2021 July 21 Archive - People's Balita

November 15, 2024
Search in People's Balita
Ang Diyaryong Pinagkakatiwalaan

Archive for July 21st, 2021

Malakanyang, pinuri ang local coast guard personnel sa ginawang pagpapaalis sa Chinese naval ship sa baybaying dagat ng El Nido, Palawan

Posted on: July 21st, 2021 by @peoplesbalita No Comments

PINURI ng Malakanyang ang local coast guard personnel para sa ginawang pagpapaalis sa Chinese naval ship na namataan sa katubigan ng bansa.

“Congratulations po sa ating magigiting na PCG (Philippine Coast Guard),” ayon kay Presidential Spokesperson Harry Roque.

“I’m sure in due course you will be given the proper recognition that you deserve. Saludo po kami sa inyo,” dagdag na pahayag nito.

Sa ulat, isang Navy Warship ng China ang namataan ng Philippine Coast Guard (PCG) sa Marie Louise Bank na nasa 147 nautical miles mula sa baybaying dagat ng El Nido, Palawan nitong nakaraang linggo.

Ayon kay Commodore Armand Balilo, tagapagsalita ng PCG, ang nasabing Navy Warship’ ay may watawat ng People’s Republic of China na markado ng Chinese character.

Matapos aniya itong mamonitor ng BRP Cabra ng PCG, mahinahon itong nagsagawa ng radio challenge habang mino-monitor ang galaw ng barko ng China gamit ang radar.

Para naman mas makita ang ginagawang aktibidad ng Chinese Navy Warship sa katubigang sakop ng Pilipinas, lumapit pa ang BRP Cabra.

Pero matapos walang matanggap na verbal response, ginamit ng BRP Cabra ang Long Range Acoustic Device para magpahatid ng verbal challenge sa nasabing Chinese Navy Warship.

Matapos nito, nagsimula umanong gumalaw ang barko palabas ng Marie Louise Bank.

Pero para makasigurong aalis talaga ang barko ng China sa katubigan na sakop ng Exclusive Economic Zone ng Pilipinas, sinundan ito ng BRP Cabra.

Matapos maramdaman na humigit-kumulang 500 – 600 yarda o 0.25 – 0.30 nautical mile na lang ang distansya ng BRP Cabra sa kanilang barko, nagbigay na ng mensahe sa pamamagitan ng radyo ang Chinese Navy Warship kung saan pinalalayo nito ng distansya ang barko ng PCG.

Hindi naman nagpatinag ang BRP Cabra at mahigpit pa ring binantayan ang Chinese Navy Warship hanggang sa tuluyan itong nakalabas ng Marie Louise Bank.

Ang pagpapatrolya ng BRP Cabra sa Marie Louise Bank at Kalayaan Island Group (KIG) sa Palawan ay bahagi ng misyon nito sa ilalim ng Task Force Pagsasanay.

Matatandaang noong Hunyo 30, matagumpay ring napaalis ng BRP Cabra ang limang ‘Chinese ship’ at dalawang ‘Vietnamese vessel’ na na-monitor sa Marie Louise Bank. (Daris Jose)

Delta variant umabot na sa Taguig

Posted on: July 21st, 2021 by @peoplesbalita No Comments

Kinumpirma kahapon ng Pamahalaang Lungsod ng Taguig na umabot na sa kanila ang pinangangambahang Delta variant ng COVID-19, base sa resulta ng pagsusuri sa mga samples ng COVID-19 patients.

“May isa po tayong kaso ng Delta variant o iyong nanggaling sa India,” ayon kay Clarence Santos, pinuno ng Taguig Safe City Task Force base sa ulat ng City Epidemiology and Disease Surveillance Unit (CEDSU).

Nagbabala naman si City Mayor Lino Cayetano na maaaring maging dominanteng variant ang Delta kaya kailangan maging responsable ang bawat isa para malabanan ito.

“Wear your masks, face shield and (keep your) distance so that the Delta variant will not spread. This is more contagious and it has a higher percentage of being hospitalized. Another important weapon against the Delta variant is vaccination,” panawagan ni Cayetano.

Nitong Hulyo 12, mayroon nang 73 kaso ng COVID-19 variants sa lungsod kabilang dito ang isang kaso ng Delta, 26 na Alpha variants, at 46 na kaso ng Beta variants. (Gene Adsuara)

Kaso ng ‘labor abuse’ sa mga food delivery riders, pinaaaksyunan

Posted on: July 21st, 2021 by @peoplesbalita No Comments

Nanawagan si Sen. Risa Hontiveros sa Department of Labor and Employment (DOLE) na agad imbestigahan at aksyunan ang mga napabalitang insidente ng “labor abuse” laban sa ilang food delivery riders sa bansa.

“Nananawagan ako sa DOLE na aksyunan agad ang hinaing ng ating delivery riders na nakararanas ng panggigipit sa mobile app operators. Bawat araw na sila ay nababalahaw ay katumbas ng isang araw na wala silang maiuuwing kita sa kanilang pamilya,” ani Hontiveros.

Yan ang pahayag ng senadora matapos mapabalita na sinuspinde ng pamunuan ng food delivery app na Foodpanda ang hindi bababa sa 500 accredited riders nito sa Davao City matapos sumali ang mga ito sa isang unity ride para sa mga kasamahan nilang rider na nauna nang sinuspinde ng Foodpanda at inalisan ng access sa mobile app sa loob ng 10 taon.

Konektado rin diumano ang pangyayari sa reklamo ng mga rider ukol sa bagong fare adjustment ng Foodpanda, kung saan maaring bumaba sa P20 lang ang kita ng mga rider kada delivery ride.

Ayon kay Hontiveros, dapat nang mag-mediate ang DOLE sa sitwasyon at tingnan ang kalagayan ng mga Foodpanda riders, upang masiguro na hindi matitigil ang serbisyo nito at higit sa lahat, maproteksyonan ang lahat ng karapatan ng mga delivery riders bilang workers o manggagawa.

“Hindi man itinuturing sa ngayon na empleyado ang mga delivery riders, sila ay mga manggagawa na naghahanapbuhay at tumutulong hindi lang sa kanilang pamilya kundi sa ekonomiya. Hangga’t walang inilalabas na guidelines ang DOLE o hindi sila namamagitan ay walang mangyayari,” sabi ni Hontiveros.

“Malaking negligence o kapabayaan ito kung hindi agad na kikilos ang pamahalaan. Hindi pwedeng nakatengga lang tayo habang alam nating may posibleng pang-aabuso na nangyayari sa ating workforce, sa gitna ng pandemya,” dagdag niya.

Nauna nang hinimok ni Hontiveros ang DOLE na gumawa na ng komprehensibong guidelines ukol sa mga delivery riders, upang maproteksyunan ang kanilang karapatan at kapakanan bilang manggagawa.

Kaugnay nito, isinulong niya ang isang Senate resolution na nagtutulak sa Senado na alamin ang tunay na kalagayan ng mga Pilipinong nagtatrabaho sa “gig economy,” upang ayusin ang maraming labor issues na nakakaapekto sa sektor na ito.

“Isang napakahalagang punto ng aming resolusyon ay, dahil na rin siguro sa mga pagbabago sa panahon na ito, dapat ay repasuhin na natin ang ating mga labor laws upang maprotektahan ang lahat ng uri ng manggagawa,” ayon kay Hontiveros.

Umaasa ako na mabibigyan ng dignidad sa trabaho ang sinumang manggagawa na nagsasakripisyo at dumidiskarte para sa pamilya ano man ang kanyang employment status,” pagtatapos ni Hontiveros. (Gene Adsuara)

Thirdy balik Gilas Pilipinas

Posted on: July 21st, 2021 by @peoplesbalita No Comments

Muling pumasok sa Inspire Sports Academy sa Calamba, Laguna ang Gilas Pilipinas para paghandaan ang FIBA Asia Cup na idaraos sa susunod na buwan sa Jakarta,

May 19 players ang nasa Calambubble kasama si Thirdy Ravena ng San-En NeoPhoenix.

Nagbalik si Ravena sa pool matapos ang kanyang huling laro suot ang Gilas Pilipinas noong nakaraang taon sa first window ng FIBA Asia Cup Qualifiers sa Indonesia.

Kasama ni Ravena sa Calambubble sina Matt Nieto, Allyn Bulanadi, Rey Suerte, Dave Ildefonso, Kemark Carino at Tzaddy Rangel na galing sa kani-kanyang injury.

Nariyan din sina Angelo Kouame, Carl Tamayo, Isaac Go, Dwight Ramos, Geo Chiu, Jaydee Tungcab, Jordan Heading, Justine Baltazar, Mike Nieto, RJ Abarrientos, SJ Belangel at William Navarro.

Hinihintay na lamang ng Gilas Pilipinas ang resulta ng swab test bago tuluyang makapagsimula sa ensayo para bumuo ng solidong plano para sa FIBA Asia Cup.

Gagabayan ang tropa nina Gilas Pilipinas head coach Tab Baldwin, Jong Uichico, Boyet Fernandez, Sandro Soriano at Dex Aseron.

Nakaabang pa ang lahat sa magiging anunsiyo ng FIBA dahil lumobo ng husto ang bilang ng mga tinatamaan ng coronavirus disease (COVID-19) sa Indonesia.

Hinihintay na lamang ng Gilas Pilipinas ang resulta ng swab test bago tuluyang makapagsimula sa ensayo para bumuo ng solidong plano para sa FIBA Asia Cup.

Gagabayan ang tropa nina Gilas Pilipinas head coach Tab Baldwin, Jong Uichico, Boyet Fernandez, Sandro Soriano at Dex Aseron.

Nakaabang pa ang lahat sa magiging anunsiyo ng FIBA dahil lumobo ng husto ang bilang ng mga tinatamaan ng coronavirus disease (COVID-19) sa Indonesia.

Hinihintay na lamang ng Gilas Pilipinas ang resulta ng swab test bago tuluyang makapagsimula sa ensayo para bumuo ng solidong plano para sa FIBA Asia Cup.

Gagabayan ang tropa nina Gilas Pilipinas head coach Tab Baldwin, Jong Uichico, Boyet Fernandez, Sandro Soriano at Dex Aseron.

Nakaabang pa ang lahat sa magiging anunsiyo ng FIBA dahil lumobo ng husto ang bilang ng mga tinatamaan ng coronavirus disease (COVID-19) sa Indonesia.

HEART, nagsimula na ng lock-in taping kasama si PAOLO sa Sorsogon after ng required quarantine days

Posted on: July 21st, 2021 by @peoplesbalita No Comments

TULOY na tuloy na ang world premiere ng Legal Wives sa Monday, July 26, pagkatapos ng The World Between Us sa GMA Telebabad.

Marami na ring naghihintay kung kasama pa rin si Ms. Cherie Gil sa story kahit hindi na nito tinapos ang family series tungkol sa mga Mranaw.

Naroon pa rin si Cherie at kung bubuksan ninyo ang kanyang Instagram acoount na @macherieamour, naroon pa rin ang mga scenes niya sa Legal Wives, isa na rito ang eksena nila ni Shayne Sava, the StarStruck 7 ultimate winner na isa si Cherie sa mga judges noon.

Caption ni Cherie sa photo: “Thrilled to be present for @shaynesava’s very first soap after her #starstruck win where I was one of the judges. Here I can witness her grow and blossom. She’s truly one talent to watch out for. Me be like… a #proudmama.”

Kasama rin si Cherie sa mga teasers na ipinalalabas na sa mga programa ng GMA-7. Bida sa Legal Wives si Dennis Trillo as the husband of the legal wives na sina Alice Dixson, Bianca Umali at Andrea Torres.

Sa direksyon ni Zig Dulay.

***

NATAPOS na ang required quarantine days bilang pagsunod sa health protocols ng cast ng I Left My Heart In Sorsogon ng GMA Network, kaya nag-post na sina Heart Evangelista as Celeste at Paolo Contis as Mikoy, ng first scene nila sa pagsisimula ng lock-in taping nila last Monday, July 19.

Caption sa Instagram post: “Hello Bicolandia! Look: Today (July 19) at the Sorsogon University library is Paolo Contis and Heart Evangelista sa first day ng lock-in taping nila for #ILeftMyHeartInSorsogon!

Sa simula ng story, sina Heart at Paolo ang mag-sweethearts, pero magkakahiwalay sila na ng pumunta sa Manila si Paolo at si Heart ay nagkaroon din ng sarili niyang career.

Sabi’y one month silang diretso ang lock-in taping at babalik lamang sila sa Manila kapag tapos na ang buong romantic-comedy series na magtatampok din kina Richard Yap, sa kanyang first Kapuso teleserye at magka-love team naman sina Kyline Alcantara at Mavy Legaspi.

Ididirek ito ni Mark Sicat dela Cruz.

***

TAHIMIK pa rin si Kylie Padilla tungkol sa paghihiwalay nila ng former husband niyang si Aljur Abrenica.

Nag-post lamang siya sa kanyang Instagram ng: “In the end the best thing to do is not to blame anyone for the things that happened BUT to observe where you could have done better. Life is about growth. Silence the noise and make the best out of your life. Claim it, I’m happy, I’m healthy, I’m alive. I’m hoping the same for you. Life is beautiful!”

Nasa bahay daw muna nila sa Fairview si Kylie, kasama ang dalawa nilang anak ni Aljur, sina Alas at AxL, habang inaayos pa ang bahay na lilipatan nila.

Balita namang sa bahay ng parents niya sa Batangas nakatira si Aljur habang naghahanap siya ng bibili ng bahay niya sa Quezon City. Co-parenting ang usapan nila ni Aljur sa kanilang mga anak.

Balik-trabaho na raw si Kylie, pero hindi niya nilinaw kung saan siya magsisimula na ng lock-in taping.

(NORA V. CALDERON)

Pinay tennis star Alex Eala nagkampeon sa Milan tennis

Posted on: July 21st, 2021 by @peoplesbalita No Comments

Na-domina ni Philippine tennis number 1 Alex Eala sa JA Milan 61 Trofeo Bongfilio matapos makuha ang kampeonato sa singles division.

Ang nasabing pagkapanalo ay naganap isang araw matapos na magwagi ito sa tennis doubles.

Tinalo nito si Nikola Bartunkova ng Czech Republic sa score na 6-3, 6-3 sa laro na ginanap sa Campo Tribuna Tennis Club Milano Alberto Bonacossa.

Magugunitang nakuha ni Eala at partner nitong si Madison Sieg ng US ang doubles match ng talunin sina Sofia Costoulas ng Belgium at Lucija Ciric Bagaric ng Croatia sa score na 6-4, 4-6, 13-11.

Hindi lamang ito ang unang beses na nagwagi dahil noong 2018 ay nagkampeon ito sa singles at doubles sa Trofeo David Ferrer.

DTI tutol sa pagpapaluwag ng quarantine restrictions sa NCR

Posted on: July 21st, 2021 by @peoplesbalita No Comments

Maging ang Department of Trade and Industry ay tutol na ilagay sa mas maluwag na “quarantine restriction” ang National Capital Region (NCR) at karatig na lalawigan sa Agosto kahit na nais nila na magtuluy-tuloy na ang pagsulong ng ekonomiya.

Ayon kay (DTI) Secretary Ramon Lopez, sapat na muna ang umiiral na general community quarantine (GCQ) sa Metro Manila at hindi pa kailangang ibaba ito sa modified general community quarantine (MGCQ) dahil sa banta ng Delta variant ng COVID-19.

“I’m happy with the GCQ now na bukas ang mga economic activities. Ito ‘yung basta healthy balance na nakikita natin. We allow all essential, and even the non-essential na low-risk economic activities, so diyan babalik ang trabaho,” paliwanag ni Lopez.

Tugon ng DTI, payag sila ngunit hanggang 10 porsyento lamang ang idaragdag na kapasidad dahil nga sa banta ng Delta variant. (Daris Jose)

Bella Thorne Posing as a Nun With a Gun in ‘Habit’ Trailer, Opposite Gavin Rossdale

Posted on: July 21st, 2021 by @peoplesbalita No Comments

LIONSGATE is ready to introduce its ‘God Squad’, as the studio has unveiled the trailer for Habit, an outrageous new thriller that finds Bella Thorne posing as a nun with a gun.

Thorne plays a street-smart L.A. party girl named Mads who gets a gig running drugs for a washed-up Hollywood star named Eric. When their cash gets stolen and a rival drug lord enters the picture, Mads and her two best friends hide out by masquerading as nuns. But in spite of their costumes, these bad girls are no angels.

Gavin Rossdale, the follically-gifted frontman for Bush, co-stars as Eric, and the rest of the cast includes Paris Jackson, Hana Mae Lee, Josie Ho and Andreja Pejic. Meanwhile, Janell Shirtcliff directed from a script she co-wrote with Libby Mintz.

Watch the trailer below: https://www.youtube.com/watch?v=d9mqpESX5-8

According to Collider, “I’ll be honest, I don’t think Habit looks very good, but I am rooting for Thorne to find her breakout role, and the old-school Bush fan in me still digs Rossdale even though he probably doesn’t belong anywhere near a movie camera.

“The Constantine actor hasn’t appeared in a film since 2013’s The Bling Ring and for good reason — he’s a rock star, not an actor. But hey, he looks pretty good for 55 (whoa!) and that’s all that matters in Hollywood.

“I will say that I dig the general idea for this movie, I just wish the provocative premise had been applied to a more prestigious project as opposed to a cheap B-movie. Can’t you imagine Carey Mulligan as a nun with a drug problem in a Searchlight drama called Habit that would obviously premiere at Telluride? Because I certainly can. It’s a great title, so here’s hoping Thorne’s movie proves me wrong and delivers some edgy fun for the believers and non-believers alike.”

Habit will be released August 20 in select theaters and On Demand before it’s made available to own on Blu-ray, DVD and digital platforms on August 24. (source: collider.com)

(ROHN ROMULO)

LIEZEL, nag-post ng cyptic messages matapos makipaghiwalay kay KRISTOFFER; balitang binalikan na ang ex-girlfriend

Posted on: July 21st, 2021 by @peoplesbalita No Comments

MABILIS na nagkaroon ng relasyon ang Kapuso stars na sina Kristoffer Martin at Liezel Lopez noong magkasama sila sa lock-in tapong ng teleserye na Babawiin Ko Ang Lahat.

Ngayon ay nagulat ang kanilang followers sa social media sa bilis din nang paghihiwalay nila.

Last week ay nag-post ng ilang cyptic messages si Kristoffer via Twitter. Madamdamin at tila malungkot ang mga tweets nito tungkol sa isang taong hindi raw ina-appreciate ang ginagawa niya para rito. May nabanggit pa siyang mahirap daw tulungan ang taong ayaw magbago. Hanggang sa nagbakasyon ang aktor na mag-isa sa Bohol pagkatapos ng lock-in taping niya ng Pepito Manaloto: Ang Unang Kuwento.

“Put your focus on people who appreciates you,” tweet ng aktor.

Tanong ng followers ng aktor sa social media kung bakit hindi niya kasama si Liezel sa bakasyon nito?

Noong nakaraang buwan kasi ay ang saya-saya nila dahil nakakapag-date na sila nang maayos. Walang sinagot ang aktor, pero si Liezel ang may sinagot sa TikTok video nito. Kinumpirma niya na hiwalay na nga sila ni Kristoffer.

Post ni Liezel: “Yup nakipaghiwalay na ako.”

Nabanggit din ni Liezel na yung bakasyon ni Kristoffer sa Bohol ay plano raw nila: “Oh yeah, I know about sa Bohol. Kami nagplan non eh. hahaha ayoko lang sumama. kasi nakipaghiwalay na ako.”

Heto pa ang ilang cyptic messages ni Liezel: “Karma is my middle name…”

“Manipulative sad boy is real guys so be careful out there.”

“I am a good woman…I see the good in everything. I am me. Nobody can change that. – Note to self”

Inusisa naman ng ilang netizens ang social media account ng ex-girlfriend ni Kristoffer na si AC Banzon. Napansin nila na nasa same resort din si AC sa Bohol dahil sa parehong hitsura ng furnitures sa post ng aktor. Hula nila ay nagbalikan ang dalawa at pinapalabas lang ni Kristoffer na solo flight siya sa Bohol.

Wala naman daw masama kung magkabalikan ang dalawa dahil may anak sila na si Pre.

***

SA programang Tunay Na Buhay, sinabi ng ’90s teen heartthrob at TGIS star na si Red Sternberg ang tunay na dahilan kung bakit niya iniwan ang showbiz noong 2001.

“It was a combination ng burnout, tatlong TV shows, gumagawa ako ng dalawang pelikula. Everyday trabaho. Ako ‘yung tipong I never had a driver, wala akong P.A., lahat ako. I just felt na it was time to move on,” sey ni Red na kasalukuyang nagtatrabaho bilang general manager ng Panama City Beach in Florida, USA.

Higit na 14 years nang nakatira si Red sa Amerika at may sarili na siyang pamilya. Inamin niya na hindi naging madali ang buhay niya sa ibang bansa at kunsaan-saang State sila tumira ng kanyang misis at tatlong anak.

Minsan daw ay nami-miss din niya ang buhay-artista. Pero wala siyang regret na tinalikuran niya ang showbiz para sa isang normal na buhay sa ibang bansa.

“Do I miss it? Yeah. Do I still want to do it in the future? Maybe, and the acting itself,” simpleng sagot ng former heartthrob.

Sa kanyang trabaho, wala raw siyang kinukuwento na dati siyang artista sa Pilipinas. Pero paminsan-minsan daw ay may nakakakilala sa kanya.

“I think the last one was mga two weeks ago. Naka-mask pa nga ako eh, nakilala pa rin ako. Sabi niya, ‘Uy Red kamusta?’ “Nag-iisip naman ako dahil ‘yung pagkakasabi niya parang kaibigan ko. I never talk about it. ‘Yung mga empleyado ko hindi nila alam,” sey ni Red.

Sumikat si Red noong 1995 dahil sa teen-oriented series na TGIS: Thank God It’s Sabado ng GMA-7 at Viva Television. Kasabay niyang sumikat sina Angelu de Leon, Bobby Andrews, Onemig Bondoc, Mike Flores at Raven Villanueva. Lumabas din siya sa mga TV shows na Growing Up, Anna Karenina at Sana Ay Ikaw Na Nga. Ginawa rin niya ang mga pelikulang Takot Ka Ba Sa Dilim?, TGIS: The Movie, Where D’ Girls Are, Silaw, Laging Naroon Ka, It’s Cool Bulol at My Pledge of Love.

***

PAGKATAPOS ng limang taon, nalibing na ang ashes ng Hungarian-American actress and socialite na si Zsa Zsa Gabor sa Budapest, Hungary.

Pumanaw ang aktres noong December 16, 2016 dahil sa heart attack sa edad na 99.

Hinatid ng kanyang husband na si Frédéric Prinz von Anhalt ang three quarters ng ashes ni Gabor sa Budapest mula sa London.

“She was first-class, she had her own seat and she had her passport, everything there. It was her last trip, she always used to go first class, she had her champagne, caviar.

“And then we arrived in Budapest… That’s what she wanted and that’s what she had in her last will. She definitely wanted to be in Budapest because her father is buried here too,” sey ni Frederic sa Reuters.

Ang natitirang ashes ni Gabor ay mananatili sa Westwood Village Memorial Park in Los Angeles.

(RUEL MENDOZA)

Top 2 at 6 most wanted person sa kasong rape sa Malabon, nalambat

Posted on: July 21st, 2021 by @peoplesbalita No Comments

NATIMBOG ng pinagsanib na puwersa ng Warrant and Subpoena Section (WSS), Station Intelligence Section (SIS) at Regional Mobile Force Battalion ng National Capital Region Police Office (RMFB-NCRPO) ang Top 2 at 6 Most Wanted Person ng Malabon city sa magkahiwalay na operation sa naturang lungsod.

Ayon kay Malabon police chief P/Col. Albert Barot, inaresto sa bisa ng warrant of arrest na inilabas ni Malabon Regional Trial Court (RTC) Judge Josie Rodil ng Branch 293 para sa kasong Rape si Angelo Jao Calizar, 21, sa harap ng kanyang tirahan sa 13 Leono St. Brgy. Tañong, dakong alas-9:30 ng gabi.

Kasama ng mga tauhan ni P/CMSgt. Gilbert Bansil, hepe ng WSS ang mga operatiba ng RMFB-NCRPO sa pangunguna ni P/Capt. Ronilo Aquino at SIS nang isagawa ang pagdakip sa akusado.

Ayon kay P/SMSgt. Addrich Reagan De Leon, isa sa mga arresting officers, noon pang nakaraang taon nangyari ang umano’y panghahalay ng suspek sa dalagang biktima na kanyang kaibigan.

Dakong alas-9 naman ng Huwebes ng gabi nang maaresto din ng mga tauhan ng WSS, RMFB-NCRPO at SIS sa pangunguna ni chief PLT Zoilo Arquillo sa bisa ng warrant of arrest na inisyu noong June 3, 2021 ni Malabon RTC Judge Catherine Therese Tagle-Salvador ng Branch 73 para sa kasong Rape si Christopher Baltazar, 46, sa Macanas St., Brgy. Panghulo.

Ani PSMS De Leon, noong nakaraang taon ng January at Decenber nang maganap umano ang panghahalay ng suspek ang kanyang step daughter na 11-anyos sa kanyang bahay sa Brgy. Panghulo, Malabon city.

Nang magbakasyon ang biktima sa tunay niyang ama sa laguna ay ayaw na itong bumalik hanggang sa malaman ng kanyang ama ang ginawang panghahalay ng suspek sa anak niya.

Noong January 2021 ay nagtungo sila sa bahay ng suspek subalit, hindi nila ito naabutan kaya nagreklamo at nagsampa ng demanda ang ama kasama ang kanyang anak sa pulisya at piskalya ng Malabon city. (Bishop Jesus “Jemba” M. Basco)