SA kauna-unahang pagkakataon ay bumiyahe abroad ang mag-inang Judy Ann Santos at unico hijo niyang si Lucho Agoncillo.

Tumungo sa Kuala Lumpur sa Malaysia, unang beses ito na biyahe nina Judy Ann at Lucho na hindi kasama sina Ryan Agoncillo at ang dalawang anak nilang babae ni Ryan na sina Yohan at Luna.

Ayon nga sa Instagram post ni Juday…

“First time to leave manila without dada and the girls.. this time it’s just mommy and kuya and ate Arlene .. missing a big chunk of our family here in KL.. mommy and kuya time muna, while dada spends time with the girls. Missing you big time bub.

Ang ate Arlene na tinutukoy ni Juday ay ang isa sa trusted household staff nila sa bahay; naka-tag naman sa naturang post ni Juday si  Ryan na may kasamang dalawang kissing emoji.

Tumungo ang mag-ina sa Malaysia para sa isang event na may kinalaman sa football na sport ni Lucho.

Hindi nakasama si Ryan dahil sa mga ganap dito sa bansa ng mister ni Juday tulad ng regular hosting gig nito para sa ‘E.A.T.’ samantalang may pasok sa school sina Luna, na nasa elementarya at si Yohan na nasa unang taon na sa kolehiyo.

***

AYON kay Kazel Kinouchi, hangga’t maaari ay iniiwasan niyang magbasa ng hate comments laban sa kanya, pero hindi ba pagpapatunay ang mga galit na reaksyon sa kanya na isa siyang epektibong artista dahil nga maraming galit sa karakter niya bilang Zoey sa ‘Abot Kamay Na Pangarap’?

“Oo nga po, e! Actually nagbabasa rin naman po ako, siyempre gusto kong makita kung ano yung insights nila, pero pag medyo ano na… nagiging heavy na, I stop reading na po.

“So hindi mo rin maiiwasang makakita ng comments, kasi if it’s not live naman po or clips all over social media, nasa Tiktok, nasa Facebook, so ayun po.”

Aminado si Kazel na  malaki ang nagawa ng ‘Abot Kamay Na Pangarap’ para sa kanyang career?

“Opo, sobra!”

Bago siya naging parte ng programa ay hindi pa siya gaanong kilala ng publiko pero ngayon ay kilalang-kilala na siya ng mga tao lao na ang mga avid viewers ng AKNP.

Ano ang masasabi ni Kazel tungkol dito?

“Opo, sobrang thankful ako na siguro nag-match din talaga si Zoey, nabigyan ko ng kulay din si Zoey, napaglaruan ko siya, and yung medyo kaartehan ko in real life, parang na-apply ko rin siya sa character ko.

“So ayun, I’m so thankful naman na minahal naman siya ng tao at sana mabigyan ko pa ng maraming kulay si Zoey.”

(ROMMEL L. GONZALES)

SI Gabby Concepcion ang unang sumalang sa presscon ng ‘Dear Heart The Concert’, ang most anticipated grand reunion nila ni Megastar Sharon Cuneta at historic moment sa Philippine entertainment industry ay magaganap na sa SM MOA Arena sa October 27, 2023.

At sa naturang presscon, in-announce din almost sold out na ang concert. Pero ang good news ay magkaroon ito ng special ‘Dear Heart VIP Night’ sa Okada Manila’s Grand Ballroom sa October 30, 2023, kaya may chance pa ang ibang fans na masaksihan ng malapitan ang unforgettable momments kasama ng legendary duo.

Para naman sa fans sa South, na ‘di makakapunta sa Manila, magkakaroon naman ng ‘InLife’s Dear Heart In Cebu’, na magaganap naman sa November 17 sa NuStar’s Convention Center.

Halos isang oras ang interview kay Gabby, na inaming natuwa siya na finally matutuloy na ang pagsasama nila ni Sharon, hindi man natuloy sa reunion movie, isang concert naman ang handog, na siguradong kakikiligan ng mga fans.
Sinabi rin ni Gabby, maganda kung magkakaroon ng special participation ang anak nilang si KC Concepcion, pero wala pa raw silang alam, base sa script na nabasa niya.

Kuwento pa ni Gabby, sinasadya raw nila na hindi magkita ni Sharon, kahit sa pictorials at TV guestings ay hindi sila magsasama. Mas maganda raw na sa mismong araw na ng concert sila magkita ng ex-wife.

Pero dahil naging maganda naman ang Q&A kay Gabby, na puro good vibes lang, nangyari nga ang ‘di inaasahan, na ikinatuwa ng members of the press at vloggers. Originally, back-to-back ang presscon, na after Gabby’s turn, ay magbi-break muna ng 30 minutes to 1 hour at saka palang papasok si Sharon.

Pero nang magpapaalam na si Gabby, dumating naman si Sharon sa Glass Room ng Okada Manila, kaya laking gulat din ng aktor.

Kaya sinalubong niya si Sharon inalalayan paakyat at sabay komento na, “sinasabi ko na nga ba eh! Oy, first time kong mahahawakan ang kamay niya oh.” Inabot din niya ang bouquet of flowers at binigay sa dating asawa.
Hirit pa ni Gabo, “sabi ko sa kanila kanina, pagkatapos ko dito, alis na ako, baka hindi na tayo magkita, puwede ba mag-hug bago akong umalis.”

Na pinagbigyan naman ni Shawie, at may kasama pang pag-beso.

Dagdag hirit pa ng aktor, bago tuluyang umalis, “we’ll see you at the concert. Make them happy ha. Pa-kiss ulit, pa-kiss uli!”

Kaya kinilig lahat ng nasa venue, at humihingi pa ng more.

Pabirong sabi pa ni Gabby kay Sharon ng, “sa lips naman, biro lang po.”

Going back sa concert, ia-announce pa raw lineup ng special guests sa mga darating na linggo, na magdadagdag excitement sa star-studded event.

Ayon kay Sharon, in terms of preparation, relax na relax daw siya at good vibes lang. Malaki raw ang adjustment niya in a happy way, looking forward siya na maging masaya ang audience at mapakilig.

Natanong si Sharon kung magkakaron sila ng ‘kissing scene’ nila ni Gabby sa concert.

“Aba’y kung magkakaroon, hindi sa akin magmumula, babae ako, sorry!” sagot niya.

“Pero kung magkakaroon, i will treat it as movie scene. Trabaho lang, walang personalan.”

“Mag-ingat siya, baka ma-develop siya,” babala pa ni Mega.

Dagdag pa ni Shawie sa isang tanong, “and please, Dear Gabby, ‘wag ka nang na-develop sa akin. Alam ko mahirap, pero kaya mo ‘yan. Baka kasi nagulat siya nang makita ako.”

Pakiusap pa ni Sharon kay Gabby para sa kapakanan ng kanilang anak na si KC, na hindi rin niya alam kung may special participation sa kanilang grand reunion,

“We need to work together to help her a better person and please take care of my baby. And I got your back.
“And I hope we can be friends. I mean, real, real friends not yung showbiz-showbiz, di ba? At wala naman reason, not to.”

Huli ngang nagkita at nagkausap sina Sharon at Gabby noong September 2019 sa ’12th Gabay Guro’, na kung saan kinanta nila ang “Come What May” na tiyak na isa sa hihintayin ng avid ShaGab fans na mapakinggan sa upcoming concerts.

At sana nga ito ang simula ng maganda nilang pagkakaibigan, para magtuloy-tuloy ang ‘Dear Heart: The Concert’ at makarating sa America, Canada at iba pang bansa.

(ROHN ROMULO)

THANKFUL ang singer-actor na si Ronnie Liang sa Viva Artists Agency (VAA) dahil kahit na naging abala siya sa kanyang pag-aaral at sa Philippine Army, tuloy lang daw ang pagbigay sa kanya ng projects.

“I’m very grateful to Boss Vic (del Rosario), Ma’m Veronique (del Rosario), and Boss Vincent (del Rosario) for all the opportunities. I feel like this is truly my mission—to serve the country and serenade our kababayans.

“What fulfills my heart ay ‘yung nakakatulong at nakakapag-serve ako sa bayan through my military service and songs,” sey ni Ronnie na ni-revive ang OPM classic na “Ngayon at Kailanman.”

Tinutulungan din siya ng VAA sa kanyang advocacy through his foundation, “Project Ngiti,” at sa preparation sa upcoming concert niya on November 10 sa Grand Hyatt Manila.

Muli kasing nakatapos si Ronnie ng bagong kurso in Adjutant General Service Officer Advance Course (AGSOAC) at the Training and Doctrine Command of the Philippine Army. Natapos niya ito noong nakaraang August 25 sa Camp O’Donnell in Tarlac.

“It is a ceremony na kung saan binibigyan ng recognition kaming mga nakatapos ng Adjutant General Service Officer Advance Course. Hindi madali ang course na ito. All army officers taking this course has to be prepared dahil hindi biro ang training.

“I dedicated my body and spirit sa loob ng 3 months and 7 days to complete this advance course. Pang-advance course na siya sa Philippine Army and usually entitled for a promotion na rin para sa regular forces and ganun ding kaming mga reservist,” sey pa ni Ronnie.

May rank na 1st Lieutenant si Ronnie sa Philippine Army. Importante raw na mas mapalawak pa niya ang kanyang mga nalalaman bilang isang army reservist.

“Nakipagsabayan ako sa mga regular na sundalo sa academic and non-academic — Physical Fitness Tests, 1 Philippine Army Warrior Fitness test, examinations, report presentation, exercises, and research. One of our duties and responsibilities as reservists ay ‘yung patuloy na mag-aral at hasaan ang skills para mas marami pa kaming magawa at maitulong para sa bayan.”

***

KUDOS sa GMA Public Affairs dahil sa husay sa paggawa ng dokumentaryo na ‘Secret Slaves: A Jessica Soho Special Report on Human Trafficking’.

Bukod sa mataas na ratings ay trending din ito online. Isa nga ito sa top trending topics sa X noong nakaraang Sunday.

Eye-opener ang dokumentaryo dahil sa iba’t ibang kuwento ng pang-aalipin at pang-aabusong nangyayari sa likod ng madilim na mundo ng human trafficking, cybersex, pati na rin illegal organ trade.

Dapat lang palakpakan sina Jessica Soho, Emil Sumagil, at John Consulta at ang buong team sa likod ng docu special sa kanilang effort at tapang na subukang ma-rescue ang mga biktima.

***

ENGAGED na ang singer na si Charlie Puth sa kanyang girlfriend na si Brooke Sansone.

Puth wrote on Instagram: “I flew to New York to ask my best friend to marry me, and she said yes. I am the happiest, best version of myself and it is all because of you Brookie. I love you endlessly forever and ever and ever.”

Nag-celebrate sila ng kanilang engagement sa Carroll Gardens neighborhood of Brooklyn.

Charlie proposed to Brooke with a pear-shaped diamond ring na naka-post na sa IG.

Noong October 2022 naging official ang relasyon nila Charlie at Brooke.

Nakilala si Charlie dahil sa hit single niya with Wiz Khalifa na “See You Again” noong 2015. Si Brooke naman ay into digital marketing and PR coordinator at Butter and Eggs Interiors.

(RUEL J. MENDOZA)