Umaasa ang libo-libong pamilya ng mga biktima ng extrajudicial killings (EJK) na kanilang makakamit ang hustisya kaugnay ng kalunos-lunos na sinapit ng kanilang mga mahal sa buhay sa International Criminal Court (ICC), na nagsasagawa ng imbestigasyon kaugnay sa madugong drug war ng administrasyon ni dating Pangulong Rodrigo Duterte.

Ito ang sinabi ni dating Bayan Muna Representative Neri Colmenares sa ika-8 pagdinig noong Biyernes ng Quad Comm ng Kamara de Representantes, isang panel na binubuo ng apat na komite na nagsisiyasat sa EJK, kalakalsn ng iligal na droga, iligal na operasyon ng POGO, at mga paglabag sa karapatang pantao.

Si Colmenares, na kumakatawan sa National Union of People’s Lawyers na nakikipagtulungan sa imbestigasyon ng ICC, ay nagsabi na tiniyak ng mga responsable sa EJK na magiging mahirap ang pangangalap ng ebidensya upang patunayan ang kanilang ginawa.

Aniya, nakasaad sa death certificates na mga biktima ay namatay ang mga ito dahil sa broncho-pneumonia at hindi dahil sa tama ng bala.

Iginiit pa ng dating mambabatas, na katwiran ng mga responsable sa krimen, na karaniwan ay mga pulis, na nanlaban ang mga drug suspect kaya sila napatay.

Dagdag pa niya, iniimbestigahan na ng ICC ang mga EJK sa bansa simula pa noong 2017-2018.

Sa hiwalay na pahayag, hinimok naman ni Gabriela Women’s Partylist Rep. Arlene Brosas ang administrasyong Marcos na makipagtulungan sa ICC sa kanilang imbestigasyon sa mga kaso ng EJK.

Una nang inihayag ng mga opisyal ng gobyerno na hindi makikipagtulungan, subalit hindi rin naman hahadlangan ang ginagawang imbestigasyon ng ICC.

Iniimbestigahan ng ICC si dating Pangulong Rodrigo Roa Duterte at ilang mga opisyal nito, kabilang ang dating hepe ng Philippine National Police at ngayon ay Sen. Ronald “Bato” dela Rosa, sa mga alegasyon ng crimes against humanity na ginawa sa gitna ng kanilang anti-illegal drug campaign.

Nauna rito ay sinabi ni Duterte na kumakalas na ang Pilipinas sa pagiging kasapi ng ICC nang malaman na iniimbestigahan nito ang mga kaso ng EJK na resulta ng kanyang war on drugs.

KULUNGAN ang kinasadlakan ng isang estudyante matapos mabisto ang dalang iligal na droga makaraang masita ng mga pulis sa Oplan Sita dahil naka-tsinelas habang nagmamaneho ng motorsiklo na labag sa umiiral na ordinansa sa Valenzuela City.

Mahaharap sa kasong paglabag sa Art. 148 (Direct Assault) of RPC at Comprehensove Dangerous Drug Act of 2002 ang suspek na si alyas “Vin”, 22, Grade 12 at residente ng Brgy. Gen T De Leon.

Sa ulat ni PSSg Pamela Joy Catalla kay Valenzuela police chief P/Col. Nixon Cayaban, habang nagsasagawa ng Oplan Sita ang mga tauhan ni Gen. T De Leon Police Sub-Station (SS2) Commander P/Capt. Ronald Bautista sa Santolan Road corner Kapitan Rado, Brgy. Gen T De Leon nang parahin nila ang suspek naka-suot ng tsinelas habang nagmamaneho ng motorsiklo na paglabag sa umiiral na ordinansa ng lungsod dakong alas-5:00 ng hapon.

Sa isinagawang beripikasyon, inilabas ng suspek ang kanyang driver’s license holder kung saan nakita ni PSSg Domino Apostol Tomas ang isang plastic sachet ng hinihinalang marijuana na nakaipit sa naturang holder.

Nang aarestuhin ng mga pulis ay pumalag at nanlaban umano ang suspek subalit, nagawa din siyang madakip nina PSSg Marlon Martin Magno at PSSg Tomas.

Nakumpiska sa suspek ang isang belt bag na naglalaman ng isa pang medium plastic sachet ng hinihinalang pinatuyong dahon ng marijuana na tumitimbang lahat ng nasa 64.52 grams na nagkakahalaga ng P7,742.00 at P300 cash. (Richard Mesa)

SHOOT sa selda ang apat na hinihinalang drug personalities matapos malambat ng pulisya sa magkahiwalay na buy bust operation sa Navotas City.

Ayon kay Navotas police chief P/Col. Mario Cortes, nakatanggap ng impormasyon ang Station Drug Enforcement Unit (SDEU) hinggil sa umano’y iligal drug activities ni alyas Andeng, 37, at alyas Noel, 42, kapwa ng lungsod kaya isinailalim nila ang mga ito sa validation.

Nang makumpirma na positibo ang ulat, bumuo ng team si P/Capt. Luis Rufo Jr. saka ikinasa nila ang buy bust operation na nagresulta sa pagkakaaresto sa mga suspek dakong alas-3:44 ng madaling araw sa M. Naval St., Brgy. San Roque matapos umanong bintahan ng shabu ang isang pulis na nagpanggap na buyer.

Ayon kay Capt. Rufo, nakumpiska nila sa mga suspek ang humigi’t kumulang 6.16 grams ng hinihinalang shabu na may standard drug price value na0 P41,888.00 at buy bust money.

Alas-11:36 ng gabi nang matimbog naman ng kabilang team ng SDEU sa buy bust operation din sa M. Naval St., Brgy. San Roque, si alyas Nilo, 51, at alyas Toni, 59, kapwa ng lunsod at nakuha sa kanila ang nasa 5.48 grams ng umano’y shabu na nagkakahalaga ng P37,264.00 at buy bust money.

Pinuri naman ni NPD Director P/BGen. Rizalito Gapas ang Navotas police sa kanilang matagumpay na operation kontra iligal na droga na nagresulta sa pagkakaaresto sa mga suspek na pawang mahaharap sa kasong paglabag sa RA 9165 o ang Comprehensive Dangerous Drug Act of 2002. (Richard Mesa)

LAGLAG sa selda ang isang kelot na wanted sa kaso ng panggagahasa matapos mabingwit ng pulisya sa isinagawang manhunt operation sa Navotas City.

Ayon kay Navotas police chief P/Col. Mario Cortes, nakatanggap ng impormasyon ang mga tauhan ng Warrant and Subpoena Section (WSS) na naispatan sa Brgy. Bangkulasi ang presensya ng 30-anyos na akusadong kabilang sa mga most wanted person ng lungsod.

Agad bumuo ng team ang WSS saka ikinasa ang manhunt operation na nagresulta sa pagkakaaresto sa akusado dakong 5:30 ng hapon sa Along Galicia Extension St. Brgy. Bangkulasi.

Ani Col. Cortes, ang akusado ay dinakip ng kanyang mga tauhan sa bisa ng warrant of arrest na inisyu ni Presiding Judge Cecilia Bunagan Parallag ng Regional Trial Court (RTC) Branch 9 FC, Navotas City, na petsang May 4, 2022, para sa kasong Rape.

Pansamantalang nakapiit ang akusado sa custodial facility unit ng Navotas City Police habang hinihintay ang pagpapalabas ng commitment order mula sa korte para sa paglilipat sa kanya sa City Jail.

Pinuri naman ni NPD Director P/BGen. Rizalito Gapas si Col. Cortes at ang kanyang mga tauhan sa kanilang pagsisikap na tugisin ang mga taong wanted na pinaghahanap batas na nagresulta sa pagkakatimbog sa akusado. (Richard Mesa)

Ngayong mandato na ng batas na hindi ipagpapatuloy ang paggamit ng mother tongue bilang medium of instruction o wika ng pagtuturo, hinikayat ni Senador Sherwin Gatchalian ang Department of Education (DepEd) na tiyakin ang agaran at epektibong pagpapatupad nito.

Nakasaad sa Republic Act No. 12027 na hindi na ipagpapatuloy ang paggamit ng mother tongue bilang wika sa pagtuturo mula Kindergarten hanggang Grade 3, bagay na iminandato ng Enhanced Basic Education Act of Enhanced Basic Education Act of 2013 (Republic Act No. 10533) o ang K to 12 Law.

Nakasaad sa Republic Act No. 12027 na hindi na ipagpapatuloy ang paggamit ng mother tongue bilang wika sa pagtuturo mula Kindergarten hanggang Grade 3, bagay na iminandato ng Enhanced Basic Education Act of Enhanced Basic Education Act of 2013 (Republic Act No. 10533) o ang K to 12 Law.