INAAYOS na ngayon kung sining mga Kapuso stars ang tiyak makakasama sa “It’s Showtime “.

Ito ang pag-amin ng isa sa mga host ng nabanggit na Kapamilya show. Ayon pa kay Vhong Navarro ay pinag-uusapan na raw ng management kung araw-araw may bagong Kapuso co-host or may mga ipapasok na regular host ng “It’s Showtime.”

Dagdag pa niya ay wala naman daw mawawala sa mga regular host ng nasabing noontime show kundi baka madagdagan pa, huh! Sa interview pa rin kay sa “Fast Talk with Boy Abunda” ng King of Talk ay damang-dama pa rin daw nilang lahat ang sobrang kasiyahan sa nangyari ng pagsasanib-puwersa ng Dos at Siyete na dating magkakabangayang istasyon. “Talagang pinaghandaan naming lahat dahil napaka-espesyal ng papasukin naming bagong bahay,” sey pa ni Vhong. Hindi raw naman maalis sa kanilang lahat na alaga ng Kapamilya station ang magkahalong emosyon. Kumbaga yung feeling na parang imposible mangyari na ang programa nilang dating mahigpit na kalaban ng programang pangtanghali ng Kapuso network ay ang kapalit nito.

“Siyempre dalawa na ang channel na paglalabasan namin ngayon, kumbaga double na ang gagawin naming pagpapasaya sa madlang pipol at madlang kapuso“ seryoso pero napatawang banggit ni Vhong.

***

SA mga nagtatanong kung bakit wala si Jodi Sta. Maria sa “Night of 100 Stars” na ginanap sa Marriot Hotel ay may pahaging na kasagutan ang sikat na talk show host Ogie Diaz hinggil dito. Ang nabanggit na okasyon kung saan tribute ng Star Magic para kay Mr. Johnny Manahan ay dinaluhan ng mga naging anak anakan ni Mr. M nung nasa ABS pa siya.

Present sina Piolo Pascual, Jericho Rosales, Kathryn Bernardo, Claudine Barretto, Charo Santos, Kristine Hermosa, Kaye Abad, John Lloyd Cruz, Julia Barretto, Erik Santos, pati mga Kapuso na ngayong sina Bea Alonzo, Heart Evangelista at marami pang iba. Well, ayon pa kay Ogie sa blog niya with Mama Loi at Tita jegs na “Showbiz Update” ay invited daw naman talaga si Jodi pero medyo binawi raw last minute.

Nakarating daw ang balita Kay Ogie at narinig lang naman niya na kınansela ang imbistasyon ni Jodi at mas pinaboran si Claudine. Si Claudine kasi ang isa sa pioneer at love na love ni Mr. M, huh! Matatandaang nagkaroon ng sigalot at isyu between Claudine at Jodi na kung saan nali-link noon ang huli sa dating asawa ng una na si Raymart Santiago. At para maiwasan ang maaaring bangayan at tarayan kung kaya binawi ang imbitasyon. So, malinaw na mas pinaboran si Claudine over Jodi, huh!

(JIMI C. ESCALA)

NABAWASAN na raw ni Kyline Alcantara ang paggamit niya ng social media.

Inamin ng ‘Shining Inheritance’ star na nagpo-post lang daw siya ng updates pero hindi raw siya nagbabasa ng comments at nagso-scroll sa ibang sites.

Mas mabuti na raw yung hindi siya nag-aaksaya ng oras sa pag-check sa social media. Nakakabuti raw iyon sa kanyang mental health.

“Nand’un ako sa phase in my life na it doesn’t matter what they say because I know myself, I know what my truth is,” sey pa ng Sparkle star.

Thankful lang si Kyline sa suporta ng kanyang fans na kung tawagin niya ay sunflowers dahil nandyan pa rin sila kahit ano pa ang intriga sa kanya.

“I feel so grateful and loved, kahit anong mangyari iba talaga ang aking mga sunflowers that’s why I love them so much, iba sila dumepensa at magprotekta.”

***

LABIS ang tuwa at pasasalamat si Jon Lucas matapos siyang makatanggap ng isang brand new car na sorpresa sa kaniya ng asawang si Shy Ferras.

Sa kanyang Instagram, sinabing hindi inaasahan ni Jon ang sorpresa dahil pupunta lang dapat sila sa isang mall.

Ayon sa ‘Black Rider’ star, isa ito kanyang mga pinapangarap, kaya grateful siya sa Diyos at sa kaniyang asawa.

Binati naman si Jon ng kanyang showbiz friends, kabilang sina Ruru Madrid, Shaira Diaz, Gladys Reyes, Dianne Medina, Diego Loyzaga, Rodjun Cruz at marami pang iba.

Kasal na sina Jon at Shy mula pa noong 2017. May dalawa silang anak na sina Brycen at Bria.

***

OFFICIALLY divorced na si Ariana Grande sa kanyang ex-husband na si Dalton Gomez.

Lumabas noong March 19 ang documents sa pag-dissolve ng marriage nila mula sa Los Angeles Superior Court.

Noong September 2023 nag-file ng divorce si Grande at na-settle na ito nung October pa. Pero may mandatory na six months bago ang official na pag-dissolve ng marriage nila.

Walang anak at walang pre-nuptial agreement sina Ariana at Dalton kaya nagkaroon sila ng settlement terms.

Nagbigay ng one-time payment si Grande amounting to $1,250,000 kay Gomez at walang future spousal support. Nagkasundo rin sila na ibenta ang Los Angeles home nila at si Grande rin ang nagbayad ng attorney’s fee ni Gomez na umabot sa $25,000.

“Irreconcilable differences” ang reason for the breakdown of their marriage. Kinasal sina Grande at Gomez in Montecito, California, on May 15, 2021.

Kasalukuyang karelasyon ni Ariana ang co-star niya sa pelikulang Wicked na si Ethan Slater na nag-file ng divorce sa estranged wife niyang si Lilly Joy.

(RUEL J. MENDOZA)

SIMULA sa unang araw ng Abril, mamarkahan ni Kapuso Primetime Queen Marian Rivera ang kanyang inaabangang pagbabalik sa GMA Prime.

Sa ilalim ng pamumuno ng award-winning director na si Zig Dulay, ipinakita ng “My Guardian Alien” ang pinakahihintay na tandem at hindi maikakaila na chemistry nina Marian bilang Katherine at bankable leading man na si Gabby Concepcion bilang Carlos. Kasama si Raphael Landicho bilang si Doy, tutuklasin ng mga lead stars ang feel-good at mahiwagang kuwento ng pamilya Soriano.
Dadalhin sa out-of-this-world program sa ibang antas ng entertainment ni Max Collins bilang Venus, isang business partner ng Soriano at magiging mortal na kaaway ni Katherine.

Kukumpleto sa star-studded cast sina Gabby Eigenmann bilang Dr. Ceph, isang psychiatrist at mabait na kaibigan ni Carlos; Marissa Delgado bilang Nova, ang domineering na mother-in-law ni Katherine; Kiray Celis bilang Marites, ang madaldal ngunit maaasahang katulong ng mga Soriano; Josh Ford bilang Aries, isang walang pakialam na teenager na nagtatrabaho sa bukid ng pamilya Soriano; Caitlyn Stave bilang Halley, ang matalino at independiyenteng kapatid ni Venus; Christian Antolin bilang Sputnik, isang dating miyembro ng gang na naging tapat na tagapangalaga ng sakahan ni Soriano.

Nakatakdang muling patunayan ng Kapuso Primetime Queen ang kanyang walang kapantay na husay sa pag-arte sa family drama na ito na may halong sci-fi fantasy.

Inamin ni Marian nang ilatag sa kanya ng GMA ang naturang proyekto at agad niyang nagustuhan.

“Ito talaga yung napulsuhan ko at sabi ko ang ganda at gusto kong gawin kasa bago sa akin, sure akong mapapanood ng mga anak ko,” pahayag ng bagong Box-Office Queen.

“Kasi gusto kong gumawa ng isang serye na kayang panoorin ng mga anak ko at magiging proud ako. Ito na siguro ‘yun time o moment sa buhay ko na sa tuwing may gagawin ako, gusto kong maging proud ang mga anak ko.

“So, ito ‘yun ‘My Guardian Alien’. Sabi ko nga eh, parang worth it lahat ng paghihintay ng limang taon para gawin ko ‘to.”

Inamin naman ng actress/tv host na nangapa siya sa pagbabalik-serye.

“Noong una talaga na sumabak ako sa taping, nahirapan talaga ako. After five years nagbabalik ako sa soap, hindi ko alam ang anggulo ko, kung nasaan ang lightings.

“So, nangapa talaga ako. Even the lines kasi, parang medyo nahirapan ako mag-memorize. Pero dahil sa tulong ng mga tao sa paligid ko, naging madaling para sa akin ang trabaho ko.

“Tapos si Direk Zig, hindi talaga siya nagkukulang kung ano ang dapat kong acting sa soap na ito. Nag-usap kami ni direk bago magsimula ang lahat, sabi, medyo mahirap ito.

“Sabi ko sa GMA, bigyan nila ako ng soap na hindi ako masyadong mahihirapan, ayaw ko kasi na pag-uwi ko ng bahay, pagod na pagod ako.

“Kaya bukod sa maganda ang kuwento nito, sa sobrang dali, wala akong lines minsan, kasi nga alien ang role ko.

“So, naging madali para sa akin, at sabi ko nga, ito ‘yung mas nilu-look forward ko eh. ‘Yung makagawa ng magandang proyekto na mapapanood ng mga anak ko at magiging proud sila.

“And at the same time, proud akong sabihin na nakagawa uli ako ng isang pamilya dahil sa serye na ito. So, lahat nang ito ay blessings para sa akin.”

Ang “My Guardian Alien” ay umiikot sa kwento ng masaya, mapagmahal, at perpektong pamilya ni Katherine. Gayunpaman, mababaligtad ang kanilang mapayapang buhay kapag isang insidente ng pamamaril ang pumatay kay Katherine. Dahil dito ay gumuho ang mundo ng mag-amang Carlos at Doy.

Isang gabi sa libing, isang misteryosong pod ang aksidenteng nalaglag sa mundo.

Naglalaman ito ng isang alien, na biglang nag-anyong kawangis ng pumanaw na si Katherine.

Matatanggap kaya nina Carlos at Doy ang kakaibang babaeng ito na kamukhang-kamukha ng kanilang nawalang minamahal?

Ano ang misyon ng alien sa planeta? Paano siya nababagay sa mundo ng mga tao kung saan may pagmamahal at emosyon?

Ang programa ay ginawa ng award-winning na GMA Entertainment Group na pinamumunuan ni Senior Vice President Lilybeth G. Rasonable; Pangalawang Pangulo para sa Drama Cheryl Ching-Sy; Assistant Vice President for Drama Helen Rose S. Sese; Program Manager Edlyn Tallada-Abuel; at Executive Producer na si Shielyn Atienza.

Ang creative team ng palabas ay binubuo ni Creative Director Aloy Adlawan; Content Development Consultant Ricky Lee; Creative Consultant Agnes Uligan; Head Writer Anna Aleta Nadela; at mga Manunulat na sina Onay Sales-Camero at Geng de los Reyes-Delgado.

Nakatakdang maantig ng “My Guardian Alien” ang puso ng mga manonood simula sa ika-isa ng Abril, tuwing gabi sa ganap na 8:50 p.m. sa GMA Prime. May delayed telecast din ang programa sa GTV sa ganap na 10:50 p.m.

Mapapanood din ng Global Pinoy ang programa sa pamamagitan ng GMA Pinoy TV. Para sa higit pang mga kuwento tungkol sa Kapuso Network, bisitahin ang www.GMANetwork.com.

(ROHN ROMULO)

MAY mensahe si Tom Rodriguez sa dati niyang asawa na si Carla Abellana.

Sa recent na guesting kasi ni Tom sa ‘Fast Talk With Boy Abunda’ ay tinanong ni Kuya Boy si Tom kung ano ang ipinagdarasal niya para kay Carla.

“I really wish her well.

“Everyone of us deserves happiness and I really wish that for her,” seyosong pahayag ni Tom.

Inamin rin ni Tom na may babaeng nagbibigay sa kanya ngayon ng inspirasyon.

Lahad pa niya, “When I went through that healing process, that wasn’t even in my mind. But I do believe that love does find you when you’re ready for it. And when it found me I thought my doors would be closed forever.

“Hindi pala because I’m experiencing it again now. And it’s something that I will treasure and cherish and really do my best to really protect.”

Pero hindi nagbigay ng anumang detalye si Tom tungkol sa nasabing babae.

Natuto raw si Tom na maglagay ng limitasyon sa mga ibabahagi niya sa publiko pagdating sa kanyang personal na buhay.

“This time around I’m gonna keep it for myself and those people that are very important to me.

“Okay na kami, kaya sorry na nagdadamot ako Tito Boy. I really wanna keep it close to the heart this time around.”

(ROMMEL L. GONZALES)