PAANO masasabing credible ang listahan ng greatest performances ng mga artista kung hindi kasali sa listahan si Nora Aunor?

Naglabas ang PEP or Philippine Entertainment Portal ng listahan ng 15 Greatest Movie Actresses in Leading Roles for the last 20 years (2000 – 2020) pero wala si Ate Guy sa listahan, na kung saan pasok sa Top 5 sina Vilma Santos, Judy Ann Santos, Claudine Barretto, Maricel Soriano at Jaclyn Jose.

Kaya may kumuwestiyon kung bakit they ignored Ate Guy.

Ang sagot ng PEP, based daw ang listahan sa mainstream movies.

So, may listahan ba sila ng greatest performances mula sa indie films?

Actually, in coming out with a list of best performances, di nga dapat paghiwalayan ang indie sa mainstream dahil pareho lang naman pelikula ang mga iyan.

Wala dapat segregation. Kasi if you do that, parang minememos mo ang kalidad ng indie films.

Eh, there are some indie films na mas maganda compared to mainstream films.

Indie films man ang ginawa ni Ate Guy, mahusay naman ang kanyang pagganap. She won many awards for the said movies tulad ng Thy Womb na multi-awarded both here and abroad.

So, hindi namin masasabi na credible ang listahan ng PEP dahil some of the performances in the list are inferior compared to the movies of Ate Guy and other indie films the performances they chose to ignore.

Kaya kung makatanggap sila ng batikos because of their choices it is because hindi katanggap-tanggap ito.

***

DAHIL only child siya, suportado ni Ryan Bang ang kanyang ina based in Korea.

Madalas daw siya tawagan ng kanyang kapag nalulungkot ito. Sinasabi raw ng kanyang ina na depressed ito at nalulungkot at wala itong pambili ng ulam.

Kaya raw pag tumawag ang kanyang ina at sinabing wala itong pambili ng ulam, alam na raw niya na naglalambing ito at gustong humingi ng pera sa kanya. Kaya agad naman daw siyang nagdedeposit sa account nito.

Aminado rin naman si Ryan na apektado ang trabaho niya dahil sa pandemya. Hindi naman daw ganoon kalaki ang kanyang kinikita since nagkaroon ng pandemic last year. Pero importante pa rin for Ryan na makapagbigay siya ng kahit konting financial help sa kanyang ina,

“Hindi na mahalaga ‘yung amount, alam din naman ng nanay ko sa Korea na siyempre, lahat naman tayo may pinagdaraanan,” dagdag ng binata.

Matagal nang hiwalay ang mga magulang ni Ryan kaya mag-isa na lamang ding naninirahan sa Korea ang ina. Ayon sa aktor ay minsan nang nagkaroon ng kasintahan ang ina na halos hindi niya matanggap.

“’Yung tunay na mommy ko sa Korea, single din siya, single mom. No’ng meron na siyang boyfriend, nahirapan ako magtanggap. Pero at the end of the day, naiintindihan ko siya. Kasi babae pa rin ‘yung nanay ko. Kailangan pa rin niya ng lambing, hindi lang anak, ‘yung lambing ng pag-ibig kasi babae pa rin ‘yung puso niya,” pagbabahagi ng aktor.

Kasali si Ryan sa Mother’s Day offering ng Regal Entertainment titled Mommy Issues where he plays the love interest of Pokwang.

Kasama rin sa movie sina Jerome Ponce at Sue Ramirez. Ito ay mula sa direksyon ni Jose Javier Reyes.  (RICKY CALDERON)

MAGKASUNOD na may binigyan ng simple na surprise pa-birthday si Kris Aquino.

Una na ang kanyang loyal and trusted P.A. na si Alvin Gagui at ang itinuturing na babaeng anak na si Miles Ocampo.

     Base sa video, natulog o nag-stay si Miles sa kanyang “Nanay Kris.”  Hindi lang kami sure kung sa buong araw ng birthday niya, si Kris at Bimby ang kasama ni Miles at hindi ang kanyang mga magulang at kapatid.

Maagang natulog si Kris at halatang may sakit nga ito, kaya 4:30 ng hapon nang batiin na nila si  Miles. Touch na touch naman ang young actress dahil parang may seal na talagang babaeng anak siya ni Kris at sinabi pang “Miles Cojuangco Aquino” ito.

Nagkasama ang dalawa dati sa seryeng Kailangan Ko’y Ikaw may walong taon na ang nakararaan, pero consistent ang naging closeness nilang dalawa bilang mag-nanay-anak.

Kung sa kanyang P.A. na si Alvin ay nabuking nito sa mga magulang nito ang P.A. na nagka-COVID-19 noong August at dalawang buwan silang hindi nagkita, si Miles naman, sa isang post ni Kris ay tila nabanggit niya na may “pinagdadaanan” ito pero, it’s not her (Kris) story to tell na raw.

Hmmm….

Wish ni Kris na sana raw, maging magaling o kilala itong director rin tulad nina Antoinette Jadaone at Joyce Bernal.

***

NAG-TRENDING na ang aktres na si Sunshine Dizon nang i-welcome na nga siya bilang bagong Kapamilya sa Twitter at natuwa ito.

Hindi lang daw niya alam kung naïve lang talaga siya, pero, nagulat at natuwa siya na big deal daw pala.

Pero halatang mas natuwa at sabi nga niya ay kinilig siya dahil noong Sabado, nag-trending na naman siya sa Twitter Philippines.  Ang hashtag na Sunshine Dizon as Dr. Foster ang nag-trend.

Sabi ni Sunshine, “Hala seryoso nga. I’m super duper flaterred. Kayo na at sakalam.”

     Nagsunod-sunod na ang tweet nito nang, “Uy seryoso kinilig akong makita yung pangalan ko nag-trend at mga Kpop.  Parang feeling ko tuloy bigla I belong.  Nilamon na din ako ng kdrama. Maraming Salamat sa inyo.

     “This is really one of my proudest moment as kdrama fan. Thank you.”

Hindi rin makapaniwala si Sunshine na kahit daw madaling-araw na, nagti-trending pa rin siya at tuwang-tuwa ito na 20k tweets na, kalahati na raw sa tweet na nakuha ng Vincenzo.

Ang Vincenzo ang kasalukuyang K-drama ni Song Joong Ki at nasa finale episode na kasi ito kaya mas maingay pa.

Sey ni Sunshine, “Hala kayo nasa 20k na kalahati ng Vincenzo iba rin. Matindi ata pinaglalaban at paninindigan natin today.”

At huling tweet niya, “Hala kayo alas dose na! Sorry naman last 2 episodes na lang kasi ng Vincenzo. Tulog na po.  Maraming Salamat sa di inaasahang labor day trending kasabay ni Vincenzo at BTS. Mahal ko kayong lahat.”

Nakausap naman namin si Sunshine tungkol nga sa Doctor Foster o The World of the Married na nakuha ng ABS-CBN ang rights for adaptation. Na noong malaman na Kapamilya na nga siya, biglang pumutok at naging maingay ang pangalan niya na siyang choice ng ilang netizens na gumanap bilang si Dra. Ji.

At dahil nga raw ang daming nagta-tag sa kanya, pinanood niya ito at natapos daw niya ng apat na araw lang. Gandang-ganda si Sunshine at kung ibibigay nga raw sa kanya, “why not, ‘di ba?,” sey niya.

Wala naman daw nababanggit sa kanya at never na napag-usapan kasabay ng paglipat niya dahil at present, ang project niya sa Dos ay ang Marry Me, Marry You.  Pero kung kailangang mag-audition, willing daw siyang gawin.

Sabi pa niya, “Sobrang relate! Ha ha ha!  Actually, parang kahit nakapikit ang mata ko, kaya ko siyang gawin. Ha ha ha!”

***

NAKAUSAP namin ang Kapuso star na si Dave Bornea at nalaman namin na naging COVID-19 positive rin pala ito nitong March 2021 lang.

Makokonsider raw niyang asymptomatic siya dahil wala naman daw siyang ano mang symptoms na naramdaman, pero dahil kasama raw niya sa bahay ang iba pang mga kaibigan niya from Cebu at kasamang dancers din, umalis daw muna ang mga ito at nag-isolate siyang mag-isa sa bahay.

Si Dave ang leading man ni Pauline Mendoza sa GMA afternoon prime na Babawiin Ko Ang Lahat Sa Akin at natutuwa ito dahil kahit pandemic, may mga works pa rin daw na pumapasok. Sa movie ay leading man naman siya ni Edgar Allan Guzman sa Ang Huling Baklang Birhen under Direk Joel Lamangan.

At speaking of “bakla,” aware na aware ang leading man ni Pauline na marami ang nagpapantasya sa kanya. Hindi nito itinanggi na nakatatanggap ng mga indecent proposal dahil na rin siguro sa mga hubad na katawan niyang pino-post sa social media.

Katwiran ni Dave, “Kaya lang naman po ako nagpo-post, summer kasi, mainit.”

Pero yun nga, may mga nagpi-presyo raw sa kanya o tinatanong siya kung magkano price niya. Hindi naman daw nao-offend si Dave dahil para sa kanya, it’s also a form of admiration.

Wala naman daw siyang sinasagot dahil una sa lahat, hindi naman daw niya kilala ang mga ito.  (ROSE GARCIA)