NAALARMA si Bureau of Immigration (BI) Commissioner Joel Anthony Viado sa pagtaas ng kaso ng surrogacy sa ibang bansa.

Ito ay bunsod sa pagkakasabat ng isang biktima na tangkang umalis ng bansa na magtrabaho bilang surrrogate mother sa halagang kalahating milyon.

Ang 37 anyos na biktima ay nasabat sa Ninoy Aquino International Airport (NAIA) Terminal 3 na tinangkang umalis sakay ng Turkish Airlines biyeheng Batumi, Georgia.

Inamin ng biktima na inalok siya ng isang recruiter sa pamagitan ng WhatsApp ng halagang P28,000 kada buwan para sa anyang pagbubuntis at mahigit P500,000.00 pagkatapos makapanganak.

Matatandaan na nitong nakalipas ng buwan, 20 kababaihan ang ni-rescue ng mga awtoridad na gagawing mga surrogate mothers sa Cambodia. GENE ADSUARA

KINONDENA ng pamunuan ng National Press Club (NPC) ang pagpatay sa isang babaeng broadcaster sa Barangay Tumaga sa Zamboanga City ng sariling pinsan dahil umano sa away sa lupa.

Nagpaabot naman ng pakikiramay si NPC President Leonel “Boying” Abasola sa mga naulilang pamilya ni Maria Vilma Rodriguez , 56, isang Radio Anchor ng Emedia Network na binaril habang nakaupo sa loob ng tindahan kasama ang kanyang Nany, kapatid at pamangkin.

Ayon pa kay Abasola, naghahanap sila ng hustisya para sa biktima habang nanawagan din siya sa kanyang mga kapwa mamamahayag na palaging mag-iingat.

“Kailangan lagi tayong maingat sa ating mga gawain, while we should not compromise our task of uipholding the freedom of the press at all times,” ayon kay Abasola.

Pinasalamataan din niya ang mga awtoridad sa mabilis na pagtungon at pag-aresto sa suspek na kinilalang si Jonathan Rodriguez.

Ayon sa ulat, una dito ay nagharap ang biktima at suspek para sa isang mediation hearing sa kanilang barangay kung saan nagbanta umano ang suspek.

Nakakatanggap din umano ang biktima ng pagbabanta sa kanyang buhay bago ang insidente. GENE ADSUARA

MAHIGIT P.1 milyong halaga ng shabu ang nasamsam sa tatlong drug suspects matapos matimbog ng pulisya sa ikinasang buy bust operation sa Malabon City, kahapon ng madaling araw.

Sa kanyang report sa bagong OIC ng Northern Police District (NPD) na si Director P/Col. Josefino Ligan, kinilala ni Malabon police chief P/Col. Jay Baybayan ang naarestong mga suspek na sina alyas Kuya, 51, alyas Burnok, 18, at alyas Buang, 36, pawang residente ng lungsod.

Ayon kay Col. Baybayan, ikinasa ng mga operatiba ng Station Drug Enforcement Unit (SDEU) ang buy bust operation makaraan ang natanggap na impormasyon hinggil sa umano’y ilegal drug activitiea ng mga suspek.

Dakong alas-3:40 ng madaling araw nang dambahin ang mga suspek ng mga operatiba ng SDEU sa Celia 2 Street, Brgy. Bayan Bayanan, matapos umanong bintahan ng shabu ang isang pulis na nagpanggap na buyer.

Nakumpiska sa mga suspek ang nasa 15.30 grams ng hinihinalang shabu na may standard drug price value na P104, 040.00 at buy bust money.

Ayon kay PMSg Kenneth Geronimo, kasong paglabag sa RA 9165 o ang Comprehensive Dangerous Drug Act of 2002 ang isasampa nila laban sa mga suspek sa Malabon City Prosecutor’s Office. (Richard Mesa)

TINANGGAP ng mga mambabatas na miyembro ng Young Guns sa Kamara ang hamon ni Vice President Sara Duterte na sumailalim sa mga tests sa illegal drug substances at psychiatric evaluation, sa kabila na walang pangangailangan para dito.

Ngunit, may kondisyon ang mga mambabatas sa bise presidente na manumpa ito sa harap ng House Blue Ribbon Committee na nagsasagawa ng imbestigasyon sa umano’y maling paggamit ng pondi ng Office of the Vice President (OVP) at Department of Education (DepEd).

“We are more than willing to take the drug test and psychiatric exam, as the Vice President suggested, but we will not allow her to divert the real issue, which is the allegations of fund misuse and graft and corruption against her. We believe that transparency should go both ways. If she wants to challenge us, she should be ready to face the House Blue Ribbon Committee and testify under oath,” pahayag ni House Assistant Majority Leader at Zambales Rep. Jay Khonghun.

Iginiit ng mambabatas na hindi lamang ito para linisin ang pangalan mula sa walang basehang akusasyon kundi pananagutan ng bawat public official,
“I am prepared to take these tests, and I am sure my colleagues are as well. However, the public deserves the same level of transparency when it comes to the use of public funds, and this can only happen if Vice President Duterte agrees to testify,” ani Khonghun.

Nag ugat ang hamon ng VP mula sa mga kritisismo laban sa kanya kabilang na ang panawagan mula sa mga miyembro ng Young Guns, partikular na sa mga naging kontrobersiyal na pahayag at desisyon.

Sinabi naman ni House Assistant Majority Leader at La Union Rep. Paolo Ortega na handa silang sumailalim sa mga tests dahil wala naman silang itinatago. Gayunman, dapat ipakita ng pangalawang pangulo na magpakita ng accountability sa pamamagitan nang pagharap sa kongreso at sagutin ang mga alegasyon laban sa kanya.

“We have nothing to hide. We’re ready to undergo these tests, but in the same breath, the Vice President should demonstrate her accountability by appearing before Congress to answer the allegations of fund misuse in her office. Only then will this challenge truly serve the public interest,” ani Ortega.

LIBRENG SAKAY: Naghandog ng Libreng Sakay ang Pamahalaang Lungsod ng Malabon para umalalay sa mga commuters na ma-stranded o walang masakyan dulot ng masamang lagay ng panahon na dala ng Bagyong Kristine. Pinaalalahanan din ng pamahalaang lungsod ang lahat na mag-ingat at nakahanda naman itong umalalay sa lahat ng pangangailangan. (Richard Mesa)

TINIYAK ni Pangulong Ferdinand R. Marcos Jr. sa Philippine Coast Guard (PCG) na palaging suportado ng gobyerno ang mga ito lalo na sa kanilang mga pagsubok at misyon para protektahan ang bansa, ang mga mamamayan, ang kanilang ari-arian at karapatan.

“Be assured you are never alone in carrying the weight of this mission,” ang sinabi ni Pangulong Marcos sa kanyang naging talumpati sa 123rd founding anniversary ng Philippine Coast Guard (PCG) sa Port Area, Manila.

Ang pahayag na ito ng Chief Executive ay bilang pagkilala sa lumalagong mga hamon na kinahaharap ng maritime industry sa gitna ng umuusbong na ‘climate change, tumataas na sea levels, at geopolitical tensions.’

“As we look ahead, we must recognize that the challenges you face are growing more complex. Climate change, rising sea levels, and geopolitical tensions mean that the stakes have never been higher,” ang sinabi ng Pangulo.

“Monitoring the country’s Exclusive Economic Zone and patrolling a coastline spanning over 37 million kilometers is not an easy job for the PCG,” ayon pa rin sa Chief Executive.

“Carrying it out with the added weight of isolation, dangers of unpredictable seas, and the constant pressure to protect resources is more than just a job but a “responsibility that speaks to the core of what it means to serve this country,” ang winika nito.

Pagbubunyi at pagdakila sa dedikasyon at walang kapagurang serbisyo ng PCG, iginiit ng Pangulo ang patuloy na suporta para sa Philippine Coast Guard at mandato nito na tiyakin ang ‘maritime safety at security’ ng bansa.

“This Administration reaffirms its support to efforts that will improve your fleet and our air assets as well, to maritime domain awareness, weapons capability, and necessary infrastructure development. This will boost your capacity to respond to any operations,” ang litaniya ni Pangulong Marcos. (Daris Jose)