KASAMA si JC Santos sa bigating cast ng horror film entry ng Mentorque Productions na Mallari sa 49th Metro Manila Film Festival.

At inamin nga ng mahusay na aktor na isa sa dahilan si Piolo Pascual na bida ng pelikula, kaya niya tinanggap ang mapanghamon na role. Kaya sa tingin namin, siguradong lalaban din siya sa best supporting actor.

“Isa siya sa top three kung bakit ko tinanggap yung project,” pahayag ni JC.

“Kasi my first one was the team, the director, Mentorque, and the second is the script, and the third is of course working with our own Piolo Pascual. He’s the epitome of a walking disciplined guy.”

Dagdag papuri pa ni JC, “Wala akong masabi and of course working with him, my experience with him, of course I’m from the theater so I know my lines well. But whenever I’m in front of him, I miss a lot of things.

“He’s a different guy. Lahat ibibigay niya sa ‘yo. He’s so generous and it works so well whatever he does. Kahit anong gawin sa script. And I have so much respect for him as an artist. It’s such a privilege to be working with him.”

First time ni JC na maka-attend ng fan con para sa isang pelikula na talagang ginastusan ng producer. Kaya labis din ang kanyang paghanga sa Mentorque, lalo na sa pag-aalaga sa kanilang mga artista.

“I’ve never been to a fan con before so I’m taking it as a celebration to celebrate my team here with Mentorque. I want to tell people the standard that they gave us as artists nung time na nag-shu-shoot kami.

“They gave us everything. They made us feel so comfortable. It’s not just me, even all the staff. All comfortable. And I think sila yung nag-set ng standard. Sinasabi ko ito sa lahat ng mga co-actors na nakatrabaho ko na Mentorque, I found a home with them kasi nga I was treated so well and I know that they’re going to be doing a lot of incredible and great materials in the future.

“And for me this is going to be celebrating with them na we have this movie for the Metro Manila Film Festival. Nasu-suwerte ako na lagi akong meron akong ganitong MMFF. With Miracle in Cell No.7 and Family Matters last year and now this one.

“I’m speechless. So whatever is going to happen, I take it as a celebration.”

Ang Mallari ay base sa nakikilabot na story ng Filipino priest na si Severino Mallari noong 1800s na pumatay ng 57 tao para sa kanyang ailing mother. Kasama nga ito sa Top 3 na aming unang panonoorin sa taunang Metro Manila Film Festival magsisimula sa December 25 in cinemas nationwide.

Kasama nga sina Piolo at JC sina Janella Salvador, Elisse Joson, at Gloria Diaz. Mula ito sa direksyon ni Derick Cabrido at sa panulat ni Enrico Santos.

At sa araw na ito, magkakaroon ng ‘Parada ng mga Bituin’ iikot sa four key cities ng CAMANAVA, kaya abangan sina Piolo at ang iba pang stars na mula lahat ng filmfest entries, na sigurado kaming dudumugin ng madlang pipol.

***

PASKO na naman sa Snow World Manila na ngayon ay bukas na araw-araw mula alas dos ng hapon hanggang alas Diyes ng gabi.

Sa buong Kapaskuhan, madarama ang malamig na simoy ng hangin at ang pagbagsak ng tunay na snow sa loob lamang ng Snow World.

Makikita rin dito ang mga mapaglarong snowmen, ang reindeer ni Santa Claus na nakasingkaw na sa kanyang sleigh na maghahatid ng regalo sa lahat ng bata sa buong mundo.

Naroroon din si Santa Claus sa kanyang bahay sa North Pole na siyempre inilipat niya sa loob ng Snow World para hindi mahuli ang kanyang regalo sa mga batang Pilipino. Maaari ring matikman ang isang masaganang Noche Buena dahil sa Snow World mismo ay niluluto nila ang Singaporean chicken rice at sticky rice with mangoes na napakasarap.

Kung kayo naman ay giginawin maaari kayong uminom ng mainit na kape at tsokolate sa coffee shop na nasa loob mismo ng Snow world.

Masisilayan pa rin ang pinakamahabang man made ice slide. Dahil ang mga ice slide ay nagdudulot talaga ng kakaibang saya at karaniwang nasa tabing bundok ng mga malalamig na bansa.

Gumawa rin sila ng ice slide kung saan kayo maaaring magpadulas gamit ang tunay na yelo. At narito pa ang pinakabagong teknolohiya, gumamit din sila ng isang video floor kung saan mararanasan ang paglakad sa tabing dagat o pamamasyal habang ang nilalakaran ay mga snow flakes na patuloy na bumabagksak mula sa langit. Lahat nang ito ay maaaring ma-experience sa halagang 250 pesos lamang sa Snow World Manila na matatagpuan sa Star City. Palalampasin ba ninyo ang ganyang karanasan sa darating na Pasko?

(ROHN ROMULO)

NATUWA ang fans ni Miss Universe PH 2023 Michelle Marquez Dee dahil nag-celebrate ito ng first monthsary ng #PorDee, ang tandem nila ni Miss Universe 2023 first runner-up Anntonia Porsild of Thailand.

Nag-share si Michelle sa X (formerly Twitter) ng twinning photoshoot nila ni Ann. May caption ito na: #PorDee1stMonthsary.

Kinilig ang netizens sa #PorDee tandem at hinihintay na nila ang collab ng dalawa on social media.

Nangako sina Michelle at Ann na a-attend sila sa crown turnover ng isa’t isa next year.

***

HINDI kulay blue ang Christmas ni Vina Morales dahil naging open na siya sa kanyang relasyon sa boyfriend na si Andrew Kovalcin.

Nakilala niya si Andrew 21 years ago sa Hawaii at muli silang pinagtagpo ng tadhana noong magkaroon si Vina ng show sa Miami, Florida last year. Magkasama nga silang dalawa sa huling bakasyon ni Vina sa US pagkatapos ng kanyang one-month stint on Broadway sa musical na ‘Here Lies Love’.

“Andrew is very supportive for what’s happening in my life. Ever since nandoon na siya, he’s been supporting me. Nagkaroon lang ng gap years na we didn’t really communicate.

“We didn’t see each other for so many years. Wala pa akong anak. When we reunited last year nung nag-concert ulit ako, doon na bumalik ‘yung spark. Nakakatuwa lang isipin na may ganun pala, ‘yun ang istorya ko with him,” sey ni Vina.

Inamin din ng 48-year old singer-actress na noon pa niya pinagdarasal na mahanap niya ang lalaking makakasama niya sa pagtanda niya.

“I always pray for a good husband. You know it doesn’t have to be the person that I am with now but I’ve been praying for that for so many years, natagalan lang. Sabi ko, ang tagal naman ni Lord magbigay. Maybe I wasn’t the best for that person kaya siguro it took awhile. So hindi ko pa rin alam kung talagang ‘yon ang makakatuluyan ko. We will never know, only God knows.”

***

PINARANGALAN ng star sa Hollywood Walk of Fame ang High School Musical star na si Zac Efron.

Um-attend para suportahan ang 36-year old former teen star ay ang mga kaibigan niyang sina Jeremy Allen White at Miles Teller, pari ba ang director niya sa HSM na si Kenny Ortega.

“You guys were both instrumental in giving me my start in ‘High School Musical.’ And for that, I’m just eternally, eternally grateful. You have no idea. I still think about it every day,” sey ni Efron.

Inalala rin niya ang yumaong kaibigang si Matthew Perry na naging close niya after nilang gawin ang 17 Again noong 2009.

“He really pushed me into the next chapter of my career. And for that, thank you so much, Matthew. Thinking about you a lot today.”

(RUEL J. MENDOZA)

BATID na ng publiko ang pagkakabati nina Marian Rivera at Heart Evangelista.

Kaya naman sa pagbisita nina Marian at Dingdong Dantes sa Fast Talk with Boy Abunda para sa promo ng movie nilang “Rewind” ay tinanong ni Tito Boy si Marian kung naniniwala ba ito sa second chances.

“Minsan hindi. May proseso. Depende sa level ng pain na ibinigay. Pero nagpapatawad naman. Siguro naghihintay lang ng tamang panahon at oras para maghilom ang mga ito,” saad ni Marian.

At sa muling tanong ni Tito Boy kay Marian kung “Do you believe in second chances?” ay nakangiting sumagot ang aktres ng “Yes, of course.”

Dito na tinanong ang GMA Primetime Queen tungkol sa pagbabati nila ni Heart.

Lahad ni Marian, “Basta Tito Boy, masasabi kong yung puso ko ngayon ay masaya. Dahil naging maayos kaming dalawa. Pero para i-elaborate ko pa siya parang gusto ko sa amin na lang kasi nangyari ito sa hindi rin inaasahang pagkakataon.

“Tapos ang sarap sa pakiramdam na naging maayos kami, nakapag-usap kami, parang ‘yung intensiyon namin parehas ay very pure. Mag-uusap kami, sa amin na lang muna kasi parang ang hirap ding i-elaborate baka minsan mapangunahan ‘yung mga dapat mangyari sa amin. So, masaya ako na maayos kaming dalawa.”

At bukas raw si Marian sa oportunidad na magkatrabaho sila ni Heart.

Sa mga hindi pa aware, nagkita at nagkaayos ang dalawang reyna ng GMA sa 84th birthday celebration ng GMA Network’s Chairman na si Atty. Felipe L. Gozon.

***

MAY mga fans na naalarma sa recent Instagram post ni Barbie Forteza na nagtatampo siya sa kasintahan niyang si Jak Roberto!

“Nagtampo kasi ako kase di na niya ko niyayaya mag-date. Wala akong emoji pag nagre-reply.”

Pero agad namang napawi ang pangamba ng mga fans dahil sa sumunod na post ni Barbie na may kalakip na masasarap na pagkain.

“Congrats sa successful 12.12 Sale! Thank you sa dinner! I love you, Boss @jakroberto.”

Iyon naman pala ay agad-agad na niyaya ni Jak na mag-date sila ng kanyang girlfriend.

At sa post ni Barbie ay may sagot agad ang hunky Kapuso actor sa kanyang nobya.

“Thank you Madam! Simula ngayon alam ko na gagawin. I love you so much.”

Hindi maiiwasan na mag-panic ang mga fans lalo ngayon na uso ang hiwalayan ng mga magkasintahan at mag-asawa, tulad nina Kathryn Bernado at Daniel Padilla, at ng mga wala pang kinukumpirmang sina Kyline Alcantara at Mavy Legaspi at sina Sarah Lahbati at Richard Gutierrez.

***

BIBIDA si Mikee Quintos sa isang bagong episode ng ‘Magpakailanman’ o #MPK.

Tungkol ito sa pangarap ng aspiring na guro isang na pinamagatang “Bingit ng Buhay.”

Makakatapos na sana ng pag-aaral bilang teacher si Vicky pero naaksidente siya at na-comatose!

Walang magawa ang kanyang pamilya kundi magdasal, umasa at maghintay ng isang milagro upang muling magising si Vicky at bumalik sa normal ang buhay at ituloy at abutin ang kanyang mga pangarap at plano para sa kanyang mga mahal sa buhay.

Tampok sina Mikee, Carmi Martin, Lito Pimentel at Vaness del Moral, mapapanood ito ngayong Sabado, sa GMA, December 16, 8:00 p.m. sa ‘#MPK.’

(ROMMEL L. GONZALES)