2023 August 17 Archive - People's Balita

December 22, 2024
Search in People's Balita
Ang Diyaryong Pinagkakatiwalaan

Archive for August 17th, 2023

P105.6B inilaan ng DBM para sa state universities, colleges para sa libreng edukasyon

Posted on: August 17th, 2023 by @peoplesbalita No Comments

NAGLAAN ang Department of Budget and Management (DBM) ng P105.6 bilyong piso para sa state universities and colleges (SUCs) sa ilalim ng panukalang P5.768-trillion National Expenditure Program para sa taong 2024.

Sinabi ng DBM na ang alokasyon ay susuporta sa free tertiary education sa SUCs at maging para tugunan ang nawalang pag-aaral dahil sa COVID-19 pandemic.

Sa kanyang Budget Message, binigyang diin ni Pangulong Ferdinand Marcos Jr. ang kahalagahan ng access sa free tertiary education para sa mga Filipino lalo pa’t karamihan na sa mga educational institutions ay nagsasagawa na ng full face-to-face classes.

“With 99.5% of our public schools now implementing five-day in-person classes, this amount will fund significant investments in the education of over 28 million learners nationwide,” ayon sa Pangulo.

“Echoing the pronouncement of our President, alongside the strengthening of our economy, we will also invest heavily in human capital development through education, health, and social protection,” ayon naman kay Budget Secretary Amenah Pangandaman.

Sa kabuuang alokasyon, sinabi ng DBM, P21.7 bilyong piso ang ilalaan sa 116 SUCs sa ilalim ng Universal Access to Quality Tertiary Education (UAQTE) program —na garantiya para sa free tertiary education sa 3,145,098 mag-aaral sa iba’t ibang panig ng bansa.

“Access to quality education will also be at the forefront of the government’s education agenda through the Universal Access to Quality Tertiary Education,” ayon sa Kalihim.

Winika pa ng departamento na ang panukalang UAQTE budget para sa SUCs ay itinaas ng halos P3 bilyong piso o 14.32% mas mataas kumpara sa P18.8 bilyong pisong budget mula sa Fiscal Year 2023’s NEP.

Bukod dito, naglaan din ng P26 bilyong piso sa ilalim ng UAQTE budget para suportahan ang mga programa ng Commission on Higher Education (CHED) at maging panibagong P3.4 bilyong piso para sa Free Technical-Vocational Education and Training ng 38,179 enrollees at 10,126 graduates ng Technical Education and Skills Development Authority (TESDA).

Sinabi ng DBM na makatatanggap din ang SUCs ng P3.4 bilyong piso para sa kanilang infrastructure projects.

“Improving education facilities is essential for creating a conducive learning environment for all learners, including those in remote and hard-to-reach areas,” ayon sa Pangulo sa kanyang Budget Message.

“A well-equipped and well-designed classroom can foster a positive atmosphere for learning,” ayon sa Pangulo sabay iginiit na “all projects will be implemented in all corners of the country, including the underserved areas.”

Samantala, sinabi pa ng DBM na ipinagkaloob ang kabuuang P924.7 bilyong piso para sa education sector, katumbas ng 16% sa panukalang P5.768 trillion 2024 budget plan. (Daris Jose)

2 tricycle driver na tirador ng cable wire sa Malabon, timbog!

Posted on: August 17th, 2023 by @peoplesbalita No Comments

HIMAS-REHAS ang dalawang tricycle driver na kapwa tirador umano ng mga cable wire matapos maaresto ng mga rumespondeng pulis sa Malabon City, kahapon ng madaling araw.

Kinilala ni Malabon police chief P/Col. Jonathan Tangonan ang mga naarestong suspek na sina Chester Esmundo, 27 ng Sto Niño St., Brgy. Concepcion at Crisanto Magallanes, 37 ng Kasarinlan St., Brgy. Muzon.

Lumabas sa imbestigasyon ni PSSg Michael Oben na habang nagsasagawa ng checkpoint ang mga tauhan ng Malabon Police Sub-Station 6 sa kahabaan ng Gen. Luna St., Brgy. Concepcion nang isang concerned citizen ang nagreport sa kanila hinggil sa dalawang lalaki na nagpuputol ng cable wire malapit sa nasabing lugar.

Kaagad namang rumesponde sa nasabing lugar ang mga pulis kung saan naabutan nila ang dalawang lalaki na isinasakay sa kanilang getaway tricycle ang pinutol na cable wire bago umalis sa lugar, dakong alas-4:20 ng madaling araw.

Hinabol naman sila ng mga pulis hanggang sa maaresto at nakumpiska sa kanila ang nasa 12 meters globe cable wire na nagkakahalaga ng P25,649, cutter fliers, PVC pipe cutter, ice pick at gamit nilang tricycle na may plate No. (547QXI).

Pinuri naman ni Northern Police District (NPD) Director P/BGen. Rizalito Gapas ang Malabon police sa masigasig na pagtugis sa mga kawatan, kasabay ng panawagan sa mga mamamayan na huwang mangiming lumapit sa pulisya at isumbong ang anumang nasasaksihan nilang krimen. (Richard Mesa)

Makakasama si John bilang ama niya: PAOLO, gaganap na gay martial arts fighter sa ‘Fuchsia Libre’

Posted on: August 17th, 2023 by @peoplesbalita No Comments

MAY bagong pelikulang gagawin ang Kapuso TV host-actor na si Paolo Contis, kasama ang batikang aktor na si John Arcilla.

Sa Chika Minute report sa GMA News “24 Oras”nitong Lunes, sinabing isang gay martial arts fighter ang magiging role ni Paolo sa pelikulang may pamagat na ‘Fuchsia Libre’.

Wala pang ibang detalye na ibinigay tungkol sa naturang movie. Pero sa isang ulat ng PEP.ph na sinulat ni Gorgy Rula sinabing mag-ama ang magiging role nina Paolo at John.

Gustong-gusto raw ni Paolo ang naturang movie project dahil sa Pilipinas lang ito gagawin at malapit pa sa studio ng “Eat Bulaga,” kung saan isa siya sa mga host ng nootime show.

Gaya ng iba pang movie projects ni Paolo, ang Mavx Productions din ang magpu-produce ng ‘Fuchsia Libre’.

Ang iba pang pelikula ni Paolo na kaniyang ginawa o ginagawa pa ay ang “Ang Pangarap Kong Oskars,” kasama si Joross Gamboa.

Samantala sa movie sa “Tasmania” na kinunan ang ilang bahagi sa abroad, kasama ang kaniyang mga “Tabing-Ilog” co-stars na sina Patrick Garcia at Kaye Abad.

***

HINDI raw nag-ambisyon kahit kailan si Christian Vasquez na maging isang pulitiko.

Pero may mga nag-alok na raw sa kanya na tumakbo bilang public official pero tinanggihan niya.

“Pero parang hindi lang siya para sa akin, siguro.”

Bilang konsehal sa probinsiya nila sa Bacolod ang inialok dati kay Christian.

“Sa tingin ko hindi ko siya matatrabaho ng maayos kasi… iba siguro yung hilig ko. Parang ang politics is hindi e, hindi talaga.

“Kasi nakikita ko yung trabaho nila, mahirap e, so parang mahirap tanggapin yung isang bagay pag hindi naman buo yung puso mo.”

Nagsasalita ng tapos si Christian, hindi niya papasukin ang mundo ng pulitika.

Para lamang raw siya sa mundo ng showbiz; sa katunayan ay kasalukuyang napapanood si Christian bilang si Zambojil sa ‘Voltes V: Legacy’ ng GMA-7 na umaariba sa ratings.

Kasa marin si Christian sa cast ng ‘KUYA: The Gov. Edwin Jubahib Story’ na isang biopic feature film na pagbibidahan ng award-winning actor na si Richard Quan at tungkol sa buhay ni Governor Edwin Jubahib ng Davao Del Norte at sa direksyon ni Francis “Jun” Posadas.

(ROMMEL L. GONZALES)

PBBM, ipinag-utos ang mahigpit na pagmo-monitor sa presyo ng bigas

Posted on: August 17th, 2023 by @peoplesbalita No Comments

NAGBABALA si Pangulong Ferdinand R. Marcos Jr. na hahabulin ng pamahalaan ang mga rice hoarders at price manipulators na sinasamantala ang lean months bago pa ang harvest season sa gitna ng napaulat na pagtaas sa presyo ng bigas sa mga pamilihan.

Sinabi ng Presidential Communications Office (PCO) na binigyang diin ni Pangulong President Marcos na may sapat na suplay ng bigas dahil na rin sa pagtutulungan ng administrasyon at pribadong sektor para bigyang katuwiran ang presyo at availability ng ‘affordable rice’ sa mga pamilihan at Kadiwa stores.

“Rice supply is sufficient. Prices are, however very variable. The government is working with the private sector to rationalize the prices and make available affordable rice in the market and in Kadiwa,” ayon sa PCO kung saan sinabi ang inihayag ng Pangulo.

Sa kabilang dako, iniulat ng Department of Agriculture na ang mga retailers ay nagbebenta ng bigas sa iba’t ibang ‘price points’ kung saan may ilan ang nagbebenta ng P38-P40 kada kilo bilang pinakamura habang may ilan naman ang nagbebenta ng mas pinakamurang iba’t ibang bigas sa halagang P50 kada kilo.

Bilang resulta, sinabi ng PCO na ipinag-utos ng Pangulo sa DA at Department of Trade and Industry (DTI) na mahigpit na i-monitor ang presyo ng bigas sa iba’t ibang pamilihan sa bansa. (Daris Jose)

MOU vs fake news tinintahan na ng Palasyo

Posted on: August 17th, 2023 by @peoplesbalita No Comments

HANDA na ang Presidential Communication Office (PCO) na ipatupad ang Media and Information Literacy (MIL) Project ng administrasyon ni Pangulong Ferdinand R. Marcos Jr., kasunod ng paglagda ng Memorandum of Understanding sa mga partner na ahensya ng gobyerno nitong Lunes.

Pinangunahan ni PCO Secretary Cheloy Velicaria-Garafil ang ceremonial signing ng MOU kasama ang Department of Education (DepEd), Commission on Higher Education (CHED), Department of the Interior and Local Government (DILG), at Department of Social Welfare and Development (DSWD) sa Pasay City.

“We are not merely embarking on a mission; we are empowering a collective endeavor to exemplify the power of a whole-of-nation approach, and indeed, a whole-of-society commitment,” ayon kay Secretary Velicaria-Garafil.

Idinagdag ng PCO chief na ang paglulunsad ay pinag-isang pagsisikap ng administrasyong Marcos at mga miyembro ng digital media industry laban sa maling impormasyon at disinformation.

Sinaksihan ni Pangulong Marcos ang ceremonial signing ng MOU at ang paglulunsad ng MIL program noong Lunes ng hapon.

Pinadali ng mga bagong teknolohiya, online na balita at social media ang pag-access sa impormasyon, aniya, na binibigyang-diin ang kakayahan ng mga maling salaysay at pekeng balita na iligaw, hatiin, at maging sanhi ng sakit o pinsala.

“Our responsibility, then, is clear—to arm our citizens with the tools to discern truth from falsehood,” pahayag ni PCO chief.

“Sisimulan po natin ito sa ating mga kabataan dahil sila ang pinaka exposed sa digital landscape at sa mga panganib nito. Sa pamamagitan ng Media and Information Literacy Campaign, bibigyan natin sila ng mga kasangkapan upang kritikal na makapagsuri at makapagvalidate ng mga pinagmulan ng mga impormasyon, at malaman ang pinagkaiba ng mga mapanlinlang na kasinungalingan mula sa katotohanan.”

Mula sa mga paaralan, ang kampanya ay dadalhin sa mga komunidad sa pamamagitan ng mga dayalogo sa mga lokal na pinuno, mga lingkod sibil, at mga ordinaryong mamamayan upang bigyang-daan ang mga tao na mag-navigate sa digital na mundo nang may pag-unawa at responsibilidad, aniya.

Sinabi ni Velicaria-Garafil na ang gobyerno at ang mga kasosyo nito ay umaasa na bumuo ng isang lipunan ng “mga synthesizer,” na magagamit ang tamang impormasyon sa tamang oras para sa tamang layunin na gumawa ng mga tamang pagpipilian.

Sa pakikipagtulungan sa DepEd, CHED, DILG, at DSWD, inaasahan ni PCO Secretary ang matagumpay na kampanya laban sa maling impormasyon at fake news.

Ipapatupad ng MOU ang MIL, na siyang tugon ng administrasyon sa disinformation at maling impormasyon na sumasalot sa digital landscape ng bansa, na nakatuon sa pagpapalakas ng mga kabataan na maging mas matalinong mga mamimili ng media.

Isasama ang MIL sa kurikulum ng mas mataas na edukasyon, pagsasanay sa komunidad, at mga programang nakatuon sa pamilya.

Ang mga kumpanya ng social media tulad ng Google (YouTube), Meta (Facebook, Instagram, at Threads), TikTok, at X (dating Twitter) ay makikipagtulungan sa gobyerno sa pamamagitan ng pagpapahiram ng mga tool at pagsasanay upang labanan ang disinformation at maling impormasyon.

Pakikiramay sa pagpanaw ni dating Mayor Danilo “Danny” Lacuna

Posted on: August 17th, 2023 by @peoplesbalita No Comments

INIHAYAG ni Manila Mayor Honey Lacuna-Pangan ang pagpanaw ng kanyang ama na si dating Mayor Danilo “Danny” Lacuna, Linggo ng umaga, Agosto 13, 2023, sa edad na 85.

Sa social media post ng pamilya Lacuna sa pamamagitan ni Mayor Honey Lacuna-Pangan, ang panganay sa limang anak ni dating Bise Alkalde, Danny Lacuna, namayapa ang kanilang ama ng Linggo ng umaga habang napapaligiran ng kanyang pamilya.

“It is with immeasurable sadness that we announce the death of Hon. Danilo Bautista Lacuna, Former Vice Mayor of Manila. Our beloved Daddy Danny joined his creator early this morning, August 13, 2023, surrounded by his loved ones.” pahayag ni Mayor Honey sa kanyang opisyal na Facebook account.

“A man of great service and compassion, Danny touched many, creating life which spans further than just his hears and into the hearts of us all here he will remain forever. We invite you to join us as we celebrate his life as well as his new life in Paradise,” dagdag pa ng alkalde.

Nagsilbi muna bilang Konsehal ng Lungsod ng Maynila si Danilo Bautista Lacuna mula taong 1968 hanggang 1975 at Bise Alkalde naman ng mula 1970 hanggang 1971, 1998 hanggang 1992, at ang pinakahuli ay noong 1998 hanggang 2007.

Si Danny Lacuna rin ang bumuo ng lokal na partidong pulitikal sa lungsod na Asenso Manileño na naging partido ni dating Mayor Francisco “Isko Moreno” Domagoso at kasalukuyang Mayor Honey Lacuna.

Naulila ng namayapang dating bise alkalde ang kanyang maybahay na si Melanie “Inday” Lacuna at limang anak na sina Honey, Lei, Dennis, Liza, at Philip.

Nakikiramay naman ang lahat ng opisyal at miyembro ng Manila City Hall Press Club (MCHPC) sa pamumuno ni JR Reyes sa pamilya Lacuna.

Nagsilbing mabuting kaibigan at itinuring na pamilya ni dating Bise Alkalde Danny Lacuna ang ilang mga naging opisyal at miyembro ng MCHPC partikular na noong panahon ng kanyang panunungkulan.

Sa mga nais magbigay ng kanilang huling paggalang sa dating Bise Alkalde Danny Lacuna, ang Public Viewing ay nakatakda mula 2pm hanggang 9pm mula Lunes, Agosto 14 hanggang Huwebes, Agosto 17 sa Cosmopolitan Memorial Chapels sa Araneta Avenue. Ang interment ay sa Biyernes, Agosto 18. (Leslie Alinsunurin)

Naniniwala na may competition kahit saan: BILLY, open pa rin sa possibility na mag-work sa alinmang noontime shows

Posted on: August 17th, 2023 by @peoplesbalita No Comments

OPEN pala si Billy Crawford sa possibility na magtrabaho sa alinmang noontime shows ngayon na umeere sa magkakaibang TV networks.

Huling noontime show ni Billy ay “Tropang LOL” ng Brightlight Productions.

Ongoing noontime shows ngayon ay “It’s Showtime” ng Kapamilya Network sa GTV at A2Z, “Eat Bulaga” sa GMA-7 at “E.A.T.” sa TV5.

“Happy lang ako dahil gumagalaw ang industriya natin,” sabi ni Billy. “TV is back. Medyo prior to pandemic, it was hard, nung nag-pandemic, a percentage of our viewers nawala.

“So, everything was online based. Sa totoo lang, kung makakapunta ako sa ‘Showtime,’ makakapunta ako sa ‘Eat Bulaga,’ kasi yun yung promotions namin para sa mga projects namin.”

Dating host si Billy ng “It’s Showtime” at umalis lamang siya in 2018, nang kinasal sila ng wife niya ngayong si Coleen Garcia na co-host din niya noon.

So, bukas ba siyang makabalik sa show?

“Well, I really have no idea, but I go where work takes me. To be honest with you, kung saan ang trabaho, doon ako.”

Masaya si Billy sa sinabi ni Atty. Felipe L. Gozon, CEO ng GMA, na “TV was over,” matapos ang historic deal for “It’s Showtime” airing on GTV na pag-aari ng GMA.

Pero naniniwala si Billy na there will always be competition kahit saan. Ang panalo dito ang mga viewers. I-enjoy lamang nila ang moment because it’s a milestone for all TV platforms.

Totohanan na nga ang pagbabalik ni Billy sa GMA Network matapos silang mai-launch nina Chito Miranda, Julie Anne San Jose, at SB19 Stell Ajero, bilang coaches ng singing reality competition na “The Voice Generations,” hosted by Kapuso Primetime King Dingdong Dantes. Masaya si Billy sa kanyang pagbabalik sa GMA-7 dahil dito siya nanggaling.

“Kay Kuya Germs (German Moreno) in 1986 sa “That’s Entertainment.” I started when I was three and then at four years old, nag-“That’s Entertainment” na ako.

“So, ito na yung bahay ko, it only changed aesthetics wise, pero yung soul, yung pakiramdam, nandito pa rin1 Napakalamig pa rin sa mga studio dito sa GMA.”

Ang “The Voice Generations” ay magsisimula nang mapanood sa Sunday, August 27, 7:15 p.m. sa GMA-7.

(NORA V. CALDERON)

Ads August 17, 2023

Posted on: August 17th, 2023 by @peoplesbalita No Comments

FOR FANS BY FANS: LIFELONG “TEENAGE MUTANT NINJA TURTLES” FANS SETH ROGEN AND DIRECTOR JEFF ROWE TALK ABOUT THEIR VISION FOR “MUTANT MAYHEM”

Posted on: August 17th, 2023 by @peoplesbalita No Comments

Teenage Mutant Ninja Turtles made a big impression on Seth Rogen at a very early age. “The animated series came out in 1987, when I was five. The first movie came out in 1990, when I was eight,” he says. “It was perfectly geared toward someone my age and I loved it. They were funny. They were referential. I started taking karate probably because of the Turtles. I was just kind of obsessed.”

Watch the final trailer: https://youtu.be/qqc4jJr28w8

So when Brian Robbins, President and CEO of Paramount and Nickelodeon, called Rogen to ask him if he’d like to discuss making a new Turtles movie, Rogen already knew exactly what he wanted to do.

“It’s Teenage Mutant Ninja Turtles,” Rogen says. “Of all those words, the teenage part was the most under-explored, and the most interesting to me.” And that is how Teenage Mutant Ninja Turtles: Mutant Mayhem began. Rogen saw in it a Turtles movie made with a genuine teen spirit – breaking all the rules, ripping up the playbook and doing everything on its own terms.

Watch the featurette “Putting the Teens in TMNT” here: https://youtu.be/BNg8CpX0Y4c

To help shape a Turtles movie with the wit and verve they wanted, Rogen, his producing partner Evan Goldberg, and Mutant Mayhem producer James Weaver needed a director who could tell a story full of heart and humor, but who was also not afraid to break the rules. They were pointed in the direction – by Phil Lord and Chris Miller no less – of one man: Jeff Rowe, co-writer and co-director of The Mitchells Vs. The Machines.

Rowe admits that he didn’t need all that much in the way of persuading. As a professed lifelong Turtles fan, when he heard there was a search on for a director for a new version of them, his head started spinning. “I thought, ‘That sounds like a dream project. I would kill to do that,’” Rowe says.

Rowe and his producers all agreed on the direction for the story, which would consider the siblings teenagers first, turtles second. But then Rowe wanted to push the concept even further. What if the movie about teenagers looked like it was made by teenagers? “When he first pitched it,” laughs Goldberg, “we said, ‘Maybe… I don’t know, man. It sounds a little crazy.’”

It probably was a little crazy, at least at first. Rowe’s idea was that he wanted to make a movie that looked not slick and polished – like most CG movies – but as messy, fun and unpredictable as the story’s heroes. “We just wanted it to look like teenage drawings,” says Rowe. “You know, the kind of drawings you did when you were in high school that have weird shapes and bad perspective but are lovingly rendered in places. And were always sincere.”

As the Turtles co-creator and a man who has seen them transform so many times over the years, Kevin Eastman couldn’t be more happy with what everyone has achieved with Mutant Mayhem. “It’s big and loud and proud,” he says. “These guys nailed it.”

Teenage Mutant Ninja Turtles: Mutant Mayhem opens in Philippine cinemas August 23. Cowabunga!

**The interviews with Rogen and Rowe were done before the writers’ and actors’ strikes.**

About Teenage Mutant Ninja Turtles: Mutant Mayhem

In Teenage Mutant Ninja Turtles: Mutant Mayhem, after years of being sheltered from the human world, the Turtle brothers set out to win the hearts of New Yorkers and be accepted as normal teenagers through heroic acts. Their new friend April O’Neil helps them take on a mysterious crime syndicate, but they soon get in over their heads when an army of mutants is unleashed upon them.

In Philippine cinemas starting August 23, Teenage Mutant Ninja Turtles: Mutant Mayhem is distributed in the Philippines by Paramount Pictures through Columbia Pictures. Connect with #MutantMayhem #TMNTMovie and tag paramountpicsph

(ROHN ROMULO)

Hundred million percent na sure na: KHALIL, pakakasalan at ‘di na pakakawalan ang long-time gf na si GABBI

Posted on: August 17th, 2023 by @peoplesbalita No Comments

INAMIN ni Kapuso actor Khalil Ramos, nang mag-guest sa “Fast Talk with Boy Abunda” last Monday, na he’s “a hundred million percent” sure nang ang pakakasalan niya ay ang long-time girlfriend niyang si Kapuso actress Gabbi Garcia, when the time comes.

“Realistically kasi when we started our relationship we really intended our relationship to last,” sabi ni Khalil.

“We are the type of people who date to marry also. We’re really in it for the long run at napag-usapan namin yun especially now, six years down the line. We’re not getting any younger, and eventually, we do need to settle down.”

Sa ngayon, Khalil is in the live musical “Tick, Tick…Boom” and he’s supported by Gabbi, na napapanood naman gabi-gabi sa “Unbreak My Heart” collab project ng VIU, GMA-7 at ABS-CBN.

***

SA Japan nag-celebrate ng kanyang 27^th birthday si Sparkle artist Thea Tolentino, for a well-deserved vacation.

May mga fans na nagtatanong kung solo lamang nagbiyahe si Thea dahil naglabas siya sa Instagram niya ng several photos of her wearing a beautiful kimono in Tokyo at mag-isa lamang siya.

Her caption: “celebrating my birthday in Japan for the first time. So happy to be back para makapag-recharge,”

Thea also shared she has been learning a lot from all the traveling to places lately at ang dami niyang natutunan.

“There have been a lot of ups and downs but I know that I can handle things better and I’m kinder to myself now.”

Nag-post din si Thea ng photos niya noong first and second day niya sa Tokyo, na she got lost in Shibuya Station for almost two hours.

“Getting the hang of trains here again. Warm up lang pala yung day 1. To more gala, food and fangirling on this trip.”

(NORA V. CALDERON)