2024 August 22 Archive - People's Balita

December 19, 2024
Search in People's Balita
Ang Diyaryong Pinagkakatiwalaan

Archive for August 22nd, 2024

World number 1 tennis player Jannik Sinner hindi sinuspendi kahit na 2 beses nagpositibo sa paggamit ng iligal substance

Posted on: August 22nd, 2024 by @peoplesbalita No Comments

IPINALIWANAG ng International Tennis Integrity Agency (ITIA) kung bakit hindi nila pinatawan ng suspension si world number Jannik Sinner matapos na magpositibo ito sa pinagbabawal na substance.

Ayon sa ITIA na hindi nila nakita na nagpabaya ang French tennis star kahit na nagpositibo ito sa Clostebol isang anabolic steroid.

Unang lumabas ang resulta ay noong Marso 10 matapos ang Indian Wells tournament.

Matapos naman ang walong araw ay nagkulekta muli sila ng samples at lumabas na positibo pero sa mababang level lamang ito ngayon.

Nakuha umano nito ang pagpositibo sa pamamagitan ng contamination sa gamot ng kaniyang physiotherapist.

Naggagamot umano ang physio ni Sinner sa pamamagitan gn over the counter spray sa kaniyang balat para sa maliit na sugat.

Nilinaw din nila na matapos ang paglabas ng test ay pinatawan nila ito ng automatic provisional suspension subalit umapela si Sinner at kanilang napagtanto na nahawa o na-contaminate lamang ito mula sa kaniyang fitness trainer kaya ipinagpatuloy niya ang paglalaro.

Pagtitiyak ni Sinner na susunod na ito ng mahigpit sa anumang ipinag-uutos ng batas sa tennis community.

Si Sinner ay nagwagi ng limang titulo ngayong season kung saan noong Enero ay nagkampeon ito sa Australian Open at nitong Hunyo ay umangat ang ranking niya sa number 1.

Mikee Mojdeh hakot ng 7 golds sa Thailand

Posted on: August 22nd, 2024 by @peoplesbalita No Comments

GUMAGAWA rin ng pangalan si Behrouz Elite Swimming Team (BEST) tanker Mikhael Jasper ‘Mikee’ Mojdeh matapos kubrahin ang Most Outstanding Swimmer (MOS) award sa 2024 Asian Open Schools Invitational Age Group Swimming Championships na ginanap sa Bangkok, Thailand.

Humakot ang Immaculate Heart of Mary College-Parañaque standout na si Mojdeh ng kabuuang 385 puntos mula sa pitong ginto, isang pilak at isang tansong medalya para makuha ang MOS trophy sa boys’ 9-year division.

“It is nice to be back in Bangkok again. I was here last February, for the Long Course champs and I really enjoyed it. The swimmers are fast and I like swimming with them because it makes me improve my time,” ani Mojdeh.

Magarbong sinimulan ni Mojdeh ang kampanya nito matapos pagharian ang 200m Individual Medley sa bilis na tatlong minuto at 4.74 segundo.

Sinundan ito ni Mojdeh ng dalawang gintong medalya sa 100m freestyle tangan ang 1:14.70 at 50m butterfly bitbit ang 38.74 segundo.

Muling rumatsada sa huling araw ng kumpetisyon si Mojdeh nang sunud-sunod nitong kubrahin ang ginto sa 50m backstroke (38.99), 50m breaststroke (44.71), 100m butterfly (1:27.23) at 100m backstroke (1:23.25).

Maliban sa ginto, nakapilak din si Mojdeh sa 50m freestyle (34.60) habang may tanso rin ito sa 200m freestyle (2:43.94).

Maliban kay Mojdeh, nagdagdag ng dalawang tansong medalya para sa BEST squad si Kaidyn Waskiewicz sa girls’ 10-11 200m backstroke (3:05.20) at 100m backstroke (1:25.61).

Kampo ni Pacquiao inaayos na ang laban kay Barrios

Posted on: August 22nd, 2024 by @peoplesbalita No Comments

PATULOY ang ginagawang pag-aayos ng kampo ni dating Pinoy boxing champion Manny Pacquiao para sa muling pagsabak nito sa boxing ring.

Sinabi ni MP Promotions head Sean Gibbons, na kanilang inaayos mabuti ang laban kay WBC welterweight champion Mario Barrios.

Dagdag pa nito na may mga ilang dokumento pa silang inaayos na maaring matuloy na hanggang sa buwan ng Disyembre.

Ito ang unang laban ni Pacquiao sa boksing na maaring ganapin sa Las Vegas.

Huling laban ni Pacquiao ay noong Hulyo 28 kay Japanese Rizin Featherweight Champion Chihiro Suzuki kung saan isa lamang itong exhibition fight na nagtapos ang laban sa draw.

AIMAG kanselado

Posted on: August 22nd, 2024 by @peoplesbalita No Comments

INIHAYAG ng Olympic Council of Asia (OCA) ang kanselasyon ng 6th Asian Indoor and Martial Arts Games (AIMAG) na idaraos sana sa Nobyembre sa Thailand.

Dismayado si Philippine Olympic Committee (POC) president Abraham “Bambol” Tolentino lalo pa’t naghahanda ang Pinoy athletes sa pagsabak nito sa AIMAG.

Ngunit kailangan nang mag-move in at isentro ang atensiyon sa ibang torneong lalahukan ng Team Philippines.

“It’s frustrating, but we’ll have to move on,” ani Tolentino.

Magpapadala sana ang Pilipinas ng 421 atleta na sasabak sa 37 sports. Subalit hindi na ito matutuloy dahil sa kakulangan sa sponsors ng ng organizing committee ng Thailand.

“We were hoping to improve on the two gold medals Meggie [Ochoa] and Annie [Ramirez] won in jiu-jitsu as well as the 14 silver and 14 bronze medals clinched in the 2017 edition in Ashgabat [Turkmenistan],” ani Tolentino.

Dahil sa kanselasyon, ang susunod na edisyon ng AIMAG ay idaraos na sa Riyadh, Saudi Arabia base sa inilabas na sulat ng OCA.

Sesentro na ang atensiyon ng Team Philippines sa paghahanda nito sa 2025 Southeast Asian Games na idaraos din sa Bangkok, Thailand.

Nais ng POC na masundan ang impresibong kampanya ng Team Philippines sa Paris Olympics.

Bise-Alkalde ng Maynila at 21 Konsehal, sinampahan ng kaso sa RTC hinggil sa “secret session”

Posted on: August 22nd, 2024 by @peoplesbalita No Comments

NAHAHARAP sa kaso sa Regional Trial Court (RTC) ang nasa labimpitong konsehal na miyembro ng Sangguniang Panlungsod ng Maynila laban sa kasalukuyang administrasyon na pinamumunuan ni Vice Mayor at Presiding Officer John Marvin “Yul” Servo-Nieto kasama ang nagsisilbing Majority at Minority floor leader gayundin ang iba pang mga kasapi nilang konsehal tungkol sa naganap na “secret session” noong Hulyo 23, 2024.

Sa kanilang isinampang kaso sa RTC Branch 1, Gustong malaman ni 4th District Councilor Joel T. Villanueva kung nagkaroon ng paglabag ang isinagawang sesyon noong Hulyo 23, 2024 kung saan naka-recess ang Konseho sa pamumuno ni VM Yul Servo, Majority Floor Leader 3rd Dist. Councilor Ernesto “Jong” Isip Jr., Minority Floor Leader 6th Dist. Councilor Salvador Philip Lacuna at labing-siyam pa na konsehal na kaanib sa mayorya .

Ayon kay Villanueva, sa nasabing petsa ay may deklarasyon ang Malacañang at ang Manila City Hall na wala nang pasok bunsod umano ng pananalasa ng bagyong Carina ngunit nagawa pa rin umano ng grupo nila VM Yul Servo na magkaroon ng sesyon ng walang abiso o “notice” sa kanilang grupo.

Aniya, sa naganap na sesyon ay kitang-kita ang kanilang motibo dahil ang una umano nilang tinalakay ay ang “re-organization” o pagtanggal sa mga hawak nilang mga komite.

Giit ni Villanueva, wala na umano silang matakbuhan na tamang forum dahil lagi na lamang umanong nagagamit ang higit na bilang ng mayorya kaya’t minarapat na niumano nila itong dalhin ang nasabing usapin sa korte upang magkaroon na umano sila ng kapanatagan ng loob.

“Kaya kami nagsama-sama ngayon dahil wala na kami matakbuhan, hindi na kami pinakikinggan sa loob ng konseho and they are always using the numbers. Sila raw ang maraming numero kaya parang we are helpless kaya naniniwala kami na sa korte na lamang ito upang maresolba,” ani Villanueva.

“Gusto naming agaran na magkaroon ng TRO na sabihan at itigil muna ang isinasagawang sesyon hanggang sa maresolba kung tama ba o mali ang ginawa nilang sesyon na yun. And we are praying for the nullification ng secret session base sa sinasabi naming iligal ito sapagkat walang due process at wala po notice na natanggap ang aming grupo,” dagdag pa ni Villanueva.

Ang labimpitong konsehal na pinamumunuan ni Councilor Villanueva ay ang mga konsehal na umanib sa dating alkalde ng lungsod ng Maynila at planong muling bumalik at manungkulan muli bilang Mayor ng kabisera ng bansa na si Yorme Isko Moreno Domagoso. GENE ADSUARA

‘Pogi’, 1 pa nadakma sa Malabon drug bust

Posted on: August 22nd, 2024 by @peoplesbalita No Comments

KALABOSO ang dalawang hinihinalang tulak ng ilegal na droga matapos makuhanan ng mahigit P80K halaga ng shabu nang matimbog ng pulisya sa buy bust operation sa Malabon City, Miyerkules ng madaling araw.

Kinilala ni Malabon police chief P/Col. Jay Baybayan ang naarestong suspek na sina alyas Jelan, 22 at alyas Pogi, 47, kapwa residente ng lungsod.

Sa kanyang ulat kay Northern Police District (NPD) Director P/BGen. Rizalito Gapas, sinabi ni Col. Baybayan na ikinasa ng mga operatiba ng Station Drug Enforcement Unit (SDEU) ang buy bust operation matapos ang natanggap impormasyon hinggil sa umano’y drug activities ng mga suspek.

Isang undercover police ang nagawang makipagtransaksyon ng droga sa mga suspek at nang tanggapin ang marked money mula sa pulis na nagsilbing poseur-buyer kapalit ng isang plastic ng shabu ay agad silang dinamba ng mga operatiba dakong alas-2:00 madaling araw sa kanto ng General Luna at Rodriguez Sts., Brgy. Bayan-bayanan.

Nakumpiska sa mga suspek ang humigi’t kumulang 12 grams ng hinihinalang shabu na may standard drug price value na P81,600.00 at buy bust money.

Pinuri naman ni Gen. Gapas ang Malabon police sa kanilang matagumpay na operation kontra ilegal na droga na nagresulta sa pagkakaaresto sa mga suspek na kapwa mahaharap sa kasong paglabag sa RA 9165 o ang Comprehensive Dangerous Drug Act of 2002. (Richard Mesa)

Top political leaders nagkaisa para bumalangkas ng istratehiya para sa 2025 midterm polls

Posted on: August 22nd, 2024 by @peoplesbalita No Comments

NAGKAISA ang mga top political leaders sa bansa para maglatag ng mga istratehiya para sa nalalapit na 2025 midterm elections.

Ginanap ang pulong kahapon, Lunes ng gabi sa Aguado residence sa Palasyo ng Malakanyang .

Ang nasabing pulong ay batay sa naging direktiba ni Pangulong Ferdinand Marcos Jr.

Ito ang unang pulong ng mga key leaders mula sa ibat ibang major political parties sa bansa na kasalukuyang nasa ilalim ng “Alyansa para sa Bagong Pilipinas.”

Ang nasabing partnership ay pinangunahan ng Partido Federal ng Pilipinas (PFP), ang political party ni Pangulong Marcos kabilang dito Lakas-Christian Muslim Democrats (CMD), Nationalist People’s Coalition (NPC), Nacionalista Party (NP), at National Unity Party (NUP).

Si Speaker Ferdinand Martin Romualdez, ang nanguna sa talakayan kung saan nakatutok ang talakayan sa pagkakaroon ng pagkakaisa, maiwasan ang pagkakaroon ng internal conflicts at siguraduhin na ang koalisyon para sa May 2025 elections ay epektibo.

Binigyang-diin ni Speaker Romualdez ang kahalagahan na maiwasan ang internal conflicts at i maintain ang incumbents equit at siguraduhin na ang interest ng bawat partido ay protektado.

PRC, nanawagan sa publiko na maging vigilante laban sa mpox

Posted on: August 22nd, 2024 by @peoplesbalita No Comments

NANANAWAGAN si Philippine Red Cross (PRC) Chairman at CEO Richard “Dick” Gordon sa publiko na maging vigilante laban sa mpox, kasunod na rin ng ginawang kumpirmasyon ng Department of Health (DOH) na nakapagtala sila ng bagong kaso ng sakit sa bansa nitong Agosto 18 lamang.

“With the lessons learned from the Covid pandemic, we are better equipped and prepared to tackle the challenges mpox may bring us. We will pool our resources and coordinate actively with the Department of Health (DOH) to help prevent the spread of the disease. The Red Cross continues to advocate for the protection of all,” ayon kay Gordon.

“We ask the public to learn more about mpox, keep up to date on the news, and be vigilant in case more cases develop in the country,” aniya pa.

Ayon sa World Health Organization (WHO), ang mpox ay isang infectious disease na dulot ng monkeypox virus.

Maaaaring mahawa ng sakit sa pamamagitan ng direct contact sa mga tao o hayop na infected ng sakit, o kaya ay mula sa mga kontaminadong materyales.

Samantala, binigyang-diin naman ni PRC Secretary General Dr. Gwen Pang ang kahalagahan ng early detection at pangangalaga upang maiwasan ang pagkalat ng mpox.

Hinikayat din niya ang mga mamamayan na kaagad na kumonsulta sa doktor kung nakakaranas ng mga sintomas nito.

“We encourage people who may experience some of the symptoms to undergo medical checkups and testing. This is crucial so they can get proper treatment as soon as possible,” ani Pang.

Malacañang pinakakansela na ang passport ni ex-Bamban Mayor Alice Guo

Posted on: August 22nd, 2024 by @peoplesbalita No Comments

KINUMPIRMA ng Office of the Executive Secretary na nakalabas na ng Pilipinas si dismissed Bamban Tarlac Mayor Alice Guo.

Sa memorandum na inilabas ni Executive Secretary Lucas Bersamin ngayong araw, nakasaad dito na lumipad na si Guo patungong Malaysia, saka nag tungo sa pamilya nito sa Singapore at bumyahe patungong Indonesia, kung saan tumutugma sa unang impormasyon na inilabas ni Senator Risa Hontiveros.

Dahil dito inatasan ni Bersamin ang Department of Foreign Affairs at ang Department of Justice na kanselahin na ang pasaporte ni Alice Guo o Guo Hua Ping.

Kasama rin sa pinakakansela ang pasaporte ng kanyang pamilya, partikular sina Wesley at Sheila Guo at Katherine Cassandra Ong.

Nabatid na meron nang inilabas ang Senado na arrest warrant laban kay Guo at sa kanyang pamilya, at pinapa-cite in contempt na rin ito ng House of Representative dahil sa bigong pagdalo sa hearing.

Maliban pa ito sa kasong criminal na isinampa sa kanya dahil sa qualified trafficking at iba pang kaso na may kinalaman sa POGO. (Daris Jose)

11 baboy naharang sa Quezon City positibo sa ASF

Posted on: August 22nd, 2024 by @peoplesbalita No Comments

KINUMPIRMA ng Bureau of Animal Industry (BAI) na nagpositibo sa African Swine Fever (ASF) ang mga baboy na laman ng isa sa dalawang truck na naharang sa livestock checkpoints sa Quezon City nitong weekend.

Ayon sa BAI, matapos ang pagsusuri, 11 baboy ang nakitaan na agad ng ASF infection bago pa isagawa ang blood test. Agad na pinatay ang mga ito ay ibinaon sa central burial site bilang bahagi ng disease containment measures.

Samantala, ang nasa 38 baboy naman na mula sa isang truck ay nagnegatibo sa ASF kaya pinahintulutan ng BAI ang pagkatay sa mga ito.

Nananatiling naka-heightened surveillance ang BAI para mapigilan ang pagpasok ng mga infected na baboy sa Metro Manila.

Hinikayat naman ng DA ang mga hog traders at transporters na sumunod sa mga regulasyon nang maiwasan ang pagkalat lalo ng ASF. (Daris Jose)