BUKOD sa panonood ng special screening ng “Minsan Pa Nating Hagkan Ang Nakaraan” na nagtatampok kina Cristine Reyes at Marco Gumabao, hindi mo maiwasang tingnan ang sweetness ng lead stars na umamin nang real couple na sila.

Na ayon kay Marco ay nagsimula na siyang ma-attract kay Cristine nang una silang magkasama sa “Tubig at Langis.” Humanga rin si Marco sa husay umarte ng aktres, at since then naging close na sila.

Sa pilot week ng serye ay may eksenang nag-propose si Marco kay Cristine, eh, uso ngayon ang sunud-sunod na marriage proposals ng mga stars, kaya natanong sila sa mediacon kung possible bang doon na rin sila patungo?

Nakangiting sagot ni Cristine, “ang aga!”

Pero ang sagot ni Marco, “Oo naman, of course, ako nakikita ko.  Hindi naman ako magsasayang ng oras kung hindi ko nakikita ang tao for the end game.”

Ilang taon na rin palang single si Marco kaya sa tingin niya ngayon pa lamang niya nakita ang the right one.

“Ilang beses na rin akong tinatanong kung bakit ayaw ko pang mag-girlfriend, ang sagot ko, hinihintay ko pa ang the right one para sa akin.  And I think and I feel it’s Cristine.”

Kaya maraming kinilig sa narinig nila from Marco, even ang co-star nilang si Cesar Montano.

Muling isasabuhay ng TV5 ang 80s classic love story na “Minsan Pa nating Hagkan ang Nakaraan” na pinagbidahan noon nina Vilma Santos, Christopher de Leon at Eddie Garcia.

Ang TV remake ay produced ng Sari Sari Network, Inc. in collaboration with VIVA Entertainment.  Dapat ay this Monday, July 24, ang pilot telecast nila, pero maggi-give way muna ang network sa Second SONA ni President Ferdinand R. Marcos, Jr. kaya sa Tuesday na, July 25 sila mapapanood at 4:40 PM sa TV5 at 8 PM sa SARI SARI Channel.

Available din ito sa Cignal TV, SatLite Ch. 3 at Cignal Play.

                                                            ***

MUKHANG tuluy-tuloy na ang pagbabalik-showbiz ni former Manila Mayor Isko Moreno, matapos siyang pumirma ng long-term exclusive contract sa Sparkle  GMA Talent Arm.

Ayon sa report ni Nelson Canlas sa “24 Oras,” sinabi ni Yorme na malaking bahagi ng buhay niya ay sa Kapuso Network at kay German Moreno, ang kanyang showbiz mentor.

Ipinarating naman ni GMA Chairman and CEO Atty. Felipe Gozon at Senior Vice-President Atty. Annette Gozon-Valdes ang kanilang special message kay Yorme: “Alam ng lahat na si Isko ay naging successful sa kanyang showbiz at public service careers, Yorme Isko is still young and we don’t know where his destiny will bring him.  Kaya Isko, whatever the future might bring, we wish you all the best and God speed.”

“Si Yorme ay isa sa mga tao na lumilingon sa pinanggalingan at may utang na loob.  Ganu’n yung pagkatao niya, and we’re very happy na nag-sign ulit siya sa GMA now as a Sparkle talent.”

Nagpasalamat din si Yorme sa mga sumusuporta sa kanila at sa mga co-hosts sa “Eat Bulaga,” nang tumaas ang rating nila sa noontime show.

“Salamat na hindi ninyo kami iniwanan at ginawa pa ninyo kaming number one sa puso ninyo.  Basta ang sukli namin sa inyo, ligaya at tulong para maging masaya ang inyong afternoon habang kayo ay nananghalian na kasama namin sa ‘Eat Bulaga’.”

                                                            *****

MATATAPOS na ang taping ni Asia’s MultiMedia Star Alden Richards ng apat na episdoes ng drama anthology na “Magpakailanman” hosted by Ms. Mel Tiangco, na ipalalabas sa apat na Saturdays ng August.

Matagal na rin pala ang huling pagganap ni Alden sa #MPK noon pang 2017 na gumanap siyang isang Marawi soldier.  Para sa first episode niya sa #MPK, si Sanya Lopez ang special guest niya.  Special request pala siya ni Alden dahil hindi pa raw niya nakakatrabaho ang aktres.

May isa palang role na gustong gampanan si Alden, ito ay i-portray ang katauhan ni Atty. Felipe Gozon, ang Chairman & CEO ng GMA Network.

(NORA V. CALDERON)

BIBIDA si Asia’s Multimedia Star Alden Richards sa month-long special ng #MPK o Magpakailanman.  

Si Alden ang unang aktor na mabigyan ng four episodes ng MPK sa buong buwan ng August.

Unang episode ay “A Runner to Remember: The Jirome de Castro Story” na mapapanood sa August 5. Tungkol sa runner na may cervical dystonia.

Second episode ay “Epal Dreamboy: The Richard Licop Story” sa August 12. Story ng isang influencer na kinondena dahil sa mga pinu-post nito sa social media.

Pangatlo ang “The Lost Boy” on August 19 na tungkol sa pagmanipula sa isang lalake ng mismong mga kamag-anak niya.

At ang pang-apat ay “Sa Puso’t Isipan” on August 26 na tungkol sa mental health illness.

“It’s very challenging kasi contrast sila sa isa’t isa. Walang similarites ‘yung mga roles. I think as an actor, I’m looking for something that’s not the usual.

“Marami na rin po akong nagawang mga projects and siyempre doon tayo sa laging nare-reinvent ‘yung point of view ko pagdating po sa trabaho ko bilang aktor,” sey ni Alden na host din ng ‘Battle of the Judges’.

***

MARAMING ‘firsts’ ang hindi dapat palagpasin sa pelikulang ‘The Cheating Game’ nina Julie Anne San Jose at Rayver Cruz.

Ang ‘The Cheating Game’ ay ang first-ever film offering ng GMA Public Affairs under GMA Pictures. Dahil una, tiyak na napaghandaan at big time ang pelikula — mula sa highly-talented cast at creative team hanggang sa malaking production na siguradong hindi magbibigo sa viewers.

First time ring magsasama sa isang pelikula nina Julie at Rayver. For sure, todo ang excitement ng kanilang fans dahil nasanay sila na sa performances, concerts, at hosting lang nagkakatrabaho ang dalawa.

Bagong personalidad at imahe rin ang masisilayan kay Julie sa pagganap niya rito. First time niyang maging bida ng isang romance drama film kaya nakaka-excite malaman ano pa ang kaya niyang ipakita pagdating sa pag-arte.

Ano pa nga ba ang ibang ‘firsts’ na dapat abangan? Maging una sa panonood ng much-awaited film this 2023. Showing na ang ‘The Cheating Game’ simula July 26 sa mga sinehan nationwide.

***

PUMANAW na ang legendary master pop vocalist na si Tony Bennett sa edad na 96.

Na-diagnose si Bennett with Alzheimer’s disease noong 2016, pero nakapagtrabaho pa siya hanggang 2021.

Tinawag si Bennett na “the greatest popular singer in the world” ng makasabayan niya na si Frank Sinatra. Nakilala si Bennett sa signature 1962 hit song niya na “I Left My Heart in San Francisco.”

Inawit din niya ang mga classic songs na “Fly Me To The Moon”, “The Way You Look Tonight”, “The Good Life”, “I Got You Under My Skin”, “For Once In My Life”, “The Lady Is A Tramp”, “Shadow Of Your Smile” at marami pang iba.

Nagawa rin ni Bennett na maka-duet ang mga contemporary singers ng bagong milenyo tulad nila Amy Winehouse, Diana Krull at Lady Gaga.

Sa 80 years ni Bennett bilang singer, nanalo siya ng 18 Grammy Awards, 2 Emmy Awards and a Recording Academy Lifetime Achievement Award in 2001. Naging Kennedy Center Honoree in 2005 and a National Endowment for the Arts Jazz Master in 2006.

(RUEL J. MENDOZA)

NAG-PROPOSE nga si Dominic Roque sa girlfriend na si Bea Alonzo noong July 18 na naging talk of the town at nag-viral.

At sa kanyang Instagram post last Friday, July 21, isang araw after ng kanyang 33rd birthday, ibinahagi ni Dom ang heartwarming video ng kanyang proposal na may nakaka-touch na mensahe para sa kanyang soon-to-be wife.

May caption ang naturang video post ng, “Sino bang mag-aakala na yung crush ko lang noon na gustong-gusto kong tinititigan dahil sa sobrang ganda, hindi ko pa nga alam kung paano ako magpapakilala. Eh ngayon, parte na ng araw-araw ko. (smiling face with heart-eyes emoji).

“Indeed, God always has His perfect time for all of us. (red hot emoji)

Ikinuwento ni Dom ang halos apat na taon nilang pagsasama ni Bea bilang magkasintahan at kung bakit naging makabuluhan ang buhay niya, mula ng makilala ang aktres.

“It’s like finding myself in someone else. Nagbago ang pananaw ko sa mundo. In this crazy world we live in, I found my peace. You and me was the peace I was longing for all along,” bahagi ng seryosong mensahe ni Dom.

“Your love that’s giving. Your love that is pure. Your love that is perfect and that just the right amount of love that I need.”

Sobra naman nakaka-antig ng puso ang tila pangako ni Dom sa magandang Kapuso actress, “Ako ang magiging pahinga mo sa mundong magulo at maingay.

“At sa bawat segundo na nandito tayo sa mundo, lahat ng nandun ka, ‘yun ang mga pagkakataon na buung-buo ako.

“Sa taglay mong ganda at mapupungay mong mga mata. Akalain mo yun? Napansin mo ang katulad ko.”

“Dinala ako ng Diyos sa isang taong grabe ang pagmamahal sa pamilya at sa respeto sa mga taong nakakasama niya.

”

Buung-buo ngang nasaksihan ng buong mundo ng proposal na ginawa ni Dom na napaluha agad ni Bea, nang lumuhod sa harapan niya ang boyfriend at ilabas ang small red box.

At nakapagsalita pa ito ng, “No way?” at “Oh my god are you kidding me?”

After ng speech ni Dom, binigkas na nga niyang ang magic word na, “Will you marry me?” na kung saan halatang teary-eyed na ang aktor.

Ilang ulit na naghalikan at nagyakapan bago isinuot ni Dom ang magarang singsing sa daliri ni Bea, at napaluha na siya sa tuwa.

Nagsigawan ang mga tao sa paligid, kasama ang mommy at pamilya ni Bea, na masayang-masaya sa naganap na ‘di inaasahang proposal.

Ibinahagi rin ni Bea ang close-up ng kanyang napakagandang engagement ring.

Samantala sa mismong kaarawan ni Dom na kung saan nag-post siya ng solo photo kasama ang simple caption na ’33’ at red baloon.

Ang sweet naman ng naging comment ng mapapangasawa, “pano ba yan, lahat na ng birthdays mo, magkasama na tayo (smiling face with 3 hearts and red heart emoji).”

Marami nga ang na-touch at naiyak sa wedding proposal ni Dominic, na hindi nga pakakawalan pa si Bea, na kung saan noong August 2021 lang nila kinumpirma ang kanilang relasyon.

Congrats Bea and Dom!

(ROHN ROMULO)