2021 June 02 Archive - People's Balita

December 22, 2024
Search in People's Balita
Ang Diyaryong Pinagkakatiwalaan

Archive for June 2nd, 2021

WBA crown ni Pacquiao ibabalik!

Posted on: June 2nd, 2021 by @peoplesbalita No Comments

Magiging world champion na naman si eight-division world champion Manny Pacquiao.

Ito ay dahil sa posibilidad na maibalik sa kanya ang World Boxing Association (WBA) welterweight title.

Inihayag ni WBA president Gilberto Mendoza na malaki ang tsansa na muling ibigay sa Pinoy champion ang world title matapos itong tanggalin sa kanya noong Enero.

Ikinuwento ni Mendoza na nakipag-uganayan si MP Promotions president Sean Gibbons sa WBA para hilingin na ibalik ang korona kay Pacquiao.

“Initially, the plan was for (Yordenis) Ugas to fight Pacquiao. But now, the (Errol) Spence fight was announced. (MP Promotions head) Sean Gibbons, who represents Manny, they’ve written a letter to be placed back in (as WBA “super” champion),” ani Mendoza saThaBoxingVoice.

Dahil sa aksyon ng kampo ni Pacquiao, kumikilos na ang WBA upang mapabilis ang proseso para ibalik sa Pinoy champion ang championship belt nito.

Nakatakdang sumalang sa matinding bakbakan si Pacquiao laban kay reigning World Boxing Council (WBC) at International Boxing Federation (IBF) welterweight champion Errol Spence sa Agosto 21 (Agosto 22 sa Maynila).

“We’re working on it. There’s a high probability. It has to be run through a championship committee and voted before being taken to the president,” ani Mendoza.

Noong Enero, tinanggalan ng WBA crown si Pacquiao dahil sa “inactivity” nito sa loob ng mahigit isang taon.

Matatandaang noong Hulyo 2019 pa huling lumaban si Pacquiao matapos irehistro ang split decision win laban kay Keith Thurman para maagaw ang WBA title.

Mula noon, hindi na nasilayan pa sa aksyon si Pacquiao dahil sa epekto ng coronavirus disease (COVID-19) pandemic.

Nakatakdang sagupain ni Pacquiao si Spence sa Las Vegas, Nevada.

At kung maibabalik ang WBA crown sa Pinoy pug, magsisilbi nang unification fight ang Pacquiao-Spence mega bout na inaasahang tatabo sa takilya.

Teaser Trailer For Edgar Wright’s ‘Last Night in Soho’ Reveals Neon-filled Time-traveling Ghost Story

Posted on: June 2nd, 2021 by @peoplesbalita No Comments

DIRECTOR Edgar Wright (Baby Driver and Shaun of the Dead) is coming back with a new film!

This time, it’s for the psychological horror film Last Night in Soho, which stars The Queen’s Gambit‘s Anya Taylor-Joy and Jojo Rabbit‘s Thomasin McKenzie.

Just before its release in the US, Focus Features dropped the film’s teaser trailer, which gives us a hint on how wild things will go in the film.

Check it out below: https://www.youtube.com/watch?v=tB9WUIv9KH8

Last Night in Soho follows McKenzie’s Eloise — an aspiring fashion designer who suddenly finds herself in 1960s London. It’s there that she ends up inside the body of Taylor-Joy’s Sandy — a wannabe singer, who’s also Eloise’s idol. She then realizes that 1960s is not as it appears to be and that the past and present seem to fall apart with shady consequences.

The film’s distributor, Focus Features, describes Last Night in Soho as a “psychological thriller,” which is a notable change of pace from Wright’s usual preference for action and comedy.

Wright’s toyed with horror before in Shaun of the Dead, but the Soho trailer, with its neon reds and blues and focus on knives and / or stabbing is also harkening back to popular Italian “giallo” horror films — specifically the work of director Dario Argento, even more specifically, his 1977 film Suspiria.

The film comes from director Edgar Wright, who also penned the script, alongside Krysty Wilson-Cairns. Joining McKenzie and Taylor-Joy in this film are Matt Smith, Diana Rigg, Rita Tushingham, Terence Stamp, Jessie Mei Li, and more.

Last Night in Soho is scheduled for release in US cinemas this October 22.

(ROHN ROMULO)

Pilipinas, kasama sa unang batch ng mga bansang makakabenepisyo sa vaccine donation ng Estados Unidos

Posted on: June 2nd, 2021 by @peoplesbalita No Comments

KABILANG ang Pilipinas sa first batch ng mga bansang mabibigyan ng vaccine donation ng Estados Unidos.

Sinabi ni Philippine Ambassador to US Jose Romualdez, naabisuhan na siya ng White House hinggil sa naturang inisyatibo ng amerika.

Iyon nga lamang ay hindi naman masabi ni Romualdez kung ilan mula sa 80 million doses na donasyon ng Amerika ang maibibigay sa Pilipinas.

Tiniyak ni Romuladez na puwede aniyang malaman sa linggong ito kung ilan ang maibabahaging donasyon sa Pilipinas at kung kailan sa pamamagitan na rin ng gagawing anunsiyo ni US President Joe Biden.

Ang hakbang na ito ng Amerika ay programa para sa mga nangangailangang bansa sa buong mundo at para sa mga kaalyado.

Siniguro ni Romualdez na “No strings attached” ang gagawing donasyon ng bakuna at ang naturang hakbang ani Romualdez ay paraan ng pagtulong ng Amerika sa mga bansang nangangailangan ng asiste sa gitna ng patuloy na paglaban ng buong mundo sa virus. (Daris Jose)

4 tulak timbog sa buy bust sa Malabon at Valenzuela

Posted on: June 2nd, 2021 by @peoplesbalita No Comments

MAHIGIT sa P.2 milyon halaga ng shabu ang nasamsam sa apat na hinihinalang tulak ng illegal na droga kabilang ang isang High Value Individual Regional Level na naaresto sa magkahiwalay na buy bust operation ng pulisya sa Malabon at Valenzuela Cities.

Ayon kay PCpl Pamela Joy Catalla, alas-12:45 ng madaling araw nang magsagawa ng buy bust operation ang mga operatiba ng Station Drug Enforcement Unit (SDEU) sa pangunguna ni PLT Joel Madregalejo sa M. Bernardino St. Brgy. Ugong na nagresulta sa pagkakaaresto kay Virgilio Silvano alyas “Butchok”, 29, matapos bentahan ng P500 halaga ng shabu ang isang pulis na nagpanggap na buyer.

Narekober kay Silvano ang nasa 7 gramo ng hinihinalang shabu na tinatayang nasa P47,600 ang halaga, buy bust money, P650 cash, cellphone at sling bag.

Dakong 1:15 naman ng madaling araw nang matimbog din ng kabilang team ng SDEU si Dennis Calbayar, 36, matapos bentahan ng P8,000 halaga shabu ang isang pulis na nagpanggap na buyer sa buy bust operation sa kanyang bahay sa 6906 Balanti St. Brgy. Ugong.

Ani SDEU investigator PSSg Ana Liza Antonio, nakuha kay Calbayar ang nasa 7 gramo ng hinihinalang shabu na tinatayang nasa P47,600 ang halaga, buy bust money na binubuo ng isang tunay na P500 bill at 15 pirasong P500 boodle money, P390 cash, cellphone at leather pouch.

Samantala, nasakote din ng mga operatiba ng Malabon Police SDEU sa pangunguna ni PLT Amadeo Tayag Jr, si Richard Segovia alyas “Poyong”, 44, (Pusher/ High Value Individual Regional Level) ng Bignay St. Brgy. Potrero at Ronald Arciaga, 36, tricycle driver ng Sito 6, Brgy. Catmon sa buy bust operation sa Industrial Road, Brgy. Potrero dakong alas-10 ng gabi.

Nakumpiska sa mga suspek ang nasa 16 gramo ng hinihinalang shabu na tinatayang nasa P108,800 ang halaga at P500 buy bust money. (Richard Mesa)

TRAVEL BAN SA VIETNAM, POSIBLE

Posted on: June 2nd, 2021 by @peoplesbalita No Comments

PINAG-AARALAN kung magpapatupad ng travel ban sa Vietnam upang maiwasan ang magpasok ng sinasabing hybrid variant .

Pero ayon kay Health Usec Maria Rosario Vergeire, hindi pa puwedeng pangunahan dahil kailangan pang iberipika at wala pang sapat na ebidensya na ang nasabing variant na kombinasyon ng India at UK variant .

Ayon pa kay Vergeire, pinag-aaralan na ng mabuti ng World Health Organization (WHO) ang ulat matapos magpalabas ang gobyerno ng Vietnam hinggil sa mix variant na base sa kanilang pag-aaral at mabilis na makahawa sa pamamagitan ng hangin upang makapagbigay ng guidelines.

Aniya, nagpalabas na rin ng announcement ang WHO na hindi pa nakukuha lahat ang mga detalye at nakikipag-ugnayan pa ito sa Vietnam.

Ang WHO rin aniya ang nagka-classify ng variant of concern .

“If ever this would be proven na totoo nga po at mayroon talaga soyang concrete na ebidensya na this would happen , WHO would guide all countries kung ano ang gagawin”, ani Vergeire.

Gayunman, mayroon naman aniyang ipinatutupad na safeguards sa ating bansa .

Nanatili aniya ang mga protocol para sa mga travellers na papasok sa bansa .

“If that would be something na sasabihin ng WHO at sinabi nila na ang classification is of concern, nandiyan po yung posibilidad na maaring gawin yan para lamang ma-prevent ang pagpasok ng ganitong variant sa ating bansa”, pahayag pa ni Vergeire kaugnay s pagpapatupad ng travel ban sa Vietnam,.

Sapat naman ayon kay Vergeire ang ipinapatupad na protocol ngunit kung napatotoo ang nasabing bagong variant mula Vietnam ay kailangan lamang na iintensify o mas higpitan ang mga protocols na ito. (GENE ADSUARA)

Higit 5 milyong Pinoy bakunado na

Posted on: June 2nd, 2021 by @peoplesbalita No Comments

Naitala na sa 5,120,023 ang kabuuang Pilipino na nabibigay ng COVID-19 vaccines sa iba’t ibang vaccination centers sa bansa, ayon kay Vaccine Czar Carlito Galvez Jr. kahapon.

Sa naturang bilang, nasa 1,189,353 ang nakakumpleto na ikalawang dose ng bakuna o ‘fully-vaccinated’ na.

Kabilang dito ang 1.4 milyon o 93 porsyento ng health workers na nabakunahan, na ang 664,000 ay fully vaccinated na.

Sa mga senior citizens, nasa 1,368,836 o 13.8 porsyento ng 9 milyong seniors ang nabakunahan habang nasa 1.15 milyon o 22.7 porsyento ng mga Pilipino na may ‘comorbidities’ ang nabakunahan na rin.

Sa kabila nito, sinabi ni Galvez na kailangan pa ring maitaas sa 500,000 bakuna ang maisagawa kada araw sa Metro Manila, Metro Davao, Metro Cebu, at anim pang urban areas para maabot ang inaasam na ‘herd immunity’ sa pagsapit ng Nobyembre 27.

Ngunit ito ay magiging depende pa rin umano sa tuluy-tuloy na pagdating ng suplay ng bakuna. Tiwala si Galvez na mababakunahan na ang nasa 30 porsyento ng populasyon pagsapit ng Agosto o Setyembre.

Ang ‘best scenario’ na inaasahan ng pamahalaan ay mararating ang ‘herd containment’ sa Setyembre o Oktubre ngunit kung magkaroon ng problema sa suplay ng bakuna ay maaaring umabot ang target na petsa sa unang quarter ng 2022 pa.

KORINA, proud na proud na pinost ang kanyang white bathing suit shot; fresh episodes ng ‘Rated Korina’ dapat abangan

Posted on: June 2nd, 2021 by @peoplesbalita No Comments

MAY pasabog na naman na IG post si Korina Sanchez-Roxas bago matapos ang Tag-init na kung saan proud na proud niyang ibinalandra ang series of photos na suot ang white one-piece bathing suit.

May caption ito ng, “Just sayin’. At my age, I don’t think twice about posting a good bathing suit shot. Why? I work for my health and fitness. And I’d like to inspire (if I do at all). At my age, I get a thrill if someone likes how I take care of myself. “Time will come when I won’t be able to do bathing suit shots anymore because it’ll ruin people’s day.

“But that ain’t today I think. So, thanks for cheering me on. #Bestlife.”

Sa true, may ‘K’ pa rin si Ate Kuring na mag-bathing suit at marami siyang nai-inspire na maging healthy ang beautiful sa kabila ng kanilang edad, kaya naman natuwa ang followers niya at celebritry friends na ni-reply-an niya na parang hinahamon na mag-post din ng kanilang bathing suit shot.

Samantala, sa nakaka-miss na Rated Korina na pansamantalang ‘di muna napapanood sa TV5 dahil nag-season ender na, pero ‘wag mag-aalala dahil magbabalik ang show ni Korina ngayong Hunyo.

Nag-post siya ng photo ng kanyang team at say niya, “And the Rated Korina Team is raring to be back with a wider audience with fresh episodes this June, telling stories like only we can tell.

“ABANGAN! #RatedKorina #PangRatedKorinaYan.”

***

SIMULA nang ipatupad ang lockdowns sa bansa para maiwasan ang pagkalat ng Covid-19, kaliwa’t kanang diskarte rin ang mga Pinoy para mabuhay at maitaguyod ang kanilang mga pamilya.

Dahil dito, tinitiyak ng Globe sa pamamagitan ng Globe At Home Prepaid WiFi na makapagbigay ng serbisyo na bagay sa badyet ng bawat isa para mailabas ang galing ng mga Pinoy at masigurong mas malayo ang kanilang mararating sa kabila ng pandemya.

Kapag abot-kaya ang Internet, kahit sino ay makakakuha ng pantay na access sa impormasyon, pantay na oportunidad para maging produktibo at magkaroon ng maayos na trabaho, at pantay na pagkakataong masubukan ang world-class na entertainment, bukod sa iba pang mga bagay.

Kaya naman sulit na investment ang pagkakaroon ng Globe At Home Prepaid WiFi para sa bawat pamilya. Sa halagang P999 ay may modem ka na at may libreng 10GB data pa kaya naman bawat miyembro ay madaling makaka-access sa internet. Hindi na kailangang magload pa sa kada cellphone dahil pwedeng-pwedeng pagsaluhan ng pamilya ang sulit na promos nito.

Maliban sa online classes, work-from-home, at family bonding, malaking tulong din ang HPW sa madiskarteng Pinoy na gumagamit ng social media para mai-promote ang kanilang home-based na mga negosyo na pandagdag sa pantustos ng pamilya.

“Nais namin sa Globe na bawat bahay sa Pilipinas ay magkaroon ng maaasahan at mabilis na internet connection. Ang Globe At Home Prepaid WiFi at mga sulit na promos nito ang isa sa mga tulay para matupad ang hangaring ito at mabigyan ng pagkakataon na makaahon ang bawat pamilya at i-pursue ang mga pangarap nila sa buhay,” ayon kay Darius Delgado, Globe Vice President at Head ng Broadband Business.

Ang Globe At Home Prepaid ay maraming mga sulit na promo. Halimbawa na lang ang latest na HOMESURF 99 promo nila na valid for five days. May kasama na itong 10GB ng data para sa lahat ng website at 5GB (1GB kada araw) para sa YouTube, Google Classroom, Lazada, Facebook, at marami pa.

Sinigurado ng Globe At Home na bukod sa abot-kayang mga promo, madali rin ang pagpapa-load gamit ang mga app tulad ng GCash, Globe At Home, o GlobeOne. Lahat ito ay available sa Google Play Store para sa mga Android devices, at App Store naman para sa mga iOS devices. Maaari ring pumunta sa pinakamalapit na Globe Store o partner retailers para magpa-load.

Para sa iba pang mga promo, bisitahin ang: https://www.globe.com.ph/help/broadband/prepaid-wifi/promos.html

(ROHN ROMULO)

GINANG BINARIL NG ISANG PULID SA KYUSI PATAY

Posted on: June 2nd, 2021 by @peoplesbalita No Comments

PATAY ang isang ginang matapos na barilin ng isang galit-na galit na pulis sa may Commonwealth QC gabi ng Lunes Mayo 31. Kinilala ang biktima na si Lilybeth Valdez habang ang suspek na pulis ay kinilalang sia P.Master Sgt. Hensy Sinampan nakatalaga sa Kampo Crame sa PSPG. Sa panayan ng anak ni Valdez sa isang himpilan ng radyo sa DzBB ay sinabi nito na ang simula ng galit ng pulis ay dahil sa noong May 1 ay nagkaroon ng alitan ang kanyang kapatid na lalaki na humatong umano sa suntukan.

Sa di malaman na dahilan ay pinagbalingan ng pulis ang nanay nila nang makita ito na bumibili sa isang sari-sari store. Ayon sa anak ng biktima ay nakunan pa ng video ito at sa naturang video umano ay nakita na nilapitan ni Sinampan si Valdez at sinabunutan hanggang sa paputukan ito ng pulis sa may leeg nito.

Ayon namna kay QCPD Staion-5 commander P.Lt./Col Melchor Rosales ay naaresto na nila ang naturang pulis ay nakapiit ngayon sa Kampo Karingal. Samanta ayon kay Chief PNP Guilllermo Eleazar ay ito ang dahilan sa paghihigpit niya sa recruitment at mga pulis upang maiwasan ang mga ganitong pangyayari . Galit at dismayado rin si Eleazar sa pamamaril ng naturang pulis (RONALDO QUINIO)

Kai Sotto babalik muli ng PH para sa Fiba Asia Cup qualifiers

Posted on: June 2nd, 2021 by @peoplesbalita No Comments

Inaasahang darating sa pilipinas ang 7-foot-3 basketball prodigy na si Kai Sotto upang maging bahagi ng Gilas Pilipinas sa Fiba Asia Cup qualifiers na gaganapin sa Clark, Pampanga.

Ang 19-anyos na na si Sotto ay una nang pumirma sa koponan na Adelaide Tigers na naglalaro sa Australian professional league ay kinailangan munang sumailalim sa RT-PCR test sa Amerika lalo na at magkakaroon siya ng stop over sa Japan.

Gayunman inaasahang hindi na siyang makakasama sa training ngayon ng Gilas cadets sa Inspire Sports Academy bubble sa Calamba, Laguna bunsod ng mahigpit na protocols at sasailalim pa siya sa 14 na araw na quarantine.

Ang prestihiyosong torneyo ay sa itinakda sa June 16 hanggang June 20.

Dalawang beses ang laro ng Pilipinas sa karibal na Korea at isabang beses naman sa Indonesia.

Isang panalo na lamang ang kailang ng Pilipinas upang umusad.

Kung sakaling hindi makahabol sa Clark bubble si kai Sotto, sigurado namang makasama siya sa final Olympic Qualifying Tournament ng Gilas na gagawin sa Serbia sa June 29.