NAG-BIRTHDAY si Pia Wurtzbach last Sunday at ang sweet ng pagbati ng kanyang husband na si Jeremy Jauncey sa social media.

Kasama ang kanilang sweet photo, at ito ang kanilang first big event together, mula ng magpakasal.

“A best selling book, growing businesses, film festivals, fashion weeks and a very special wedding,” ayon sa founder ng Beautiful Destinations began.

“I love you and I’m proud of you. I have no doubt this year will be even bigger,”  say pa ni Jauncey

Ang dalawa ay nagpakasal sa isang lihim na seremonya sa isang liblib na isla sa Seychelles noong Marso at nagpatuloy ang kanilang long-distance relationship.

Earlier this month, nag-launch ng first book si Pia, ang “Queen of the Universe: Dreams do Come True” sa Manila International Bool Fair earlier this month.

Sa kanyang Instagram, pinakita ni Jeremy sa followers niya ang sneak peek ng pet name niya kay Pia.

“Happy birthday baby, what a year you’ve had,” sabi niya.

Nagpasalamat naman si Pia sa kanyang asawa, “I miss you and wish you were here!”

(ROHN ROMULO)

SI Johnny Manahan o si Mr. M ay isang consultant sa GMA Sparkle Artist Center, at director din ng ongoing singing contest na “The Voice Generations” hosted by Dingdong Dantes. 

At si Julie Anne San Jose naman ang isa sa apat na coaches na kinabibilangan din nina Chito Miranda, Billy Crawford at Stell Ajero ng SB19.

Sa isang virtual conference, para sa Sparkle Artist Center, natanong siya kung sino among the GMA Artists ang gusto niyang i-collaborate for the first time, or in the future,

Tatlong pangalan lamang ang binanggit niya, sina Barbie Forteza, Dingdong at si Julie Anne.  Bakit sila ang napili ni Mr. ?

Iba raw kasi ang screen presence ni Barbie on screen.

Sabi niya “There’s Miss Klay.  Tuwang-tuwa ako habang pinapanood ko siya sa ‘Maria Clara at Ibarra.’  She’s small, pero ang acting niya, parang she’s 10-feet tall.  Isa siya sa gusto kong makatrabaho.”

Kahit nga raw dinidirek ni Mr. M sina Dingdong at Julie Anne sa “The Voice Generations” ngayon, gusto pa rin niyang makatrabaho sila muli sa iba namang proyekto.

“Naidirek ko na noon si Dong for a small section ng isang clothing brand’s annual event, matagal na. He’s a fine actor,  nasundan ko ang mga work niya at napatunayan kong mahusay siya talaga.

“Bilang host, hindi ko pa siya nasundan, pero ngayon, nasorpresa ako, isa pala siya sa mga finest hosts na mapapanood mo ngayon, dama mo ang presence niya sa buong studio.  Pero gusto ko siyang makatrabaho sa ibang proyekto naman in the future.

“With Julie Anne, gusto ko naman siyang makatrabaho sa isang music-related, pero iba naman sa kanyang special musical trilogy na “Limitless.”  Gusto kong gumawa ng ibang kalokohan,” natatawang wika ni Mr. M.

***

MARAMING nalungkot sa magkasunod na pagpanaw ng parents ni Erik Santos.

Ulilang lubos na nga si Erik, kaya ang mga friends and fans naman niya, ang sinasabi ay time na raw siguro niyang humanap ng makakasama niya sa buhay.

“Mahirap ang mag-isa sa buhay, at nagdadasal ako na magkaroon na rin ng sariling pamilya,” pahayag ni Erik.  “I hope na makilala ko na ang the one.”

Alam daw ni Erik na hindi rin magandang mag-isa lamang sa buhay, kaya nga raw lamang, sa ngayon ay hindi pa siya ready dahil kasalukuyan pa rin siyang  nagri-recover sa pagkawala ng mga magulang niya.

Soon, tiyak daw naman niyang mararamdaman na niya na ready na siyang magkaroon ng sariling pamilya.

Sa tanong sa kanya kung ano ang hinahanap niyang mapangasawa, siyempre raw ay gusto niya ay maganda at biro pa niya, “masarap gumising na maganda ang katabi ko.

“Gusto ko rin na mauunawaan niya ang trabaho ko at makakasundo niya ang personalidad ko, iyong makaka-adjust siya sa akin at makaka-adjust din ako sa kanya.

“Hindi na ako mamimili, Choosy pa ba ako, basta maganda siya at maganda rin ang kanyang kalooban, okey na sa akin iyon.”

(NORA V. CALDERON)