MAKIKITA ng mga Pinoy wrestling fan ang World Wrestling Entertainment Hall of Famer na si Rikishi.

Nakatakda siyang dumating kasama ang isa pang wrestler na si Reno ‘Black Pearl’ Anoa’I para magdaos ng mga wrestling clinic sa bansa.

Ang event ay para sa paglulunsad din ng World Wrestling Asia, na ang organizer ay ang KnokX Pro at RED Boxing International.

Unang stop ng tour ang Punta Resto Bar sa Mandaluyong sa Miyerkoles, Marso 18.

Mayroon ding ‘Road To The Philippines’ show sa Los Angeles California para ma-promote ang WWA tour sa Pilipinas sa darating na Agosto. (REC)

SA hangaring mas mapalakas at mapataas ang antas ng pagiging kompetitibo, nakatakdang magsanay sa abroad ang University of the Philippines (UP) Fighting Maroons – may anim na buwan ang nalalabi – bago ang opening ng University Athletic Association of the Philippines (UAAP) Season 83 sa Setyembre.

Sa pakikipagtulungan ng UPMBT supporter JJ Atencio ng STATS Performance Apparel, nakatakdang tumulak patungong Las Vegas at Serbia ang Diliman-based squad para sa mas malalim na pagsasanay.

“Off-season training is going to be the baseline of how you will do in the regular season. So, whatever it is that you do in the off-season is going to dictate what your season is going to be,” paliwanag ni head coach Bo Perasol. “The plans are already in place, but they all depend on how fast this [COVID-19] virus thing is going to go away.”
Dagdag pa nito, “we are going to train and play in Melbourne, Australia, as well and we’re also supposed to go to Taiwan. But we’re still on the lookout for more training opportunities that will make us experience a highly competitive tournament before the UAAP starts.”

Matatandaan na kinapos ang koponan nitong UAAP Season 82 na makasampa sa Finals matapos mapataob ng UST Growling Tigers.

Sa ngayon, inaasahan na mag-step up para sa Fighting Maroons sina Kobe Paras, Ricci Rivero at Bright Akhuetie matapos mapagdesisyunan nina Juan at Javi Gomez de Liano na lumiban para sa Season 83 ng torneo.

“The countries we go to are usually places where basketball is big. The development there is way ahead of us, so that is where we benefit from new technologies, new advancements, new ideas, new ways to train,” punto pa ni Perasol. “Besides looking for training opportunities, we also look to compete in pocket tournaments here and abroad to give us different points of view, a different experience and different kinds of play.”

Inamin ni Perasol na kumpara sa ibang UAAP member na pawang pribado, ang UP ang tanging state university sa liga kung kaya’t limitado ang kanilang budget. Ang pagsuporta ni JJ Atencio ay tapik sa balikat ng Maroons.

TINANGHAL na mga tigasin sina Joseph Gentoleo at Cherryl Navarro ng kapwa Team Amihan na hari’t reyna sa katatapos na Manila-Bataan 102-Mile Endurance Run 2020 na nilargahan sa Zero Kilometer Post ng Luneta Park sa Maynila at humimpil sa Zero Kilometer Death March Marker sa Mariveles, Bataan.

Ang race cut-off time ay 36 na oras, pero binagtas ng tubong Iloilo na residente ng Parañaque na si Gentoleo, 35, ang makasabog-baga’t makabali-tuhod na karerahan sa loob ng 27 oras at 57 minuto para sa men’s division title. Lumanding na pangalawa sa kawani ng Leslie Corporation sina Ildebrando Yap (30:19) at Gerrit James Galvez (30:20).

Sa women’s side sa event na pinakawalan sa ganap na alas-10:00 nang gabi noong Biyernes, Pebrero 6 at natapos nitong alas-10:00 nang umaga ng Linggo, Marso 8, ang may katulad oras ni Gentoleo na si Navarro, 40, ng Bataan ang nagwagi.

Mga dumaan sa Metro Manila, Bulacan at Pampanga, sorpresa ang panalo ni Navarro dahil sa unang 100 milya pa lang niya karipasang ito.

Sumegunda at tumersera sa kanya sina Maica Santiago (30:10) at Irene Buyuccan (32:40). Ito’y inorganisa ng Endurance Challenge Philippines kung saan ang race director ay si Jonjon Alegre.

Nasa 24 na ultramarathoner ang tumugon sa starting gun at 20 ang finishers. Apat ang mga hindi pinalad na tapusin ang arangkadahan.

MAAGANG tutulak sa Tok-yo, Japan ang Team Philippines para sumailalim sa quarantine period at health check requirements na kailangan bago sumalang sa 2020 Olympic Games na gaganapin sa Hulyo 24 hanggang Agosto 9.

Ito ang inihayag ni chef de mission Nonong Araneta kahapon kung saan plano nitong ipadala ang pambansang delegasyon dalawang linggo bago magsimula ang quadrennial meet.

Ang aksiyon ay bunsod ng kumakalat na coronavirus disease na libu-libong tao na ang tinamaan sa iba’t ibang panig ng mundo at mayroon nang mahigit 3,000 na namatay dahil dito.

Wala pang opisyal na desisyon ang International Olympic Committee at Tokyo Olympics organizers kung ipagpapaliban muna o tuluyan nang kakanselahin ang Olympics.

Kaya naman tuloy lang ang paghahanda ng Team Philippines para rito.

“Walang official cancellation, walang official postponement, so we’re preparing as if it will go on as planned,” ani Araneta.

Ikinuwento rin nito ang hirap sa qualification process dahil ang mga torneo na kailangan para makapasok sa Tokyo Olympics ay kinakansela dahil sa virus.

Sa katunayan, tatlong Pinoy athletes na ang o-pisyal na mapapasama sa Tokyo Games.

Ito ay sina world champion Carlos Edriel Yulo ng gymnastics at SEA Games pole vault record holder Ernest John Obiena ng athletics na nadagdagan pa sa ngalan ni Eumir Felix Marcial na nakahirit ng tiket sa Olympics sa ginaganap na 2020 Asian-Oceanian Continental Olympic Qualifying Tournament sa Amman, Jordan.

May 64 atleta pa mula sa archery, athletics, swimming, basketball, boxing, cycling, canoe-kayak, fen-cing, golf, gymnastics, judo, karate, rowing, skateboar-ding, table tennis, taekwondo, triathlon, weightlifting at wrestling ang lumalaban para sa Olympic slot.

May 18 sa mga ito ang may pinakamalakas na tsansang makapasok sa Tokyo Games kabilang na si Rio Olympics silver medallist Hidilyn Diaz ng weightlifting. (REC)

MAGBABALIK ang mga serye ng mga ‘Big Event’ cockfest sa Pasay City Cockpit sa pamamagitan ng RCB Basilan 5-Cock Derby sa Biyernes, Marso 13 na may 40 sultada.

Patuka ito ni Ronald Barandino ng Basilan, ang 2012 World Slaher Cup champion, at mga itataguyod naman ng Sagupaan Superfeeds at Complexor 3000.

Kalahok din sina Manny Berbano, Doc Ayong Lorenzo, Ronald Lazatin, Rey Cabial, Rep. Jose Panganiban, lawyer Henry Tubban, Mapher Alvarez, RTB Apo Kulas, Jayson Gatan, Jopher Severino, Michael Tiqui, Jomar Baligod; JC Palanca, Jocel Baac, Rene Natividad, Felix Geronimo, Kano Daniel, James Siason, Zaldy Mabini, Jonjon Cano, Paolo Crisostomo, RR Lacson, Mayor Amben Amante, Derrick Ledesma, Ferdinand Uy at Ferdinand Reyes.

Sa PCC din ang Danayah Shane 5-Cock Derby sa Mar. 20 ni Engr. Andy Rizal ng National Cockers Alliance (NCA). Pati ang pasabong ni PCC pit manager Gerald Go at ng Team Rox Las Pinas sa isa pang 5-cock derby sa Marso 27. (REC)