HINDI raw nagsasawa si Sheryl Cruz sa pagganap bilang kontrabida kahit na 18 years na niya itong ginagawa.

Kahit daw minsan nakapapagod ang magalit at magtaray, lagi raw handa si Sheryl lalo na kung first time niya makatrabaho ang isang artista tulad ni Jo Berry sa ‘Lilet Matias: Attorney-At-Law’.

“I guess, isa sa mga requirements ng pagiging isang artista, hindi lang ng isang beteranang artista, ay maging parang militar. ‘Pag tinawag ka on a moment’s notice, dapat ready ka. Actually, doing the same stuff every time or every now and again does get tiring, and it makes you burnout.

“Before, nakasanayan ko kasi when I do other projects na mayroong tarayan, usually ka-height ko, ka-weight ko, ka-size ko. Ang pinakiusap ko before is ayokong tarayan ‘yung bata, ayokong tarayan ‘yung mas maliliit.

“But then, when this project came to do, by chance naman, it was a blessing in disguise,” sey ni Sheryl.

Kuwento ni Sheryl, ang pinsan niyang si Sunshine Cruz ang nagsabi sa kanya na matutuwa siya kay Jo: “I learned a lot from my cousin, si Sunshine Cruz, na, ‘Ate, panoorin mo ‘to si Jo, ang galing. Matutuwa ka sa kanya, mae-entertain ka sa kanya.’

“Ever since, I look forward to watching and actually doing scenes with her. By luck, thank you kay Lord, na binigay sa akin ‘tong pagkakataon na to na makatrabaho ko si Jo.”

Inamin naman ni Jo na sobra siyang na-starstruck kay Sheryl. Hindi raw niya akalain na one day ay makakasama niya sa isang teleserye si Sheryl.

“Starstrucked po talaga ako. Noong kunan yung unang eksena namin, talagang nakatitig lang ako kay Ms. Sheryl. Parang nanaginip ako na may eksena kami.

“Kaya kahit na tinarayan at sinigawan niya ako sa eksena, natuwa pa rin ako kasi si Sheryl Cruz ang kaeksena ko!” sey pa ni Jo Berry.

***

NA-MISS ni Jason Abalos ang pag-arte kaya kahit nagsisilbi siyang board member sa Nueva Ecija, tinanggap niya ang teleserye na ‘Lilet Matias, Attorney-At-Law’ kunsaan isang abogado ang role niya.

Huling napanood si Jason ay sa guest role niya sa ‘Love Before Sunrise.’

“Mahirap ang gumanap na isang abogado kasi hindi po gaya ng mga una kong ginagawa na labas na labas ‘yung emosyon. Dito, bilang abogado ka, wala ka dapat kinakampihan, dapat makita ng tao na neutral talaga, nandoon ka lang sa katotohanan, nandoon ka lang sa panig ng batas,” sey ni Jason.

Wala raw pinagkaiba ang pagganap niya bilang abogado sa ginagawa niya ngayon bilang board member: “May pagkakaparehas po. Ang goal ng mga lawyer is to serve and to protect. So, parehas lang, parehas lang na nasa panig kami ng katotoohanan at para sa tao.”

Isa pa raw sa pinagkakaabalahan ni Jason ay ang baby boy nila ni Vicki Rushton na si Knoa Alexander. Hindi raw napapagod si Jason na alagaan ito kahit na galing pa siya sa trabaho. Excited din daw umuwi ito agad after ng taping dahil gusto niyang maabutan ito na gising pa para makapaglaro sila.

***

NA-DIAGNOSE ang former talk show host na si Wendy Williams with primary progressive aphasia and frontotemporal dementia.

Pareho sila ng sakit ng aktor na si Bruce Willis.

Ayon Mayo Clinic: “Aphasia is a condition affecting language and communication abilities, and frontotemporal dementia, a progressive disorder impacting behavior and cognitive functions.”

Tulad ni Bruce Willis, hirap nang makipag-communicate ng husto ang 59-year old former TV host since 2023. Hindi na raw ito masyadong nakakakilos at kailangan na ng tulong ng isang caregiver.

Bukod sa mga sakit na nabanggit, na-diagnose din siya with Graves’ disease and lymphedema.

Sumikat si Williams bilang isang radio DJ hanggang sa magkaroon siya ng sarili niyang daytime talk show na The Wendy Williams Show na umere from 2008 hanggang 2021. Pinasikat niya ang opening phrase na “And How Are You Doin’?”

Nagkaroon din ng sariling reality show si Wendy na The Wendy Williams Experience noong 2006 sa VH1. Nagkaroon din siya ng sariling line of jewelry and wigs. Na-induct din siya sa National Radio Hall of Fame noong 2009.

Pumasok sa isang treatment facility si Wendy noong 2023 dahil sa pagiging alcoholic.

(RUEL J. MENDOZA)

INAMIN ni Sherilyn Reyes-Tan na malaking blessing para sa kanya na napasama siya sa newest public service program na “Si Manoy ang Ninong Ko”, na naka-iinspire ang mga kuwento ng pag-asa, katatagan, at modern day na ‘bayanihan’, na magsisimula na bukas, ika-3 ng Marso sa GMA-7.

Magsisilbing hosts sina Gelli de Belen, Patricia Tumulak, Sherilyn at si Manoy mismo, ang dating businessman at ngayon ay public servant, Agri Partylist Rep. Wilbert T. Lee.

Ayon kay Manoy Wilbert, tampok sa programa ang mga “tunay na kwento ng ating mga kababayan na siyang magbibigay inspirasyon sa atin para lalo tayong magsumikap, na tayo mawalan ng pag-asa. ”

“Ano mang problema ang ating kinakaharap ay tiyak na malalampasan sa tulong ng ating komunidad at mga kapwa Pilipino na sa kaibuturan ay may malasakit para sa bawat isa.”

Linggo-linggo, dalawang beneficiaries ang itatampok ng programa at personal na pupuntahan ng mga host para interbyuhin at harapang alamin ang kanilang mga hinaing.

Sa pilot episode ngayong Linggo, ika-7 nang umaga ng “Si Manoy ang Ninong Ko”, pakikinggan at tutulungan nina Manoy Wilbert, Gelli, Patricia at Sherilyn ang mga onion farmer ng Pangasinan, pati na rin ang volunteer sea guardians ng Orani, Bataan.

Inamin ni Sherilyn na nagiging emosyonal siya bawat episode na nagagawa at nakakaharap na nila ang mga kailangang tulungan.

“Medyo mahirap yung ginagawa namin, pero hindi mo iisipin ang hirap, kasi mahihiya ka sa mga taong nakikilala mo.

“Parang wow, grabe, nakakahiya naman kung magko-complain pa ako. Parang matutuwa ka na lang doon sa mga mangyayari.

“Tapos halos sa bawat episode, umiiyak ako.

“Katulad nitong sa Guimaras episode, doon sa payoff, usually masaya sila, dahil may ibibigay.

“Pero nakita ko na nag-iiyakan sila, tapos yung iyak nila, tagos talaga sa puso. Kaya naiyak na rin kami, alam mo yun iyak natin na pangit, dahil sobrang sakit, ganun.

“May na-mention din ang mag-asawa na ‘yung anak nila, once a day lang pinapakain, breakfast lang. Kaya alam mo yung luhang lumabas na lang.

“Kaya hindi mo maiiwasan na maging involved somehow at kung may maitutulong ako, gagawin ko, pero ano lang ‘yun kumpara sa tulong ni Manoy Wilbert.

“Kailangan ko nga ng tulong eh, di ba?”

Dahil sa mga naranasan niya sa programa, in a way ay nakalilimutan niya ang sariling problema.

“Malilimutan mo talaga ang pinagdadaanan mo, kasi magpo-focus ka sa pinagdadaanan nila. Bibilib ka, parang ang tibay naman ng mga ito.

“Grabe, parang ‘yun nga ang hirap, gusto lang naman nilang makakain ng twice or thrice a day, ang simple.

“Tapos ikaw, konting problema lang, may reklamo ka na agad, parang nakakahiyang magreklamo. Kung alam lang nila ang mga taong nakakasalamuha ko, mahihiya ka rin.”

Napag-usapan din ang pagkakaroon nila ng utang na P37 million dahil na-swindle siya noong 2019 at malaking halaga nga ang itinakbo, na nagpadapa sa kanilang mag-asawa.

“37 million yun, pero may 4% interes pa sa tatlong taon, kaya kaming mag-asawa, dumapa talaga.

“Buti pa nga dito sa show, siguradong may tulong na ibibigay.

“Ilang beses na kaming humingi ng tulong, merong hihindi, may tutulong pero ipi-pressure ka naman na bayaran na ang utang sa kanila.

“Sino ba ang ayaw magbayad? Until now, ang feeling ko, parang naka-jail ako. Kasi pag may gusto akong bilhin, hindi puwede, dahil may magsasabi na may utang ka pa sa akin, bat mo binili yan.”
Update ni Sherilyn sa natitirang utang na dapat nilang bayaran ay nasa P10 million pa.

“Isipin nyo talaga yun interest, from P37M, magkano ‘yun, doon talaga kami nalunod sa interes.”

Malaki ang naitulong ng anak niyang si Ryle Santiago, dahil pinahiram nito ang kanyang ipon.

“Si Ryle, nag-start na uling mag-ipon. Since pumasok yun live selling niya sa TikTok at nasa Viva na rin siya.

“Sinabihan na rin namin siya na ‘wag nang tumulong sa amin. Kasi, buong savings niya ang nahiram namin, pero wala kaming narinig sa kanya. Ang babait talaga ng mga anak ko, hindi sila nagrereklamo.”

At sa kanilang pinagdaanan at dulot ng pandemic ay mas naging close sila at mapagpasalamat.

“Dahil sa kalagitnaan ng pinagdaanan namin, we learned to just be happy, kung anong meron kami. Nakuntento kami at naging grateful na walang maysakit at kumpleto pa rin kami, mas naging buo.”

(ROHN ROMULO)