• July 13, 2024
  • Ang Diyaryong Pinagkakatiwalaan

Archive for August 3rd, 2020

Anthony Davis, sumabak na uli sa ensayo; makakasama rin ng Lakers sa seeding games opener vs Clippers

Posted on: August 3rd, 2020 by @peoplesbalita No Comments

Makakasama na ng Los Angeles Lakers si superstar Anthony Davis sa kanilang seeding games opener kontra sa karibal nilang Los Angeles Clippers.

 

Una rito, hindi nakasama si Davis sa ensayo ng Lakers nitong nakalipas na araw matapos ang natamo nitong eye injury sa isa sa mga scrimmage ng koponan.

 

Pero ngayong bisperas ng pagpapatuloy muli ng mga laro sa NBA season, nakahabol si Davis para makasali sa team practice.

 

Kapansin-pansin din ang pagsusuot ng 6-foot-10 forward ng protective eyewear.

 

Ayon kay Davis, matapos na makasama ito sa full practice ng team, sasailalim itong muli sa evaluation ng mga doktor para masuri kung maaari na ba itong makapaglaro.

 

Batay din aniya sa plano ng koponan, sasalang ito sa kanilang showdown ng Clippers bukas, araw ng Biyernes (Manila time).

 

“That’s the plan,” wika ni Davis. “I’ll get evaluated again tonight by one of the doctors here and kind of get an update from them.

 

“That’s the plan, for me to play.”

Ads August 3, 2020

Posted on: August 3rd, 2020 by @peoplesbalita No Comments

Pagsasabatas ng bayanihan 2, malaking tulong sa TUPAD program ng DOLE

Posted on: August 3rd, 2020 by @peoplesbalita No Comments

NANANALIG ang Department of Labor and Employment (DOLE) na sakaling maisabatas na ng Kongreso ang Bayanihan II o Bayanihan to Recover as One Bill, ay magkakaroon din ng malaking tsansang maaprubahan ang kanilang mga proyekto,partikular na ang TUPAD Program na magsisilbing emergency employment at subsidy program para sa mga nawalan ng trabaho dahil sa covid19.

Sinabi ni Department of Labor and Employment Undersecretary, Usec. Joji Aragon, malaki ang maitutulong ng programang ito sa DOLE upang mabigyan ng mapagkakakitaan ang mga mamamayan na wala ng binalikang trabaho dahil sa pagsasara ng kanilang mga kompanya o mga pinapasukang business establishments.

Sinabi pa ni Aragon, kapag naipatupad na ang emergency employment sa ilalim ng tupad program, agad na nilang masisimulan ang tinatawag na community-based emergency employment na magbibigay ng trabaho sa mga kababayan na nawalan ng mapagkakakitaan.

Aniya pa, sisimulan ang implementasyon ng programa sa mga rural areas hanggang sa mga urban places.

Sinasabing, ilan lamang sa mga maaring maitulong ng TUPAD program ay ang pagLikha ng mga trabahong may kaugnayan sa paglaban sa covid19, tulad aniya ng pagiging contact tracer, data encoder. Sakaling mayroon backlog sa mga pag-input ng mga COVID cases at ang occupational safety and health. (Bishop Jesus “Jemba” M. Basco)

Tolentino ipapasok ang esports sa SEAG

Posted on: August 3rd, 2020 by @peoplesbalita No Comments

KAPIT-KAMAY sina Philippine Olympic Committee (POC) President at  Cavite Seventh District Rep. Abraham Tolentino at National Electronic Sports Federation of the Philippines (NESFP) President Ramon Suzara sa pagla-lobby sa Vietnam para manatili ang  esports sa 31st Southeast Asian Games 2021.

 

Ito ay matapos makahanap ng mapuwersang kaalyado ang POC sa pamamagitan ng Asian Electronic Sports Federation (AESF) na nanawagan ding maging medal sports ang laro sa pangalawang pagkakataon sa 11-nation, biennial sportsfest.

 

“The AESF would like our federations in Southeast Asia to be united and support the Olympic collaboration agenda,” ani AESF Director General Sebastian Lau sa isang kapapadalang sulat kay Tolentino. (REC)

Russia, kumpiyansa na maaaprubahan na ang COVID-19 vaccine sa Agosto

Posted on: August 3rd, 2020 by @peoplesbalita No Comments

Desidido ang Russia sa magiging kauna-unahang bansa sa buong mundo na magkakaroon ng bakuna laban sa coronavirus.

 

Target kasi ng gobyerno ng Russia na aprubahan na sa kalagitnaan ng Agosto ang bakuna na gawa ng Moscow-based Gamaleya Institute.

 

Aaprubahan na ito sa public use kung saan ang unang mabibigyan ay ang mga frontline health workers.

 

Ang nasabing pag-apruba ay itutuloy ng Russia kahit na marami ang nangangamba sa safety at effectiveness nito dahil hindi pa raw ito dumadaan sa masusing trial lalo na ang pagbusisi ng iba pang mga eksperto sa iba’t ibang dako ng mundo.

 

Una nang tinawag ng ilang scientists at residente sa Russia ang “mode” nila ngayon bilang “Sputnik moment” tulad nang una nilang mapalipad sa kalawakan ang spaceship patungo ng buwan noong taong 1957. (Daris Jose)

Phoenix Suns, ibinenta na ang kanilang G League team sa Detroit Pistons

Posted on: August 3rd, 2020 by @peoplesbalita No Comments

Pumayag na ang Detroit Pistons na bilhin ang NBA G League team na Northern Arizona Suns mula sa Phoenix Suns.

Inanunsyo ng Pistons, Suns, at ng G League ang nasabing development nitong Huwebes (Manila time).

Sa ngayon, may tinatayo na rin daw na bagong arena para sa koponan sa campus ng Wayne State UNiversity sa Detroit.

Sinabi pa ng Pistons na nangangalap din daw sila ng mga ideya tungkol sa magiging bagong pangalan ng team.

“This is another important investment in our franchise and in the city of Detroit,” wika ni Pistons owner Tom Gores. “Having an NBA G League team near our new performance center will be an advantage for our front office, our coaching staff and our young players.”

Magpapatuloy hanggang sa 2020-21 G League season ang ugnayan ng Pistons at Grand Rapids Drive.

Habang ang Phoenix Suns pa rin ang hahawak sa Northern Arizona team sa loob ng isa pang season.

Serbisyong pangkalusugan gawing digital – Citizen Watch Philippines

Posted on: August 3rd, 2020 by @peoplesbalita No Comments

Nanawagan ang isang consumer group para sa digital transformation ng health care sector upang mapunan ang malaking patlang sa paghahatid ng medical services sa mga mamamayang Filipino sa gitna ng COVID-19 pandemic.

 

Sa isang pahayag, sinabi ng Citizen Watch Philippines na ang “digital transformation” o ang paglipat sa online ng mga serbisyong pangkalusugan ng Philippine health sector ay magbibigay-daan para maging mas episyente at ‘accessible’ ang mga serbisyo sa mamamayan ‘tulad ng medical, dental at mga konsultasyon sa doktor.

 

“To effectively address these life-threatening problems, the health sector must immediately shift to digital platforms as a safe, convenient, and reliable tool for delivering health care services to patients,” wika ni Citizen Watch Philippines convenor Orlando Oxales.

 

Ayon kay Oxales, sa pamamagitan ng telemedicine at iba pang digital solutions, ang mga pasyente ay hindi na mapipilitang ipagsapalaran ang pakikiharap sa ibang tao at ang posibleng pagkahawa kapag pisikal silang bumisita sa isang medical institution ng isang ahensya ng gobyerno.

 

“Instead, services such as clinical consultation become accessible from home,” sabi pa niya.

 

“Integrating innovative technologies is critical in implementing health laws such as the Universal Health Care and National Integrated Cancer Control Act”.

 

Binigyang-diin niya na ang paglipat sa cloud-based technologies ay magpapalakas sa public health care system na makabubuti sa buong health care ecosystem na may mga kalutasan para sa big data analytics, on-demand healthcare, virtual reality, artificial intelligence tools for treatment, block chain technology for electronic health records, at iba pang applications na nararapat na accessible sa pamamagitan ng mobile networks.

 

Partikular na ipinanawagan ng  Citizen Watch Philippines sa pamahalaan ang pag-aalis ng bureaucratic barriers na pumipigil sa pagtatayo ng digital infrastructure sa loob ng maraming dekada.

 

“Public investment in digital infrastructure complemented with the right partnerships with the private sector and health care stakeholders is the whole-of-society approach we need to overcome our health crisis,” paliwanag ni Oxales.

 

Tinukoy rin ng grupo ang pangangailangan na ganap na ipatupad ang Ease of Doing Business law at permanenteng buwagin ang bureaucratic barriers sa national at local levels.

 

Hiniling din ng Citizen Watch Philippines sa pamahalaan na payagan ang telecom industry na tumulong sa pagtatayo ng future-proof digital infrastructure network upang matugunan ang fast-growing demand ng digitized society na iniuugnay ang lecosystems ng gobyerno, private industries, at consumers sa cloud-based services na ‘secure, stable and fast’.

 

“All these can only be possible if we have a robust nationwide and future proof digital infrastructure that will deliver fast broadband services,” sabi ni Oxales. 

Pinas prayoridad sa COVID-19 vaccine – Chinese exec

Posted on: August 3rd, 2020 by @peoplesbalita No Comments

Nangako ang China na bibigyang prayoridad ang Pilipinas sakaling makabuo ito ng bakuna laban sa COVID-19.

 

Ito ang sinabi ni Chinese Foreign Ministry spokesman Wang Wenbin matapos ang pag-uusap sa pagitan nina Pangulong Rodrigo Duterte at Chinese leader Xi Jinping.

 

Ayon kay Wang, na sa simula pa lamang ng COVID-19 outbreak ang Pilipinas at China ay nagtutulungan pagda­ting sa mutual assistance kaya nagkaroon ng koo­perasyon ang dalawang bansa kaya tumutok sila sa bilateral relations.

 

Matatandaan na noong SONA ni Pangulong Duterte, sinabi niya na nakausap niya si Xi at pinasiguro niya dito na bibigyang prayoridad ang Pilipinas para makakuha ng bakuna laban sa coronavirus.

 

Ang Pilipinas ang isa sa may pinakamataas na infection rates sa Southeast Asia na umabot na sa 83,673 kaso at 1,947 deaths.

 

Habang patuloy pa rin ang pagtaas ng bilang ng mga tinatamaan ng COVID-19 partikular na sa Metro Manila. (Daris Jose)

NBA commissioner Adam Silver, ikinatuwa ang wala ng COVID-19 positive sa mga players

Posted on: August 3rd, 2020 by @peoplesbalita No Comments

Ikinatuwa ng NBA na wala ng naitatalang nagpositibo sa coronavirus sa isinagawang pinakahuling testing isang araw bago ang pormal na pagsisimula ng season sa Walt Disney World sa Orlando, Florida.

 

Ayon kay NBA commissioner Adam Silver, naging epektibo ang ginawa nilang quarantine bubble ilang linggo bago ang pagsisimula ng mga tune-up games at ang pagbubukas muli ng season.

 

Tiniyak nito na mahigpit nilang binabantayan ang mga manlalaro para matiyak na hindi sila makalabas sa lugar.

 

Nagpahayag na rin si Silver na wala ng magiging aberya pa sa pagsisimula muli ng season.

Panawagan ng ilang senador na gawan ng special audit ang naging gastos ng pamahalaan kontra Covid-19, oks sa Malakanyang

Posted on: August 3rd, 2020 by @peoplesbalita No Comments

WELCOME sa Malakanyang ang panawagan ng ilang senador para sa special audit para sa naging gastos ng pamahalaan para labanan ang pagkalat at epekto ng COVID-19 sa bansa.

Giit ni Presidential spokesperson Harry Roque, walang itinatago ang gobyerno kaya okay lang sa kanila ang special audit.

Patunay na aniya rito ay ang pagsusumite ng weekly reports ni Pangulong Rodrigo Roa Duterte sa Kongreso hinggil sa implementasyon ng Bayanihan to Heal as One Act.

Ang batas, na napaso na noong Hunyo 25, ay nagbigay kay Pangulong Duterte ng special powers sa loob ng tatlong buwan para epektibong tugunan ang COVID-19 crisis.

“Walang pong tinatago ang Presidente at ang Malacañang. Lahat ng gastos, lahat po ng pera na ginastos para sa COVID-19 napunta po ‘yan para sa COVID-19 response ng gobyerno,” ayon kay Sec. Roque.

“We welcome the special audit noting na io-audit naman talaga yan ng COA dahil ang COA po ay post-audit po ang ginagawa,” aniya pa rin.

Sa kabilang dako, tiniyak naman ni Secretary Carlito Galvez Jr., chief implementer of the government’s COVID-19 sa publiko na ang transaksyon ay ‘aboveboard’.

“Maitataya po namin ang aming integridad sa pagbili ng mga pangangailangan ng ating mamamayan dito sa paglaban sa COVID,” ang pahayag ni Galvez. (Ara Romero)