PARA mapalakas pa ang serbisyo sa mga nangangailangang pasyente, pinalakas pa ng Navotas City Hospital (NCH) ang kapasidad nitong magbigay ng libreng dialysis treatment, kasunod ng pagbabasbas ng walong bagong hemodialysis machine sa pangunguna ni Mayor John Rey Tiangco, kasama si Vice Mayor Tito Sanchez at ang mga konsehal ng lungsod. (Richard Mesa)
- November 22, 2024
-
Search in People's Balita
Ang Diyaryong Pinagkakatiwalaan
Archive for February 28th, 2024
Pinalakas pa ng Navotas City Hospital (NCH) ang kapasidad nitong magbigay ng libreng dialysis treatment
Holdaper na nasa top 10 most wanted person, nasilo ng Valenzuela police sa Pasig
NASAKOTE ng pulisya ang umano’y pinakalider ng gang na sangkot sa panghoholdap sa isang vape shop sa Valenzuela City, sa isinagawang manhunt operation sa Pasig City, kamakalawa ng hapon.Sa bisa ng warrant of arrest na inilabas noong Enero 22, 2024 ni Valenzuela Regional Trial Court (RTC) Presiding Judge Orven Kuan Ontalan ng Branch 285, dinakip ng mga tauhan ni Valenzuela Police Chief P/Col. Salvador Destura, Jr, ang akusadong si alyas “Llamas”, residente ng Binangonan, Rizal, na kabilang sa Top 10 Most Wanted Person ng lungsod, sa Brgy. Pinagbuhatan, Pasig City.
Si Llamas at isa pang akusado ang umarkila ng ginamit na sasakyan nang isagawa ang panghoholdap sa isang vape shop na pag-aari ng mag-siyota sa Del Rosario St. Brgy Marulas noong Disyembre 5, 2023 kung saan natangay nila ang may P2.4 na halaga ng cash at mga produkto.
Sa ginawang follow-up operation ng mga tauhan ng Station Intelligence Section (SIS) ng Valenzuela police, naaresto rin kaagad sina alyas Hermoso, 37, Gascon, 38, at Fresto, 32, matapos matunton sa pamamagitan ng Global Positioning System (GPS) ng inarkila nilang sasakyan, sa tulong na rin ng may-ari nito, at nabawi ang P304,800.00 halaga ng produkto.
Itinuro nila sa Llamas na umano’y may pakana sa panloloob na naging daan upang maglabas ng arrest warrant ang hukuman na may inilaang piyansang PP100,000.00 para sa pansamantalang paglaya.
Ayon kay Col. Destura, ang grupo rin ng mga akusado ang itinuturong nangholdap sa isa ring vape shop sa Sta Ana, Maynila at tumangay sa P1.8 milyong halaga ng produkto at salapi noong Agosto ng nagdaang taon. (Richard Mesa)
Umabot sa P15 million ang natangay ng scammer: SOFIA, isa sa 100 Pinoy Swifties na nabudol sa “The Eras Tour”
HIGIT na 100 Pinoy Swifties ang nabudol sa pagbili ng tickets para sa “The Eras Tour” concert ni Taylor Swift na gagawin sa Singapore.
Umabot sa P15 million ang natangay ng scammer sa mga Pinoy fans ni Taylor Swift. Kabilang na rito ay ang Sparkle Teen star na si Sofia Pablo.
“I’m one of the 100 victims,” pag-amin ng teen actress.
Ayon kay Sofia, pinakitaan pa siya ng scammer ng pekeng email screenshot ng Ticketmaster na nag-void sa account ng seller dahil may nag-report umano ng pagre-resell niya ng tickets.
Nagpadala din ang suspek ng kanyang selfie at ID, at nakipag-meet-up sa ibang nabiktima para magpapirma ng kontrata sa bentahan. Nakasaad pa raw sa kontrata na puwede siyang kasuhan ng buyer kapag wala siyang naibigay na tickets.
Pero nang dumating ang araw na dapat na niyang maibigay ang mga ticket, walang naibigay ang suspek. Idinahilan umano ng suspek na nagkaroon ng problema sa pagkukunan niya ang tickets.
Kabilang din si Sofia sa humihingi ng tulong sa National Bureau of Investigation para sampahan ng kaso ang suspek.
Nakatakdang gawin ang The Eras Tour sa Singapore mula March 2 hanggang 4, at March 7 hanggang 9, at makakasama rin si Sabrina Carpenter bilang special guest.
***
MAGANDA ang naging chemistry nila Glenda Garcia at Jo Berry kaya parati raw silang take one sa mga eksena nila sa upcoming GMA Afternoon Prime series na ‘Lilet Matias: Attorney-At-Law’.
Gumaganap si Glenda bilang adoptive mother ni Lilet na si Ces Matias. Habang nagte-taping sila ay ang turingan nilang dalawa ay parang tunay na mag-ina.
At kahanga-hanga raw si Jo dahil wala raw itong ere. Kahit na ilang beses itong nagbida na, nanatiling down-to-earth ito at walang attitude problem.
“Napakabait at magaling na artista si Jo. Walang ere kaya napakaganda ng chemistry naming dalawa. Sa mga eksena namin ‘pag nagtatama palang ang mata namin mararamdaman mo na ang gusto naming pakita at paramdam namin sa televiewers. Kaya lagi kaming take 1,” sey ni Glenda.
Isa si Glenda sa hinahangan din ng maraming baguhan dahil sa pagiging professional nito at sa ilang taong experience nito bilang isang mahusay na artista na kaya gawin ang anumang role.
“Sobrang grateful ako at binigay sa akin ang role dito sa Lilet Matias. Ma-drama ang mga eksena namin ni Jo, pero may mga light moments din kami. Isa ito sa pinakamagandang serye na nagawa ko kaya sobra akong excited dito. Sana nga mapansin at magustuhan ng mga televiewers ang pagganap ko dito dahil binigay ko talaga ang best ko sa serye na ito.”
***
NAKATUTUWA namang mapanood si Princess Punzalan sa sikat na US TV series na ‘The Cleaning Lady’.
Kahit na re-run na ang season two episode na pinalabas dito, maganda’t nalaman natin na aktibo pa rin si Princess sa pag-arte sa Amerika.
Ginampanan ni Princess ang role bilang si Alma de la Rosa or “Lola” sa naturang series na na-renew for a third season ngayong 2024.
Nagsimulang umere ang ‘The Cleaning Lady’ sa FOX network noong 2022 hanggang 2023. Bida rito ay ang French actress na si Elodie Yung at kasama rin sa cast ang tatlo pang Fil-American actors: Martha Millan, Ruby Ibarra and Alberto Isaac.
Nagtatrabaho bilang hospice nurse sa Amerika si Princess nang may mang-enganyo sa kanyang mag-audition para mga TV shows at pelikula.
Una siyang lumabas sa independent film na ‘Yellow Rose’ with Eva Noblezada and Lea Salonga noong 2019.
“I started trying to research about how you become an actor in America. I watched YouTube videos and found this lady, Wendy Elaine Wright. She was a singer, an agent, and then a manager. She teaches how to become an actor so I went back to getting training. It took a long time.
“The COVID lockdown was a blessing for me. That was a time when I started to really learn more about the business, and how to be at par with the kind of quality that they’re looking for here in America,” say ni Princess sa isang interview with Forbes magazine.
(RUEL J. MENDOZA)
Director Reinaldo Marcus Green is bringing something legendary to the big-screen with “Bob Marley: One Love”
Director Reinaldo Marcus Green knew that helming a film about the legendary Bob Marley was going to be a monumental task, but if the musician’s life taught him anything, it’s not to be afraid. “Somebody’s got to raise their hand and say, ‘I’m willing to take a chance.’ I think that for anything that’s great in life, you have to be willing to take that shot,” he says. That fearlessness has translated into a film that not only brings the story of one of the greatest musicians of all time to life, but tells it in a way that resonated even with Bob’s own family.
Watch the “Right Time” featurette here: https://www.youtube.com/watch?
The involvement of the Marley family was vital to the creation of Bob Marley: One Love, with the movie’s director Reinaldo MarcusGreen and star Kingsley Ben-Adir not wanting to take the job without the family’s full support. “No chance,” confirms Green. “To have the family’s trust early on was so important for me. They’re protective for all the right reasons, as any child would be of their father. I find that very endearing. And it meant that I felt like I had a forcefield around me. That they were there to support me and my vision for the film.”
His vision for the film started very early on, as growing up, director Green says that Bob Marley and his music was pervasive in his formative years. “My favourite number is 42,” He says. “Bob lived at 42 Oakley Street [when he was staying in London’s Chelsea, writing Exodus, in the ‘70s]. So, maybe me doing this was written. Like for so many of us, Bob was a staple in our house, growing up. His music is rebel music. It’s warrior music. It’s the voice of the people. Bob sings about everything I try to stand for in my life. That integrity is the foundation of this film. I feel like I was made to make it.”
He also feels a personal connection to the musician, as he was named after the Jamaican activist Marcus Garvey, whose work has inspired Marley’s music. He explains, “I felt a personal connection to Bob Marley: One Love. I was named after Marcus Garvey – Reinaldo Marcus Green – because my father wanted us to remember our history.”
In the end, it’s all about honoring the story of a man that has moved the world with his music and actions, and telling it in a way that’s never been done before. “It aims to debunk the myths about Bob, to delicately weave uncomfortable truths, and honour the man who gave us so much joy. It lives between the lines, beyond the surface,” he explains.
Watch the story of a legend unfold as Bob Marley: One Love opens in Philippine cinemas starting March 13, distributed by Paramount Pictures through Columbia Pictures. Connect with #BobMarleyMovie #OneLoveMovie and tag @paramountpicsph
Photo and Video Credit: “Paramount Pictures International”
(ROHN ROMULO)
DBM: 4.4 MILLION HOUSEHOLDS, MAKIKINABANG SA P106 BILYONG PONDONG INILAAN PARA SA 4PS
NAGLAAN ang pamahalaan ng ₱106.335 bilyon sa ilalim ng FY 2024 General Appropriations Act (GAA) para sa Pantawid Pamilyang Pilipino Program (4Ps) ng Department of Social Welfare and Development (DSWD), na naglalayong tulungan ang mahigit 4.4 milyong karapat-dapat na pamilya sa buong bansa.
Binigyang-diin ni Department of Budget and Management (DBM) Secretary Mina Pangandaman na ang ₱106.335 bilyong inilaan sa 4Ps ay mas malaki kumpara sa inilaang budget para rito noong 2023 na ₱102.610 bilyon.
Sakop ng nasabing alokasyon ang mga ayuda para sa kalusugan na nagkakahalaga ng ₱750 bawat buwan at ₱600 bawat buwan bilang mga subsidiya sa bigas para sa 4.4 milyong pamilya. Sakop din nito ang mga subsidiya sa edukasyon na nagkakaiba mula ₱300-700 bawat buwan para sa mahigit 7 milyong mag-aaral.
“This significant funding will greatly benefit millions of our kababayans who are in dire need. As directed by President Ferdinand R. Marcos, Jr., we will ensure that 4Ps under the Bagong Pilipinas will be provided with needed funding support as this program serves as a lifeline that bridges dreams to reality for many Filipinos,” sabi ni Secretary Pangandaman.
Sa kanyang State of the Nation Address (SONA), inatasan ng Pangulo ang DSWD na tiyakin na ang mga karapat-dapat lamang na pamilya ang kasali sa 4Ps program. Bukod dito, nangako ang Pangulo ng iba’t ibang mga hakbang kabilang ang pagpapalakas ng mga programa ng tulong at pagtitiyak ng sapat na budget para sa mga mahihirap na sektor.
Ang Pantawid Pamilyang Pilipino Program ay isang strategy ng pamahalaan sa pagbabawas ng kahirapan at isang programa ng pamumuhunan sa human capital na nagbibigay ng kondisyonal na cash transfers sa mga higit na nangangailangang pamilya sa loob ng pinakamataas na pitong taon, upang mapabuti ang kalusugan, nutrisyon, at edukasyon ng mga batang may edad 0-18. (Daris Jose)
Kelot kulong sa pagbebenta ng bari sa Caloocan
BINITBIT sa selda ang isang lalaki matapos bentahan ng baril ang isang pulis na nagpanggap sa Caloocan City.Pinosasan kaagad ng mga tauhan ni Caloocan police chief P/Col. Ruben Lacuesta si alyas “Otep” nang tanggapin ang markadong salapi sa pulis na nagpanggap na buyer kapalit ng kalibre .22 na revolver na may kargang isang bala sa chamber.
Ayon kay Col. Lacuesta, isinagawa ang entrapment operation dakong alas-3 ng madaling araw sa harap ng tirahan ng suspek sa Phase 1 Package 4, Lot 10, Brgy. 176 matapos kumagat sa pain ng pulisya si Otep.
Nakarating ang impormasyon sa mga tauhan ni Col. Lacuesta ang ginagawang ilegal na pagbebenta ng armas ng suspek kaya’t halos isang linggo silang nagsagawa ng paniniktik at pagmo-monitor sa kilos ni Otep bago naisagawa ang transaksiyon.
Mahaharap ang suspek sa kasong paglabag sa R.A. 10591 o ang Comprehensive Firearms and Ammunition Regulation Act sa Caloocan City Prosecutor’s Office. (Richard Mesa)
PBBM, pinuri ang “expansion plans” ng Coca-Cola sa Pinas
“Coca-Cola’s expansion in the Philippines is very encouraging.”
Ito ang sinabi ni Pangulong Ferdinand R. Marcos Jr. matapos i-welcome ang plano ng multinational company na maglagak ng US$1 billion para sa susunod na limang taon para itaas ang operasyon sa bansa.
Sinunggaban ang oportunidad sa domestic market at “large and young consumer pool” ng bansa.
“Of course, it’s very encouraging that you have decided to expand your operations here. I can, I am sure to the success simply because we have the markets here, growing, the people are, our population is relatively young, and so they are still very much in your market and I can see how the expansion could work,” ang sinabi ni Pangulong Marcos sa isinagawang pagpupulong sa Palasyo ng Malakanyang kasama ang mga top executives ng Coca-Cola.
Kabilang sa mga nakapulong ng Pangulo sa courtesy call ay sina Sabin Aboitiz, Aboitiz Equity Ventures Inc. (AEV) President at CEO at sina Sol Daurella Comadrán, Coca-Cola Europacific Partners’ (CCEP) Chairperson at Carles Villarubi Carrio.
Inihayag ang kumpiyansa ng Kumpanya sa business climate sa bansa, sinabi ni Comadrán na ang CCEP ay mamumuhunan sa Pilipinas sa susunod na limang taon, tinuran nito na ang kompanya ay mayroong 9,000 direct employees, at tinatayang 100,000 indirect employees.
“We generate 100,000 plus (employees) throughout the distribution, through our supplies, etc., etc. And we’re very enthusiastic and we see, we need to invest in the Philippines, invest to grow the business. And in the next five years, we’re planning for US$1 billion investment, and in fact, we’ve even doing a new plant, which we are building in Tarlac,” ang sinabi ni Comadran sa Pangulo.
Bilang bahagi ng corporate social responsibility ng Coca-Cola, binigyang diin ni Comadrán ang “inisyatiba ng kompanya tungo sa “koleksyon at recycling ng mga plastic. ”
“But the good thing about its operation in the Philippines is that it already has a very significant returnable glass bottle business,” dagdag na wika nito. (Daris Jose)
Tubig sa Angat dam, patuloy ang pagbaba
BUNSOD ng matinding init at kawalan ng mga pag-ulan, patuloy na ang pagbaba ng lebel ng tubig ng ilang dam sa Luzon.
Batay sa ulat ng PAGASA Hydrometeorology Division, kahapon ng umaga, nasa 206.45 meters ang water level ng Angat dam.
Nabatid na may pagbaba ito ng .27 meters mula sa 206.72 meters kamakalawa ng umaga.
Gayunman, mataas pa rin ang antas ng tubig sa dam sa minimum operating level na 180 meters. Nasa 211 meters ang normal high water level ng Angat dam.
Samantala, nasa 76.74 meters naman ang antas ng tubig sa La Mesa dam, may pagbaba ng.08 meters mula sa 76.82 meters kahapon.
Nasa 80.15. meters ang normal high water level ng dam.
Ang iba pang dam na nakitaan din ng pagbaba ng water level ay ang Ambuklao, Binga, San Roque, Pantabangan, Magat at Caliraya Dam.
2 arestado sa sugal at shabu sa Valenzuela
REHAS na bakal ang kinasadlakan ng dalawang lalaki matapos maaktuhan ng pulisya na naglalaro ng ilegal na sugal at makuhanan pa ng shabu sa Valenzuela City, kamakalawa ng hapon.
Sa report ni PCpl Glenn De Chavez kay Valenzuela police chief P/Col. Salvador DesturaJr., habang nagpapatrolya ang mga tauhan ng Dalandanan Sub-Station 6 sa Brgy. Dalandanan nang ireport sa kanila ng isang concerned citizen ang hinggil sa dalawang lalaki na naglalaro ng ‘cara y cruz’ sa Overland St., Sumilang Subd., sa naturang barangay.
Kaagad pinuntahan ng mga pulis ang lugar kung saan naaktuhan nila ang dalawang suspek na sina alyas “Matunan”, 21, at alyas “Marcelo”, 37, na naglalaro ng cara y cruz dakong alas-5:20 ng hapon.
Nang sitahin, nagtangkang pumalag si “Marcelo” subalit naaresto din siya at kanyang kasama ng mga pulis kung saan nakuha sa kanila ang dalawang plastic sachets ng hinihinalang shabu na nagkakahalaga ng P20,400, P195 bet money at tatlong peson coin na gamit bilang ‘pangara’.
Mahaharap ang mga suspek sa kasong paglabag sa PD 1602 (Anti-Illegal Gambling Law/Cara y Cruz), Art 151 of RPC (Resistance and disobedience to a person in authority or the agents of such person) at RA 9165 (Comprehensive Dangerous Drug Act of 2002). (Richard Mesa)