MAY na-encounter na Hollywood o international celebrity sa pagdalo ni Janine Gutierrez sa 81st Venice International Film Festival kamakailan.

Para ito sa exhibition ng pelikula niyang ‘Phantosmia’ na dinirehe ni Lav Diaz na apat na oras at labinglimang minuto ang haba.

“Actually ang talagang kinausap ko lang si Taylor Russell,” ang bulalas ng premyadong aktres.

Pagpapatuloy pa ni Janine, “She’s an actress na nag-jury doon na ex ni Harry Styles. Idol ko silang dalawa.

“So nakasalubong ko siya sa lobby so tinry kong magpa-picture.”

Kaya lang, “sabi niya pawis na pawis daw siya,” at tumawa si Janine, “sobrang init kasi.”

Si Taylor ay isang Canadian actress na nakilala sa mga proyektong Lost In Space, Waves, Escape Room, Bones and All at marami pang iba.

First time nakarating sa Venice si Janine Gutierrez; kaya sobrang saya niya.

“Oh my gosh, para siyang ano, parang po siyang Disneyland, yung pakiramdam ko,” bulalas ni Janine.

“Kasi di ba, susunduin ka ng water taxi, tapos… paglapag sa airport parang meron ng welcome booth dun para sa mga attendees ng film festival. Tapos sila yung mag-aasikaso sa iyo.

“So iyon pa lang kinikilig na ako,” at tumawa si Janine.

“Kasi Venice Film Festival, yung may malaking sign, ganyan, tapos dadalhin ka nila sa car, tapos from there sasakay ka ng water taxi.

“So yung water taxi pa lang kilig na kilig ako kasi nakikita ko lang yun sa picture, e.

“Never pa naman talaga akong nakapunta sa Venice. “Tapos may kasabay ako na dalawa ding delegates ng film festival.

“Yung isa director from Ukraine, tapos isa para siyang PR expert from France. Parang halos magkakaedad kami so nakakatuwa.

“Tapos pagpasok mo doon sa mga canal tapos para siyang Disneyland, iyon yung pakiramdam. Tapos super naka-smile ako, tapos tumatawa-tawa akong mag-isa.

“Tapos yung mga kasama ko parang natatawa na sa akin kasi tumatawa akong mag-isa.

“Kasi sobrang magical nung Venice pala,” bulalas pa ni Janine.

Pangarap raw talaga iyon ni Janine.

Lahad pa niya, “Iyon talaga yung dream ko. Actually hanggang ngayon may mga comment pa rin ako na nakukuha na… siyempre kinikilig ako na parang, ‘Bakit hindi ka sumali ng beauty pageant?’

“Hanggang ngayon tinatanong pa rin ako. Tapos… kasi ito talaga yung pangarap ko e, yung makapag… yung prestigious na film festival, it’s what I’ve always wanted.

“And then when I was there na may nakilala ako na Pinoy na taga-Venice na may picture siya with Mama Guy nung nag-Venice pala siya years ago.

”Hindi ko alam actually na nag-Venice si Mama Guy.

“So iyon dream ko talaga siya. Ang ganda lang ng feeling na yung audience ng ibang mga bansa pinapanood yung mga pelikula natin, nakikinig sila ng Pilipino, ng Tagalog.

“Iyon talaga yung gusto ko.”

Dumalo sa 69th International Film Festival noong September 2012 si Nora Aunor, na tinutukoy na Mama Guy ni Janine; lola ni Janine ang Superstar.

Nanalo noon ng mga awards ang pelikula ni Nora na ‘Thy Womb’ ni Brillante Mendoza.

Dagdag pang kuwento ni Janine, “Happy talaga ako na makapunta sa Venice Film Festival. “Kasi when I was there everyday nakikita ko sa Instagram kung sino yung mga nagsisidatingan, like si Angelina Jolie, si Brad Pitt, yung kasunod namin sa red carpet si Julianne Moore.

“So parang, ‘Wow!’

“Just to be in the same place as them.”

Samantala, gumanap na ina ni Janine sa Phantosmia ang aktres na si Hazel Orencio; si Hazel ang naging daan upang maging artista ni Lav si Janine.

Kuwento ni Janine, “Actually I owe it also to Dreamscape. Kasi sa Dirty Linen si ate Hazel Orencio who is direk Lav’s longtime producer, assistant director and actress, kasama ko siya na, kami yung mga kasambahay sa bahay ng mga Fiero.”

Pagpapatuloy pa niya, “So I kept telling her [Hazel] nung Dirty Linen na, ‘Ate, can I do anything for you pag meron kayong gagawin ulit ni direk Lav?’

“Super niligawan ko talaga siya na, ‘Kahit ano gagawin ko, I wanna work with you guys!’

“So I’m just grateful that she remembered.”

Pangalawang pelikula na ni Janine kay Lav ang ‘Phantosmia’, may isa pa siyang natapos na pelikula para sa nabanggit na direktor pero hindi pa naipapalabas at wala pang titulo.

“So after Dirty Linen iyon talaga po yung ginawa ko, dalawang pelikula kay direk Lav.”

Pagbalik ni Janine sa Pilipinas ay sumalang na agad siya sa taping ng ‘Lavender Fields’.

(ROMMEL L. GONZALES)

IPINAKILALA ng BingoPlus, ang nangungunang plataporma ng bansa pagdating sa digital entertainment, ang pinakabagong perya game nito na ‘Pinoy Drop Ball’ sa isang selebrasyong puno ng mga kilalang personalidad noong Linggo, Setyembre 29, sa Grand Hyatt Manila.

Tampok sa paglulunsad ang mga pagtatanghal mula sa BingoPlus endorser at TV host Maine Mendoza, at ilan pang mga bisita na sina Julie Anne San Jose at ang Alamat, mga kilalang idol sa PPop.

Ang nakasasabik na bagong palaro mula sa BingoPlus ay tinaguriang “homegrown creation” o nilikha ng mga Pinoy para sa mga Pinoy, upang ibalik ang pakiramdam ng karanasang perya na kilala at mahal ng mga Pilipino, sa paraang dinamiko at bago na BingoPlus lamang ang makapagbibigay.

Kalahok na ang Pinoy Drop Ball sa popular na mga digital na laro ng DigiPlus, gaya ng Bingo, Tongits, at Perya Games. Nararapat banggitin na ang Pinoy Drop Ball ang kauna-unahang live-streamed na drop ball game sa Pilipinas, at nagtatakda ito ng panibagong pamantayan sa digital perya gaming sa bansa.

Higit sa pagiging isang panibagong laro, sinasalamin ng Pinoy Drop Ball ang malalim na pagkilala ng DigiPlus as tunay na kagustuhan ng mga Pilipinong manlalaro–awtentiko at nakaugat sa kulturang mga laro na nakikipagtambal sa bentahe ng teknolohiya.

“As a brand deeply rooted in Filipino culture, it has been our mission to elevate traditional Pinoy entertainment and bring this experience to the modern age. Like our well-loved Filipino games Bingo Mega, Color Game, and Papula Paputi, Drop Ball promises to reignite your excitement and engage you further in the BingoPlus platform,” pahayag ni DigiPlus Interactive Corp. Chairman Eusebio H. Tanco.

“Drop Ball is another leap forward in this mission, as BingoPlus continues to bridge offline traditions with modern technology, creating a more seamless and exciting experience for all.”

Kaya kakaiba ang Pinoy Drop Ball ay dahil naglalatag ito ng nakasasabik na pagkakataon na manalo ng malaki mula sa mga multiplier. Kasabay ng pakiramdam na naglalaro ng isang perya game, nakikipaglaban din ang mga manlalaro para sa mga premyo.

Sumusunod ang Pinoy Drop Ball sa mga payout rule para sa anim na betting area. Kung ang card na hawak ay may iisang bola, makatatanggap ang manlalaro ng 2x payout, at kung dalawa naman ang bola, mayroong 3x payout.

Samantala, kung tatlong bola ang tatama sa isang card, papasok sa Pachinko round ang laro, at mabibigyan ng tsansa ang mga manlalaro sa mas malaking papremyo. Itong bonus round na ito ay magbubukas ng 15 na slot na may 10, 50, 100, hanggang 200 na multiplier, na lumilikha ng mas kapana-panabik na danas bilang manlalaro. Tinatayang 40 beses maaaring mangyari ang triple cards na ito. Dahil naka-live stream 23/7, damang-dama ng mga manlalaro ang pagiging kalahok, nasaan man sila, ano mang oras ng araw.

Nagbunga naman ang lahat ng pagsusumikap na ito, nang dumaan sa testing at naging lisensyado ng PAGCOR. Sinukat ang mga mesa upang masiguro ang katatagan nito habang naglalaro, at tinimbang din ang mga bola at nilikha upang konsistente ang maging gameplay.

Bawat inspeksyon ng mga kagamitan at ng laro ay maiging inobserbahan ng mga opisyal ng PAGCOR upang garantisadong tapat ang resulta ng bawat round, at sumusunod sa istriktong regulasyon. Dagdag pa rito, magpapalit ng host ang BingoPlus kada 30 minuto upang bigyang-konsiderasyon ang iba-ibang paraan na inihahagis ang bola.

Sa paglulunsad ng Pinoy Drop Ball, ipinagpapatuloy ng BingoPlus na baguhin at pagandahin ang danas ng mga Pinoy sa mga laro na minahal nila nang ilang henerasyon.

(ROHN ROMULO)

MAY gumawa na naman ng isyu kaugnay sa pagbabalik ng Queen of All Media na si Kris Aquino sa Pilipinas.

Ang sabi kaya raw umuwi ng Pilipinas si Kris ay may kaugnayan daw sa nalalapit na 2025 midterm elections.

Sa talk show na “Showbiz Now Na” ay may binanggit si Nay Cristy Fermin ang nasasagap niya umanong tsika tungkol kay Kris.

“A few days before umuwi siya, marami na pong naglalabasan sa social media—maging sa mga pahayagan—na pinaghahandaan daw po ni Kris Aquino ang election dito sa Pilipinas kaya kailangan niyang umuwi talaga ng September,” banggit pa ni Nay Cristy.

Kaya raw naglabasan ang nasabing isyu dahil sa nagkataon na election period ang pag-uwi ni Kris sa Pilipinas.

Nag-umpisa na ang filing of candidacy last Monday Oct. 1, 2025 para sa midterm elections.

Sa totoo lang wala na po sa isip at puso ni Kris Aquino ang mundo ng pulitika.

“Sabi nga nila, si dating Pangulong Noynoy [Benigno Aquino III] na namayapa ang pinakahuling Aquino na lalahok sa kanilang magkakapatid [sa pulitika],” Dagdag banggit pa ni Nay Cristy.

Sa totoo lang din naman sa kalagayan ngayon ni Kris mahirap paniwalaan na papasukin pa ni Kris ang pulitika.

Matatandaang sa pamamagitan ng isang Instagram post ay ibinahagi ni Kris na mayroon daw siyang anim na confirmed autoimmune conditions: autoimmune thyroiditis, chronic spontaneous urticaria, Churg Strauss, systemic sclerosis, lupus, at rheumatoid arthritis.

***

NAMAALAM na ang music icon na si Coritha last last Friday September 27.

Ang malungkot na balita ay ibinahagi ni Julius Babao sa kanyang YouTube vlog kung saan nakapanayam niya mismo ang partner nitong si Chito Santos.

Ilang araw namin siyang binabantayan hanggang saa humina na siya nang humina. E ayoko namang patagalin pa dahil nga lalo lang siyang mahihirapan,” sambit pa ng asawa ni Coritha.

***

USAP-USAPAN ang inilabas na larawan na kung saan kasama nina Sam Milby at Julia Montes ang isang batang babae na nasa edad na five years old.

Kuha ang nasabing larawan nang dumating sila sa airport ng Puerto Princesa, Palawan noon pang Setyembre 17.

Papunta sa taping ng “Saving Grace na pagbibidahan nina Julia at Sam.

Ang mga nasabing larawan ay nasa post ng Dreamscapeph Instagram account kahapon, Setyembre 28 na pinik-ap ng ilang showbiz website at napagkamalang anak nina Julia at Coco Martin ang batang babae na si Zia Grace.

Ang caption ay, “Julia Montes, Zia Grace, and Sam Milby received a warm welcome as they arrived in Puerto Princesa to shoot for their upcoming series, ‘Saving Grace’!”

(JIMI C. ESCALA)