NAGKAROON ng tsismis na lilipat na sa Kapamilya Channel si Lovi Poe dahil hindi na siya nag-renew ng kanyang kontrata sa Kapuso Network.

Sa presscon ng latest Viva movie The Other Wife na ginanap noong Lunes, sinabi ni Lovi na open naman daw siya sa posibilidad na makapagtrabaho rin sa ibang network kung mabibigyan ng pagkakataon.

Pero hindi raw siya pwedeng magbigay ng statement kung may negotiation ang kanyang management team sa Kapamilya channel.

“I would like to respect the confidentiality of the negotiations and I can’t say much about it,” pahayag ng award-winning actress.

Hindi rin niya sinagot ang tanong kung may pag-uusap din bang nagaganap between her management team and the Kapuso network.

Na-experience na ni Lovi ang lock in taping for her past teleseryes under GMA but this is the first time that she experienced lock in taping sa pelikula via The Other Wife na dinirek ni Prime Cruz.

“What is nice about having a lock-in taping is everyone is safe. We made sure that everyone is safe. It worked well for everybody. We have our own work station,” she said.

Nag-enjoy rin siya katrabaho sina Direk Prime at ang kanyang co-stars na sina Joem Bascon at Rhen Escano.

Ayon pa kay Lovi, underrated director daw si Direk Prime Cruz pero ang husay raw nito.

***

ANG Lockdown ang unang project ni Direk Joel Lamangan during the pandemic.

Very timely ang kwento na sinulat ni Troy Espiritu at pinagbidahan ni Paolo Gumabao.

Ayon kay Direk Joel, siya ang nagbigay ng story idea that was developed into a script.

“Sinabi namin sa writer kung anong klaseng kwento ang gusto namin. Nakasulat naman siya ng magandang script,” pahayag ni Direk Joel sa press interview after ng screening ng Lockdown last Saturday.

Bakit si Paolo ang napili among those who auditioned?

“Siya kasi ay may malaking pangalan among those who auditioned at alam kong mahusay siya. At saka ano siya, daring siya. Sinabi ko sa kanya ang requirement, okay sa kanya.

“Wala siyang kiyeme-kiyeme. Alam niya may mga daring na eksena at may frontal nudity. Game siya.”

Okay daw katrabaho si Paolo, pati ang mga co-stars na wala rin takot na ginawa ang mga maseselan na eksena kung nasaan nakita ang kanilang private parts.

“Nagawa niya (Paolo) ang gusto ko. Walang problema sa kanya. Hindi kami nagkaroon ng problema sa kanya. Kahit sa ibang artista namin, wala kaming naging problema. Lahat game.

“Walang nag-inarte. Kasi pag nag-inarte, tanggal na. Wala akong choice. We were shooting under a tight. Pag nag-inarte ka, paalisin na lang kita. Magiging istorbo ka lang sa production,” wika pa ni Direk Joel.

Nagustuhan ni Direk Joel ang movie na prinodyus ni Jojo Barron ng Love for Art Films.

Ang maganda pa sa Lockdown ay may tinatalakay itong relevant issue na intrinsic sa pelikula.

Ayon pa kay Direk Joel, inspired by true events ang mga situations sa pelikula.

“Ang daming naghirap dahil sa pandemic. Kaya napilitan ang iba na pumasok sa cybersex. Yan ang ginagawa nung iba. Nagsa-sarili online at ibinebenta ang kanilang video. Dahil sa kahirapan. Nauso yan ngayong pandemic dahil walang trabaho. Bawal lumabas,” ayon pa kay Direk Joel.

Ano ang challenge doing a film during the pandemic?

“Mahirap kasi pandemic. Limited ang movement. May takot kasi mahirap na at baka magkasakit. May Covid. Pero maingat kami. Pina-follow namin ang protocol. Wala naman sa aming nagkasakit.”

How would he rate Paolo’s performance?

“From a scale from 1 to 10, I will give him 10. He is a very good actor. Lahat ng eksena niya, take one. He is that good,” papuri pa ni Direk Joel sa lead actor ng Lockdown.

(RICKY CALDERON)

IBANG level na rin ang lalim ng faith ng actor na si Wendell Ramos bilang isang Katoliko.  

Noon pa namin siya nakakausap at kapag nakaka-kuwentuhan namin siya, pansin na namin kung gaano siya ka-devoted Catholic.

The way he speaks at kung paano ang pananaw niya sa buhay at pamilya.  Si Wendell ‘yun habang nagkaka-edad, talagang inayos niya ang pamilya niya at sey nga niya, nagagawa niyang umiwas kung may tukso man dahil sa faith niya.

Bukod dito, hindi na lang sa kanyang work as an actor, nakapag-put-up na rin  siya ng business, ang sarili niyang meat shop na tinawag niyang ‘Wendeli Meat House.’

Nagulat kami na nagagawa rin niyang mag-choir sa church. At kahit pandemic, kumakanta pa rin siya sa loob ng simbahan kasama ang ibang miyembro ng choir.  Commitment na raw niya ito.

Sey niya, “It’s a privilege to serve God. Above all, serving God is joy and happiness.” 

Ang dating kasamahan ni Wendell ng maraming taon sa Bubble Gang ay halatang masaya sa nakikita niya sa kaibigan.

Napa-comment si Ogie sa Instagram ni Wendell nang, “Hallelujah.”

***

FINALLY ay magma-materialize na ang collaboration or partnership sa pagitan ng APT Entertainment Inc. at Cignal TV Inc.    Noong 2019 pa nang magkapirmahan sila ng kontrata, pero dahil sa pandemic, naudlot ito.

Pero sabi nga ng C.E.O. at President ng APT Entertainment Inc. na si Direk Mike Tuviera, parang tumayming pa raw na ngayon pa lang masisimulan ang BuKo Channel dahil sa ngayon, ang kailangan talaga ng manonood ay ang mga feel-good o makakapagpatawa.

Ang Buko Channel ay opisyal na magbubukas ngayong August 2, 2021 sa Cignal TV Channel 2 at SatLite Channel 2. Puwede ding ma-access ang BuKo sa Cignal Play app, available sa App Store at Google Play.

Para sa Cignal postpaid and prepaid subscription inquiries, bumisita sa http://cignal.tv. Ang Cignal Plan ay available for Prepaid 100 and Postpaid 250, habang ang SatLite Plan starts at P49.

May tatlo itong klase, ang  BuKo Originals tulad ng #MaineGoals na isang lifestyle-oriented show ni Maine Mendoza.  Gayundin ang Kusina ni Mamang na hosted ni Pokwang, at ang kuwelang News Patol na magre-report ng mga patolang balita.

Ang Tawang Pinoy Klasiks naman ay mga well-loved Pinoy comedy classics gaya ng Iskul Bukol, Wow Mali, Bubble Gang, OGAG, Loko Moko, Tropang Trumpo, at iba pang comedy TV hits.     Sa  Throwback Tawanan naman, ang ibat-ibang sikat na comedy series at game shows ulad ng Pidol’s Wonderland, Celebrity Samurai, Mac and Chiz, Sugo mga Kapatid, at marami pang iba.

Sa pagkakaroon ng BuKo Channel, hindi na kami magugulat kung mas mapapanood si Maine rito bilang isa sa artist ng Triple A.  Kinumpirma rin ng ani Direk Mike na marami silang naka-line-up na shows o concept for Maine.

Ayon dito, “Marami po kaming naka-line-up for Maine and ang pina-prioritize namin yung mga passion projects niya or medyo gusto niya na hindi siya nabibigyan ng chance to fulfill.

“Si Maine kasi, very creative.”

Pero dahil may present sitcom daw si Maine sa GMA-7 naman, mukhang hindi raw ‘yun ang ipa-prioritize muna nila kay Maine na magawa.

Sabi rin ni Direk Mike, sobrang excited nga raw si Maine for BuKo Channel at sa mga artists ng Triple A, isa si Maine sa una nilang kinausap talaga.

***

CONSULTANT na sa GMA-7, specifically sa GMA Artist Center ang mag-partner at dating mga head ng ABS-CBN Star Magic na sina Johnny Manahan at Mariole Alberto.

May reliable source kami na ayon dito, tuloy na tuloy na nga raw ang dalawa bilang mga consultants ng GMAAC at alam nga nito, ngayong Linggo sila officially na as consultants.

Positibo naman daw itong tinitingnan ng mga taga-GMAAC at tila nagustuhan nila na para raw kay Mr. M, dapat mga talents ng GMAAC talaga ang priority sa mga shows in-terms of casting, instead na mag-outsourcing pa.

Abangan na lang natin kung ano ang magiging mga pagbabago.

(ROSE GARCIA)

NAPA-OMG! si Kim Molina nang bigyan pansin ni Megastar Sharon Cuneta ang kanyang naging reaksyon sa trending na trailer ng Revirginized na pinost ni Direk Darryl Yap na wala pang isang araw ay naka-5 million views na.

Sa FB post ni Kim, “OG!!!!! Madam Dorinaaa. Balutin mo po ako ng hiwaga ng iyong pagmamahal mamplez!!! Darryl Yap x Sharon Cuneta #REVIRGINIZED”

Comment naman ni Sharon, “Kim, I just watched “Ang Babaeng Walang Pakiramdam” two nights ago! Ang galing-galing mo! Si Jerald din na matagal ko nang gustong makasama at fan niya ako sa teatro pa lang!

“Congrats! Hope to meet you soon! God bless and thanks so much! Kim Molina.”

Kaya naman halos maiyak at magtatalon sa tuwa si Kim, base sa sa mga emojis na kanyang ginamit.

Sagot niya sa comment ni Mega,     “HOMAYGOSH MEGASTAR OMG. MARAMING SALAMAT PO.

“Onga po na kwento ni Jerald nameet na niya kayo before. Hope to meet and work with you in the future kahit po passerby lang galingan ko paglalakad. 

“Love you po Ms Mega! Thank you supporting us as well.”

Aliw na aliw naman ang netizens sa palitan ng komento nina Sharon at Kim and hopefully nga magkatrabaho sila sa next project ni Mega sa Viva Films, ganun din ang dyowa niyang si Jerald Napoles.

Malay natin, kung matuloy ang second movie nina Sharon at Direk Darryl ay matupad ang wish ni Kim na kahit passerby lang ay tatanggapin niya makatrabaho lang ang Megastar.

Pero for sure, kayang-kayang gawan ito ng Viva na mabigyan ng magandang si role si Kim sa next movie ni Sharon.

***

SA celebration ng kanyang 34^th year sa showbiz industry, binahagi ni Ice Seguerra na finally ay natagpuan na ang isa pang nagbibigay saya sa kanya ngayon.

Sa IG post niya, “As I celebrate my 34th year in the industry, I am doing something na masasabi ko na hindi ko pinangarap at inakala na magpapasaya sa akin ng sobra.

“Directing.
“Nagsimulang beauty queen, artista sa telebisyon, pelikula, at teatro. Naging singer, gitarista, songwriter, song producer, at album producer.

“Finally, after many years, I’ve found something that gives me so much fulfillment and happiness where I can apply all the things I have learned through the years of being in the industry.
“I am celebrating my anniversary on the set, behind the scenes, in the director’s chair.
“And this is exactly where I want to be. #34yearsinthebiz.”

Sumunod na araw, pinost naman ni Ice sa kanyang IG ang paminsan-minsan lang magkasama sila ng buong araw ng wifey na si Liza Dino-Sequerra na sumakto naman sa kanilang ikalimang anibersaryo.

Caption ni Ice sa photo nila ni Liza, “Spent the whole day yesterday just lazing around with the wifey. Nood ng Netflix, kain, tulog, netflix, kain, tulog. These are rare moments kaya sobrang ineenjoy ko kapag nangyayari.

“You see, my wife is an action woman. Bawat oras para sa kanya, kailangan productive. Kaya yung kahapon, one for the books.
“Spending a lazy day with Liza makes me the happiest. 🙂
“Happy 5th sweetheart!!! I love you sooooo much!”

Samantala, special guest siya ni Vice Ganda sa VG-tal Concert na Gandemic na magaganap sa July 17, 9 PM Manila Time (world premiere) at July 18, 11 AM Manila Time (worldwide screening).

Post pa ng magaling na mang-aawit, “Excited to perform with the one and only @praybeytbenjamin 🙂

”Check poster for details! :)”

(ROHN ROMULO)