PITONG linggo na ang nakakaraan mula noong lumabas ang unang episode ng Ang Lalaki sa Likod ng Profile mula sa Puregold Channel, at mula noon, nakakuha na ng milyon-milyong views ang serye–sa mga teaser at episode nito. 

Lumawak na rin ang mga tagapagtangkilik ng kapana-panabik na tambalan nina Bryce (Wilbert Ross) at Angge (Yukii Takahashi).

Malinaw na malinaw mula sa mga numero ang lahat: bawat episode ng Ang Lalaki sa Likod ng Profile ay nakakalikom ng 90,000 hanggang 171,000 views, habang 160,000 hanggang 186,000 naman para sa bawat trailer. Kung lalahatin, 12.3 milyon na ang views sa Facebook at YouTube. Dagdag pa rito, ang opisyal na hashtag na #anglalakisalikodngprofile ay mayroon nang higit sa 12 milyon na views sa Tiktok. Napatutunayan lamang nito na walang makatatalo sa mahuhusay na kuwentong pag-ibig, at ang kilig nitong dala-dala.

Walang pagdududa na inaabangan na ng mga manonood ang bawat bagong episode tuwing Sabado nang gabi, at nakatutok sa pag-unlad ng kuwento.

Dahil sa pagpapakita ng tradisyonal na mga paniniwala at gawi ng mga Pilipino, at ng modernong mga karanasan sa online dating, kumapit ang mga manonood sa Ang Lalaki sa Likod ng Profile. Sa naratibong mayroong saya, pagpapatawa, at kilig, nakikilahok ang fans sa paghihirap at ligaya ng mga tauhan.

Bakas din sa mga komento ang epekto ng serye sa mga manonood.

Sabi ni Lavender Gurl sa Episode 7, kung saan nagkita na sina Bryce at Angge, “Grabe, sobrang kilig ko na nagkita na sila! Love love love it to the max over! Sana matagal pa matapos. Ang ganda ng songs at ang linis ng quality ng video. Bagay talaga sila.”

Dagdag naman ni Grande Sorella Vlog, “Finalmente! Nagkita rin sila. I love it! Thanks Ninang Puregold. Naku, ituloy niyo na po ang kilig ha. Huwag na kayong maging bitter, char! Waiting for the next episode.”

Si Jamil De Torres, masayang naghihintay sa bawat episode. “Excited na sa episode 8. Nagkita na sila, grabe. Kapana-panabik naman ang story, paganda nang paganda!”

Pagbibiro ni Dorothy Joy Emiliano, “Mas excited pa ako dito sa series na ito kaysa sa sahod ko, promise.”

Paniniwala ng Puregold, itong napakaraming views at nakakatuwang mga komento ay testamento ng mahusay na content na nagagawa ng channel.

Pahayag ni Ivy Piedad, Marketing Manager ng Puregold, “Ipinagmamalaki namin ang impact ng serye sa mga manonood. Ito ay tunay na repleksyon ng dedikasyon ng Puregold sa paggawa ng dekalidad na retailtainment. Mahalaga at nakakokonekta ang mga Pilipino sa mga kuwentong inilalatag ng Puregold Channel, at masaya kaming maramdaman ang kanilang positibong pagtanggap.”

Sa Episode 8 (napanood na noong Sabado, Hunyo 10), lumipat na sina Angge at Bryce mula sa digital na mundo, tungo sa totoo at pisikal na espasyo.

Kikiligin ba ang dalawa? Uunlad ba ang kanilang pagkakaibigan sa pag-iibigan? May manunumbalik ba mula sa nakaraan at magsisilbing pagsubok sa namumuo nilang relasyon?

Para sa kasagutan ay ulit-uliting panoorin ang nakakikilig na episode ng Ang Lalaki sa Likod ng Profile sa opisyal na Puregold Channel sa YouTube.

Gusto mo ba ng LIBRENG entertainment? Mag-subscribe na sa Puregold Channel sa YouTube. Para sa iba pang updates, i-like ang @puregold.shopping sa Facebook, i-follow ang @puregold_ph sa Instagram at Twitter, at ang @puregoldph sa Tiktok.

(ROHN ROMULO)

IKINATUWA ni Dingdong Dantes makatrabaho ulit sa isang malaking teleserye ang award-winning veteran actor na si Tirso Cruz III.

Unang nagkasama sina Dong at Kuya Pip sa 2002 teleserye na ‘Sana ay Ikaw Na Nga’. Nagkasama sila ulit sa teleserye na ‘Endless Love’ noong 2010 at sa ‘I Heart U Pare’ in 2011.

Ngayon ay gaganap silang mag-ama sa inaabangan na murder mystery serye ng GMA na ‘Royal Blood’.

Kuwento ni Dingdong, “Nu’ng malaman ko na makakasama ko siya sa ‘Royal Blood’ sobrang saya. Very fatherly sa set, very warm, ang dami mong matututunan, and at the same very funny.”

Kuwento ni Kuya Pip na tuwing nagkikita sila ni Dong, ang tawag niya rito parati ay Carlos Miguel. Yun kasi ang pangalan ni Dong sa ‘Sana Ay Ikaw Na Nga’.

“For a long long time, for so many many years, ang tawag ko sa kanya tuwing magkikita kami is Carlos Miguel. And ngayon mapapalitan na ‘yan, iba na ‘yung pangalan niya ngayon.

“But it was always been a very nice experience for me everytime I work with Dingdong. He’s a very kindhearted man, he’s very professional, and I can see he really loves his job. He’s not here just for the glory, for the fame, no. He has his heart into the art itself, the craft of acting.”

Sa ‘Royal Blood’, gaganap si Tirso bilang Gustavo Royales, ang pinatay na business tycoon. Gaganap pang tatlong anak ni Gustavo sina Mikael Daez, Rhian Ramos at Lianne Valentin.

***

INIHAYAG ni Mavy Legaspi na in love siya ngayon, at sinabing si Kyline Alcantara ang kahulugan ng pag-ibig para sa kaniya.

Si Kyline naman, tinawag ang aktor na, “my protector.”

Tinanong ang aktor kung gaano siya ka-protective kay Kyline.

“Protective? 10, 20, 30, 40, 50… 100. Mataas talaga,” sabi ni Mavy.

Ngunit sa pagiging istrikto, minarkahan ni Mavy ang sarili na 3 out of 10 lang siya pagdating kay Kyline, dahil hindi siya konserbatibo.

“Sa damit, that’s it. Doon ako… I have this agreement with Kyline na she’s free to wear anything she wants. But for example, mini skirt, ganoon, I always remind her na ‘You can wear cycling shorts,’ just in case. Kasi she has instances where she is a very clumsy woman,” paliwanag ng binata.

Muling nagtambal ang MavLine loveteam sa bagong GMA-Wattpad series na ‘Luv Is: Love At First Read’. Kasama pa nila sina Therese Malvar, Pam Prinster, Larkin Castor, Bruce Roeland, Mariel Pamintuan, Kiel and Gabby Gueco at sina Jackie Lou Blanco, Jestoni Alarcon at Maricar de Mesa.

***

NATULOY din sa wakas ang matagal nang inaasam na European vacation ng pamilya ng celebrity couple na sina Doug Kramer at Cheska Garcia-Kramer kasama ang kanilang mga anak na sina Kendra, Scarlett, and Gavin. Tawag sa kanila ay Team Kramer.

Hinintay lang daw ng mag-asawa ang bakasyon ng mga bata sa school para ma-enjoy nila ng matagal ang paggala sa Europe.

Post ni Doug on IG: “Bye Manila! After a hectic May schedule of meetings, schools, launches, and shoots, please pray for us as we go on our longest vacation yet! A much-needed one.”

Unang stop ng Team Kramer ay sa London na first time marating ng mag-asawa.

“We’re in London baby!” caption pa ni Doug sa IG post habang naka-pose sila sa Tower Bridge.

Three years din daw kasi hindi nakapagbakasyon abroad ang Team Kramer dahil sa pandemic. Noong magluwag na ay nag-local travel muna sila sa Palawan at Boracay. Noong nakaraang holidays ay bumiyahe ang Team Kramer to Japan and Hong Kong.

At kahit super expensive ang magbiyahe to Europe, hindi naman kakapusin sa budget ang Team Kramer dahil in-demand pa rin ang kanilang pamilya sa pag-endorse ng iba’t ibang produkto at laman pa rin sila ng maraming TV commercials.

(RUEL J. MENDOZA)

FIRST time ni 2020 Miss Universe Philippines Rabiya Mateo na gumawa ng isang drama series, ang murder mystery series na “Royal Blood” sa GMA Primetime, kaya kabadong-kabado siya lalo na kapag kaeksena niya si Kapuso Primetime King Dingdong Dantes.  

Sa story, gumaganap si Rabiya bilang si Tasha, ang kind-hearted neighbor ni Dingdong as Napoy na may secret feelings for him.  Siya ang nag-aalaga sa anak ni Napoy, si Lizzie played by a new child actress, si Sienna Stevens.

Kapag nahihirapan daw siyang i-execute ang eksena,  laging naroon si Dingdong to help her.

“Salamat sa guidance ni Kuya Dong kapag nahihirapan ako kung paano gawin ang eksena, naroon siya para tulungan ako,” kuwento ni Rabiya.

“Hindi nga ako makapaniwala na makakasama ako sa isang teleserye at makakatrabaho ang mga bigating artista ng GMA Network. It’s a dream come true for me, and I’m very thankful.”

                                                            *****

PLAYING a special and significant role sa “Royal Blood” si Tirso Cruz III as Gustavo Royales, the rich and shrewd business tycoon and patriarch of the Royales family.

Ang story ay iikot kung sino ang pumatay kay Gustavo Royales.  Marami siyang anak na pare-parehong may interest sa yaman niya, pero ang mapagbibintangan ay si Napoy na bastardong anak ni Gustavo.

Sa mediacon, nagbiro si Pip na nagtataka siya kung bakit itinago sa kanya, sa kanila, kung sino ang papatay sa kanya, ganoong hindi naman daw magtatagal ang exposure niya sa serye.

Sa ngayon ay hindi pa tapos ang taping ng serye, kaya si Pip na rin ang nagsabing, “it give us, ang buong cast, para pagbutihin ng lahat ang pag-arte, para i-build up ang kani-kanilang character na ginagampanan.”

Sa story, ang gaganap na mga kapatid ni Napoy ay sina Mikael Daez, ang kanyang half-brother na asawa ni Megan Young.  Sister naman niya ang conservative but mysterious daughter ni Gustavo si Rhian Ramos, na asawa ang ambisyosong si Dion Ignacio.  Sister din ni Napoy ang witty at materialistic na si Lianne Valentin.

Sino kaya sa kanila ang papatay kay Gustavo?

Abangan ang world premiere ng “Royal Blood” sa June 19, 8:50 p.m. pagkatapos ng “Voltes V: Legacy” sa GMA-7  at 11:30 p.m. fom Monday to Thursday at 11 p.m. every Friday sa GTV.

                                                            *****

AFTER seven years na hindi napapanood sa small screen si Cesar Montano, ngayon ay muli siyang magbabalik, para sa television remake ng pelikulang “Minsan Pa Nating Hagkan ang Nakaraan”  na mapapanood naman sa TV5 simula sa July 10,  2023.

Nagsimula nang mag-taping si Cesar last May 18, kasama niya sina Cristine Reyes at Marco Gumabao, kasama rin nila sina Lito Pimentel, Mickey Ferriols at Felix Roco.

Gagampanan naman ni Cesar ang role na dating ginampanan ni Eddie Garcia na ipinalabas noong November 7, 1983 na pinagbidahan naman noon nina Christopher de Leon at Vilma Santos.

Kamakailan ay napanood si Cesar sa “Martir or Murderer” ng Viva Films katambal si Ruffa Gutierrez.

(NORA V. CALDERON)

THIS year pala ang 40th anniversary celebration ni Divine Diva Zsa Zsa Padilla kaya looking forward na siya at pinaghahandaan ang bonggang concert na magaganap sa Resort World Manila.

Isa nga ito sa naibahagi ni Zsa Zsa nang makatsikahan namin noong Hunyo 7, 2023, Miyerkules, sa kanilang vacation home na Casa Esperanza, natatagpuan sa Brgy. Piis, Lucban, Quezon. Na talaga namang na-enjoy namin ng bonggang-bongga, mul

Pag-amin niya, “Medyo mahirap gawin kaya sabi ko, dapat mag-meeting na kami.

“Kasi ang daming materyales. Kailangan, encompassing — the movies, saka yung mga soaps na ginawa ko.”

Hindi nga lang sa larangan ng pagkanta at mga concerts nag-excel si Zsa Zsa, pati sa movies at teleserye, may bonus pa na paglabas niya teatro sa pamamagitan ng Larawan kasama si Celeste Legaspi.

Balita pa niya si John Prats ang napili nilang magdirek ng concert.

“Gusto ko siyang i-try. Di ba, anak-anakan ko siya sa Familia Zaragoza?

“Ganyan pa lang siya kataas noon. Five or seven years old,” muwestra pa ni Zsa Zsa.

Gaano kaya katagal ang anniversary concert niya na may working title ng ’40 Na Zsa’? At sinu-sino ang naiisip niyang maging guests?

“Kailangan two lang yan. Kasi, ang tao, hindi kaya.

“Sa guest, actually madami pero… we will see. Kasi, andami ko na ring na-guest sa mga anniversary concerts,” say pa ni Zsa Zsa.

“Titingnan namin na medyo ibang flavor. Merong young artists siyempre.”

Anyway, kasama si Zsa Zsa sa six-part series na ‘Cattleya Killer’ na pinagbibidahan ni Cong. Arjo Atayde na nangunguna pa rin sa Top 10 in the Philippines ng streaming platform na Prime Video.

Ayaw pang sabihin ng Divine Diva na panggulat na eksena niya, na kung saan palagi rin niyang nakaka-eksena si Jake Cuenca.

Kuwento pa niya ang kumuha sa kanya rito ay si Direk Ruel S. Bayani, dahil alam na babagay sa kanya ang role. Si Direk RSB rin ang kumuha sa kanya noon para gumanap na Red Dragon sa seryeng ‘Wildflower’ at sa international series na ‘Almost Paradise’, na kung saan nag-audition siya.

Kasama rin pala siya sa bagong all-star cast ng seryeng ‘Call My Manager!’ ni Direk Erik Matti.

Aminado naman si Zsa Zsa na kailangan na niyang mamili ng projects.

“Kasi ahhmm nahihirapan na ako nung ano, e. Parang sa edad ko, sabi ko, parang kailangan ba, yung lock-in?

“Although nagawa ko siya sa Love Thy Woman with Kim [Chiu] and Xian [Lim]. Kasi, di ba, biglang nag-pandemic.

“Tapos supposedly, sinasama din ako dapat dun sa Iron Heart. Kaso yung schedule ko, hindi kami nagkasundo.”

Malamang isa sa rason na hindi niya tinanggap ang action series ni Richard Gutierrez ay sa Cebu pa sila nagti-taping. Mahirap nga naman na mag-work sa malayong lugar, kaya happy na siya sa ‘ASAP Natin ‘To’.

Isa pa malapit na palang maging senior citizen si Ms. Zsa Zsa, na hindi naman halata sa hitsura niya, na parang kapatid lang ni Karylle.

“One year na lang! Diyos ko, ‘Day!” natatawang pag-amin pa niya.

Pero kahit hindi pa siya “dual citizenship” ay meron na raw siyang discount card, na nagagamit niya lalo sa pagbili ng mga gamot.

“For PWDs. Scoliosis!” say pa niya, na nakuha lang niya this year dahil hindi niya alam na puwede pala.

Sinabi lang ito ng kanyang cousin na si Amy Perez na meron ding katulad na sakit. Kaya malaki ang natitipid niya sa pagbili ng maintenance medicines.

“Sana, maintain na lang. Huwag magdagdag! Pag nagdadagdag ng gamot, nai-stress ako.”

Naitanong kung ganun pa rin ba kaganda ng boses niya o may pagbabago na?

“Ang hirap din! Kasi siyempre, napapagod. Napapagod. Yung range siyempre bumababa, lalo na sa babae talaga, bumababa,” pag-amin ni Zsa Zsa.

“Actually, nag-start akong bumaba yung range ko in my 50s. Basta nag-menopause ang babae, ganyan. Some. Most.

“Napansin ko, sa nag-o-opera, hindi masyado. Pero pag pop, bumababa.

Dagdag pa niya, “But it’s natural. Kasi, pati yung fans, followings mo, kailangan nagde-develop ka as a person.

“Maiintindihan nila na pati yung style mo, nagbabago. Oo, hmmn, so ganun lang talaga.”

Pero sa true lang, kahit magbago pa ang boses ng Divine Diva, mananatili ang distinct voice na minahal ng mga fans hindi lang dito, pati na sa ibang bansa.

For sure, ngayon pa lang ay pag-iipunan na nila ang kanyang 40th anniversary concert, na siguradong maging matagumpay at pag-uusapan bago matapos ang 2023.

(ROHN ROMULO)

NILINAW ni Bea Alonzo na hindi pa sila engaged ng nobyong si Dominic Roque.

Dahil sa mga kumalat na litrato nila ni Dominic na tila marriage proposal ay may nag-akalang malapit na silang ikasal ni Dominic.

“Picture iyon noong nagpunta kami sa Amanpulo, na akala ng mga tao na-engage kami. Hindi, hindi pa po,” paglilinaw ni Bea.

Last year pa ang bakasyon nina Bea at Dominic sa Amanpulo, at sadyang mahilig mag-post ng throwback photos ang aktor.

Samantala, nakakaloka ang rebelasyon ni Bea sa vlog ni Mariel Rodriguez kung saan ibinulgar  ni Bea na may dati siyang karelasyon na mino-monitor ang kanyang timbang halos araw-araw.

“Mayroon akong naging jowa na pinag-we-weighing scale ako almost every day just to check if I was heavier,” pagbubulgar ni Bea.

Hindi na pinangalanan ni Bea kung sino ang naturang ex-BF niya.

Nakakaloka rin ang ikinuwento ni Bea na mayroon din siyang ex-boyfriend na hiniwalayan niya sa araw ng kanyang kaarawan!

“Hindi ko alam na may surprise pala siya sa akin na malaki, non-showbiz yung guy.

“Hindi ko alam biglang, ‘surprise!’ tapos kaka-break ko lang sa kanya. Inisip ko kasi makikipag-break ako sa birthday ko tapos hindi siya magagalit sa akin kasi birthday ko,” ang natatawang pagbabalik-tanaw ng Kapuso actress.

(ROMMEL L. GONZALES)

WALA pang relasyon sina Yasser Marta at Kate Valdez.

Iyan ang nilinaw mismo ni Yasser sa guesting niya sa episode ng ‘Fast Talk with Boy Abunda’ kamakailan.

Tinanong kasi ni Tito Boy ang hunk Sparkle actor kung sila na ba ni Kate.

“Hindi pa po Tito Boy,” ang sagot ni Yasser, pero inamin niya na nililigawan niya ang magandang aktres na regular na napapanood sa ‘Walang Matigas Na Pulis Sa Matinik Na Misis’ sa GMA.

“Nanliligaw po ako sa kanya, nililigawan ko siya Tito Boy. Pero mas nandoon kami sa ine-enjoy lang namin ‘yung companionship ng bawat isa.

“Tsaka ayaw din naming madaliin, mas maganda yung may nabi-build kayong foundation,” sinabi pa ni Yasser.

Samantala, naikuwento rin ni Yasser na noon pala ay madalas siyang ma-bully dahil sa pagiging balbon!

Pero sa ngayon ay tanggap na niya ang pagiging balbon ay isang katangian.

Sa Fast Talk segment rin kasi ng talk show ay ipinakumpleto kay Yasser ang pangungusap na, “I am Yasser Marta, I am sexy because…”

“I am Yasser Marta, I am sexy because mabalbon ako,” sagot ng Kapuso actor.

“Kasi noong bata ako Tito Boy binu-bully ako dahil sa buhok, e. Unggoy daw, laging sinasabing buhok na tinubuan ng tao,” pagbabahagi pa ni Yasser.

“Pero ngayon po natutunan ko na rin pong i-embrace rin, hindi naman yung imperfections, pero kung ano talaga ako kasi dito sa atin bihira naman yung may ganitong features.

“Pero tinanggap ko na rin at mas naniniwala ako na I am unique,” pahayag niya.

Kaya nga makikita sa mga social media post ni Yasser ang kanyang mabuhok na kaseksihan.

“Nasimulan ko na Tito Boy, nag-underwear na ako so for me, ngayon iyon din ang isa sa mga pinagpo-focus-an ko,” wika niya.

(ROMMEL L. GONZALES)