TINATAYANG 27,968 barangay ang nalinis na mula sa illegal na droga.

Ito ang sinabi ng Presidential Communications Office (PCO) matapos tukuyin ang report mula sa Philippine National Police (PNP).

Ayon sa PCO, tinatayang P10.41 billion na halaga ng narcotics ang nasabat o nakumpiska mula Enero hang gang Disyembre ng nakaraang taon.

“That’s on top of 50 provinces, 1,160 municipalities, and 30 cities already have functional Anti-Drug Abuse Councils (ADACs) already implementing anti-drug priorities at the local level,” ayon sa Malakanyang.

Idagdag pa rito, mayroong 74 established in-patient treatment at rehabilitation facilities ang nakatulong para tugunan ng drug menace.

Sinasabi pa rin na may 23 lalawigan, 447 munisipalidad, at 43 lungsod ang nagtatag ng kani-kanilang community-based drug rehabilitation programs (CBDRPs) para mas lalo pang mapalakas ang kampanya ng pamahalaan laban sa ilegal na droga.

Matatandaang, matagal nang itinutulak ni Pangulong Marcos ang ‘whole-of-nation approach’ sa pagharap sa drug abuse, nagpapahiwatig na maaaring itong mauwi sa chronic illness at social issues kung maiiwan na hindi natutugunan at naaalis.

Aniya, ang approach ay dapat na kinabibilangan ng “prevention, treatment, rehabilitation, at law enforcement” upang matiyak na maipatutupad ang Philippine Anti-Illegal Drug Strategy.

Matatandaang sinabi ng Punong Ehekutibo na itutuon ng administrasyon ang pansin nito sa rehabilitasyon para masawata ang drug menace, ibang atake ito mula sa ‘bloody war’ ng kanyang predecessor na si dating Pangulong Rodrigo Roa Duterte sa paglaban sa illegal na droga.

Winika pa ng Pangulo na ang paglansag sa drug syndicates ay kailangan para matugunan ang problema.

“Under the Marcos administration, the Dangerous Drugs Board would continue to implement the Barangay Drug Clearing Program (BDCP), with the goal of attaining 100 percent drug-free or drug-cleared barangays by 2028,” ayon sa PCO. (Daris Jose)

HIMAS-REHAS ang isang lalaki na wanted sa kasong robbery matapos maaresto ng pulisya sa isinagawang manhunt operation sa Valenzuela City.

Kinilala ni Valenzuela police chief P/Col. Salvador Destura Jr., ang naarestong akusado na si alyas “Aerol”, 23 ng Francisco St., Brgy, Gen T De Leon na nasa No. 9 Top MWP ng Valenzuela City.

Sa ulat ni Col. Destura kay Northern Police District (NPD) Director P/BGen. Rizalito Gapas, nakatanggap ng impormasyon ang mga tauhan ng Valenzuela Police Sub-Station 2 na madalas umanong makita ang presensiya ng akusado sa Brgy. Lingunan.

Bumuo ng team si SS2 Commander P/Cpt. Selwyn Villanueva saka ikinasa nila ang intensified manhunt operation kontra wanted persons na nagresulta sa pagkakaaresto kay Aerol dakong alas-12:10 ng medaling araw sa Meyland Village, Phase 5, Brgy. Lingunan.

Ani Cpt. Villanueva, inaresto nila ang akusado sa bisa ng warrant of arrest na inisyu ng Valenzuela City Regional Trial Court Branch 270 noong Nobyembre 16, 2023 para sa kasong Robbery na may nirekomendang piyansa na P100,000 para sa pansamantala niyang paglaya.

Pansamantalang nakapiit ang akusado sa Custodial Facility Unit ng Valenzuela CPS habang hinihintay ang ilalabas na commitment order mula sa korte. (Richard Mesa)

IPINANGALAN  at muling ipinangalan ni Pangulong Ferdinand Marcos Jr. ang 8 Philippine National Police (PNP) camps at real properties sa mga dating police officers na nagbigay ng huwarang serbisyo sa bansa at sa mamamayan.

Nagpalabas si Pangulong Marcos ng Proclamation Nos. 429 at 430 para sa dahilang ito, ayon sa Presidential Communications Office (PCO).

Sa ilalim ng Proclamation No. 429 nilagdaan ni Executive Secretary Lucas Bersamin noong Disyembre 20, ipinangalan at muling ipinangalan ni Pangulong Marcos ang mga sumusunod na property gaya ng “isang donated na lote sa PNP sa Pasacao, Camarines Sur bilang Camp Brigadier General Ludovico Padilla Arejola; isang donated na lote sa Police Regional Office-5 (PRO 5) bilang Camp Captain Salvador Jaucian del Rosaro, Sr; Camarines Sur Police Provincial Office bilang Camp Colonel Juan Querubin Miranda; 50th Maneuver Company Regional Mobile Force Battalion 5 bilang Camp Police Max Jim Ramirez Tria; at Camp Efigenio C Navarro, PRO MIMROPA Headquarters bilang Camp Brigadier General Efigenio C Navarro.”

“It is fitting to give honor to former servicemen who have shown patriotism, courage, and dedication in serving the country and the provinces to which they are assigned, and distinguished themselves in their service to the nation, by way of naming and renaming PNP facilities in their honor,” sinabi ni Pangulong Marcos.

Samantala, sa ilalim ng Proclamation No. 430 na nilagdaan din ni Bersamin noong Disyembre 20, ipinangalan ni Pangulong Marcos at muling ipinangalan ang mga sumusunod na property sa mga sumusunod:

Police Regional Office 12 ng General Santos City bilang Camp General Paulino T. Santos, Police Regional Office 12; Biliran Police Provincial Office bilang Camp Private Andres P. Dadizon, Police Regional Office 8; at

Camarines Sur 1st Provincial Mobile Force Company Headquarters bilang Camp 2LT Carlos Rafael Paz Imperial, Police Regional Office 5.”

Tinukoy ni Pangulong Marcos ang Seksyon 2 ng Republic Act No. 10086, o Strengthening People’s Nationalism sa pamamagitan ng Philippine History Act sa pagpapangalan at muling pagpapangalan sa PNP camps at properties.

Ang nasabing probisyon ay nagpapalakas ng “people’s nationalism, love of country and respect for its heroes at pride for people’s accomplishments.” (Daris Jose)

NANANAWAGAN ang isang mambabatas sa Department of Justice (DOJ) na ikunsidera ang pagbibigay prayoridad sa mga matatanda, may sakit at persons with disabilities (PWDs)  sa pagrerekomenda nang pagbibigyan ng executive clemency sa mga bilanggo ngayong panahon ng kaaskuhan.

Ginawa ni Bicol Saro Partylist Rep. Brian Raymund Yamsuan ang panawagan kasabay nang pagbibigay suporta sa inisyatibo ni DOJ Secretary Jesus Crispin Remulla na paluwagin ang mga bilangguan sa pamamagitan nang pagrekomenda sa pangulo nang pagbibigay ng executive clemency sa nasa 1,500  persons deprived of liberty (PDLs).

Ang mga kuwalipikadong PDLs ay inirekomendang bigyan ng clemency ng Board of Pardons  and Parole (BPP), isang ahensiyang nasa ilalim ng DOJ.

Pinapurihan din ng mambabatas ang DOJ’S Bureau of Corrections (BuCor) sa ilalim ni Director General Gregorio Catapang Jr. Ra sa ginawa nitong pasilidad para sa pagpapalaya ng mahigit 11,000 PDLs simula ng administration ng Panuglong Marcos bilang bahagi na rin ng jail decongestion program ng gobyerno.

“We urge  the DOJ and the BPP to consider giving priority to elderly, frail PDLs and those suffering from  critical illnesses and disabilities in recommending  the grant of executive clemency to President Marcos,” ani Yamsuan .

Umaasa naman ito na pagbibigyan ng pangulo ang nasabing rekomendasyon.

Sa ilalim ng revised rules and regulations ng BPP, ang executive clemency ay ang “reprieve, absolute pardon, conditional pardon with or without parole conditions and commutation of sentence as may be granted by the President of the Philippines.”

Kumpiyansa din si Yamsuan na bibigyang prayoridad ng BPP ang matatanda, may sakit at mahihina nang PDLs kasunod nang pagpapalabas ng Board Resolution OT-08-02-2023.

Ayon kay  DOJ  Undersecretary Jesse Hermogenes Andres,   nakasaad sa resolusyon na ang mga “PDLs who are 70 years old and, even if they  are considered  high-risk, if they have already served 10 years of their sentence,  shall now be considered for executive clemency specially if they are suffering from old age, being sickly, or terminal or life threatening illnesses or other serious disability.”

Nangangahuluhan na marami pang matatanda, critically ill  PDLs ay maaaring mabigyan ng executive clemency dahil sa ibinaba na ang period ng mandatory minimum sentence service sa 10 taon mula sa 15 taon. (Ara Romero)

“CATEGORICALLY  false and baseless.”

Ganito kung ilarawan ng Tsina ang sinabi ng isang mambabatas na maaaring pinopondohan ng Beijing ang “destabilization efforts” sa Maynila sa pamamagitan ng online trolls.

Sinabi ng Chinese embassy sa Maynila dapat na itigil ng mga Filipino politicians ang mga ganitong klase ng alingasngas na makapagpapaigting sa maritime tension sa pagitan ng Tsina at Pilipinas.

“Such irresponsible remarks heightened tensions over the South China Sea, poisoned the atmosphere of China-Philippines relations and undermined the diplomatic efforts to manage our differences through dialogue and consultation,” ayon sa kalatas ng embahada.

“China has always advocated and remains committed to properly managing maritime differences through dialogue and consultation,” ayon pa rin sa embahada sabay sabing “China will keep the door of dialogue and contact open.”

Sa ulat, sinabi ni Senador JV Ejercito na posibleng pinopondohan umano ng China ang destabilization efforts sa Pilipinas sa pamamagitan ng mga trolls at mga pro-Beijing sa gitna ng awayan sa teritoryo sa West Philippine Sea (WPS).

Ayon kay Ejercito, maging siya ay biktima ng coordinated social media attacks mula sa umano’y mga trolls dahil sa hayagang pagkondena sa ginagawa ng China sa WPS.

Puna pa ni Ejercito, na ang social media users ay nauna nang tinarget sina House Speaker Martin Romualdez, Philippine Coast Guard Commodore Jay Tarriela, Defense Secretary Gilberto Teodoro Jr. at Senate President Migz Zubiri.

Ang buwelta naman ng China, ang mga nagpaparatang at nagbibigay ng ganitong alegasyon ay dapat na “do more in line with the interests of the Filipino people and China-Philippines friendship, instead of making irresponsible anti-China accusations.”

“We also hope that the Philippine government listens to the voice of reason, acts upon the call of the two peoples, works with China to earnestly honor the consensus of the two heads-of-state on properly handling disputes through dialogue and consultation so as to ensure sound growth of China-Philippines ties and jointly safeguard peace and stability in the South China Sea,” ayon pa sa Tsina. (Daris Jose)

NAPANATILI ng Department of Social Welfare and Development (DSWD), sa pamamagitan ng  Oplan Pag-Abot nito,  ang 1,461  katao, na nakatira noon sa lansangan sa Kalakhang Maynila na ligtas mula sa panganib sa lansangan.

“As of Dec. 18,” ang  Oplan Pag-Abot na inilunsad noong Hulyo, umabot sa  871 miyembro ng pamilya at 590 unattached individuals, kabilang na ang mga bata at senior citizens, mula sa iba’t ibang lugar sa National Capital Region (NCR).

Sinabi ni DSWD Assistant Secretary for Legislative Affairs Irene Dumlao na 189  ng mga indibiduwal ang nabigyan ng tulong sa pamamagitan ng Assistance to Individuals in Crisis Situation (AICS) program, habang 446 ang tinulungan sa pamamagitan ng Balik Probinsya, Bagong Pag-Asa Program (BP2).

Sa  1,461 reached-out individuals, 878 ang ni-refer sa  kani-kanilang  local government units (LGUs) para sa angkop na interbensyon habang natitirang 583 ay kasalukuyang pinagkakalooban ng temporary residential care sa DSWD-run Centers and Residential Care Facilities.

“The social workers continue to roam around Metro Manila to ensure that the families and individuals on the streets will be convinced to come with us,” ayon kay Dumlao.

Ani Dumlao, mahigit sa  1,500 individuals ay ‘profiled’ sa pamamagitan ng environment scanning activities na isinagawa ng  social workers bago pa ang aktuwal na reach-out operations.

“Profiling is important to identify the areas that these families are seen more frequently,” ayon kay Dumlao.

Ngayong holiday season, pinalakas ng DSWD implementasyon ng proyekto sa pamamagitan ng  Oplan Pag-Abot sa Pasko para makaabot sa mas maraming pamilya at indibiduwal na dumagsa sa lansangan para mamalimos ngayong panahon.

Ang Oplan Pag-Abot ay kabilang sa  flagship programs ng DSWD, sa ilalim ng liderato ni Secretary Rex Gatchalian, para tumulong, suportahan at protektahan ang bawat indibiduwal at pamilya sa pamamagitan ng pagbibigay ng angkop na interbensyon. (Daris Jose)

NAKATAKDANG tintahan ni Pangulong Ferdinand R. Marcos Jr. upang maging ganap na  batas ngayong linggo ang  P5.76-trillion 2024 national budget.

“It’s ready for [signing], I think, [on] Wednesday. Wednesday na ata ‘yung signing po,” ayon kay Speaker Martin Romualdez sa mga mamamahayag sa Tokyo, araw ng Lunes.

Tinanong kasi si Romualdez ng mga mamamahayag kung kailan lalagdaan ng Pangulo ang national budget.

Idinagdag pa nito na nais sana ni Pangulong Marcos na lagdaan ang  national budget upang maging ganap na batas bago pa lumipad patungong  Japan.

Nilinaw naman ni Romualdez na nananatiling mayroong ilang printing requirements  ang kailangan bago pa lagdaan ng Pangulo ang  national outlay document.  (Daris Jose)

IN-ENJOY mabuti ni Pangulong Ferdinand Marcos Jr. at ng iba pang Southeast Asian leaders ang Japanese hospitality nang handugan ni Prime Minister Fumio Kishida  ang mga ito at kani-kanilang mga asawa ng banquet sa Asakasa Palace sa Tokyo, Biyernes ng gabi, Disyembre 16.

Si Kishida at kanyang asawa na si  Kishida Yuko, ay nag-host ng Japanese-themed banquet para kay Pangulong Marcos at iba pang  ASEAN leaders, na kasalukuyang nasa Japan para dumalo sa Commemorative Summit para sa ika-50 taon ng ASEAN-Japan Friendship and Cooperation.

Ipinakita sa banquet ang talento at artistry ng mga Japanese mula sa performance ng Japanese traditional drums at paggawa ng sushi sa  traditional craftsmanship sa paggawa ng “amezaiku” candy na inialok bilang mga regalo sa mga  ASEAN Leaders.

Bago ang  banquet, nagbigay muna ng kanyang mensahe si Kishida ukol sa “Peace and Prosperity through Co-creation based on Trust.”

Nagpahayag naman ito ng kumpiyansa na bagama’t sa gitna ng krisis, ang  Japan at ASEAN ay maaaring makahanap ng solusyon dahil sa kanilang malakas na relasyon ng pagtitiwala.

“Japan and the regional bloc have also grown together as partners to co-create a society and economy in which people from all walks of life can achieve and enjoy the middle-class dreams,” ayon sa prime minister.

“This relationship and cooperation allowed Japan and ASEAN to pursue “peace and prosperity,” dagdag na wika nito.

Tinuran  pa rin ni Kishida na ang “co-creation at expansion” ng “better economies and societies” ay mas makaka-secure ng “free at open international order” base sa  rule of law.

Dahil dito, nanawagan si Kishida sa mga  ASEAN leaders na ipresenta sa buong mundo ang kanilang vision para sa future generations.

Samantala, sa isang Facebook post, kasama ng Pangulo ang kanyang asawa na si Unang Ginang  Liza Araneta-Marcos, nagpahayag ng pasasalamat sa  Japan para sa  “warm hospitality.”

“Beyond trade, culture, and security, we are partners in our values and aspirations. Thank you always, Prime Minister Fumio Kishida, for the warm hospitality,”  ang sinulat ng Pangulo na may emoticons ng Philippine at Japanese flags.

Ibinahagi naman ng Pangulo ang group photo ng mga ASEAN leaders at kani-kanilang mga asawa kasama si Kishida bago ang banquet dinner. Nakasuot ang Pangulo ng blue suit na may gray tie habang ang Unang Ginang naman ay nakasuot ng silver gray dress at overcoat.

Kapwa sila may pin ng Pilipinas sa may bandang kaliwang bahagi ng dibdib.

Maliban kay Pangulong Marcos at asawa nito, kay Kishida at sa asawa rin nito, dumalo rin sa  banquet sina Cambodian Prime Minister Hun Manet kasama ang kanyang asawa na si  Pich Chanmony, Indonesian President Joko Widodo, Lao Prime Minister Sonexay Siphandone kasama ang kanyang asawa na si  Vandara, at Brunei Sultan Haji Hassan Bolkiah kasama si  Prince Abdul Mateen.

Dumalo rin sina Malaysian Prime Minister Anwar bin Ibrahim  kasama ang kanyang asawa na si  Wan Aziz;  Singaporean Prime Minister Lee Hsien Loong kasama ang kanyang asawa na si  Ho Ching; Thai Prime Minister Srettha Thavisin, Vietnamese Prime Minister Pham Minh Chinh, at East Timor Prime Minister Xanana Gusmao.  (Daris Jose)

SA ikalawang pagkakataon, muling nasungkit ng Pamahalaang Lungsod ng Malabon ang Gawad Kalasag Seal of Excellence Award at “Beyond Compliant” mula sa National Disaster Risk Reduction and Management Councel (NDRRMC).

Ito’y sa katatapos lamang na Gawad Kalasag National Awarding Ceremoney na ginanap noong December 11, 2023 sa Manila Hotel, Ermita Manila.

Ang naturang parangal ay nakamit sa ilalim ng matagumpay na pamumuno ni Mayor Jeannie Sandoval, kasama si City DRRM Officer Roderick Tongol, at ang buong Malabon Disaster Risk Reduction and Management Council (MDRRMC).

Ang Gawad Kalasag ay isang pambansang parangal mula sa NDRRMC na naglalayong parangalan ang mga lokal na pamahalaan, ahensya ng gobyerno, mga organisasyon, at mga indibidwal na nagpamalas ng kahusayan sa larangan ng disaster risk reduction and management (DRRM) at humanitarian assistance.

Patunay ito na epektibo at maayos ang mga hakbang na isinasagawa ng lokal na pamahalaan para sa kaligtasan at kaginhawaan ng komunidad sa panahon ng mga sakuna at kalamidad.

Kasama din rito ang maingat na pagpaplano, implementasyon ng mga proyektong DRRM, edukasyon sa publiko, at iba pang hakbang na naglalayong mapababa ang panganib at pinsala sa oras ng kalamidad.

“Ang parangal na ito’y nagbibigay inspirasyon sa atin na patuloy na magsikap para sa mas ligtas at maunlad na kinabukasan. Maraming salamat sa inyong suporta at pagkakaisa!” pahayag ni Mayor Jeannie. (Richard Mesa)

SINABI ni Pangulong Ferdinand R. Marcos Jr. na ipinag-utos niya sa mga  kinauukulang ahensiya ng gobyerno na kompletuhin ang  water-related projects sa April 2024 bilang paghahanda para sa epekto ng El Niño phenomenon.

Sa isinagawang ina inagurasyon ng Balbalungao Small Reservoir Irrigation Project (BSRIP) sa Lupao, Nueva Ecija, winika ng Pangulo ang pamgangailangan na tiyakin na ang bansa ay handa sa posibleng epekto ng  El Niño, kabilang na ang pagbawas sa pag-ulan at tag-tuyot.

“We must be prepared to counter these effects, which may last until the second quarter of 2024. So, we remind once again the DA (Department of Agriculture) and the NIA (National Irrigation Administration) to immediately complete the construction of irrigation facilities, as well as other supporting structures based on the needs of our farmers,” ayon kay Pangulong Marcos.

“Iniisip ko ‘yung mga project na gagawin natin. Meron tayong apat na buwan para tapusin lahat iyan, maging operational lahat iyan dahil ang ginawa kong deadline para sa ating mga departamento, ‘ika ko sa kanila, ang isipin natin, ano ba ang kaya nating matapos by April of next year,” dagdag na wika nito.

Ang mga pangunahing proyekto gaya ng  BSRIP, ay makatutulong na tugunan ang epekto ng El Niño, na maaaring maging dahilan ng kakapusan sa water  at  power supply.

“The BSRIP, boasting an expansive 840-hectare service area, is designed to foster sustainable development for the benefit of 562 farmers and their families residing in Balbalungao, San Isidro, Salvacion, Sto. Niño, and Mapampang villages in Lupao town,” ayon sa ulat.

Winika pa ni Pangulong Marcos na ang konstruksyon ng  Balbalungao Dam ay nagpapahiwatig ng commitment  ng administrasyon para i-develop ang  modern infrastructure systems na makapagpapalakas sa  agriculture sector.

“Once fully operational, this multi-purpose dam will provide irrigation for close to 1,000 hectares of agricultural land,” aniya pa rin sabay sabing “The dam will generate diversified income opportunities to increase crop use, fish culture, tourism, and watershed management for environmental protection.”

Sa kabilang dako, binigyang-diin naman ni Pangulo Marcos na mapabibiilis ng  BSRIP ang  hydroelectric power generation at nagsilbi bilang   flood control mitigation infrastructure para sa mga komunidad sa tabi ng ilog.

Inatasan naman nito ang DA at  NIA  na tiyakin ang napapanahong pagkompleto sa  ibang pasilidad ng BSRIP, gaya ng hydropower at watershed components.

Ipinag-utos naman ng Pangulo sa lahat ng ahensiya ng pamahalaan, local government units, at pribadong sektor na magtulungan upang matiyak  ang “sustainability” ng water resources at ang ecosystem na nakapalibot sa  reservoir.

“That integrated watershed management plan serves as your guide in monitoring, protecting, and conserving the Balbalungao water shed to prolong the land’s service lifestyle,” ayon kay Pangulong Marcos.

“Anticipating the success of the BSRIP in transforming the province’s land into a thriving hub of productivity, we remain steadfast in our pursuit of food security, poverty reduction, and economic growth,” aniya pa rin.

Ang gobyerno aniya ay naglalayong i-establish ang  mahigit sa 275,000 ektarya ng bagong irrigation areas para i- restore ang 80,000 ng umiiral na irrigation areas sa 2028.

“As we envision a more secure, sustainable, and resilient Philippines, let us harmonize our efforts to ensure the continued empowerment of our producers, progress for our industries, and advancement for the entire country,” aniya pa rin. (Daris Jose)