MASAYA si Eugene Domingo nang finally raw ay Kapuso na ang close friend niyangsi Pokwang, na matagal na pala niyang kinukumbunsi na lumipat sa GMA Network at ngayon nga ay nangyari na iyon.

Hindi raw itinuturing ni Uge na kalaban ang kaibigan na mahusay namang talaga at hindi lamang pagpapatawa ang kaya nitong gawin.

The past week matapos lumipat ni Pokwang sa GMA, nagkasunud-sunod na ang shows na naggi-guest siya at regular na rin siyang napapanood every Sunday sa musical-variety show na All-Out Sundays. 

Nag-drama na rin si Pokwang sa real-life story sa Magpakailanman, hintayin natin kung ano ang story na gagawin ni Uge para kay Pokwang sa kanyang Sunday series na Dear Uge.

***         

MAUUNA nang mapanood ang nagbabalik-Kapuso at mahusay na actor na si Albert Martinez ngayong  Saturday, July 17, sa new episode ng Wish Ko Lang, na nagsi-celebrate ng month-long 19^th Anniversary.

Titled “A Second Chance” ang episode, makakasama ni Albert si Kelvin Miranda, na natuwa nang malamang si Albert ang gaganap na ama niya sa story.

Hangang-hanga si Kelvin sa mga eksena nila ni Albert, who in turn ay humanga rin kay Kelvin dahil sa mahusay na acting nito. Makakasama rin nila sina Crystal Paras, Cai Cortez, Akihiro Blanco at bagong Kapuso ring si Luke Conde. 

Hosted by Ms. Vicky Morales, mapapanood ang Wish Ko Lang 4PM sa GMA-7.

Samantala, tinatapos na rin ni Albert ang lock-in taping nila ng first Kapuso niyang teleserye na Las Hermanas na malapit nang mapanood sa GMA Afternoon Prime.

***

ISANG ‘Homecoming’ ang tawag ni Mr. Johnny Manahan or Mr. M, matapos siyang i-welcome ng mga executives ng GMA Network sa pangunguna ni Atty. Felipe L. Gozon, bilang isa nang Kapuso.

Bago kasi siya napunta sa ABS-CBN noon ay nasa Channel 7 (bago tinawag na GMA Network) na raw siya, nagdirek na siya ng episodes ng show ng ina niyang si Elvira Manahan.

Ngayon nga ay magiging consultant siya ng GMA Artists Center at excited na siyang magsimulang magtrabaho at gusto na niyang ma-meet ang mga Kapuso artist in the flesh, lalo na ang younger stars ng network.

Ayon pa sa kanya, ang main goal daw ng kanyang team is to, “develop a new breed of GMA artists. 

“Kung ano pa ‘yung kulang sa kanila we hope to develop that and give them a brighter shine. So abangan ninyo, mga Kapuso!”

Meanwhile, sinabi rin ni Mr. M na may ilang Kapamilya stars ang gustong sumama sa paglipat niya sa GMA, pero hindi siya pumayag dahil may mga contract pa raw silang dapat tapusin.

Saka na raw lamang sila mag-isip kung gusto nilang lumipat kapag tapos na sila sa kanilang commitments.

***

MAGSISIMULA na bukas, July 17, ang prequel ng Pepito Manaloto, ang Pepito Manaloto: Ang Unang Kuwento sa GMA-7.

Tatampukan ito nina Sef Cadayona as Pepito, Mikee Quintos as Elsa. Kasama nila sa bagong cast sina Pokwang (sa first serye niya sa GMA), Gladys Reyes, Archie Alemania, Kokoy de Santos, EA Guzman, Kristoffer Martin, Denise Barbacena, Jay Arcilla, Angel Guardian and others.

Hindi mami-miss ng mga viewers sina Michael V at Manilyn Reyes as the narrators ng prequel na mula sa direksyon ni Bert de Leon. 

Si Michael V rin ang sumulat ng catchy theme song na “Ang Unang Kuwento.”

(NORA V. CALDERON)  

ISA ang actress-TV host na si Angel Locsin ang nakaranas ng body shaming na talaga namang nilait ng mga bashers sa social media.

Nag-viral pa ang mga kuhang litrato sa taping ng public service program niyang Iba Yan na umabot ng isang taon, pero never talagang pinatulan ni Angel at pinagpatuloy lang ang pagtulong sa mga labis na nangangailangan sa panahon ng pandemya.

Sa naging panayam ni Angel sa YouTube channel na ‘Over A Glass or Two’, unang naitanong ang kanyang weight loss journey na maraming pinahanga.

Sabi niya sa naging dahilan ng ginawa niya, “For my health talaga. For my health lang talaga.”

     Kuwento pa ng aktres na ‘di nabawasan ang ganda kahit tumaba, “Nakikita natin yung blood pressure natin. So, yung sa akin mataas, mataas siya.

“Kaya kailangan ko siyang pagtuunan ng pansin. It’s not really for vanity. Siguro bonus na lang din ‘yon.

“Pero hinahabol natin yung importante, yung health, di ba? Alagaan natin sarili natin,” sabi pa niya.

Payo pa ni Angel sa gustong magpapayat tulad ng ginawa niya, “Sa mga gustong mag-diet, gawin niyo para sa sarili niyo, hindi para sa ibang tao, ha? Para sa inyo.

“Kasi, kahit anumang weight natin, kahit anong hitsura natin, you’re perfect, you’re you, you’re unique. Own it.”

Kasunod nito ay sinabi niya ang dahilan kung bakit hindi siya pumapatol sa kabila ng matinding panlalait sa kanya.

“Totoo nga, ‘no? Ang dami nilang opinyon tungkol sa sarili ko. I cannot control how other people think, pero hindi yun sukatan kung mababawasan yung pagmamahal ko sa sarili ko.

“Buti na lang mahal ko ang sarili ko at nirerespeto ko ang sarili ko, dahil ang katawan na ito ay maraming pinagdaanan.

“Maraming na-achieve din naman at marami pa akong maa-achieve. So, kung wala ang katawang ito, wala si Angel Locsin.

“Wala ako dito. Wala akong kabuhayan. So, really grateful.”

Dagdag pa ng Kapamilya star na malapit nang maging Mrs. Neil Arce, “Tanggap ko, I’m a work in progress. Alam ko naman ‘yun. Maganda ‘yun because there is room for improvement.

“We are human. Tao din naman tayo, hindi naman tayo yung mga nasa Magazine na ang tingin sa atin ng society na perfect at maganda.”

Kaya nga kahit ang dami niyang bashers nang lumubo ang kanyang katawan, deadma lang talaga siya.

“Hindi ako nagsasalita kasi, parang ano ang sasabihin ko, iyon yung opinyon nila sa sarili ko? Totoo naman, mataba naman talaga ako.

“Pero ‘di naman masusukat nu’n kung sino ako,” opinyon pa ng real life Darna.

***

SAMANTALA, panay ang throwback posts ngayon ni Angel Locsin sa kanyang Instagram account.

Isa nga yun ang pinost niya kasama ang super bagets pa na si Matteo Guidicelli na hawig sa Hollywood star, na kung saan cover sila ng Gadgets Magazine, nilagyan niya ito ng caption, “Initial D days with pre-artista @matteog. Mabait na talaga siya nuon pa man (prayers emoji).”

Sa isa pang photo ads na para sa anime series na Initial D: The Fourth Stage na pinalabas sa Animax noong 2005, na kung saan sila ang nag-dub ng Tagalog version ng show.

That time Kapuso pa si Angel at tinanghal na PH Sexiest Sexiest Woman 2005 ng FHM, habang si Matteo ay nakilala bilang 2004 Karter of the Year.

Nakaaaliw din ang captionni Angel para kay Matteo, “Baby ka pa dito @matteog. Ngayon, pwede ng mag-baby with @justsarahgph.”

Mukhang close talaga sina Angel at Matteo, at sa araw na ito, July 16, guest siya sa podcast ni Matteo na ‘Matt Runs’ na kung saan pag-uusapan nila ang kanyang buhay, sa pagsisimula sa pag-aartista at kanyang advocacy na makatulong lalo na ngayong panahon ng pandemya.

Streaming ang ‘Matt Runs Podcast’ sa Spotify at YouTube.

(ROHN ROMULO)