MAGSASAMA sa bagong version ng ‘Karate Kid’ sina Ralph Macchio at Jackie Chan.

Si Ralph ang gumanap bilang si Daniel LaRusso sa original ‘Karate Kid’ film noong 1984. Nakasama niya sa film ay si Pat Morita na gumanap na Mr. Miyagi. Pumanaw si Morita noong 2005.

Sa remake ng The Karate Kid noong 2010, si Jackie Chan ang gumanap na bagong trainer na si Mr. Han. Ang tinuruan niya ay ang bata pa lang noon na si Jaden Smith (na anak ni Will Smith).

“Hi everyone, we’ve got big news,” sabi ni Jackie sa isang video announcement.

“We’re starring in a new ‘Karate Kid’ movie together,” dagdag naman ni Ralph na kasama si Jackie.

Naghahanap din sila ng susunod na Karate Kid at magkakaroon ng global auditions.

“The global search for the star of our new film starts right now. So let’s wax on, wax off, everybody,” ayon kay Ralph na patungkol sa iconic line ni Mr. Miyagi mula sa 1984 movie.

Isiningit naman ni Jackie ang kaniyang linya noong 2010: “You mean, jacket on, jacket off, hang it up?”

Ayon kay Ralph, “Maybe the new Karate Kid will have to do it all.”

Batay sa casting guidelines sa KarateKidCasting.com, hinahanap nila ang aktor na gaganap bilang Chinese o mixed-race Chinese na nasa edad 15 hanggang 17.

Dapat na mahusay sa Ingles, at magiging plus factor ang marunong ng Mandarin. Mas maganda rin kung marunong ng martial arts, movement, gymnastics, at dance.

Shooting will start March hanggang June 2024.

(RUEL J. MENDOZA)

MASAYANG nagkuwento si Aubrey Miles sa magandang pagbabago sa anak nila ni Troy Montero na si Rocket matapos ang ilang buwan na gamutan at therapy.

Isa nga raw itong milagro para sa kanilang pamilya.

Sa Instagram post, nagbigay ng update si Aubrey tungkol sa kanyang anak na mayroong autism spectrum disorder (ASD).

“From not being able to take pictures to this. Still a working progress but this will do. Being able to stand still as a kid on the autism spectrum is huge. Smiling is a bonus. From not talking and now copying every word we say is a miracle,” caption pa ni Aubrey sa Instagram.

Ayon kay Aubrey, sumailalim si Rocket sa stem cell therapy at hyperbaric oxygen therapy noong nakaraang August. Sumailalim din si Rocket sa speech and occupational therapy.

Noong nakaraang taon lang isinapubliko nila Aubrey at Troy ang pag-diagnosed kay Rocket, who was 4-years old then, na may ASD.

“‘Yung relationship namin ni Troy, parang, ‘may ibibigay pa pala tayo.’ Akala mo ito na yung best love. Hindi pa pala, so ang dami lang namin natutunan,” sey ni Aubrey sa magandang natutunan nila sa kanilang anak.

***

VERY mother daw si Rufa Mae Quinto kapag nasa Amerika ito.

Enjoy daw siyang um-attend sa school activities ng anak na si Alexandria Athena.

“Yes, very mother ako doon. Hinahatid ko si Athena sa school tapos active din ako sa ilang programs sa school kasama ang ibang parents.

“Ibang-iba ako doon kasi hindi ako celebrity doon. As in, normal na mommy ako doon. Nagustuhan ko nga kasi ang dami kong time with my daughter,” sey ni Rufa Mae.

Nandito ngayon sa bansa ang Kapuso comedian dahil kasama siya sa latest offering ng SparkleU na ‘#Ghosted kunsaan’ bida ang Team Jolly nila Sofia Pablo at Allen Ansay.

“Work, work, work tayo dito ngayon. Ako yung ghost na tumatakot sa mga students sa Sparkle U. Enjoy akong ka-work ang mga bagets dito. Si Sofia ang gandang bata at si Allen ang guwapo. At ang gagaling at ang babait nila,” sey pa ni Rufa Mae.

Back and forth ang biyahe ni Rufa Mae sa Pilipinas lalo na kung maganda ang mga projects na gagawin niya.

“Ganu’n-ganun. Half-half. Hindi nila mahahalata kung aalis ako. Siyempre, more on Philippines pa rin kasi na-miss ko kayong lahat. Pero priority ko pa rin ang family ko sa US.”

(RUEL J. MENDOZA)

MAGTATAPOS na ang year 2023, pero puno pa rin ang schdules ni Asia’s Multimedia Star na si Alden Richards.  

Kailan lamang ay nag-announce na ang GMA Network ng bagong historical drama na “Pulang Araw” na magtatampok sa kanya, kasama sina Sanya Lopez at ang BarDa loveteam nina Barbie Forteza at David Licauco.

Nag-announce din ang Viva Films, Studio Viva at Myriad Entertainment na may gagawing movie si Alden na makakasama niya sina Nicco Manalo, Joyce Ching at Heaven Peralejo.

At isa pang movie na magiging first directorial job niya na siya rin ang actor at producer, titled “Out of Order.”

Matapos ang sunud-sunod na block screenings ng “Five Breakups and a Romance” nila ni Julia Montes, na almost all the screenings ay dinaluhan niyang lahat, ngayon ay nagsimula na sila ni Ms. Sharon Cuneta na i-launch naman ang Grand Kick Off ng “Family of Two” na entry sa 2023 Metro Manila Film Festival.

Sa December 1 ang grand launch ng kanilang trailer exclusive sa TV Patrol.  May balita rin na may follow-up movie project na sila ni Sharon pagkatapos nito na hindi na sila gaganap na mag-ina at hindi rin lovers.

Ayon pa kay Alden, this November na siya magsisimula ng kanyang first directorial job dahil may story na sila, buo na rin ang casting, kaya excited na siya.

Matupad kaya ni Alden ang Christmas vacation abroad niya with his family this year sa dami ng kanyang gagawin? Last year kasi hindi nila nagawang magbakasyon sa US dahil sa dami rin ng trabaho ni Alden.

***

AYAW munang mag-comment ni Maja Salvador tungkol sa break-up ng kanyang “Emojination” co-host Miles Ocampo with “Senior High”actor Elijah Canlas.  Sa halip, in-assure ni Maja si Miles ng kanyang support.

“Ayaw ko muna mag-comment, I just saw it now.  No comment muna,” sabi ni Maja sa red carpet premiere of “Replacing Chef Chico.”

“I’m her Ate. Alam niya yun, Forever Ate!”

Noong Thursday, November 23, Elijah confirmed their split,, pero he clarified that their break-up was amicable.

Meanwhile, sina Mavy Legaspi at Kyline Alcantara naman ang balitang nag-break na rin at nalaman ito ng fans dahil sa mga Instagram posts nina Zoren Legaspi at Carmina Villarroel na nagpapakita ng suporta kay Mavy.

Kapansin-pansin din kasi na ilang linggo nang hindi napapanood na magkasama sila sa “All-Out Sundays” sa GMA.  Si Kyline ay present pero wala si Mavy na dati ay lagi silang may special number sa show.

Totoo kayang si Mavy ang may problema?

(NORA V. CALDERON)