NASA mahigit 70,000 trabaho ang maaaring aplayan sa isasagawang job fairs sa iba’t ibang parte ng bansa sa mismong araw ng Kalayaan sa Hunyo 12.

Ayon kay Department of Labor and Employment (DOLE) Bureau of Local Employment (BLE) director Patrick Patriwirawan Jr., magsasagawa ng job fair ang pamahalaan sa 48 sites kasabay ng paggunita ng ika-125 Independence day.

Sa datos nitong Hunyo 6, ayon sa DOLE official mayroong 72,023 bakanteng trabaho na iaalok sa job fair mula sa 889 participating employers.

Ang mga top industries na magaalok ng trabaho ay sa business process outsourcing, manufacturing, retail and sales, construction, financial at insurance sectors.

Ang mga trabaho naman na maaaring applyan ay customer service representative, production worker, sales clerk, cashier, laborer, lineman, financial consultant at microfinance officer. (Daris Jose)