2021 July 06 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for July 6th, 2021

Pacquiao simula na sa training camp sa US

Posted on: July 6th, 2021 by @peoplesbalita No Comments

Nasa Amerika na si eight-division world champion Manny Pacquiao upang doon ipagpatuloy ang training camp nito para sa unification fight laban kay reigning World Boxing Council (WBC) at International Boxing Federation (IBF) welterweight king Errol Spence Jr. sa Agosto 21 (Agosto 22 sa Maynila).

Bago umalis ng Pilipinas, muling iginiit ni Pacquiao na walang makapipigil sa laban at tuluy na tuloy ito.

“Tuloy ang laban!,” ani Pacquiao sa kabila ng banta ng Paradigm Sports na pipigilan nito ang laban dahil sa umano’y “breach of contract.”

Kasama ni Pacquiao na tumulak sa Amerika si chief trainer Buboy Fernandez kung saan naghihintay na sa Wild Card Gym sa Hollywood, California si Hall of Famer Freddie Roach.

Mabibigat na ensayo na ang pinagdaanan ni Pacquiao sa General Santos City kung saan sumalang ito sa ilang sparring sessions.

Ngunit inaasahang mas mataas na lebel ng training camp pa ang nakaabang kay Pacquiao sa Wild Card Gym para matiyak na handang-handa ito sa laban.

Noong Hunyo pa nagsimula sa matinding workout para sa laban si Pacquiao.

Sa Wild Card Gym din babalangkasin ng Team Pacquiao ang magiging game plan ng Pinoy champion para kay Spence.

May nakahanda nang plano si Fernandez para sa laban at inaasahang isasama pa ang sariling game plan ni Roach para lubos na matiyak ang panalo ni Pacquiao.

Bumibili ng bakuna mananagot din – PNP

Posted on: July 6th, 2021 by @peoplesbalita No Comments

Tahasang sinabi ni Philippine National Police (PNP) chief Gen. Guillermo Eleazar na hindi lamang ang mga nagbebenta ng hindi awtorisadong CoViD-19 vaccine ang kanilang huhulihin kundi papanagutin din ang mga mismong tumatangkilik o bumibili nito.

Ayon kay Eleazar, hindi dapat na pagkakitaan ang bakuna sa panahon ng pandemya. Aniya, mga taong may halang lamang ang kaluluwa ang gumagawa nito.

Sinabi ni Eleazar na lumalakas ang loob ng mga iilan na magbenta ng iligal dahil na rin sa kagustuhan ng ilang consumer.

Mas makabubuti aniya kung makikipagtulungan ang publiko na madakip ang mga nagbebenta at matukoy ang nasa likod nito.

“Binabalaan din natin ang ating mga kababayan na huwag tangkilikin ito, dahil kasama kayo sa mga kakasuhan dito.”

Sinabi ni Eleazar na inalerto na niya ang mga pulis laban sa mga mananamantala at magbebenta ng bakuna.

Kamakalawa ay dinakip naman ng National Bureau of Investigation ang tatlo katao na iligal na pag-bebenta ng bakuna sa halagang P840,000 ang 300 dose ng CoronaVac. (Gene Adsuara)

PAOLO, matapang na tinanggap ang hamon ng nudity at frontal exposure sa launching movie na ‘Lockdown’

Posted on: July 6th, 2021 by @peoplesbalita No Comments

NAG–TRENDING sa Twitter ang trailer ng Revirginized, ang upcoming movie ni Megastar Sharon Cuneta, under the direction of Darryl Yap.

Lumabas ang trailer last Sunday and for sure, marami ang na-curious dito kaya nag-trending. Nang unang lumabas ang balita na may gagawin movie si Sharon with Daryl Yap ay marami ang nagulat, especially ang mga Sharonians.

Iniisip nila na hindi bagay sa kanilang idol na magpadirek kay Daryl Yap dahil laging may kakabit na kontrobersiya ang mga projects nito.

Pero siya Sharon na mismo ang nagpalis nang agam-agam ng kanyang mga fans when she said na hindi dapat magulat ang mga ito sa Revirginized.

Yes, the movie is different from all the movies na nagawa na niya before but bilang aktres, may karapatan naman siya na mag-experiment sa mga projects na gagawin niya.

Nagustuhan niya ang script ng Revirginized kaya niya ito tinanggap. At naniniwala si Shawie na magandang comeback vehicle ito for her sa Viva Films.

Napanood namin ang trailer and yes, kakaibang Sharon nga ang mapapanood natin sa pelikula. First time natin mapapanood si Sharon uttering those kinds of dialogues na hindi natin mai-imagine na gagawin niya.

But she is just playing a role and it’s nice to see her do something edgy, out of the ordinary na nakasanayan na natin.

After watching the trailer, mas lalo kaming na-curious na mapanood ang pelikula kasi kakaiba ang dating nito sa amin. Bihira natin mapanood si Sharon in a comedy. And Revirginized borders on the risqué.

“Risque” means slightly indecent and liable to shock, especially by being sexually suggestive.

Pero welcome change naman ito for Sharon. At may reminder na siya sa kanyang mga fans na huwag ma-shocked dahil pelikula lang naman ito.

Besides, babalik din naman siya ng projects na wholesome ang dating. Pagbigyan na natin si Ate Shawie to do something “shocking” for a change.

No wonder, nag-trending ang Revirginized dahil kakaiba ito. Abangan natin ang movie when it streams sa Vivamax on August 6.

***

IMPRESSIVE ang performance ni Paolo Gumabao sa launching movie niya na Lockdown.

Ito ang biggest role ni Paolo and he acquitted himself well. Mahusay ang kanyang pagganap for a newcomer. Worthy of an acting nomination, if not the award itself.

May frontal nudity si Paolo sa Lockdown at walang kiyeme siyang sumabak sa mga ito. Sa audition pa lang daw ay alam na niya na may mga ganoong maseselan na eksena at willing naman siya na gawin ang mga ito.

Ayon naman kay Direk Joel Lamangan, sa mga actor na nag-audition, tanging si Paolo ang matapang na tinanggap ang hamon ng nudity at frontal exposure.

‘Yung ibang actor daw ay hindi willing mag-frontal. Kung pwede raw dayain na lang. Pero necessary sa takbo ng kwento ng cybersex ang nudity kaya si Paolo ang napili ng production na magbida.

Pati ang ibang co-stars ni Paolo, who are playing cybersex workers, ay may frontal nudity rin.

Pero maganda ang kwento nig Lockdown, na sinulat ni Troy Espiritu, dahil ipinakita rito ang kapalarang sinapit ng maraming mga Pilipino, kabilang ang mga OFWs dahil sa pandemya.

Maraming nawalan ng trabaho. Walang makain ang ibang tao tapos mahirap magkasakit kung wala kang pera.

Bilang si Danny (ang karakter niya sa movie), napilitan si Paolo na pumasok bilang sex worker sa isang cybersex den para maipagamot ang kanyang amang may sakit.

“Kaya, sana, people should watch ‘Lockdown’ kasi lahat ng ipinakita namin dito is a reflection of reality, kung ano talaga ang nangyayari ngayon sa totoong buhay,” sabi ni Paolo.

Produced by the For the Love of Arts Films, the uncut version of Lockdown is streaming worldwide on July 23, 2021 through ktx.ph, upstream.ph and RAD (iamrad.app)

(RICKY CALDERON)

Ads July 6, 2021

Posted on: July 6th, 2021 by @peoplesbalita No Comments

IATF, nagpalabas ng protocols para sa fully vaccinated individuals

Posted on: July 6th, 2021 by @peoplesbalita No Comments

NGAYONG LINGGO ay nagpalabas ang Inter-Agency Task Force (IATF) ng protocols para sa fully vaccinated individuals.

Ayon kay Presidential Spokesperson Harry Roque, ang mga fully vaccinated individual ay nabakunahan na ng dalawang linggo o higit dalawang linggo matapos na makatanggap ito ng second dose sa 2-dose vaccine; sa mga single dose vaccine naman ay kinakailangan na dalawang linggo o higit na dalawang linggo nang nabakunahan ang fully vaccinated individual pagkatapos niyang matanggap ang single-dose vaccine.

Pangalawa, ang fully vaccinated individual ay kinakailangang naturukan ng bakuna na nasa Emergency Use Authorization (EUA) List o Compassionate Special Permit (CSP) na ipinalabas ng Philippine Food and Drug Administration o Emergency Use Listing of the World Health Organization.

Samantala, patuloy na pinapayagan ang intrazonal movement ng fully vaccinated na mga senior citizens o lolo at lola sa mga lugar na nasa ilalim ng General Community Quarantine at Modified General Community Quarantine.

Ngunit, kailangan pa ring magpakita ng mga ito ng COVID-19 domestic vaccination card na inisyu ng lehitimong vaccinating establishment, o certificate of quarantine completion na nagpapakita ng kanilang vaccination status na inisyu naman ng Bureau of Quarantine.

Sa kabilang dako, pagdating naman sa interzonal travel na pinapayagan ayon sa pertinent resolution ng IATF at probisyon ng “Omnibus Guidelines on the Implementation of Community Quarantine in the Philippines, as amended,” ang pagpapakita ng COVID-19 domestic vaccination card na nilagdaan at inisyu ng isang lehitimong vaccinating establishment, o certificate of quarantine completion na nagpapakita ng holder’s vaccination status na inisyu ng Bureau of Quarantine ay ‘sufficient alternatives” sa kahit na anumang testing requirement (before travel or upon arrival) na hinihingi ng lokal na pamahalaan.

“Uulitin ko po huh? Tama na po iyong certificate of vaccination at hindi na kinakailangang magpakita ng PCR,” ayon kay Sec. Roque.

Itong interzonal travel ay mag-a-apply din sa fully vaccinated senior citizens.

Kailangan din ng byahero na sumailalim sa health at exposure screening pagdating sa local government of destination.

Sa mga sitwasyong kung saan ang mga fully vaccinated individuals ay “close contacts” ng probable at confirmed COVID-19 cases, maaari silang sumailalim sa pinaka-maikling 7-day quarantine period kung sila ay mananatilin asymptomatic.

Kung kinakailangan naman ng RT-PCR testing, maaari itong gawin “not earlier than the 5th day” matapos ang petsa ng huling exposure.

Panghuli, hindi na kinakailangan ang testing at quarantine para sa close contacts na ma-traced paglagpas ng 7 araw mula sa huling exposure at nananatiling asymptomatic.

Kung nagpositibo sa RT-PCR test o naging symptomatic ang isang indibidwal ay kinakailangan na sumunod sa testing at isolation protocols.

“Ito na po ang protocol at inaatasan ang Department of Health (DoH) at iba pang ahensiya ng pamahalaan na amiyendahan ang kanilang issuances ayon sa protocol na ito,” ayon kay Sec. Roque. (Daris Jose)

Kaso ng Dengue sa Bulacan, bumaba ng 20%

Posted on: July 6th, 2021 by @peoplesbalita No Comments

LUNGSOD NG MALOLOS – Nakapagtala ang Provincial Health Office – Public Health ng 1,395 na mga suspected Dengue cases mula Enero 1 hanggang Mayo 29, 2021 na mas mababa ng 20 porsyento kumpara sa 1,734 na kasong naitala sa parehong panahon noong nakaraang taon.

Nasa edad isa hanggang 100 ang apektadong populasyon kung saan mga edad 11-20 ang pinakamaraming kaso at tatlo ang namatay na may kinalaman sa Dengue.

Sinabi ni Gob. Daniel R. Fernando ng Bulacan na maituturing na tagumpay ang nasabing datos dahil hindi na kakayanin ng lalawigan ang pagdagsa ng mga tao sa ospital habang humaharap ang mundo sa pandemya.

“Dumating na ang tag-ulan, hindi natin dapat ipagwalang bahala ang iba pang mga sakit na banta sa kalusugan ng ating mga kababayan. Kaya patuloy ang ating kampanya at pagbibigay-diin sa pagsunod sa 4S strategy laban sa Dengue,” ani Fernando.

Ang apat na S ay nangangahulugang Suriin at Sirain ang mga pinamumugaran ng lamok sa loob at labas ng bahay, Sarili ay protektahan laban sa lamok, Sumangguni agad sa mga pagamutan o health centers kapag may sintomas ng dengue, Suportahan ang fogging kapag may banta ng outbreak.

Ayon sa World Health Organization, naisasalin ang Dengue sa pamamagitan ng kagat ng babaeng lamok na Aedes aegypti at minsan ay Ae. albopictus at ang malalang Dengue ay ang nangungunang sanhi ng pagkakaroon ng malubhang karamdaman at kamatayan sa mga Asyanong bansa at Latin American.

Walang ispesipikong gamot para sa Dengue. Ngunit, kung maagapan ay maiiwasan ang pagkakaroon ng matinding Dengue at ang pagkakaroon ng access sa tamang medikasyon ay nakapagpapababa ng pagkamatay sanhi nito sa isang porsiyento.

Nasa kalahati ng populasyon ng mundo ang nasa panganib kung saan tinatayang 100 – 400 na milyon ang naiimpeksyon kada taon.

Samantala, lagnat ang pinaka nakikitang sintomas ng Dengue na may kasamang alinman sa pananakit ng mata, kalamnan o buto, pagsusuka at pamamantal na karaniwang tumatagal ng dalawa hanggang pitong araw. Bumisita sa mga health centre o magpakonsulta sa doktor kung ang lagnat ay dalawang araw o higit na. (Bishop Jesus “Jemba” M. Basco)

Malakanyang, labis na nalungkot sa nangyaring C-130 mishap sa Sulu

Posted on: July 6th, 2021 by @peoplesbalita No Comments

LABIS na ikinalungkot ng Malakanyang ang insidente ng pagbagsak ng C130 airplane ng Philippine Air Force nitong Linggo ng tanghali sa Patikul, Sulu.

Sinabi ni Presidential Spokesperson Harry Roque na nagpapatuloy ang rescue operations at nakikiisa sa pagdarasal ang Malakanyang para sa ligtas na pag-recover sa mga pasahero.

“Let us wait for the Armed Forces of the Philippines to release an update on this very unfortunate incident,” ayon kay Sec. Roque.

Sa ulat, may 17 ang kinumpirmang nasawi sa nangyaring pagbagsak ng C130 airplane ng Philippine Air Force nitong Linggo ng tanghali.

Inanunsyo ito ni Defense Secretary Delfin Lorenzana ilang oras matapos mangyari ang insidente ng plane crash sa Patikul, Sulu.

Ayon sa updated report, 92 personnel ang sakay ng naturang eroplano, kasama rito ang tatlong piloto at limang crew member.

Ang iba pang lulan ng eroplano ng Philippine Air Force ay mula sa puwersa ng Philippine Army.

Una nang naibalita ang pag-rescue sa 40 indibidwal at sumasailalim na sa gamutan sa 11th Infantry Division Hospital sa Busbus, Sulu.

Nanggaling ang eroplano sa Lumbia Airport sa Cagayan de Oro, at ayon kay AFP chief Gen. Cirilito Sobejana, bumagsak ito matapos na malampasan ang runway.

“Na-miss niya yung runway trying to regain power, at hindi nakayanan, bumagsak dun sa may Barangay Bangkal, Patikul, Sulu,” sambit ni Sobejana. (Daris Jose)

‘Top Gun 2’ Director, Collaborated to Built New Camera System to Film Flying Scenes

Posted on: July 6th, 2021 by @peoplesbalita No Comments

TOM Cruise and Val Kilmer return to their roles as Maverick and Iceman, respectively in Top Gun: Maverick.

Director Joseph Kosinski (Oblivion) will be directing from a screenplay written by Ehren Kruger (Transformers: Revenge of the Fallen), Erin Warren Singer (American Hustle), and Christopher McQuarrie (Edge of Tomorrow) and the team behind the film built a new camera system to shoot the flying scenes for real. The original Top Gun was released in 1986, which continues to be recognized as an American classic film to this day. The upcoming sequel follows Maverick, who has put in more than 30 years of work as an aviator.

Now, he will have to face the struggles of his past, while guiding a crew of new aviators. Top Gun: Maverick will be in theaters on November 19, 2021 with a plan to release on Paramount+ 45 days after it hits the big screen. It was initially delayed in 2019 to allow the team to ensure that the flying sequences look the best that they possibly can.

In a video interview with YouTuber Vsauce3, Kosinski talked about technology’s importance in filming Top Gun: Maverick.

He explained how he had originally pursued engineering in his education to be an aerospace engineer. Since working in the film industry, he has managed to utilize his tech-driven background from the role of a director.

He explained how he had to collaborate to build a new system in order to fully capture the experience of flying from within the cockpit.

See below for Kosinski’s comment: “My cinematographer that I work with a lot, Claudio Miranda, and I had been working with Sony. We tested and worked with them to develop the Rialto, it’s called, which is a very small version of the Venice. It was of a size that then we could start to fit in a fighter jet. So, for Top Gun, we managed to fit six of those in the cockpit. Four facing towards the actor and two facing forward. You can’t fake that. That’s why we shot it for real.”

The fact that Kosinski directed while his talent was in the sky flying is immensely impressive. In addition to the rehearsals on the ground, a lot of hard work from all those involved went into putting this movie together.

While it would have been nice to have the film released in time for July 4, audiences will have to wait until November to see all that has been achieved in the final product. It’s good that they took more time to ensure that they’re releasing the best film possible.

Having previously directed Oblivion and TRON: Legacy, it’s clear that Kosinski is comfortable working with a big budget to deliver a film that is truly an experience.

Judging by those two films and the trailers that have already been released for Top Gun: Maverick, seeing this at home on a television or computer screen would feel like an entirely different movie than seeing it on the big screen.

Only time will tell if the quality of the film will hold up to the large shoes that it has to fill as a sequel. (source: screenrant.com)

(ROHN ROMULO)

Bilang ng mga nasawi sa C-130 ng PAF plane crash sa Sulu, nadagdagan pa!

Posted on: July 6th, 2021 by @peoplesbalita No Comments

Nasa 31 na katao na ang namatay kung saan 29 ang sundalo at dalawang sibilyan matapos bumagsak ang C-130 aircraft ng Philippine Air Force (PAF) kahapon ng umaga sa Barangay Bangkal, Patikul, Sulu.

Ginagamot naman sa ospital ang 50 pang sundalo at apat na sibilyan habang patuloy ang search and rescue operations sa 17 iba pa.

Sa latest report na ipinadala ng WesMinCom, puspusan ang ginagawang paghahanap ng mga awtoridad upang makita ang mga nawawala pa na kabilang sa 96 na pasahero ng C-130 Hercules. Tatlo rito ang piloto, lima ang crewmen at ang iba ay mga Army personnel.

Ayon kay Defense Secretary Delfin Lorenzana, karamihan sa mga biktima ay bagong graduate sa basic military course buhat sa Cagayan de Oro at idedeploy na sana sa 11th Infantry Batallion ng Joint Task Force Sulu.

Batay sa inisyal na pagsisiyasat, galing ang C-130 Hercules na may tail #5125 sa Lumbia Airport sa Cagayan de Oro City at nakatakda sanang mag-landing sa Jolo port sa Sulu dakong alas-11:30 ng umaga subalit hindi nakalapag sa runway.

”Na-miss niya yung runway trying to regain power, at hindi nakayanan bumagsak doon sa may Bangkal,” ani Chief of Staff Cirilito Sobejana.

Samantala, ang dalawang sibilyan na nasawi ay sinasabing nabagsakan ng naputol na bahagi ng C-130.

Agad naman naapula ang apoy at nasagip ang 50 mga pasahero na kasalukuyang ginagamot sa 11ID hospital sa Busbus, Jolo, Sulu.

Dagdag pa ni Sobejana, ginawa naman ng ground commander na si Joint Task Force Sulu Commander Gen. William Gonzales ang lahat kaya mabilis na naapula at nailigtas ang iba pang mga pasahero.

Ani Gonzales, ang mga sundalo ay isasabak sa pagpuksa ng terorismo sa bansa partikular laban sa KFR at Abu Sayyaf Group.

Umaasa sila na makikita pa nila ang kanilang mga kasamahan. (Daris Jose)

JUANCHO, na-witness lahat kung paano ipinanganak ni JOYCE ang kanilang baby boy

Posted on: July 6th, 2021 by @peoplesbalita No Comments

BREAK na si Ciara Sotto sa kanyang non-showbiz boyfriend na si Ian Austin.

Nagpa-Q&A ito noong July 2, birthday niya mismo.

May nagtanong kay Ciara kung sila pa ba ng boyfriend.

“Nope, I’m single now,” ang pag-amin niya.

“I’m single again,” natawang sabi pa niya.

“Sometimes things don’t work out and that’s okay.”

Sabi pa rin niya tungkol sa naging break-up, “I just feel that when something has to end, you just need to end it, especially when you have peace in your heart.

“And when it’s not working anymore, you just have to let it go and wait for God to surprise you again.”

Mukhang masaya naman si Ciara sa naging desisyon. Single ang very, very happy raw siya ngayon.

DADDY na si Juancho Trivino at Mommy naman na su Joyce Pring.

Noong July 2 pa pala naipanganak ni Joyce ang kanilang baby boy pero July 5 na ng umaga ipinost ni Juancho ang kanyang mag-ina na nagsilbing official announcement nila.

Ayon kay Juancho, na-witness daw niyang lahat kung paano ipinanganak ni Joyce ang baby boy nila na pinangalanan nilang Alonso Eliam Pring Trivino. Sey pa niya, halos mamatay raw ang pakiramdam niya na nakikita niya kung gaano siguro ang hirap ng kanyang misis.

Sabi ni Juancho, “July 2, 2021, we welcomed our first born son, Alonso Eliam Pring Trivino to this world. Guys, na witness ko lahat at ang masasabi ko lang, this is a feeling that never had before.

“From seeing Joyce my love deliver (literally froze me to death), hearing our baby cry for the first time (took my breath away) and held him in my arms for the first time (couldn’t stop looking at him). I will always thank God for everything and now especially the gift of Life.”

Congratulations Juancho and Joyce!

(ROSE GARCIA)