TEN minutes na lang ang travel time galing sa Port Area papuntang NLEX-Valenzuela sa Bulacan dahil sa malapit ng matapos na North Luzon Expressway Harbor Link C3-R10 project.

“This will improve the movement of cargo between the Port Area and NLEX by shortening the travel time from the usual one hour to 10 minutes. Wow! This new access road will not only stimulate commerce and lead to greater development in CAMANAVA, but will also reduce the incidence of road accidents due to better road pavement and major traffic management control,” wika ni President Rodrigo Duterte.

Nagbigay ng mensahe ang Punong Ehekutibo nang pumunta siya sa inspection at presentation ng NLEX Harbor Link C3-R10 section noong nakaraang Linggo. Ayon pa rin sa kanya, ang mas magandang daloy ng paglalakbay sa lansangan ay isang malakas na indikasyon nang maunlad na isang pamayanan.

Sinigurado rin niya na ang kanyang pamahalaan ay patuloy na itataguyod ang mga road infrastructure development sa buong bansa upang mas mapaganda ang productive capacity ng ekonomiya at upang magkaroon ng maraming trabaho ang mga tao at mas magkaroon ng mataas na income at mapalakas ang investment climate parasa tuluy-tuloy na pag-unlad.

“We need to work together to ensure that the strides we have made and thebenefits of all our development efforts will be felt by all Filipinos. No one should be leftbehind or forgotten on the path to progress,” dagdag ni Duterte.
Tinawag din niyang isang milestone ang C3-R10 Section ng NLEX Harbor Link project sa Pilipinas sa panahon ng “golden age of infrastructure.” Inaasahang mabibigyan ng benepisyo ang mahigit kumulang na 30,000 na motorista kada araw ang bagong highway na ito.

Sa pagbubukas ng segment na ito ngayong Marso ay inaasahan din na mababawasan ang traffic congestion sa EDSA ng 30 percent at maaari pang maging 40 percent sa taong 2021.

Ang Harbor Link R-10 Section ay isang 2.6 kilometer extension mula sa C-3 Road sa Caloocan hanggang R-10 sa lungsod.

Samantala, ang isa pang infrastructure project na inaasahan din na makababawas ng malaki sa traffic congestion ay ang malapit ng matapos na Skyway Stage 3 project ng San Miguel Corp. (SMC) na daraan sa Makati, San Juan, Manila, Quezon City, hanggang sa NLEX na siyang magdurugtong sa South Luzon Expressway (SLEX).

“We are projecting the Skyway Stage 3 project to relieve EDSA of over 100,000 cars. Harbor Link will decongest the highway of 30,000 vehicles, most of which are trucks. Trucks are equivalent to almost five cars,” ayon naman kay Department of Public Works and Highways (DPWH) Secretary Mark Villar. (LASACMAR)

UPANG higit pang mapangalagaan ang kalikasan, nanawagan si Department of Environment and Natural Resources (DENR) Secretary Roy A. Cimatu sa private sector na makipagtulungan sa pamahalaan para sa pagpapatupad ng Enhanced National Greening Program (ENGP), na isang hakbang ng gobyerno upang madagdagan ang “forest cover” sa bansa.

“We hope to encourage more private companies to help us in restoring and protecting our forests as we seek to establish new ENGP plantations,” ayon kay Cimatu na naging kinatawan ng Department of Environment and Natural Resources (DENR) sa paglagda noong Pebrero 27 sa magkahiwalay na kasunduan sa dalawang private entities bilang pakikipagtulungan ng mga ito sa ENGP.

Ang Mitsubishi Motors Philippines Corp. (MMPC) at Steel Asia Foundation Inc. (SAFI) ay kapwa sumang-ayon na makikipagtulungan sa DENR sa pagtatanim at pag-aalaga ng mga puno para sa national greening efforts.

Sinabi pa ni Cimatu, ginawang mas madali ng gobyerno para sa pribadong sektor na makiisa sa ENGP matapos ilabas noong isang taon ang DENR Administrative Order (DAO) 2019-03, kung saan nakasaad ang mga hakbang upang mas maging madali ang gagawing partisipasyon ng pribadong sekor sa reforestation program.

Pinapayagan ng DAO ang mga kumpanya na pumasok sa public-private partnership scheme sa pamamagitan ng pagbuo ng bagong ENGP plantations, pagpapanatili at pagbibigay ng proteksiyon sa mga kasalukuyang plantations at ang pangangalaga sa mga kasalukuyang kagubatan sa labas ng ENGP areas.

Sa pamamagitan ng DAO, lumagda ang DENR sa memorandum ng agreement (MOA) sa MMPC para sa reforestation activities sa 30-hectare forestland sa Barangay Kapatalan, Siniloan, Laguna.

Ang 23 hectares ng forestland naman sa Barangay Dayawan sa Villanueva, Misamis Oriental ang nakapagkasunduan sa nilagdaang MOA ng DENR at ng SAFI para sa reforestation activities.

Nakapaloob sa MOA na ang MMPC at ang SAFI ay pumayag na maglaan ng pondo para sa limang-taong implementasyon ng iba’t ibang gawain na kinabibilangan ng paghahanda sa lugar na pagtataniman, seedling production o pagbili at maintenance at protection ng mga gagawing plantations at ang paligid dito.

Sa bahagi naman ng DENR, tutukuyin at ihihiwalay nito ang forestlands at aalamin din kung anong indigenous tree species ang itatanim, mode of plantation establishment at ang pagbibigay ng proteksiyon at pangangalaga sa lugar na sakop ng MOA.

Nakasaad din sa MOA na ang DENR, katuwang ang MMC at SteelAsia, ang pipili ng people’s organization o komunidad na magtatanim at mag-aalaga sa seedlings sa loob ng limang taon.

Ang ENGP ay ang karugtong ng National Greening Program na binuo sa pamamagitan ng Executive Order (EO) 26 na ipinatupad noong 2011 hanggang 2016. Sa loob ng anim na taong implementasyon nito ay nakapagtanim na ng 1.3 billion seedlings sa 1.7 million hectares na lupain.

Naitatag noong 2015 sa ilalim ng EO 193, layunin ng ENGP na mataniman ang 7.1 milyong ektarya ng open, degraded at denuded forests sa bansa para sa taong 2016 hanggang 2028. (Bishop Jesus “Jemba” M. Basco)