment niya sa “Eat Bulaga,” dahil paalis siya for a movie shoot abroad.

***

MARAMING nagsasabi na healthy competition daw ng mga noontime shows simula ngayong Saturday, July 1, na sabay-sabay mapapanood ang “Eat Bulaga” ng TAPE, Inc. sa GMA-7, ang “It’s Showtime” na nag-sign-up na with GTV na under din ng GMA, at ang “TVJ at Dabarkads” sa TV5, at 11:30 am to 2:30 pm.

Natanong dito si Kuya Kim (Atienza) na dating co-host ng “It’s Showtime,” pero ngayon ay nasa GMA Network na rin siya?

“I’m happy for them. @itshowtimena will always be family regardless of stations.  Life is like that.  Nothing is permanent.  Lahat ay makikinabang sa development na ito.  There’s a space for everyone.

“The more shows on free TV, the more options for people to watch.  I’m happy for @itsshowtimena and for my station @gtvphilippines.  It’s a win for both.”

(NORA V. CALDERON)

NOONG magbalik-trabaho na si Winwyn Marquez, inamin nito na nag-struggle siya sa pagbalanse sa kanyang pagiging ina at sa hectic schedule niya sa showbiz. 

Pero habang hinahanap daw niya ang balanseng iyon, unti-unti raw na nasasanay ang katawan at utak niya. Aminado si Winwyn na hindi madali ang maging isang working parent, pero alam naman daw niya ang kanyang priorities at ayaw niyang mag-fail sa dalawang bagay na ginagawa niya.

“Caught in between the joy of work and the love for my child – a never-ending dilemma. A constant struggle between the time and energy required for both, leaving me and i’m sure other parents feeling torn between their responsibilities in both spheres. Maybe the key is to understand that pursuing both is possible with a little effort and a lot of flexibility.

“Balancing work and parenting requires a delicate balance, one which is unique to each individual and family. Striking a balance that allows individuals to thrive in both spheres while eliminating the guilt and judgment should be the ultimate goal. I know.. easier said than done,” caption ni Wyn sa pinost niyang video sa Instagram kunsaan kasama niya si Baby Luna.

Challenge raw ito para kay Winwyn at pati na rin sa mga katulad niyang new mommies na gustong ma-secure ang future ng kanilang mga babies.

Nakapag-guest na si Winwyn sa ilang shows at natapos pa niya ang movie na ‘The Cheating Game’ na bida sina Julie Anne San Jose at Rayver Cruz.

***

SA kabila ng bashing na natatanggap ni Paolo Contis, nagkuwento sina Boobay at Super Tekla kung papaano sila tinulungan ng Eat Bulaga host na hindi nabalita o ipinost sa social media noong kasagsagan ng COVID-19 pandemic.

Sa ‘The Boobay and Tekla Show’ kunsaan naging guest si Paolo, nagawang magpasalamat nila Boobay at Tekla sa pinakitang kabaitan ng aktor sa kanila.

“Alam ko ayaw ni Paolo na i-share ko ‘to pero gusto na ring i-share sa inyo. Alam niyo ba noong panahon ng pandemic hindi tayo makalabas-labas lahat, wala kaming makain sa condo, si Paolo Contis personal pong pumunta doon sa condo binigyan niya kami ng pagkain. Grabe, salamat friend, thank you,” kuwento ni Boobay.

Kuwento naman ni Tekla na pinautang siya ni Paolo noong panahon din ng pandemic. Ayon kay Tekla, ibinili rin naman niya ng pagkain ang inutang niya kay Paolo.

“Actually nakalimutan ko na. Bayad ka na ba?,” natatawang tanong ni Paolo kay Tekla. Sagot ni Tekla: “Napaalala ko pa!”

Ayon kay Paolo, hindi niya ikinuwento o ipino-post ang mga ginagawa niyang pagtulong dahil hindi naman niya intensyon gamitin iyon para sabihing nakatulong siya.

“Nasa mundo tayo na kapag hindi mo pinost hindi nangyari. Hindi ba ganun mga tao ngayon? Ako never kong pinost ‘yan, sila nagkuwento. Kasi hindi ko naman ‘yon ginagawa para ipagmalaki. Ginawa ko ‘yon dahil kaibigan ko kayo, ‘yon ang importante sa akin.”

(RUEL J. MENDOZA)

NGAYONG July 26 na ipalalabas sa mga sinehan ang kauna-unahang pelikula ng reel & real life couple na sina Julie Anne San Jose at Rayver Cruz, ang romantic-drama na “The Cheating Game” na produced ng GMA Public Affairs at GMA Pictures.

Abala na nga sa mga promotion ang JulieVer at in fairness, nakikita namin ang kasipagan nila sa pagpo-promote ng movie. 

Personally, wish namin na sana nga, sa kabila ng lukewarm pa rin talaga kung titingnan ang pagtangkilik ng mga Pinoy movigoers sa mga palabas sa sinehan, sana mag-translate sa box-office ang kasipagan ng mga JulieVer fans sa social media.

It’s about time, sa totoo lang. 

Sa isang banda, inamin ni Julie na may kilig daw sa kanya na ngayon nga, sobrang nakaka-bonding niya kahit sa mga kantahan at sayawan ang pamilya Cruz.

“Nakakakilig,” natawang sabi niya.

“Nakaka-work ko na before si Kuya Rodjun (Cruz) so somehow, may nabuo na rin kaming bond.  Si Ate Dianne (Medina) rin.”

Tuwang-tuwa naman si Rayver sa nakikita nga raw niyang closeness ni Julie sa pamilya niya.

Sey pa niya, “’Yung mga Tito ko, Tita ko, sobrang kasundo ni Julie pagdating sa music. Kasi ang Cruz talaga, puro banda silang lahat. Sobrang tuwang-tuwa sila kasi, sobrang bait at sobrang galing ni Julie.”

***

SA pamamagitan ng kanyang Youtube channel, nagsalita na si Vice Ganda sa mga kaganapan ngayon sa It’s Showtime. 

Kung paano, mawawala na sila sa TV5, pero mapapanood na sila sa GTV. 

Inamin ni Vice na sa nangyaring gulo sa pagitan ng TAPE, Incorporated at ng TVJ, sila na nananahimik ang naipit.

Ayon kay Vice, “Alam mo, ang unang naramdaman talaga namin, tayo ang naging casualty ng naging problema ng TVJ at saka ng Eat…Bulaga! Parang tayo ang tinamaan ng mga canyon na binala nila.

“’Yun ang unang naging damdamin namin kasi noong una, okay naman sila do’n, okay naman kami. Kung hindi naman sila nag-away, eh, ‘di buo pa rin sana sila.  

“May kontrata pa naman sila sa GMA hanggang next year, pero dahil hindi sila nagkasundo, nagkahiwalay… at ang mga naging desisyon nila, malaking-malaki ang naging epekto sa amin na nanahimik.”

Klaro naman kay Vice na hindi naman daw nila sinisisi ang TVJ dahil lahat naman daw sila, gusto lang mag-trabaho. 

At sa tanong kung may galit ba siyang naramdaman sa TV5 na tila nailaglag sila, though, end of contract na nilang talaga ngayong June 30, sinabi niyang wala raw siyang galit.

“Wala, wala akong galit sa TV5, pero siyempre, nalungkot ako dahil hindi pabor sa amin.  Sa buhay naman, mas masaya tayo kung ang mga nangyayari naman ay pabor sa atin.  Masakit man at malungkot sa damdamin, pero kailangan mong i-respeto ‘yon.”

At sa July 1 nga, magsisimula ng mapanood ang ‘It’s Showtime’ sa GTV na sister network ng GMA-7.  At sa Sabado, tatlong noontime show na ang tutukan sa kauna-unahang pagtatapatan.

Nagpasalamat si Vice na, “Maraming-maraming salamat sa GMA. Maraming-maraming salamat sa GTV. Maraming-maraming salamat po sa pagtitiwala niyo.  

“At sa bukas-palad, bukas kamay ninyong pagtanggap sa amin, maraming-maraming salamat. Malaking bagay po ito sa amin.”

At sa huli, vocal naman si Vice na since maggi-guest daw sila sa ilang GMA shows, may request daw siya na isang programa ng network na gusto niya talagang mag-guest sa show na ‘yon.

At kung babasahin ang mga comment ng mga netizens, posible raw na ang show ni Jessica Soho na ‘KMJS’ ang tinutukoy ni Vice.

Exciting!

(ROSE GARCIA)

WINNER ang nais ni Carla Abellana na mabigyan ng proteksyon ang mga hayop na napapanood o na gumaganap sa mga teleserye at pelikula.

Katuwang ni Carla sa adbokasiya ang Philippine Animal Welfare Society (PAWS), na nagnanais na isabatas na ipagbawal ang animal cruelty sa set, at hindi rin dapat ginagamit bilang props ang mga hayop.

Bukod sa workplace safety para sa mga hayop, matagal nang isinusulong ni Carla ang responsible pet ownership at iba pang animal rights.

Sa kanya namang Instagram account, isinulong din Carla ang pagtigil sa dog meat trade na laganap pa rin sa ibang lugar sa bansa.

Sa kanyang post, ni-repost ni Carla ang post ng Animal Kingdom Foundation tungkol sa kalunos-lunos na sinapit ng isang aso na kinitil ang buhay para sa karne nito.

“I use my platform so that you are aware of what happens around your neighborhood every single day. Because if you’re not aware, then how can you help put an end to such things? Will you allow this to just keep happening?” caption ni Carla sa post.

May hashtag itong #EndTheDogMeatTrade at #StopAnimalCruelty.

Galit na galit rin si Carla sa kumalat na videos at litrato kung saan dalawang lalaking naka-motorsiklo ay may kaladlakd na buhay na aso.

Natunton na umano ang pagkakakilanlan ng mga lalaki at ihaharap sa kaukulang parusa.

***

BUKOD sa pagiging direktor at producer, isa ring full-time NBI agent si Roland Sanchez.

“Iyon ang trabaho ko talaga. Itong directing passion ko lang talaga ito, yung paggawa ng pelikula. Pero yung mga ginagawa kong pelikula, yung may social relevance.

“Base dun sa mga iniimbestigahan ko.”

Hindi ba siya natatakot, kapag gumagawa siya ng ganitong klase ng pelikula ay nae-expose ang mga anomalya sa lipunan?

“Hindi naman kasi unang-una alam ko naman yung batas, alam ko naman yung naghihiwalay sa what is fiction and what is factual at pangalawa alam ko naman yung sinasabi ko at sinusulat kasi nga NBI agent ako.”

Si Roland rin ang sumusulat ng script ng mga pelikula niya na parehong fictional at factual.

Wala naman raw conflict sa paggawa niya ng pelikula na base sa mga kasong iniimbestigahan niya.

Twenty two years na si Roland bilang isang line agent ng NBI.

Pinakabago niyang nagawang pelikula ang ‘Ikigai (Life Is A Beautiful Ride)’ na mula sa produksyon ng Tropang Short Ride.

“Back draft story niya is about agricultural smuggling and tungkol sa mga riders kasi rider kasi ako. We intend to submit the film sa international motorcycle film festivals kaya lang sayang naman, so ito pang-Netflix actually pero sasali muna kami sa mga international film festivals.”

(ROMMEL L. GONZALES)