2021 March 06 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for March 6th, 2021

LOVELY, pinagdarasal na magka-baby na agad sila ni BENJ; umaming nag-try na bago pa sila ikasal

Posted on: March 6th, 2021 by @peoplesbalita No Comments

PINAGDARASAL ni Lovely Abella na magkaroon na sila agad ng baby ng mister niyang si Benj Manalo.

Kinasal lang sila noong nakaraang January at isa sa dahilan kung bakit nagpakasal na sila agad ay para makabuo na sila ng baby sa taong ito.

“As in, sana Lord, now na. Agad-agad! Kasi talagang nagta-try na kami magka-baby before, itong mga pa-December. Pero sabi namin baka ayaw pa ni Lord kasi wala pang basbas that time.

“Kaya nag-decide kaming mabilisan po ‘yong wedding namin kasi parang gusto na talaga namin magka-anak. So we’re praying, hoping na soon talaga,” sey ni Lovely.

Iba raw ang feeling na may basbas ng simbahan ang pagsasama nila ni Benj. Marami raw ang naging magandang pagbabago sa buhay nila.

“Malaki ang pinagbago kahit na dati nagsasama na kami for six years. Totoo pala ‘yon, no? After mong ikasal parang in love na in love ka sa kanya. Alam mo ‘yon? Iba talaga ‘yong kilig ko sa kanya. Iba ‘yong in love ko sa kanya.

“At this time, hinahayaan ko na ‘yong pagdedesisyon. Ibinibigay ko na ‘yon sa kanya. Kumbaga, ako nag-a-agree lang. Kasi before ang nangyayari laging ako ‘yong nagde-decide. So this time, pinauubaya ko na ‘yon sa aking mister.”

Wala na raw sa option nila ang hiwalayan.

“Kahit na before pa lang na bago kami mag-decide na magpakasal, talagang pinag-usapan namin na magiging ganito na, wala na talagang hiwalayan.

“So bago talaga kami nagpakasal, ‘yon ‘yong inunawa namin sa isa’t isa na kailangan namin intindihan ‘yong init ng ulo ko minsan. Kailangan n’ya intindihin ang init ng ulo at wala na ‘yong, ‘Ayoko na. Hiwalay na tayo.’ Wala ng ganu’n this time.”

***

ANG ganda ng relasyon ng veteran actress na si Isabel Rivas sa kanyang daughter-in-law na si Nadine Samonte na nag-celebrate ng 33rd birthday noong March 2.

Sa kanyang Facebook, nag-post si Isabel ng throwback photo nila ni Nadine noong una silang nagkakilala sa 2013 teleserye ng TV5 na Kidlat.

Hindi raw inakala ni Isabel na si Nadine pala ang matagal na niyang pinagdarasal na magiging misis ng kanyang anak na si Richard Chua. Ngayon ay may dalawang apo na si Isabel na sina Heather at Titus.

“Friends: 8 years ago I met this beautiful young lady at work & developed friendship with her not knowing she is Gods answer to my pleading to give my only child a good loving wife who will also love & cherish me.

“Now I have 2 beautiful grandchildren & love grows everyday from our hearts… ilovu mrs Nadine Eidloth Chua. Happy happy happy Birthday my daughter.

“I prayed To our Lord God for decades to give Richard my son a good partner in life & you were the answer. God is really good in answering prayers & it’s always the best!!

“You’re a gift my doll. You love, cherish & hold my only son’s heart & I’m grateful to you my daughter… Happy Happy Bday my love. You brought joy, love & my grandchildren into RBoy & me… I can’t ask for more, you are Gods perfect match….ilovu to the whole universe & back! Happy bday mrs Nadine Eidloth Chua.”

Nagpasalamat naman si Nadine sa kanyang biyenan.

“I just can’t imagine while looking at this picture. God really works in mysterious ways. Mami we are family and love will always be there. It’s just getting more and deeper. We are blessed to have each other. Love you wowa, thank you for everything.”

***

NAKATANGGAP na ng bakuna ang Country Music Queen na si Dolly Parton mula sa Moderna kunsaan siya nag-donate ng $1 million para makatulong ma-develop agad ang vaccine.

Nabakunahan si Dolly sa Nashville’s Vanderbilt University. Nag-tweet pa siya ng: “I’m so excited. I’ve been waiting a while. I’m old enough to get it, and I’m smart enough to get it.”

Inawit pa ni Dolly ang song niyang “Jolene” pero pinalitan niya ang word na Jolene to Vaccine: “Vaccine, vaccine, vaccine, vaciiiiiiine. I’m begging of you, please don’t hesitate.”

Hindi naman daw nagmadali si Dolly na magpabakuna at willing siyang maghintay at unahin ang mga health workers at frontliners. Pero dahil senior citizen na siya, isa siya sa naging priority ng vaccine.

Ang ginawang donation ni Dolly sa Moderna ay isang sign na hiningi niya sa Panginoon.

“I follow my heart. I’m a person of faith and I pray all the time that God will lead me into the right direction and let me know what to do. When the pandemic first hit, that was my first thought, ‘I need to do something to try to help find a vaccination.’ I just did some research with the people at Vanderbilt (University) — they’re wonderful people, they’ve been so good through the years to my people in times of illness and all that. I just asked if I could donate a million dollars to the research for a vaccine. I get a lot more credit than I deserve, I think, but I was just happy to be a part of any and all of that.” (RUEL J. MENDOZA)

Pinas ‘biggest recipient’ ng bakuna – WHO

Posted on: March 6th, 2021 by @peoplesbalita No Comments

Ang Pilipinas umano ang pinakamalaking recipient ng bakuna buhat sa COVAX Facility dahil sa inaasahang pagtanggap ng kabuuang 4.5 milyon na AstraZeneca COVID-19 vaccines.

Sinabi ito ni World Health Organization (WHO) Country Representative Rabindra Abeyasinghe bago ang inaasahang pagdating sa bansa ng inisyal na shipment ng 487,000 doses ng AstraZeneca nitong Huwebes ng gabi sa kabila ng problemang kanilang kinaharap sa pagdeliber nito.

“We are happy to note that Philippines is receiving one of the largest consignment of COVAX vaccines. In this first initial consignment, [there’s] 487,000 doses,” ayon kay Abeyasinghe.

Inaasahan na maidedeliber ang kabuuang 4.58 milyong doses ng AstraZeneca vaccine mula Marso hanggang Mayo bukod pa sa tatanggapin na 117,000 doses naman ng Pfizer-BioNTech vaccines bago magtapos ang Marso.

Pinaalalahanan ng opisyal ang gobyerno ng Pilipinas na dapat matiyak ang paglalagakan at kapasidad sa pag-rollout ng mga bakuna sa oras na magsidatingan na ang mga malakihang stocks ng bakuna tulad ng nagawa nito sa inisyal na delivery ng Sinovac vaccines. (GENE ADSUARA)

PNP isinumite na ang mga hawak na ebidensiya sa NBI re Commowealth ‘misencounter’

Posted on: March 6th, 2021 by @peoplesbalita No Comments

Nilinaw ng Philippine National Police (PNP) na boodle money na nagkakahalaga ng P1-million pesos ang kanilang narekober sa madugong misencounter sa Commonwealth sa pagitan ng PNP at PDEA.

Ayon kay PNP Crime Laboratory Deputy Director BGen. Robert Rodriguez, nakarekober ng PNP SOCO ng P1 million boodle money sa isang van na ino occupy ng mga tauhan ng PDEA at kanila ng naiturn over sa IOC.

Walang P1 million cash money ang nawawala sa naturang operasyon.

Sinabi ni Rodriguez ilang mga ebidensiya din ang kanilang na iproseso at ilan dito ay naiturn over sa National Bureau of Investigation (NBI).

Ayon naman kay PNP Chief Gen. Debold Sinas kabilang sa mga ebidensiya na naprocess ng PNP Crime Lab ay Autopsy, drug test, paraffin test , dna analysis, bullet trajectory, ballistics at finger prints.

Sinabi ni Sinas, naisumite na nila sa NBI ang kanilang mga hawak na ebidensiya. Sa kabilang dako, balik na ang PNP sa kanilang anti-illegal drug operations.

Siniguro naman ni Sinas na hindi na mauulit pa ang madugong misencounter sa pagitan ng PNP at PDEA.

‘Cinema Rehiyon 2021’, Hold Free Masterclasses for Aspiring Filmmakers

Posted on: March 6th, 2021 by @peoplesbalita No Comments

CINEMA Rehiyon 2021 offers four free masterclasses from the industry experts on screenplay for women and LGBTQIA+ on March 6, documentary filmmaking and experimental cinema on March 13 and 20, respectively.

Cinema Rehiyon 2021: Voices From The Margins Festival Director Tito Valiente underscores the importance of masterclasses that address the concerns and issues of regional cinema and an added section to this film fest, which is the section on Women and LGBTQIA+.

Writers, filmmakers and film enthusiasts are invited to avail of and join these webinars on Women Writes: Screenplay for and of Women; Love Writes: Screenplay for and of LGBTQIA+; Documentary in the Regions; and Experimental Cinema in the Regions.

Writer and editor Carla Pulido Ocampo, who recently won the Cinemalaya Philippine Independent Film Festival Best Film and NETPAC Jury Prize for her recent film “Tokwifi”, will open the masterclass series with Women Writes: Screenplay for and of Women, moderated by Sari Dalena, filmmaker and film scholar, will be on March 6 (Saturday) from 10:00 am to 12:00 noon.

The masterclass for Love Writes: Screenplay for and of LGBTQIA+ by Jay Altarejos, known for his LGBTQIA+ themed movies, will be on the same day, March 6 at 2:00pm to 4:00pm moderated by Kristian Sendon Cordero, filmmaker, writer and owner of Bikol’s cultural hub and bookshop, Savage Mind.

Baby Ruth Villarama, producer, director, and writer, well known for her documentary film SUNDAY BEAUTY QUEEN, among other titles, will hold the Masterclass on Documentary, with Julienne Ilagan, filmmaker and writer, as moderator, on March 13 from 2:00PM to 4:00PM.

Coming from the region and an advocate of Regional Cinema is Filmmaker, Curator, Cinematographer and Editor Elvert Bañares’s who will focus on a topic seldom touched in regional filmfests, Experimental Cinema in the Regions, in his Master Class on March 20, with moderator Patrick Campos, writer and film scholar.

Cinema Rehiyon’s Master Classes are open to public but have limited slots.

Registration on this link http://bit.ly/3aX0uTe to secure a slot.

Follow, like and subscribe Cinema Rehiyon’s social media platforms: @cinemarehiyonofficial for Facebook page and Youtube Channel for more updates about the upcoming festival events. (ROHN ROMULO)

Online na muna ang 2021 PSA Annual Awards Night

Posted on: March 6th, 2021 by @peoplesbalita No Comments

SA unang pagkakataon sa kasaysayan, isasagawa ng Philippine Sportswriters Association (PSA) ang taunang SMC-PSA Annual Awards Night sa pamamagitan ng virtual sanhi ng kasalukuyang COVID-19.

Nakatakda ang aktibidad sa Marso 27, na may limitadong bilang lang ng mga panauhin na papayagan sa studio ng TV5Media Center sa Mandaluyong, habang ang natitirang mga awardee ay ihu-hook up online.

Habang ang buong palakasan ay hindi naiwasan ang pandemya, may ilang atletang Pinoy pa rin ang mga nagpasiklab at umangat sa mga paghihirap isang bagay na dapat palakasin sa oras ng kawalan ng pag-asa sa bansa.

Tampok sa natatanging espesyal na kaganapan na mga susuportahan ng San Miguel Corporation (SMC) at Philippine Sports Commission (PSC), ang paggawad ng inaasam ng lahat na Athlete of the Year trophy, na eksklusibong nailahad ng pinakaunang organisasyon ng media sa bansa na pinangungunahan sa ngayon ng pangulo na si Manila Bulletin sports editor Eriberto ‘Tito’ S. Talao.

Ang iba pang mga regular na parangal na iaabot sa taunang seremonya ay ang Executive of the Year, President’s Award, National Sports Association (NSA) of the Year, at Lifetime Achievement Award.

Ang mga pangunahing pinarangalan sa iba’t ibang palakasan ay kasama rin sa listahan pati na rin ang kaunting pagsipi at mga espesyal na pagkilala sa mga tao at entidad na nagpatuloy sa palakasan ng bansa sa pinakamadilim na oras ng sangkatauhan.

Ang isang oras na programa ay ieere ng Cignal TV na iho-host nina Gretchen Ho at Carlo Pamintuan.

Nitong nakaraang taon, ang Team Philippines ang tumanggap ng Athlete of the Year dahil sa matagumpay na kampanya ng bansa sa 30th Southeast Asian Games, kung saan lumitaw ang Pilipinas na pangkalahatang kampeon sa pangalawang pagkakataon lang sa 43 taong kampanya sa sa 11-nation, biennial meet.

Ang Awards Night ay ginanap sa makasaysayang Manila Hotel noong Marso 6, isang linggo bago ang buong lugar ng Luzon isailalim sa Enhanced Community Quarantine (ECQ) kasunod ng pagsiklab ng Coronavirus Disese 2019.

Mula po rito sa OD, isang saludo sa pamunuan ninyo riyan sa PSA. (REC)

Perez, Black kikilalanin ng PBA Press Corps

Posted on: March 6th, 2021 by @peoplesbalita No Comments

PAMUMUNUAN nina Christian Jaymar ‘CJ’ Perez at Aaron Black ang mga gagawaran sa PBA Press Corps PBAPC) virtual Awards Night 2021 sa Marso 7 sa TV5 Media Center sa Mandaluyong.

Sa pangalawang sunod na taon, tinanghal na Scoring Champion si Perez, 27. Si Black, 30, ang mamumuno sa All-Rookie Team.

Pinag-isa ng mga reporter na regular na kumukober ng Philippine Basketball Association (PBA) ang pagkilala sa top performers ng 2019 o 45th season at 2020 Philippine Cup sa Clark bubble dahil hindi naidaos ang okasyon sa nakaraang taon sanhi ng Coronavirus Disease 2019.

May average si Perez na 24.4 points sa all-Pinoy conference sa Pampanga habang nasa Terrafirma pa.

Nitong offseason o Pebrero 1 lang, lumipat na siya ng San Miguel Beer kapalit ng limang manlalaro.

Sa kanyang unang taon sa liga, Rookie of the Year ang dating kamador ng Lyceum of the Philippine University Pirates at kasama sa Mythical Team.

Hindi natakot si Black sa bubble, parang beterano kapag rumesponde sa tawag ng Meralco na tinulungan niya hanggang semifinals. Siay ang tatanggap ng Outstanding Rookie ng bubble.

Kasama ni Black sa All-Rookie squad sina Arvin Tolentino ng Barangay Ginebra San Miguel, Roosevelt Adams ng Dyip, Barkley Ebona ng Alaska Milk at Renzo Subido ng NorthPort.

Magkakaloob din ng Outstanding Coach of the Bubble, Mr. Executive, President’s Award, Top Bubble D-Fender, All Bubble D-Fenders, Mr. Quality Minutes, at Game of the Bubble. (REC)

Mga ospital sa Metro Manila, humirit pa ng bakuna

Posted on: March 6th, 2021 by @peoplesbalita No Comments

Dahil sa patuloy na pagtaas ng kumpiyansa sa bakuna, humihingi na rin ang mga empleyado ng East Avenue Medical Center sa Quezon City ng karagdagang Sinovac vaccine.

Ayon kay Dr. Dennis Ordoña, Spokesperson ng naturang ospital, mas dumami na ang mga health workers ang nais ngayon magpabakuna makalipas ang tatlong araw na vaccine rollout.

Base sa kanilang listahan, 100 lamang ang unang nagparehistro para magpabakuna kahapon mula sa 1,200 na mga empleyado nito at nagulat sila ng malamang ang 175 pa nilang empleyado ay nais na ring magpabakuna ng Sinovac Vaccine.

Ikinatuwa naman ito ni Dr. Odoña kasabay ng apela sa Department of Health na dagdagan ang naunang dosage na ibinigay sa kanila.

Una ng nabigyan ng 300 dosage ng Sinovac Vaccine ang East Avenue Medical Center noong Martes kung saan unang nabakunahan ang Medical Chief na si Dr. Alfonso Nuñez at Head Nurse na si Rose Marie Reyes ng ospital. Magugunitang humirit na rin kamakalawa ng dagdag na bakuna ang Philippine General Hospital makaraang tumaas ang bilang ng kanilang mga health workers na nagnanais nang magpabakuna.

Ang San Lazaro Hospital din, ay sinasabing kinakapos na rin sa bakuna makaraang magpasya ang marami nilang health workers ang nagpasya na maturok sa kanila ang Sinovac vaccine.

May karagdagang 400k na donasyong bakuna ang China

Posted on: March 6th, 2021 by @peoplesbalita No Comments

INANUNSYO ni Pangulong Rodrigo Roa Duterte na may karagdagang 400,000 doses ng bakuna na donasyon ang matatanggap ng Pilipinas mula sa China

Sa idinaos na Inauguration of School Buildings sa Canumay East National High School at Lawang Bato National High School sa Lawang Bato National HighSchool,Valenzuela City ay nabanggit ni Pangulong Duterte sa kanyang talumpati na may karagdagang 400,000 na donasyong bakuna ang China sa Pilipinas para mabuo ag isang milyong donasyon na bakuna nito sa bansa.

“And, then another China would give us another 400 making their donation to this country 1 million,” ayon sa Pangulo.

Ang darating aniya na bakunang AstraZeneca ay donasyon naman aniya ng World Health Organization.

“It is the answer to their call that rich nation must also fund the poor nation because no one is safe until everybody is safe,” aniya pa rin.

” After this, I’ve been to the other site I have to fly to Villamore because the AstraZeneca, about 478,000 darating. For those of you, wala ito sa speech ko, who would opt to take that vaccine, fine with me. Wala sa akin yan. Others might prefer other brands. The doctors are very discriminating,, they are waiting for Pfizer. Ang akin is Sinopharm, China. Hindi masyado ako maano dyan sa produkto ng puti. So ganon. But I will be receiving another, March,” dagdag na pahayag ng Pangulo.

“So, that’s how it is. You limit it, you cut travel and everything and all the commercial exchanges would grind to a halt,” ani Pangulong Duterte.

Kaya nga aniya kapag ang lahat aniya ng mga Filipino ay nagpabakuna, wala nang kulang at walang maraming kutso-kutso ay kaagad niyang bubuksan ang ekonomiya ng bansa.

“Hindi kailangan lahat, basta makita ko lang yan, that is the standard, hindi naman lahat sabay sabay yan eh. But if I see most of the citizens can avail of the vaccine in any of the health centers, hospitals, at wala nang, that is the standard, then I will reopening everything sa ating ekonomiya,” anito.

Sa ngayon aniya ay pigil siya dahil sa mga bata.

Tiniyak naman ng Pangulo na gagawin ng pamahalaan ang lahat ng makakaya nito para i- rollout sa buong bansa ang Covid-19 vaccination program para magawa ng gobyerno na muling mabuksan ang mga eskuwelahan at dahan-dahan na i-resume ang face to face learning.

“To our students, I hope that despite the challenges ahead you will persevere and strive hard to excel and reach your potential,” ayon sa Pangulo.

“Together let us pursue our shared aspiration for a stronger, brighter future of the Filipino people,” dagdag na pahayag ng Punong Ehekutibo.

Samantala, isa sa top priority ng administrasyong Duterte ang gawing de-kalidad ang edukasyon.

Sa katunayan aniya, ang taunang budget ng edukasyon ay pinakamataas sa lahat.

“The highest ng pera mapunta number 1 is education, mas mababa yung agriculture, it’s education, i don’t know te second, i can only remember the first because of the huge money allotted for the education department,” ayon sa Chief Executive.

“When I ran in 2016, i promised our people that by the end of my term, we would have built conducive, inclusive and resilient learning environment for our students. Sa awa ng Diyos mukhang natupad ko man, medyo hindi naman lahat, baka 1/4 of a whole. Ok na yan given the expenses that we have to fund and of course the antagal eh, the time needed to construct. Kakatapos lang and I remember it was in 2016 I was not yet the President,” lahad nito.

Ikinuwento ng Pangulo na ang kanyang ina ay isang retired public school supervisor. Isang guro sa buong buhay nito.

“Sa totoo lang ang malapit sa akin, sa puso, ang mga maestra. Pero nung nag increase ako ng salary, I already saw what was happening, pati ngayon nakikita ko na how it would develop within the next five years. I see… problems that we need money all the time for everyone na hindi naman talaga magkasya. Nakatarget ako doon. we were doing fine. our rating was BBB next to that is A, our credit ano natin. Hanggang ngayon pinahiram tayo pero mababa na lang kasi wala tayong pambayad, but DBP and World Bank were maybe a good spirit in them allowed us to borrow money to buy Covid vaccines. Nagiipon na po ako sa totoo lang, kasi sabi ko next ang teacher, totoo yan, nandyan si Secretary Briones. She’s maybe old but she’s a brilliant, professor of UP. maybe, summa ka ba Ma’am?,” litaniya ng Pangulo. (Daris Jose)

Kelot nahulog sa bubong, patay

Posted on: March 6th, 2021 by @peoplesbalita No Comments

Todas ang isang 24-anyos na lalaki matapos mahulog mula sa bubong ng isang warehouse makaraang tumilapon nang sumabog ang transformer sa poste ng meralco sa Malabon city, kahapon ng umaga.

Kinilala ang nasawing biktima na si Jonathan Constantino, 24, plumbing at residinte ng No.212 B. Enriquez St., Brgy. Panghulo, Ubando Bulacan.

Sa pahayag sa pulisya ng saksing si Jovirth Labaton , 25, ng No.212 B. Enriquez St., Brgy. Panghulo, Ubando Bulacan na dakong 8:45 ng umaga nang maganap ang insidente sa loob ng Unican Compound No. 202 Gov. Pascual Ave., Brgy. Catmon, Malabon City.

Lumabas sa imbestigasyon ng pulisya, umakyat ang biktima at kanyang dalawang ka-trabaho sa bubong ng warehouse kung saan sila nagtatrabaho sa loob ng naturang Compound.

Matapos nito, bigla na lamang sumabog ang transfornmer sa poste ng meralco na naging dahilan upang tumilapon ang biktima dahil sa malakas na boltahe at mahulog mula sa bubong na nagresulta ng kanyang kamatayan.

Patuloy naman ang imbestigasyon ng pulisya sa naturang insidente. (Richard Mesa)

PDu30, umapela na magpabakuna na laban sa Covid -19

Posted on: March 6th, 2021 by @peoplesbalita No Comments

UMAPELA si Pangulong Rodrigo Roa Duterte sa mamamayang Filipino na magpabakuna na laban sa Covid-19. Ito’y matapos pangunahan ni Pangulong Duterte ang pagsalubong, Huwebes ng gabi, pagsaksi at pagtanggap sa pagdating ng bakunang AstraZeneca mula sa COVAX Facility sa Villamor Air Base, Lungsod ng Pasay.

“On this note, I would like to appeal to all our kababayans please get vaccinated against Covid-19 and be the government partner in preventing further spread of the disease. I encourage you to get vaccinated as a soonest possible time. These vaccines are safe and they are the key to reopening our society,” ang pahayag ng Pangulo.

Hinikayat din niya ang sambayanang Filipino na ipagpatuloy lamang ang health and safety protocols.

“Let us continue observing and practising health and safety protocols while waiting for more Covid-19 vaccines to reach the Philippines. We may not be out of the woods yet but we are making progress and the end is in sight, and with your cooperation, we will overcome this pandemic and ensure the health and safety of everyone,” anito.

Sa naging talumpati ni Pangulong Duterte ay sinabi nito na winelcome ng Pilipinas ang first batch ng mahigit 487,200 doses ng Astrazeneca vaccines.

Pinasalamatan ng Chief Executive ang covid facility co-led na Coalition for Epidemic Preparedness Innovations at world health organization, kasama rin ang partner nitong UNICEF para sa pagde-deliver ng nasabing bakuna.

Gaya aniya ng kanyang nabanggit noon, ang mga bakuna ay kailangang ituring bilang global public good.

“The need for international solidarity and cooperation cannot be made clearer than this pandemic because everyone is safe, no one is safe globally until everyone is safe,” ayon sa Pangulo.

Sa kabilang dako, pinuri naman nito si vaccine czar Secretary Carlito Galvez, ang Inter Agency Task Force (IATF) on the management of emerging infectious diseases at ang department of health para maging posible ang bagay na ito.

“Let me thank you, to our key partners in the entire international community represented by their ambassadors tonight. Their cooperation in public health is very much needed, positive engagement is very much welcome. these vaccines manufactured by the United States, Astrazeneca in partnership with Oxford University, will further boost our ongoing national vaccine program. It also comes a few days after the arrival of the donated vaccines from China and our highly successful vaccination rollout in various Covid-19 referral hospitals in the country,” ang pahayag ng Pangulo.

Pinagkalooban aniya ng Food and Drug Administration ng Pilipinas ng kinakailangang emergency use authroization (EUA) ang AstraZeneca vaccine noong nakaraang buwan upang maging eligible ito para sa distribusyon at paggamit sa bansa.

“Our health authorities are also actively collaborating with the international counterparts in conducting continuous studies on vaccine safety and efficacy,” aniya pa rin.

Inatasan naman ng Pangulo ang lahat ng government agencies na aktibong i- institutionalize at panatilihin ang “whole of government approach” sa pagtugon sa Covid-19 situation sa bansa.

Tiniyak naman ng Pangulo sa sambayanang filipino na ipagpapatuloy ng pamahalaan ang pagsisikap na masiguro na agad na maipamamahagi ang bakuna sa mga komunidad.

Hindi naman malaman ng Pangulo kung paano niya ipahahayag ang kanyang labis na pasasalamat sa mga donor countries dahil naalala ng mga ito ang mga mahihirap na bansa gaya ng Pilipinas na aniya’y “is in fact already a plus for humanity.”

“And in behalf of the republic of the Philippines and of the people, and all, I’d like to say again that we felt the gratitude in our hearts and may God bless you for your benevolence. Thank you,’ pahayag ng Chief Executive.

Samantala, kasama ng Pangulo na sumalubong sa pagdating sa bansa ang ilang miyembro ng kanyang gabinete at si Senador Bong Go. (Daris Jose)