SA Marites University na nagpaunlak ng kanyang unang interview si Yorme Isko Moreno simula nang siya ay maging regular host na ng revamped ‘Eat…Bulaga!’

Sinagot naman ni Yorme ang halos lahat ng tanong na ibinato namin sa kanya. At malinaw rin na nailahad niya na Tuesday last week, after sa unang araw na umere ang mga bagong host ng ‘Eat…Bulaga!’ siya nakatanggap ng tawag, nakipag-meeting sa mga Jalosjos.

Obviously, maganda ang naging pag-uusap nila kaya naman simula noong Sabado last week, napapanood na nga siya sa GMA noontime show, lalo na sa segment na “G sa Gedli.”

Nagpasintabi rin daw siya kina Tito Sotto, Vic Sotto at Joey de Leon na siya ay magiging bahagi na ng revamped show sa pamamagitan ng kanilang common friend, bilang respeto rito.

Ayon kay Isko, “Well, I’m honored and I’m humbled with the opportunity,” simulang pahayag niya.

“Mahirap fill-up-an ang naibigay na legacy ng Tito (Sotto), Vic (Sotto) and Joey (de Leon) sa buhay nating mga Filipino, sa Pilipinas at sa 44 years, we have to give it to them. It’s really a big challenge na sumuot sa sapatos nila.

“Hindi man natin mapantayan, but ang importante, yung magpatuloy ang pagpapasaya sa tao at pagtulong sa tao through Eat… Bulaga!, GMA-7, Kapuso.”

Sa kabila ng mga negatibong komento na natatanggap ng ‘Eat… Bulaga!’ ngayon, yung naging pagpasok niya rito ay masasabing mas maraming tiningnan naman ito na positibo.

“Well, una, work is work,” sabi niya.

“Kahit naman ang mga kababayan nating Filipino, kapag binigyan ng opportunity na makapag-trabaho, magta-trabaho rin sila. It has nothing to do na mga personal na hindi pagkakaunawaan, that’s one.

“And hindi mo rin naman masisisi ang mga kababayan nating Filipino kasi, ano ‘yan, e, maraming adjustment. Maraming mga pagbabagong mangyayari, e, meron tayong nakasanayan. Yung adjustment, it takes time and I believe in that. That’s why, with TAPE, Incorporated, the Management team, the Creative team and the artists, we’re really trying to come-up with a good noontime show.”

Kung may mensahe man siya sa manonood, maging sa mga netizens, “hindi namin aagawin sa puso’t-damdamin ninyo ang TVJ, in every Filipino’s hearts, even abroad, nakasulat ‘yan. But I hope, you’ll give us a chance. In our little way, we’ll do our best.”

***

NAPAKA-BONGGA nang ginawang pag-welcome o pagkilala sa Kapuso Primetime King na si Dingdong Dantes sa ginanap na 40th anniversary event ng POLICE eyewear and watch sa Tokyo, Japan.

Nakita namin ang naging set-up at kung paano rin, rubbing elbows ito sa ibang mga Global Police ambassadors.

Si Dingdong nga ang una at nag-iisang Global Filipino ambassador ng naturang brand. At sa naturang event, ang isinama ng actor ay ang kanyang misis, ang Kapuso Primetime Queen na si Marian Rivera.

Simula nang mag-pandemic, bihira na lang halos silang nakalalabas ng bansa, bilang proteksiyon pa rin sa kanilang dalawang anak na sina Zia at Sixto. Kaya parang breather na rin sa kanila ang nangyari. Lalo pa nga’t pareho na silang mga busy sa kanilang mga primetime series sa GMA-7.

Magsisimula na ang “Royal Blood” ni Dingdong sa Lunes sa GMA Telebabad at magsisimula naman si Marian ng taping sa kanyang pagbabalik primetime series na “Against All Odds.”

Bukod pa rito, though, wala pang official announcement, may lumabas na balita na sisimulan na rin ang shooting ng kanilang MMFF movie na ang title raw ay “Rewind” under ABS-CBN Films’ Star Cinema, APT Entertainment at Agosto Dos Pictures.

(ROSE GARCIA)

ANG orihinal na inilunsad ni dating Manila Mayor Antonio Villegas bilang Metropolitan Film Festival noong 1960s, ay nagbabalik na sa bago nitong pangalan na The Manila Film Festival (TMFF).

Sa nilagdaang Memorandum of Agreement noong Pebrero, ibinahagi nga ni Manila Mayor Honey Lacuna kung gaano siya kasaya na maibalik ang magic ng film industry sa tulong ni Vice Mayor Yul Servo.

Ang TMFF ay naglalayong i-promote ang mga lokal na pelikula, na kung saan uusbong ang bagong henerasyon ng mga mahuhusay at kabataang filmmakers, na dapat nating suportahan.

Sa pagsisimula ng film festival noong Hunyo 15 na ginanap sa SM City Manila, dinaluhan nina Mayor Lacuna at VM Servo ang premiete night. Na ayon sa kanila ay isa ang TMMF sa mga aktibidad para sa Araw ng Maynila.

Kasalukuyang pinalalabas ang five entries na magtatapos sa Hunyo 24. Ia-announce pa kung kailan magaganap ang awards night.

Ang film producer na si Ms. Edith Fider ay bahagi rin ng pagdiriwang na kung saan nagbabalik na nga ang The Manila Film Festival.

Ang limang kalahok sa film festival ang mga sumusunod: ang psychological horror na ‘The Uncanny,’ directed by Kyle Abay-Abay, mula sa Colegio de San Juan de Letran starring Zyrish Quierrez, Ice Lee Genre; ang crime-thriller ‘Unspoken,’ written and directed by Daniella Javierto mula sa Arellano University, Pasig starring Lara Lagdaan, David King Escio, Stephen Legaspi and Irish Vistan, ang comedy na ‘The Adventures of Kween Jhonabelle,’ written and directed by Carlo James Buan mula Colegio de San Juan de Letran starring Larizze Ann J. Eco, Kian Co, Samantha Faith Valdez Batula and Stephanie Kayla L. Quitlong, ang love story with advocacy na ‘Thanks for the Broken Heart,’ directed by Cess Cruz mula sa University of The Philippines at University of Makati, starring Lance Raymundo, Gerlaine Silva, Mary Sharapova at Oliver Lacson, at ang psychological thriller, ‘CTRL-F-ESC,’ directed by Justin Bobier mula sa Adamson University, starring Kych Minemoto, Sue Prado, Leilani Kate Yalung, Yul Servo, Francheska Manalastas, Rina Napura and James Guanlao.

Mula sa 300 entries, pumili ang komite ng film festival ng 20 pelikula at nakuha ang five top entries na bibigyan ng grant na nagkakahalaga ng P300,000 hanggang sa maximum na P500,000.

***

KASAMA nga si VM Yul Servo sa film entry na ‘CTRL-F-ESC,’ na nagsilbing pagbabalik niya sa big screen.
Aminado ang butihing Vice Mayor na nailang siya at medyo nangapa sa muling pagsalang sa pag-arte.

“First time ko ulit umarte ngayon. Matagal nang panahon na umarte ako sa harapan ng kamera. Kaya nga ilang na ilang ako habang umaarte.

“Kahit na sabihing award-winning ka, para kang lapis na pumupurol, kaya kailangan mong tahasan, pag gagamitin mo na.

“Kaya dito, nabigla ako, buti na lang magaling naman ‘yun direktor at production, kahit mga bata sila. Sabi ko nga kanila, pag di nila type, ok lang na ulitin natin.

“Mukhang okay naman sa kanila. Mabilisang trabaho lang kasi ito, pero nalampasan ko, kaya nakatutuwa naman.”
Sabi pa ng actor/politician, “kasi pag gagawa ako ng pelikula, nag-i-stage play muna ako, tapos doon ako maghahasa sa pag-arte. Pero dito, sumalang agad ako eh.”

Pinayagan naman daw ni Mayor Honey na gumawa ng pelikula, kaya magkakatalo na lang ito sa kanyang hectic schedule bilang Vice Mayor na ang goal niya ay present palagi sa buong termino.

May inoper na raw sa kanya na movie si Edith Fider at nabasa na niya ang magandang script kaya hoping siya na maging bahagi nito.

May ibinunyag din siyang isa pang film project na kung saan muli niyang makakasama si National Artist Nora Aunor.
Pahayag pa ni VM Yul, “kung dati parang loveteam kami o leading lady (sa movie na ‘Naglalayag’), ngayon nanay ko naman.”

Wow, isa naman itong kaabang-abang na pelikula nang nag-iisang Superstar, na sana’y magtuloy-tuloy ang plano.

(ROHN ROMULO)