KUNG itinanggi ni Vilma Santos ang pagiging producer ng pelikula nila ng kanyang favorite leading man na si Christopher De Leon na “When I Met You In Tokyo”, inamin naman niyang may naging ambag sa pelikulang “Mallari” si Cong. Ralph Recto.

Sey pa ng multi-award winning actress, nag-share lang daw sa movie na pinagbibidahan ni Piolo Pascual ang asawa niya pero hindi raw naman ang asawa niya ang producer.

“Hindi siya ang 100 percent producer, sort of nagbigay lang siya ng share sa korporasyon. Kasi si Bryan kaibigan namin ang may hawak ng production nag-share lang si Ralph,” sambit pa ng tinanghal na Best Actress sa Gabi ng Parangal ng MMFF 2023.

Dagdag pa rin naman ni Ate Vi na malapit din naman sa kanila si Piolo na naging anak niya sa pelikulang “Dekada 70”.

Bukod sa pelikula nilang “When I Met You In Tokyo” ay kasama rin sa mga dasal at pakiusap ni Ate Vi sa publiko na suportahan ang lahat ng MMFF entries.

At nangyari naman ang kanyang wish dahil sinuportahan ang mga pelikulang pinalalabas nationwide.

At bonus na lang ang pagkapanalo niya bilang Best Actress.

***

SAMANTALA, fake news nga naglabasang kinita ng first daw showing ng mga entries sa 2023 Metro Manila Film Festival..

Wala raw namang opisyal o hindi maglalabas ng figures ang executive committee ng MMFF o maging ang MMDA ay hindi pa raw naglalabas ng figures.

At hanggang ngayon ay wala pa rin silang nilalabas kung magkano na ang kinita ng sampung pelikula sa first day showing.

Isa nga pinipilahan ang “When I Met you in Tokyo”, na mas lalong dumami ang na-curious matapos na manalo ito ng mga awards.

Tiyak daw na ma-sustain ng movie na ito nina Star for All Seasons at Bro. Bo.

Binigyan ng buhay ng dalawa ang istorya ng senior citizens na napadpad sa ibang bansa para magtrabaho para sa pamilya.

Tiyak marami ang naka-relate sa movie, lalo ang mga OFWs na may mga edad na ay kumakayod pa rin para sa kanilang iniwang pamilya dito sa Pilipinas.

(JIMI ESCALA)

KAHIT kagagaling lamang sa sakit ay lumagare na sa trabaho si Lotlot de Leon.

Nag-negatibo naman siya sa swab test para sa COVID-19 pero matinding ubo at sipon ang dumale sa mahusay na aktres ilang araw bago mag-Pasko.

Mabuti na lamang at isang araw bago ang taping niya para sa ‘Makiling’ na bagong serye ng GMA ay gumaling na siya, at mabuti na rin ang pakiramdam niya sa bisperas ng Pasko.

Kaya naman Christmas day mismo ay nakapagluto pa siya ng mga pagkain, tulad ng liempo, na request kay Lotlot ni Janine Gutierrez.

Tuwing Pasko, mismong December 25  ay dumarating ang lahat ng mga anak ni Lotlot na sina Janine, Jessica, Diego at Maxine Gutierrez para doon maghapunan kasama sina Lotlot at mister nitong si Fadi El-Soury.

After Christmas ay tumungo naman sa Batangas si Lotlot para sa shooting ng isang bagong pelikula na hindi pa maaaring isulat ang mga detalye.

Samantala, haping-happy si Lotlot dahil malakas ang kinikita sa box-office ng ‘When I Met You In Tokyo’ na reunion movie ng ama niyang si Christopher de Leon at Star for All Seasons na si Ms. Vilma Santos.

Isa nga ang nabanggit na pelikula na pinipilahan ng mga moviegoers na nagbabalik-sinehan na matapos ang mahabang panahon ng pandemya.

Saksi kami na ang susyal at high-end na Glorietta 4 sa Makati ay pagkahaba-haba ng pila ng mga taong bumibili ng tickets at halos lahat ng sinehan ay puno, tulad ng mga sinehan sa naturang mall na pinagpapalabasan ng -‘When I Met You In Tokyo,, ‘Rewind’ at “Firefly.’

Sana nga, tuluy-tuloy na ang muling panonood ng sine ng publiko at sana rin nga, bumaba na ang presyo ng tickets para makapanood ng pelikula.

***

AGREE kami ng one hundred percent sa pahayag ni Heart Evangelista na hindi dapat ginagawang Christmas gift ang aso, pusa o anumang hayop.

Ayon kay Heart ang pagpapa-ampon at pagbibigay ng pet ay dapat na may tamang dahilan at rason at hindi dapat basta-basta na lamang nagreregalo ng pet animals.

“I’m really against that,” mariing sinabi ni Heart, “ako, hindi ko maintindihan kahit yung sa simpleng birthday party na merong rabbits na ipinamimigay or animals na pinamimigay.

“Kasi buhay yun e, kailangang maging choice yun ng kung sino man ang kukuha na mabigyan ng magandang buhay ang aso o ang pet na ibinibigay sa kanila.

“So dapat choice nila ‘yun. It never should be a gift.”

May proseso ang pagbibigay at pagtanggap at pag-aalaga ng aso o anumang uri ng pet.

“Unless matagal na talagang gusto ng pamilya, ng anak na magkaroon ng aso, at whether maalagaan ng bata or not, the parents would be 100% there. So yes, okay,” lahad ni Heart.

“But you always have to adopt a pet for the right reasons.”

May ilang tips pang inihayag si Heart tungkol sa pag-aalaga ng mga hayop sa darating na Bagong Taon na may mga putukan dahil sa fireworks bilang takot sa ganoong malalakas na ingay ang mga hayop lalo na ang mga aso.

“Usually pag ganiyan, talagang mine-make sure namin they’re in a room, naglalagay din kami ng towels as much as possible sa mga butas ng pinto. We try to make the room as soundproof as possible.

“Pero the reality is hindi rin siya 100% soundproof. So as long as they are with their loved ones at mga kasama sa bahay at lagi silang pine-pet, just keep them calm, that’s the best thing you could do. But hindi dapat sila ‘yung nakatali o nakakulong sa labas,” saad pa ni Heart.

(ROMMEL L. GONZALES)