KILALANG aktor at host si Dingdong Dantes.

Isa siya sa iilang personalidad sa showbiz na buong husay na nakatatawid sa pag-arte sa harap ng kamera bilang artista at nakapagdadala rin ng programa bilang host.

Bilang artista, bidang karakter si Dingdong bilang si Napoy sa ‘Royal Blood’ ng GMA.

May pelikula rin sila ng misis niyang si Marian Rivera para sa 2023 Metro Manila Film Festival sa Disyembre, ang ‘Rewind’ na collaboration na produksyon ng Star Cinema, APT Entertainment at Agosto Dos Media.

Nagsimula rin na sa pag-ere ang sinasabing “the world’s biggest singing competition”, ang ‘The Voice Generations’ kung saan si Dingdong ang host at magsisilbing judges naman sina Billy Crawford, Julie Anne San Jose, Chito Miranda ng Parokya Ni Edgar at Stell ng SB19.

Umiikot na rin ang balita tungkol sa pagbabalik ng top-rating na “game show ng bayan” na Family Feud na umere noong March 2022 hanggang June 2023 kung saan si Dingdong rin ang host.

Kaya tinanong namin si Dingdong, saan siya mas hirap o natsa-challenge, sa pagho-host o sa pag-arte?

“May kanya-kanyang hirap siya,” umpisang sinabi ng Primetime King ng GMA.
“Hindi siya apples to apples, e!
“May hirap din yung hosting, pero kapag na-overcome mo fulfilling. “Yung acting ganun din pag na-overcome mo fulfilling siya so ano siya, magkakaibang mundo.”

***

LIMANG taon na simula mabiktima ng isang scammer si Michael Flores.

“Pero unfortunately yung tao nagtatago na, alam mo na, yung the usual.

“Nag-start yung investment namin actually maganda naman, e. “And then a couple of months meron siyang, nagtayo rin siya ng sarili niyang networking, doon napunta yung in-invest namin, “Never siyang nagpasok ng sarili niyang pera, kaming mga investors pala yung ginamit niya na pera para makapagpatayo siya ng sarili niyang networking company,” umpisang kuwento sa amin ni Michael.

Milyon ang pera ni Michael na na-scam.

“Nagpaparamdam siya kasi once in a while, ini-expose ko na siya, e. May time nga na nilabas ko na yung mukha nila sa social media.

“May mga kausap na rin ako kasi plano na rin namin talagang i-expose ‘tong tao na ‘to and then kakasuhan na rin namin at the same time.

“Sanay siya kasi na kasuhan, e! Marami nang nagkaso sa kanya pero mukhang nakakalusot siya, e. Although nakulong na siya before pero siyempre nakapag-bail.”

Hindi raw ganoon kakilala ni Michael ang naturang manloloko.

“Iyon din yung mali ko e, kumbaga meron lang akong mutual friend na ni-refer sa akin ‘tong taong ‘to.

“At first talaga kumikita naman pero eventually iyon nga nung nag-shift yung business niya sa iba, gumawa siya ng sarili niyang networking company doon na nagkaproblema.”

Umaasa ba si Michael na maisasauli pa ang kanyang pera?

“Well nagpaparamdam pa naman siya sa akin so hopefully.

“Pero minsan kasi alam mo yun, ang problema sa laki ng utang niya sa akin magbibigay siya one thousand pesos, minsan two thousand pesos sabay-biglang ilang araw or linggo even months hindi siya magpaparamdam ulit.

“So paano ko siya, di ba, makakausap kung hindi siya magpaparamdam?

“Pag lumabas siya sa social media, nakita niya, ayun magpaparamdam siya ulit.”

Coincidentally, tungkol sa scam ang ‘The Missing Husband’ kung saan kasali si Michael bilang si Banong.

Tampok rin sa afternoon series sina Yasmien Kurdi as Millie, Rocco Nacino as Anton, Jak Roberto as Joed, Sophie Albert as Ria, Joross Gamboa as Brendan, Nadine Samonte as Nona, Shamaine Buencamino as Sharon, Maxine Eigenmann as Leila, Cai Cortez as Glenndolyn, Patricia Coma as Arya at Bryce Eusebio as Norman.

Napapanood sa GMA Afternoon Prime, ang ‘The Missing Husband’ at sa direksyon ni Mark Reyes na direktor rin ng ‘Voltes V: Legacy.’

(ROMMEL L. GONZALES)

TULOY na ang pag-file ni Jennica Garcia para ma-annul ang kasal nila ng kanyang estranged husband na si Alwyn Uytingco.

Mas makabubuti raw ang annulment para tuluyan na silang maging malaya sa isa’t isa dahil wala na raw talagang balikan na maasahan sa kanilang dalawa.

Binigyan daw ni Jennica ng second chance noon pa si Alwyn, pero wala raw talagang nangyaring pagbabago.

Kinasal ang dalawa noong 2014 at naghiwalay noong 2021.

Three years nang hindi na ginagamit ni Jennica ang married name niya na Uytingco. Pero naging maingat si Jennica na magsalita ng hindi maganda tungkol kay Alwyn dahil sa kanilang dalawang anak na sina Mori at Alessi.

Pinabulaanan naman ni Jennica na ang reason ng pagpapa-annul niya ay dahil sa namumuong pagtitinginan daw nila ni Christian Bables na nagsimula sa teleserye na ‘Dirty Linen’.

Diin ni Jennica: “Wala po talagang romantic na dating or anything like that between me and Christian.”

(RUEL J. MENDOZA)

SA celebrity screening ng newest primetime series ng ABS-CBN na ‘Senior High’ na hatid ng Dreamscape Entertainment, may pasilip na ang character ng award-winning actress na si Sylvia Sanchez.

Gaganap siya bilang isang security guard sa school na kung saan nag-aaral ang kambal na sina Luna at Sky na ginagampanan ng ‘next important star’ at ‘future drama princess’ ng Kapamilya Channel na si Andrea Brillantes.

Bida rin sa serye sina Kyle Echarri, Juan Karlos, Elijah Canlas, Zaijian Jaranilla, at Xyriel Manabat.

After ng screening ng three episodes, nagkaroon ng presscon. Natanong si Sylvia kung bakit niya tinanggap ang naturang role na base naman sa patikim ay mukhang may lalim at malaki ang magiging kaugnayan sa mga batang bida ng mystery-thriller series, na kapupulutan ng mga aral.

“Malaki ‘yung role na ‘yun,” pag-amin niya.

“After ng HKM (Huwag Kang Mangamba), sinabi ko papahinga muna ako (paggawa ng teleserye). So ginawa ko yun, years akong nagpahinga.

“May mga offers naman na dumating, tinanggihan ko.

“Kasi pare-pareho na nanay, ganun. Gusto ko naman na ma-break ‘yung ganoon, na maiba ‘yung role ko.”

Dagdag pa niya, “So after 2 years, eto dumating itong role na ito na si Lydia na isang security guard. Tinanggap ko na walang pag-aalinlangan.

“Kasi after HKM, pinagkatiwalaan ako ng Dreamscape ng panibagong magandang role.

“Security guard siya, pero huwag lang siyang sinasabihan na security guard lang.

“Kasi ang security guard na ‘yun, ‘pag pumutok, tatahimik ang lahat,” pahayag pa ni Sylvia, na for sure, mamahalin din ng mga SG dahil sa naturang pagganap.

Samantala, nagbigay naman siya ng payo sa kanyang anak-anak na si Andrea, na nakasama rin niya sa ‘Huwag Kang Mangamba’.

Sobrang insecure pala ito dati at patuloy pa ring nakatatangap ng pamba-bash.

“Noong sinasabi ni Blythe na sobrang down siya, nandoon ako, nandoon ang pamilya ko. Nakita ko yun,” pagsisilawat ni Ibyang.

“So ngayon, tuwang-tuwa ako, sa nakikikita ko ngayon sa ‘yo. Di ba, sabi ko sa ‘yo ‘nak dati, maging matapang ka sa mundong ito. Kasi walang ibang tutulong sa ‘yo, kundi sarili mo lang.

“Nandyan ang barkada, na puwedeng sabihan, nandyan ang pamilya. Pero ‘di ba sinasabihan kita na, iiyak mo lang sa Diyos, kung ano mang pasakit ang nararamdaman mo.

“Ang bashers, ‘wag mong intindihin, bashers lang yan. Maganda man o pangit ang gagawin mo, nandyan sila, mananatili silang bashers. Wala silang kuwenta sa buhay natin.”

Dagdag rebelasyon pa ni Ibyang, “dati kasi sinasabi niya sa sarili niya na, ‘tita hindi po ako maganda’. Pero nakita ko siya noong bata sa siya, (8 years old sila ng magkasama ni Arjo (Atayde) sa ‘E-boy’), ang ganda-ganda niya.
“Tapos, ‘yung kumpiyansa sa sarili niya, kulang na kulang noon. Kaya ang sabi ko, ‘Blythe, maganda ka, magaling at matalino ka, kaya laban lang.

“Kaya ngayon, kung ano man ang nangyayari sa ‘yo, ang layo na ng Blythe na nakilala ko noong 8 years, sa Blythe ngayon, dahil ino-obserbahan kita. Kaya natutuwa ako.

“Palagi kong sasabihin sa ‘yo, na ang lakas ng loob, tapang at tiwala sa sarili, dalhin mo ‘yan palagi.”

Hirit pa ng mommy ni Gela Atayde na introducing sa ‘Senior High’, “at ‘pag may nagsabi sa ‘yo na pangit ka, at hindi ka magaling umarte, ako ang magsasabi sa kanila ng diretso, dahil mas maganda talaga siya.

“Saka tandaan mo ‘to, kahit tumanda ka pa, isang tawag mo lang sa akin, kay Gela, kay Tita Art, sa pamilya Atayde, nandoon kami, kahit na anong oras, kahit tulog kami, tatakbuhin ka namin.”

At dahil sa magagandang sinabi ni Sylvia, naging emosyonal nga ang bida ng ‘Senior High’ na nagsimula nang mapanood, Lunes hanggang Biyernes, ng 9:30 PM sa Kapamilya Channel, Kapamilya Online Live, A2Z, TV5, iWantTFC, at TFC.

(ROHN ROMULO)