NAGHAHANDA na ang singer-songwriter na si Juan Karlos Labajo, na kilala din bilang si juan karlos, para sa isang importanteng yugto sa kanyang karera na mangyayari sa SM Mall of Asia Arena sa darating na Nobyembre 29, sa kanyang first major concert na ‘juan karlos LIVE.’

Sa ilalin ng stage direction ni Paolo Valenciano kasama si Karel Honasan bilang musical director, pangako ng show na once-in-a-lifetime experience ito para sa mga tagahangga ni JK.

Binuhos ni JK ang kanyang puso’t kaluluwa sa paghahanda sa milestone na ito, habang idinidiin niya ang kahalagahan ng pag-enjoy sa proseso sa bawat detalye ng concert.

“Right now, I’m just trying to really enjoy the process, focusing on the flow of the whole show and focusing on the things I do have control over, like the setlist. Mas magiging nervous ako habang papalapit na ang concert,” sabi ni JK.

Nakipagtrabaho si JK kina Valenciano at Honasan upang siguraduhin na maipapamalas sa concert ang bagong aspeto niya bialng isang performer.

Sabi pa niya, “We’ll be performing songs that we haven’t performed before, and I’m also going to share the stage with the people I’ve released songs with.”

Makakasama ni JK sa spotlight ang kanyang stellar lineup of guest performers. Una si Paolo Benjamin Guico ng beloved folk-pop band na Ben&Ben. Kilala sa kanyang deeply personal songwriting, nakipag-collab si Guico collaborated kay JK sa “Tapusin Na Natin ’To” nuong 2023 – isang track tungkol sa toxic relationships.

Makakasama din ni JK si Zild Benitez. Sumikat si Zild bilang bahista at bokalista ng IV of Spades at ngayon meron na itong matagumpay na solo career. Ang kanyang collaboration kasama si juan karlos sa “Gabi” mula sa Sad Songs and Bullshit Part 1 album, na lumabas nuong 2023, ang siyang nagpatibay ng kanilang Samahan bilang mga songwriters. Ang isa pa nilang collaboration, ang “Lunod” — na track na gianwa nila kasama ang Ben&Ben nuong 2021 — ay tungkol sa emotional turmoil at mental health, at standout ito sa Ben&Ben’s Pebble House, Vol. 1: Kuwaderno album.

Featuring din si Janine Berdin sa concert, na unang sumikat bilang winner ng Tawag Ng Tanghalan second season sa It’s Showtime. Kilala sa kanyang emotional performances at powerful vocals, may collab din sina Janine at JK sa awiting “Pancit” nuong 2022, na bahago ng three-track Drop 1 project ni JK.

Isang playful tale of puppy love, paired with an Alice in Wonderland-inspired music video, ang nagbigay daan para ito ay maging fan favorite. Maliban sa kanyang performance bilang guest, si Janine din ang front act ng juan karlos LIVE, setting the tone para sa isang di malilimutan na gabi.

Makakasama din ni JK si Moira Dela Torre naman, na kilala din bilang isa sa pinakamahusay na songwriters ng kanyang henerasyon. Ang kanyang collab kasama si JK sa awiting “Medyo Ako” mula sa Sad Songs and Bullshit Part 2 album ay tungkol sa paghihiwalayan. Highlighted sa kanta ang blending ng kanilang mga boses, na live mapapanood sa concert.

Kasama rin ang OPM icon na si Gloc-9. Nuong 2020, nag-collab sila ni JK sa “Sampaguita,” isang awitin tungkol sa mga emotional struggles at sakripisyo ng mga Overseas Filipino Workers (OFWs). Pinagsanib ng awitin ang soulful vocals ni JK at ang mga berso ni Gloc-9 – na alay sa mga paghihirap ng mga OFW.

Ang paglalakbay ni juan karlos na nagsimula nuong siya ay 13-year-old finalist sa ‘The Voice Kids’ nuong 2014 hanggang siya ay naging isa sa pinaka-matagumpay na artists ng OPM ay talagang kamangha-mangha.

Matapos ang dalawang solo albums, binuo niya ang bandang juan karlos, na siyang naglabas ng “Buwan” na isang modern OPM classic. Maliban sa music, nagmarka din si JK bilang isang aktor sa kanyang paglabas sa mga seye gaya ng ‘Hawak-Kamay’, ‘Pangako Sa ’Yo’, ‘A Love to Last’, at ‘Senior High’ sa ABS-CBN.

Ang kanyang paganap sa ‘High Street’ at sa Netflix film na ‘Lolo and the Kid’ ay nagpamalas din ng kanyang versatility bilang isang artist.

Ang juan karlos LIVE ay produced ng Nathan Studios, at minamarkahan nito ang unang pagsabak ng studio sa live entertainment ngayong 2024. Kilala ang Nathan Studios sa cutting-edge content nito gaya ng MMFF entry na ‘Topakk’ at mga series gaya ng ‘Cattleya Killer’ at ‘The Bagman’. At sumabak na din ang studio sa mga live concerts. Sa tulong ng record label ni JK na Universal Music Group, layunin din ng concert na baguhin ang standards ng mga OPM performances.

Tickets to juan karlos LIVE range from PHP 750 (General Admission) to PHP 8,500 (SVIP). The latter comes with exclusive perks, including a shirt, tote bag, photo opportunity, and signed poster.
Sa paghahanda ni juan karlos, siguradong ipagdidiwang nito ang kanyang journey at ipapakita nito ang kanyang puwesto at ambag sa OPM.

NAGBIGAY ng ng statement si Anne Jakrajutatip, ang founder and CEO ng JKN Global Group, na current owner ng Miss Universe, tungkol sa himutok ng Thai pageant fans.

Kinu-question kasi nila kung bakit ang pambato ng Pilipinas na Chelsea Manalo sa katatapos lang na 73rd Miss Universe na ginanap sa Mexico City, ang nakakuha ng Miss Universe-Asia, na umabot sa Top 30 pero hindi nga nakapasok sa Top 12.

Pinagtatalunan nila na mas deserving daw sicMiss Thailand Suchata “Opal” Chuangsri, na nagtapos naman sa beauty pageant bilang 3rd runner-up.

Paliwanag ni Khan Anne, “To inform you, the Philippines is an Asian country with the highest score from the preliminary round. It was clear from the beginning that we had four Queens from each region.

“Before the Top 30 Semifinals, we decided to announce this after the coronation to avoid influencing the judges scores.”

Dagdag pa niya, “Once again, this is not a placement but a promotion. The other four people were with us before the finals, and we knew them by their spirit, soul, attitude and sincerity as women.“

Dahil dito mas marami ang natuwa sa parangal na ito para kay Chelsea, dahil deserving talaga na mag-represent ng Asia. At marami talaga ang naniniwala na dapat ay nakapasok siya sa Top 5.

Usap-usap din ngayon sa pageant world, ang nahagip na tsikahan sa media presentation ng new Miss Universe na si Victoria Kjær Theilvig na mula sa Denmark at 4 Continental Queens.

Gandang-ganda raw sila sa face ni Chelsea at sa tingin nila ang limang reyna na iniharap sa kanila ang ‘real Top 5’ ng Miss Universe.

Congrats pa rin kay Chelsea at dapat lang na maging proud sa kanya ang buong bansa. Deserve din niya na mabigyan ng grand homecoming parade sa pagkakahirang bilang first ever Miss Universe-Asia.

***

LUMAGDA ng Memorandum of Understanding (MOU) ang Movie and Television Review and Classification Board (MTRCB) at Victorias City, Negros Occidental, para mas mapalawig pa ang kampanya ng “Responsableng Panonood Tungo sa Bagong Pilipinas.”

Pumirma para sa MTRCB si Chairperson at CEO Lala Sotto-Antonio at si Mayor Javier Miguel Benitez ng Victorias sa seremonya noong Nob. 17, 2024, kaharap ng ilang MTRCB Board Members at opisyales ng Victorias LGU.

“Ang pagtutulungan ay misyon ng MTRCB na maitaguyod ang responsableng panonood at tamang pagpili ng palabas ng pamilyang Pilipino na nakatuon sa interes ng kabataang manonood,” sabi ni Chair Sotto-Antonio.

Parte ng kasunduan ang pagpapalabas ng infomercial na siyang makatutulong sa mga magulang at nakakatanda pagdating sa responsableng paggabay sa mga bata sa pagpili ng palabas na angkop sa kanilang edad.

“Napakahalaga po ng partisipasyon ng mga magulang pagdating sa responsableng paggabay sa inyong mga anak at kabataang Pilipino,” sabi ni Sotto-Antonio. “Tayo, bilang mga magulang at guardian, ang magsisilbing unang proteksyon nila laban sa mga mapanganib na content sa pelikula, telebisyon o social media na posibleng makaapekto sa musmos nilang kaisipan.”

Sinabi naman ni Benitez na handa ang kanyang pamahalaan na sumuporta sa mga adhikain ng MTRCB tungo sa responsableng panonood.

“Kaisa po ang Lungsod ng Victorias sa MTRCB na maging isang responsableng Pilipino ang ating mga kababayan pagdating sa panonood at paggamit ng media,” sabi ni Benitez.

Lumagda rin noong Nob. 16 ng isang MOU ang Cadiz City LGU at MTRCB para sa kahalintulad na misyong isulong ang responsableng panonood sa Lungsod ng Cadiz.

Ang dalawanag MOUs ay alinsunod sa “Tara, Nood Tayo!” campaign ng administrasyong Marcos na layong mapalakas ang industriya ng pelikula at ang paigtingin pang lalo ang tamang pagpili ng panonoorin ng pamilyang Pilipino.

(ROHN ROMULO)