SUPER supportive talaga na girlfriend si Rhian Ramos, dahil present na naman siya last Sunday sa fundraising event ni Rep. Sam Verzosa na “Driven to Heal” na ginanap sa Frontrow Headquarters da Quezon City, kung saan pina-auction sa mga koleksyon ng mamahaling sasakyan ng public servant, na tatakbong mayor sa Maynila sa darating na 2025 elections.
Kabilang sa mga naibenta sa auction ni SV ay ang mga luxury cars na Rolls Royce, Lamborghini SV, Ferrari Spider, BMW, Audi, McLaren, Maserati, Mercedes Benz at Ferrari M12 at Bentley.
“Yun Bentley ang pinaka-sentimental car diyan,” emosyonal na pag-amin ni SV.
“Inisip ko kung gusto ko keep or beta kasi wala na ang father ko.
“The story of this car, papa ko kung may gusto, sinabi niya ‘yun nang nakita niya ito.
“Kaya sabi niya, ‘anak bili tayo nu’n.’
“Sayang nga lang at hindi niya naabutan. Kasi nung in-order namin tong Bentley, nagkasakit siya at nawala nga siya.
“Siyempre nahirapan naman akong gamitin. But I think, mas matutuwa ang tatay ko na ibenta ko na lang ito. Siya ang nagturo sa akin na magbigay. Kahit walang-wala kami, last money namin, tinutulong pa namin.
“Nag-dialysis din siya before he died. So I think, dahil alam niyang mapupunta ito para makatulong sa mga dialysis patients. Sa tingin ko, mas magiging proud siya sa taas, matutuwa talaga siya.”
“So, I think, mas marami makikinabang na mabenta siya at makapagpagawa ng mas maraming diagnostic centers.”
Mahigit na P200 million ang malilikom sa charity event at ipagpapatayo ng dialysis center sa Sampaloc, Manila kung saan lumaki si Sam.
Nakaplano na rin ang magpatayo ng dialysis center sa Tondo, Ermita, Malate at iba pang lugar sa Maynila, kaya marami talaga ang makikinabang sa project na ito.
Mabuhay at lalo ka pang pagpalain ng Maykapal, Sam Verzosa.
***
ANYWAY, wala pa sa top priorities ni Rhian Ramos ang magkaroon ng baby dahil marami pa raw siyang gustong ma-achieve sa buhay at kanyang showbiz career.
Kaya ini-enjoy muna niya ang pagiging tita sa mga anak ng kanyang kaibigan.
“I’m so grateful to all of my friends kasi pinapa-experience pa nila sa akin ‘yung pagmamahal ng babies nila. I’m able to hang out with baby ni Max (Eigenmann), baby ni Bianca (King), baby ni Sandy (Riccio),” say ni Rhian.
“I love being a tita. Siguro, one day. Pero as of now, I’m happy with everyone else’s baby,” paliwanag ng girlfriend ng TV host at Tutok To Win Rep. Sam.
Sa ngayon ay kasama pa rin niya sa isang bahay ang kanyang BFF na si Michelle Dee.
Kaya naman natanong kay Rhian kung may plano ba sila ni Sam na mag-live in.
“I live with Michelle ‘di ba, and we have our own system na eh. It’s just so convenient that way,” paliwanag ni Rhian.
Pahayag naman ni SV tungkol dito, “Maganda nga kasi mas lalo naming nami-miss ang isa’t isa.”
“Isa ‘yun pagluluto sa favorite activities namin kasi ‘yun ang puwede naming gawin na hindi na kami aalis.
“Simple lang ang mga gusto niya. Gusto niya ‘yung mga classic dishes na sinigang at adobo.” sabi pa ni SV
Sabi naman ni Rhian, “Alam n’yo, kapag kaming dalawa lang, ibang tao pa rin napag-uusapan namin. Not in a chismis way pero kung paano siya makakatulong sa ibang tao.
“Siya ‘yung mas nagpapaalala sa akin na kailangan kong mag-workout, kumain, uminom ng tubig, vitamins,” pagtatapos pa ng award-winning Kapuso aktres.
(ROHN ROMULO)
Kumpiyansa ang Philippine Amateur Baseball Association (PABA) sa pagsabak ng national men’s team sa darating na 14th East Asia Baseball Cup.
