2024 June Archive - People's Balita

June 24, 2024
Search in People's Balita
Ang Diyaryong Pinagkakatiwalaan

Archive for June, 2024

4 drug suspects nalambat sa Malabon, Navotas buy bust

Posted on: June 24th, 2024 by @peoplesbalita No Comments

MAHIGIT P.1 milyong halaga ng shabu ang nasamsam sa apat na hinihinalang drug personalities matapos maaresto ng pulisya sa magkahiwalay na buy bust operarion sa Malabon at Navotas Cities.

Kinilala ni Malabon police chief P/Col. Jay Baybayan ang naarestong mga suspek na sina alyas Dekdek, 41, (user/listed) ng Malabon at alyas Rex, 42 ng Caloocan City.

Sa ulat ng Malabon Police Station Drug Enforcement Unit (SDEU) kay Col. Baybayan, nakatanggap sila ng impormasyon hinggil sa umano’y ilegal drug activities ni ‘Rex’ kaya ikinasa nila ang buy bust operation sa suspek.

Nang tanggapin ni ‘Rex’ ang marked money mula sa pulis na nagpanggap na buyer kapalit ng isang plastic sachet ng shabu ay agad siyang dinamba ng mga operatiba dakong alas-4:20 ng madaling araw sa M.H Del Pilar St., Brgy. Tugatog, kasama ang kanyang parokyano na si ‘Dekdek’.

Nakumpiska sa mga suspek ang humigi’t kumulang 15.5 grams ng hinihinalang shabu na may standard drug price P105,400.00 at buy bust money.

Sa Navotas, nabingwit naman ng mga operatiba ng Navotas Police SDEU sa pangunguna ni P/Capt. Genere Sanchez sa buy bust operation sa Luna St., Brgy. Bangkulasi, dakong alas-10:30 ng gabi sina alyas ‘Puroy’, 51 at alyas ‘Angel’, 32 matapos bintahan ng shabu ang isang pulis na nagpanggap na buyer.

Sinabi ni Capt. Sanchez kay Navotas police chief P/Col. Mario Cortes na nasamsam nila sa mga suspek ang may 4.97 grams ng hinihinalang shabu na nagkakahalaga ng P33,796.00 at buy bust money.

Mahaharap ang mga suspek sa kasong paglabag sa RA 9165 o Comprehensive Dangerous Drug Act of 2002. (Richard Mesa)

PBBM, nagpalabas ng EO para baguhin ang import duty rates ng iba’t ibang produkto

Posted on: June 24th, 2024 by @peoplesbalita No Comments

NAGPALABAS si Pangulong Ferdinand Marcos Jr. ng isang executive order na naglalayong baguhin ang import duty rates ng iba’t ibang kalakal para pahinain ang ‘inflationary pressure’ at protektahan ang ‘purchasing power’ ng mga Filipino.

Sa ilalim ng Executive Order No. 62, ang ilang kalakal gaya ng ‘animal products, plants, pharmaceutical needs, chemicals, etc. ay kailangan na i-subject sa Most Favored Nation (MFN) rates ng duty, kung ano ang ipinangako ng ibang bansa para ipatupad sa imports mula sa ibang miyembro ng World Trade Organization (WTO).

“There is a need for a new multi-year and comprehensive tariff schedule that will provide a transparent and predictable tariff structure, and allow businesses to engage in medium- to long-term planning to improve productivity and competitiveness, facilitate trade, and enhance consumer welfare,” ang nakasaad sa EO.

“The implementation of an updated comprehensive tariff schedule aims to augment supply, manage prices, and temper inflationary pressure of various commodities, consistent with the Philippine national interest and the objective of safeguarding the purchasing power of Filipinos,” dagdag nito.

Matatandaang, una nang inaprubahan ng NEDA Board ang Comprehensive Tariff Program 2024-2028 na layong mapababa ang presyo ng bigas at iba pang pangunahing bilihin.

Sa ilalim ng programang ito, mananatili ang kasalukuyang taripa sa mahigit kalahati ng mga produktong agrikultural at industriyal.

Samantala, ibababa naman ang taripa sa ilang kemikal at coal briquettes upang mapabuti ang seguridad sa enerhiya at mabawasan ang gastos sa produksiyon.

Pinakamalaking bawas-presyo ang inaasahan sa bigas, dahil mula sa dating 35%, ibababa sa 15% ang taripa nito. Layon nitong mapagaan ang gastusin ng mga Pilipino, lalo na’t malaki ang ambag ng bigas sa inflation rate.

Bukod sa bigas, mananatili rin ang mas mababang taripa sa iba pang produktong agrikultural gaya ng mais, baboy at deboned meat.

Ayon kay NEDA Secretary Arsenio Balisacan, ang bagong tariff program ay hakbang upang masiguro ang sapat na suplay ng mga pangunahing bilihin, mapatatag ang presyo, at maitaguyod ang seguridad sa pagkain. (Daris Jose)

Sinabihang ‘banong umarte’ sa mismong kaarawan: DAVID, aminado na apektado ‘pag naba-bash ang acting

Posted on: June 24th, 2024 by @peoplesbalita No Comments

AMINADO naman si David Licauco na kapag naba-bash ang acting niya ay apektado siya.

Lahad ni David, “Siguro pag bina-bash ang acting ko. Dun ako naba-bad trip. Minsan gusto kong mag-reply.

“Pero siyempre, e, entitled naman sila sa opinions nila, e.

“Pero OK lang naman sa akin. Sa totoo lang, immune na rin ako. Pag minsan lang, kunwari bad mood ka, nakita mo. Parang hmmm…

“Nung birthday ko, may nakita ako. Birthday ko na nga, imbes na i-greet ako, sinabi sa akin, ‘Babanu-bano umarte.’”

Kaka-celebrate lang ni David ng birthday niya nitong June 15 in a more positive note, happy si David sa tambalan nila ni Barbie Forteza, na kung aabutin ito ng mahabang panahon ay ikasisiya ng binata.

“Bakit hindi, di ba? If it’s working, siyempre. If it’s working, yes.”

Paano kung pagsawaan sila ng mga fans.

“Siguro depende pa rin yun sa mga fans. Kumbaga, Nasa kanila naman yun kung magsasawa sila o hindi.

“Kami, ginagawa lang naman namin yung best namin.”

Paano kapag nagdesisyon ang GMA management o ang mga movie producers na buwagin ang BarDa?

Kaya niya?

“Hindi ko alam actually. Hindi ko alam dahil hindi ko pa siya nape-face, di ba?

“But I don’t know, I think this is my comfort zone as of the moment. I think andami ko nang ginawang uncomfortable decisions sa buhay ko na… pagnenegosyo, maraming uncertainties.

“I think this one is, you know, I’m in my comfort zone. And siguro as much as possible, I wanna be in that comfort zone muna.”

Mula sa Pocket Media Productions, Inc. at Pocket Media Films, nasa cast din ng That Kind of Love sina Arlene Muhlach, Divine Aucina, Al Tantay, Kaila Estrada at Ivan Carapiet, sa direksyon ni Catherine Camarillo.

Ang premiere night nito ay sa Hulyo 4 sa SM Megamall. Showing ito sa mga sinehan umpisa Hulyo 10.

Nalalapit na rin, sa July 29, ang “Pulang Araw” sa GMA at sa Netflix kung saan kasama naman nina David at Barbie sina Alden Richards, Sanya Lopez at Dennis Trillo.

(ROMMEL L. GONZALES)

Nag-e-enjoy sa pagiging ‘glam-ma’ ni Hailey: TERESA, ‘di itinanggi na siya mismo ang nagpa-rehab kay DIEGO

Posted on: June 24th, 2024 by @peoplesbalita No Comments

MASAYANG-MASAYA ang magaling na aktres na si Teresa Loyzaga dahil sa pagkakaroon ng sariling pamilya ng anak nila ni Cesar Montano na si Diego Loyzaga.

Ayon pa kay Teresa sa interbyu sa kanya ni Boy Abunda sa programang “Fast Talk ni Boy Abunda” ay nag-enjoy daw siya sa papel niya bilang ‘Glam-ma’ sa apong si Hailey

“I thought when I had my children, ‘yon na ‘yung highlight ng ‘mom’ in me. Iba ‘yung high ng lola.

“Hindi ko masabing it’s more than when I had my kids. I think it’s part of womanhood, na akala mo you graduate kapag mom ka na.

“May continuation pa pala kapag naging lola ka na. Ibang stage pa rin ng womanhood,” mahabang pagkukuwento pa ni Teresa.

As a mother masakit siyempre sa aktres ang mga pinagdaanan ng anak na si Diego nung mga nakalipas na taon.

Hindi naman itinanggi ni Teresa na siya mismo ang nagpasok sa anak sa isang rehabilitation center dahil sa pagkahilig ng aktor noon sa ipinagbabawal na gamot.

Kaya ganun na lang daw ang galit ni Diego sa kanya dahil sa naging desisyon niya

“Yes, because he wasn’t himself then. We have to understand na ‘yung mga mahal natin sa buhay kapag nalulong sa droga, kapag kinausap mo sila at binabastos ka nila, hindi sila ‘yon. ‘Yung gamot ‘yon eh.

“No’ng nawala lahat ‘yon, bumalik ‘yung anak ko then naintindihan niya. Ang tagal naming hindi nagkita. Ang hindi niya alam, bumibisita ako parati sa kanya kahit bawal kami magkita. That was part of his punishment for him to learn, to appreciate home, family.

“Kapag bumibisita ako do’n, pader lang ang pagitan namin, nandiyan siya sa kabila, hindi niya alam. Pero napapanood ko siya sa isang maliit na monitor, kung nasaan siya sa loob. Kapag kumakain siya, nagpapadala ako ng pagkain. There was one time tarpaulin lang ang pagitan namin, may butas ‘yung tarpaulin.

“Sabi niya sa akin, ‘You have to promise tatahimik ka ah. Hindi ka magpaparamdam.’ Sabi ko, ‘Promise!’ Gusto ko lang talaga makalapit. Nakasilip lang ako sa butas makita ko lang ‘yung anak ko, mahirap. What people do not know, I put him to rehab. It’s a part of me that died. But I wanted my son to live. So I had to put him to rehab,” halos maluha luha pang mahabang pagkukuwento ni Teresa.

Samantala, nanatili ang pagiging magkaibigan nina Teresa at Cesar. Nagkita pa ang dating mag-asawa kamakailan sa birthday party ng kanilang apo.

“Nagkita kami sa birthday ni Hailey, magkakasama kami. I also met his partner. We had a little chat. I also told Diego, ‘Let’s have a lunch together, lahat na, together.’ Time is so precious, time is gold. Matanda na tayong lahat. Ayokong sirain pa na, ‘yung pride of your youth or a misunderstanding from the past maghi-hinder pa. Positive for the rest of the family,” lahad pa rin ng aktres.

***

ISANG malaking katanungan sa lahat ang hindi pagsipot ng Kapuso aktor Xian Lim sa mismong presscon ng pelikula niyang “Kuman Thong.”

Si Xian ang sumulat ng kuwento at direktor ng nasabing pelikula na kinunan ang mga eksena sa Bangkok, Thailand.

Kaya ganun na lang ang pagtataka ng lahat kasama ang mga namamahala ng nabanggit na movie.

Pati mga taong nasa likod ng project na ito ni Xian ay nagtaka sa hindi niya pagsipot sa press conference ng horror movie na magbubukas sa mga sinehan sa Hulyo 3, 2024.

Well, kung anumang dahilan ay bukod tanging si Xian lang nakakaalam, huh!

(JIMI C. ESCALA)

Pinas, suportado ang UN Security Council ukol sa planong tigil-putukan sa Gaza

Posted on: June 24th, 2024 by @peoplesbalita No Comments

PINURI ng Pilipinas ang resolusyon ng United Nations Security Council na sumusuporta sa three-phase ceasefire plan sa Gaza strip.

Sinabi ng Department of Foreign Affairs na muling pinagtibay ng UN Resolution S/RES/2735 ang commitment ng UN sa kapayapaan at katatagan at ang bansa ay committed na magbigay ng kinakailangang pagsisikap para tumulong na makamit ang isang “peaceful resolution” sa Gaza.

“The prompt implementation of the measures is imperative to alleviate the suffering of innocent civilians caught in the crossfire… The country stands ready to contribute to initiatives that foster stability, security, and peace in the region,” ang nakasaad sa kalatas.

Ang UN S/RES/2735, in-adopt noong Hunyo 10, hinikayat ang ganap na pagpapatupad ng isang three-phase ceasefire deal para wakasan ang giyera sa pagitan ng Hamas at Israel sa Gaza.

Kabilang sa kasunduan ay ang ligtas na pagpapalaya sa mga hostages at bilanggo, withdrawal ng forces, pagbabalik ng mga namatay na nananatiling nasa Gaza Strip, epektibong distribusyon ng humanitarian assistance, at multi-year reconstruction plan” para sa Gaza.

Ang resolusyon ay in-adopt matapos ang 14 boto na pabor sa loob ng UN Security Council, habang nag-abstain naman ang Russian Federation. (Daris Jose)

Director Greg Berlanti Praises Scarlett Johansson and Channing Tatum’s Chemistry in “Fly Me to the Moon”

Posted on: June 24th, 2024 by @peoplesbalita No Comments

Discover the sizzling chemistry between Scarlett Johansson and Channing Tatum in Greg Berlanti’s Fly Me to the Moon.

A stylish blend of comedy, drama, and romance set against the backdrop of the Apollo 11 moon landing. In cinemas July 10.

Director Greg Berlanti, renowned for his work on Love, Simon and You, knew from the first rehearsal that the dynamic duo of Scarlett Johansson and Channing Tatum would light up the screen in Fly Me to the Moon.

Berlanti shares, “When you work with stars of this magnitude – who are stars for a reason – you know that they each have a filming element that most people don’t have. But until they are in a room together and I’m watching them act, do they have chemistry? I knew from our first rehearsal. They were so inventive and fun with each other. As young people say, it was giving Rock Hudson and Doris Day, it was giving Spencer Tracy and [Katharine] Hepburn. They each have their own brand of comedy and drama but they really fit well together. It was exciting to see what was going to happen every day.”

Fly Me to the Moon is a stylish, multi-faceted comedy-drama with a hint of romance, set against the high-stakes backdrop of NASA’s historic Apollo 11 moon landing. Scarlett Johansson stars as Kelly Jones, a marketing maven tasked by the White House to stage a fake moon landing as a backup plan. This mission doesn’t sit well with launch director Cole Davis, played by Channing Tatum.
Johansson, who also serves as one of the film’s producers, explains the complex relationship between their characters. “Though there may be a little contempt between Kelly and Cole at times, you still see that they have a connection, and sparks fly.”

Berlanti’s film recalls the sharp banter of classic Hollywood couples like Katharine Hepburn and Spencer Tracy while delivering a poignant message about the importance of truth. Set on the grand scale of the Apollo missions, it also tells the intimate story of two people coming together. “The tether is always the performance – to have actors who can be silly in one moment and serious the next,” Berlanti says. “Tone is the number one question I’ve got in my career. I love to blend tones because I think we live lives of blended tones – it makes the sad stuff more sad, the serious stuff more serious, and the funny stuff funnier, because it adds an element of surprise; you don’t know what you’re going to get from moment to moment. It’s testament to the actors being able to do that.”

The film’s narrative cleverly intertwines Kelly and Cole’s mission to get to the moon with their personal journey of coming together. “Next to going to the moon, love may be the most ambitious thing a person can take on,” Berlanti reflects. Both aspirations – reaching the moon and allowing oneself to fall in love – require a leap into the unknown. “The moon is mystical and magical,” he says. “For thousands of years, it was the brightest light in the evening, when all the magical romantic things were happening. That’s so ingrained in us. What it has in common with the romance and the aspirations of the world at that time is the ambition – the giving yourself over to something great.”

Will they make it or fake it? Find out when Fly Me to the Moon, also starring Woody Harrelson, Ray Romano, and Jim Rash, opens in cinemas on July 10. Distributed in the Philippines by Columbia Pictures, the local office of Sony Pictures Releasing International. #FlyMeToTheMoon @columbiapicph

(Photo & Video Credit: “Columbia Pictures”)

(ROHN ROMULO)

Toll fee sa Cavitex libre buong Hulyo –PBBM

Posted on: June 24th, 2024 by @peoplesbalita No Comments

ISANG buwan na libreng toll fee ang alok ni Pangulong Ferdinand “Bongbong” Marcos Jr. sa mga motorista na dadaan sa Cavitex simula sa Hulyo.

Ginawa ng Pangulo ang anunsiyo sa groundbreaking ng Cavitex-Calax link at Cavitex C5 Link Segment 3B at inagurasyon ng pagbubukas ng Cavitex C5 link Sucat interchange.

Ito ay matapos irekomenda ng Philippine Reclamation Authority na nagsisilbing operator ng Cavitex na gawing libre ang paggamit sa kalsada.

Iiral ang toll holiday sa buong buwan ng Hulyo sa lahat ng klase ng sasakyan.

“This is especially so after receiving the good news that the PRA or the Philippine Reclamation Authority, as operator of the CAVITEX, proposed to suspend the collection of toll fees for all types of vehicles passing through the Manila-Cavite Toll Expressway in Taguig, Parañaque, Las Piñas, Bacoor, and Kawit for thirty days. This will introduce our new roads, expressways to those who are in need of that transport system,” pahayag ni Pangulong Marcos sa groundbreaking ng Cavitex-Calax Link, Cavitex C5 Link Segment 3B at inagurasyon ng Cavitex C5 Link Sucat Interchange sa Parañaque City.

Ayon sa Pangulo, bunga ang proyekto ng Private-Public Partnership projects ng PRA, Cavitex Infrastructure Corporation at Metro Pacific Tollways Corporation.

Tinataya naman na nasa 23,000 motorista ang makikinabang araw-araw sa bagong kalsada. (Daris Jose)

Mayor Guo sinalag ‘conspiracy’ sa POGO

Posted on: June 24th, 2024 by @peoplesbalita No Comments

NANINDIGAN si Bamban Tarlac Mayor Alice Guo na wala itong koneksyon sa anumang Philippine Offshore Gaming Operator (POGO) operations sa bansa kaya maling tawagin itong “conspirator” nang walang matibay na ebidensya.

Ang pahayag ay ginawa ni Mayor Guo bilang reaksyon sa kasong Anti-Trafficking in Persons na isinampa laban sa kanya sa Department of Justice (DOJ) ng Philippine National Police Criminal Investigation and Detection Group (PNP-CIDG) at ng Presidential Anti-Organized Crime Commission (PAOCC).

Giit ni Mayor Guo, ang pagkakaroon lamang ng koneksyon sa mga kumpanya o indibidwal ay hindi sapat na batayan upang tawagin ang isang tao na kasabwat.

Inihayag ng alkalde na ang mga ganitong akusasyon ay kailangang masuportahan ng sapat na ebidensya.

“Ang pagiging conspirator ay may legal na batayan sa ating bayas. Ang pagkakaroon ng koneksyon sa mga kumpanya o indibidwal, lalo na kung hindi malinaw, ay hindi sapat upang iugnay ang isang tao sa kaso, partikular na sa kaso ng Human Trafficking,” sabi ni Mayor Guo.

Binanggit niya na wala siyang anumang kaugnayan o pakikibahagi sa Zunn Yuan Technology, Inc. o anumang POGO sa bansa.

Kahit na hindi pa natatanggap ang kopya ng pormal na reklamo, nananatiling kumpiyansa si Mayor Guo na walang sapat na ebidensya na mag-uugnay sa kanya sa mga paratang.

Ipinahayag niya ang kanyang pangamba na ang mga paratang ay maagang inilabas sa publiko bago pa man ipakita ang anumang kongkretong ebidensya.

Aniya, tila niluto muna sa publiko at sa media ang mga alegasyon bago ito isinampa laban sa kanya. (Daris Jose)

Sa Gabi ng Parangal ng ‘7th EDDYS’ sa July 7: JANINE, magsisilbing host kasama sina GABBI at JAKE

Posted on: June 24th, 2024 by @peoplesbalita No Comments

ASAHANG mas magniningning pa ang Gabi ng Parangal para sa gaganaping 7th EDDYS o Entertainment Editors’ Choice ngayong July 7, 2024.

‘Yan ay dahil sa tatlong celebrities na magsisilbing host ng ika-7 edisyon ng The EDDYS ng Society of Philippine Entertainment Editors (SPEEd).

Pangungunahan ito ng itinanghal na Best Actress sa 6th EDDYS na si Janine Gutierrez (para sa pelikulang ‘Bakit Di Mo Sabihin?’) kasama ang Kapuso Millennial It Girl na si Gabbi Garcia at movie at TV actor na si Jake Ejercito.

Nagmarka si Janine sa ABS-CBN series na “Dirty Linen” at inaasahang gagawa uli ng kasaysayan sa upcoming Kapamilya serye na “Lavender Fields.”

Umani ng papuri si Gabbi sa pagiging host ng Miss Universe Philippines 2024 last month, na bibida uli sa “Sang’gre: Encantadia Chronicles” ng GMA 7 ngayong taon.

Pinag-usapan naman si Jake sa top-rating series ng ABS-CBN na “Linlang” at “Can’t Buy Me Love”. Pinuri rin siya sa blockbuster film na “A Very Good Girl” na pinagbidahan nina Kathryn Bernardo at Dolly de Leon.

Inaasahang na mas magiging matindi ang labanan sa ika-pitong edisyon ng The EDDYS. Magbabakbakan ang limang de-kalibreng pelikula na ipinalabas sa mga sinehan at online platform nitong nagdaang taon na gumawa ng ingay at nagmarka sa mga manonood.

Ang mga nominado sa kategoryang Best Film ay ang “About Us But Not About Us” (The IdeaFirst Company, Octoberian Films, Quantum Films); “Firefly” (GMA Pictures, GMA Public Affairs);

“GomBurZa” (Jesuit Communications, MQuest Ventures, CMB Film Services); “Iti Mapukpukaw” (Project 8, GMA News and Public Affairs, Terminal Six Post) at Mallari” (Mentorque Productions, Clever Minds Inc.).

Nominado naman sa kategoryang Best Director sina Derick Cabrido (“Mallari”); Pepe Diokno (“GomBurZa”); Zig Dulay (“Firefly”); Jun Robles Lana (“About Us But Not About Us”); Carl Joseph Papa (“Iti Mapukpukaw”).

Magpapatalbugan sa pagka-Best Actress sina Kathryn Bernardo (“A Very Good Girl”); Charlie Dizon (“Third World Romance”); Julia Montes (“Five Breakups And A Romance”); Marian Rivera (“Rewind”); Vilma Santos (“When I Met You In Tokyo”); at Maricel Soriano (“In His Mother’s Eyes”).

Nominado naman sa Best Actor category sina Elijah Canlas (“Keys to the Heart”); Dingdong Dantes (“Rewind”); Cedrick Juan (“GomBurZa”); Piolo Pascual (“Mallari”); Alden Richards (“Five Breakups And A Romance”); Romnick Sarmenta (“About Us But Not About Us”).

Para sa kategoryang Best Supporting Actress nominado sina Dolly de Leon (“Keys to the Heart”); Alessandra de Rossi (“Firefly”); Gloria Diaz (“Mallari”); Gladys Reyes (“Apag”); at Ruby Ruiz (“Langitngit”).

Sa Best Supporting Actor category maglalaban-laban sina Enchong Dee (“GomBurZa”); Keempee de Leon (“Here Comes The Groom”); Nanding Josef (“Oras de Peligro”); Roderick Paulate (“In His Mother’s Eyes”); at JC Santos (“Mallari”).

Ang 7th EDDYS ay gaganapin sa Ceremonial Hall ng Marriott Grand Ballroom, Newport World Resorts sa Pasay City.

Mapapanood ang delayed telecast ng idaraos na Gabi ng Parangal sa ALLTV sa darating na July 14, 10 p.m. Ito’y muling ididirek ng award-winning actor at filmmaker na si Eric Quizon.
Ang Brightlight Productions ang line producer ng awards night

Sa pakikipagtulungan ng Newport World Resorts at ALLTV, kasama pa rin ng SPEEd sa pagtatanghal ng The 7th EDDYS ang Globe Telecom bilang major sponsor.

Katuwang din ng grupo ngayong taon ang Beautéderm ni Rhea-Anicoche Tan, Unilab, Camille Villar, former Ilocos Sur Governor Chavit Singson at ang Echo Jam.

Ang annual event na ito na mula sa samahan ng mga entertainment editors sa Pilipinas ay nagbibigay ng pagkilala at pagpapahalaga sa mga pelikula at personalidad na itinuturing na “best of the best” sa Philippine Cinema.

Ang SPEEd ay binubuo ng mga current at former entertainment editors ng mga leading newspaper at online site sa Pilipinas, sa pangunguna ng presidente nitong si Salve Asis ng Pilipino Star Ngayon at Pang Masa.

(ROHN ROMULO)

Pinas, handang makatrabaho ang Tsina para resolbahin ang alitan – Bersamin

Posted on: June 24th, 2024 by @peoplesbalita No Comments

HINDI na paabutin pa ng Pilipinas sa mas mataas na international body ang pinakabagong insidente sa Ayungin Shoal.

Ito ang sinabi ni Executive Secretary Lucas Bersamin kasabay ng kahandaan ng Pilipinas na makatrabaho ang Tsina para resolbahin ang alitan.

Tinanong kasi si Bersamin sa press briefing sa Malakanyang kung kinokonsidera ng gobyerno na idulog ang usapin sa global body.

“That’s not yet in consideration because I think this is a matter that can easily be resolved very soon by us. And if China wants to work with us, we can work with China,” ang sinabi ni Bersamin.

Winika pa ni Bersamin, chairman ng National Maritime Council (NMC) na hindi pinag-usapan ng body ang panawagan na Mutual Defense Treaty (MDT) sa nangyari ng second meeting, araw ng Biyernes.

Gayunman, inanunsyo ng NMC ang naging rekomendasyon kay Pangulong Ferdinand R. Marcos Jr. para sa pagpapatuloy ng “routinary at regular rotation and reprovision (RORE) missions sa BRP Sierra Madre sa Ayungin Shoal sa kabila ng nakagagalit na aksyon ng Tsina.

Aniya, ang anunsyo para sa RORE missions ay gagawin bago pa ito isagawa.

Hindi naman kinokonsidera ng gobyerno ng Pilipinas ang insidente bilang armed attack, ayon kay Bersamin sabay sabing “it may be a misunderstanding or an accident.”

Napaulat na may 8 Filipino servicemen ang nasugatan sa nangyaring June 17 hostile incident. Subalit, nilinaw ng NMC na isa lamang ang nasaktan.

“The Council recognizes a peaceful, stable, and prosperous West Philippine Sea (WPS) and South China Sea (SCS) is still a distant reality,” ayon pa rin kay Bersamin.

Tinuran pa nito na pumayag ang Konseho sa policy recommendations para sa konsiderasyon ni Pangulong Marcos. (Daris Jose)