SINO ang mag-aakala na si Kokoy de Santos na duwag sa mga horror challenges ay siya palang tatanghaling Ultimate Runner sa second season ng ‘Running Man Philippines’?

Deserving naman si Kokoy dahil itinodo niya ang kanyang husay at lakas sa sa one-on-one match nila ni Buboy Villar kaya naman siya ang nagwagi.

“Sobrang iba rin pala sa feeling kasi first-time ko manalo. EVER!

“Na solo, since season one first ever. Gusto ko lang sabihin siyempre sobrang thank you sa inyo lahat ng mga Runners,” ang emosyonal na pahayag ni Kokoy sa kanyang pagkapanalo.

Dagdag pa ni Kokoy, “Maraming Salamat sa inyong lahat na nagtiwala sa akin, na kaya ko. Noong simula palang.. may mga bagay na tumatakbo sa utak ko na kung bakit ako parte ng napakalaking proyekto na ito.

“Pero nandiyan kayo para palaging ipaaalala sa akin. Na kaya ko. At ito. Para sa inyo ito.. Pamilya ko, mga Tropa ko at sa mga Kolokoys ko.

“Sa lahat ng bumubuo ng Running Man Philippines, Sa Mga [co]-Runners ko, Mahal ko kayo. Hanggang sa muli.. Tatakbo tayo ulit.”

At dahil sa win ni Kokoy, mas lalong pinu-push ng fans ang tandem na Team GeKoy, na perfect match sila dahil si Angel Guardian ang nanalo sa first season ng RMP.

***

HINDI ang kita sa takilya ang habol ng character actor-turned-director na si Mike Magat.

Kaya sumugal siya sa kanyang bagong pelikula, ang ‘Seven Days’ kung saan siya ang direktor at siya rin ang lead actor.

Showing ngayong September 11 sa mga sinehan ang ‘Seven Days’ kahit na nga be medyo hindi tinatao ang mga local films ngayon.

“Kasi ano ako e, go lang ako ng go, para bang try ako ng try.

“Lahat naman ng bagay kung hindi mo susubukan, hindi mo malalaman. E kung hindi ko gagawin, paano ko malalaman yung conflict, yung problem?

“So gawin mo, so walang mawawala, walang masama kung susubukan mo, di ba? As long na ginagawa mo yung tama, as long na hindi ka nakaka-agrabyado ng kapwa, as long na yung mga proyekto mo e nagbibigay ka ng inspiration, ng good message sa mga tao, naihahatid mo yung gusto mong iparating sa pamamagitan ng paggawa ng pelikula.

“Iyon lang po yun. Aside dun, ako tapos na po ako sa parang gusto kong maging popular or hindi po e, kasi naranasan ko na rin pong mag-artista.

“Tatlong dekada na po ako sa showbiz. Ito naman po itong edad ko na ito, siguro passion ko na ito e, yung pagdi-direct, tapos makatulong sa kapwa. Ito na.”

Ang Seven Days ay mula sa producer na si Sherielene Sonza, Channel One Global Entertainment Production, TASK Co. Ltd. at JP Entertainment.

Lead actress dito ang beauty queen na si Catherine Yogi (Mrs.Tourism World Philippines-Japan 2021) at ang cinematographer ng pelikula ay si Miguel Sonza.

(ROMMEL L. GONZALES)

LUMIPAD ang Sparkle teen star na si Sofia Pablo sa Rome for business and little bit of R&R.

Sa kanyang Instagram account, pinost ng ‘Prinsesa ng City’ Jail star ang kanyang excitement sa pagpunta sa Rome.

“Off to Rome for some new adventures ✨… and a little something with @emilyinparis Season 4 stay tuned,” caption pa niya.

Invited din si Sofia sa magiging second part premiere ng Netflix series na ‘Emily in Paris’ on September 12. Kaya rarampa rin si Sofia sa City of Love.

***

TULUYAN nang nagpaalam si Che Ramos-Cosio sa kanyang karakter sa award-winning medical drama na Abot-Kamay Na Pangarap.

Sa episode na ipinalabas noong nakaraang Biyernes, September 6, malungkot na ibinalita ni Dr. Luke (Andre Paras) na pumanaw na si Dra. Katie, ang karakter ni Che sa serye.

Sa Instagram, makikita ang post ng aktres tungkol sa pagpapaalam niya kay Dra. Katie.

Sulat ni Che sa caption: “Rule 1…I sincerely loved Katie Enriquez. What an absolute joy to have been able to be in her shoes! As an actor it is not often to come across a character so easy to love… It wasn’t so much the character but what she stood for that we really loved.

“Maybe we loved her for her grit, her honesty, her integrity, straightforwardness and choosing to fight for what is right. So maybe we all loved the giant in her. It is my hope that the giant in her inspires the same in us. Maraming Salamat, Doc. Paalam at hanggang sa muli.”

Nakilala si Dra. Katie sa serye bilang istriktong chief resident sa APEX Medical Hospital na kalaunan ay nagtrabaho rin sa Eastridge Medical Hospital.

Siya rin ang isa sa mga doktor na labis na hinangaan ni Dra. Analyn Santos, ang karakter ni Jillian Ward sa serye.

Nakilala si Che Ramos sa paglabas nito sa mga indie films tulad ng Captive, Mariquinq, Toto, MNL 143, Ka Oryang, Mangatyanan at Ataul For Rent.

***

PUMANAW na ang Brazilian musician na si Sergio Mendes noong nakaraang Sept. 6.

Ang iconic musician na nagdala ng bossa nova to international audiences noong 1960s, ay namaalam sa edad na 83 sa Los Angeles, California.

Ayon sa statement ng kanyang pamilya, matagal na nagkasakit si Mendes na epekto ng pagkakaroon niya ng COVID virus.

Nanalo ng tatlong Grammy Awards and one Oscar nomination si Mendes mulacaa kanyang 35 albums na naging gold at platinum.

Huli siyang nag-perform ay noong November 2023 in Paris, London and Barcelona.

Ayon sa American musician Herb Alpert: “Mendes was an extremely gifted musician who brought Brazilian music in all its iterations to the entire world with elegance and joy.”

Kabilang sa mga naging hit singles ni Mendes ay Mas Que Nada, The Fool On The Hill, Never Gonna Let You Go, What Do We Mean To Each Other, The Look Of Love, Magalenha, Bridges, Going Out Of My Head, and With A Little Help From My Friends.

(RUEL J. MENDOZA)

NAPAGKAMALAN pala na ’street kid’ ang anak ni Rica Peralejo na si Manu nang minsang kumain sila sa isang sosyal na resto kasama ang mga kaibigan.

Sa Instagram story, ibinahagi ng aktres na tinanong siya ng server kung kasama nila ang batang nakampambahay lang at may bitbit na wooden stick.

“True story na we were seated here when server asked us if kasama namin si Manu.

“Akala nya ata he is a street kid na disturbing us… and I think I know why…,” sabi ng dating aktres.

“Ganito kasi itsura nya may dala syang stick inside a fancy resto with his play clothes and birks na syempre may duming bata! Eh medyo fancy yung place so akala yata nila he cannot be dining with us,” natatawa pang pagbabahagi niya, kasama ang larawan ng anak.

Hindi naman daw nainsulto si Rica dahil aminado siya na parang batang naglalaro ang anak niya sa kalye.

“Di naman ako na-offend kasi sa totoo lang mukha talaga syang batang naglaro sa kalye at sa totoo lang din hindi namin alam na fancy pala yung pipiliin for dinner ng mga friends namin kaya medyo sobrang casual lang namin pamilya hahahahaha…” paliwanag niya.

Marami nga ang nagkomento sa kanyang IG post, may mga natuwa at meron ding nag-nega, na hindi talaga maiiwasan.

***

NAGPAPAALALA ang Globe sa mga customer na sundin ang safe SIM registration procedures sa gitna ng mga naglipanang modus ng mga manloloko.

Halos dalawang taon mula nang naging mandatory ang SIM registration, patuloy pa ring lumalabas ang mga bagong paraan ng panloloko na layong makalusot sa SIM Registration Act.

“Prayoridad ng Globe ang kaligtasan ng aming mga customer. Hinihikayat namin silang maging bahagi ng solusyon laban sa fraud. Ang ating first line of defense laban sa mga scammer ay ang ating mga sarili. Kaya’t dapat sundin ang mga personal safety practices para hindi maging biktima,” ayon kay Eric Tanbauco, Officer-in-Charge (OIC), Consumer Mobile Business ng Globe.

Narito ang mga mahalagang gabay na dapat sundin kapag nagre-register ng bagong SIM:

1. Mag-register lamang sa opisyal na SIM registration portal ng Globe. May mga pekeng website na nagpapanggap na opisyal na portal ng Globe. Mayroon lamang isang opisyal na website ang Globe na maaaring ma-access sa link na ito: https://new.globe.com.ph/simreg. Maaari rin mag-register ng SIM sa GlobeOne app.

2. I-register ng sarili mong SIM. Kung kaya, dapat ang customer mismo ang mag-register ng sariling SIM para maprotektahan ang kanilang data. Mag-ingat sa mga alok na SIM registration assistance online dahil kadalasan ay modus ito upang makuha ang personal na data ng mga SIM user.

Ang pag-register ng SIM ay walang bayad. Maging maingat sa mga alok na SIM registration assistance na may bayad na kalat online. Ang paggamit ng third-party services para sa SIM registration ay isang risk sa personal na data ng mga customer. Para sa mga nangangailangan ng tulong sa pag-register ng SIM, maaari silang pumunta sa pinakamalapit na Globe Store. Maaari ring humingi ng tulong sa pinagkakatiwalaang kaibigan o kamag-anak.

3. Mag-ingat sa mga SIM na may tampered SIM packaging. May ilang frausters na nagbebenta ng mga lumang SIM na may tampered SIM packaging. Ang tampered packaging ay senyales na ang SIM na ito ay nagamit na at nirepack bilang bago. Siguraduhing bumili lamang ng mga sealed na SIM.

4. Huwag bumili o magbenta ng pre-registered SIMs. Ilegal ang pagpapabayad para irehistro ng ibang tao sa ilalim ng sariling pangalan. Huwag ipagamit ang sarili para sa pre-registration o kaya ay bumili ng pre-registered SIM. Ayon sa Section 11 ng SIM Registration Act, ang mga mapatunayang nagkasala sa pagbebenta o paglilipat ng registered SIM ay maaaring mapatawan ng kulong mula anim na buwan hanggang anim na taon at/o multang mula Php 100,000 hanggang Php 300,000.

Layon ng Globe na matiyak na lahat ng customer ay may access sa secure at maaasahang telecommunications services. Sa pagsunod sa mga gabay na ito, maaaring makatulong ang mga customer sa paglikha ng mas ligtas na mobile environment para sa lahat.

Para sa karagdagang impormasyon, bisitahin ang https://www.globe.com.ph/.

(ROHN ROMULO)