Binuksan noong nakaraang Martes ng Department of Transportation (DOTr) ang P801.83 million na bicycle lane network sa Metro Manila na siyang huling bahagi ng 497-kilometer nationwide bike lane network na ginawa ng Department of Public Works and Highways (DPWH).

“Today marks the end of the long wait of cyclists for safe and quality bike lanes here in Metro Manila because we are formally inaugurating the third leg of the completed 497 kilometers of bike lane networks in the country,” wika ni DOTr Secretary Arthur Tugade.

Ang Metro Manila bike lane network ay mayroon habang 313 kilometers na dumaan sa kahabaan ng siyam (9) na pangunahing lansangan at 12 lungsod.

Dahil tapos na ang pagtatayo ng mga bike lanes, ang mga cyclists ay mabibigyan  ng mas ligtas na lugar sa lansangan habang sila ay nagbibisikleta papuntang trabaho at sa ibang lugar, ang wika ni Tugade.

Ayon kay Tugade, ang mga bike lanes ay ginamitan at nilagyan concrete delineators at flexible rubber bollards upang paghiwalahin ang mga cyclists sa mga sasakyan. Ginamitan din ito ng white at green pavement markings gamit ang thermoplastic paints, bollard bolted sa ibabaw, bike symbols at signages, solar-powered road studs, at bike racks.

Ang mga bike lanes ay mapapalawak ang paggamit ng road space sapagkat puwedeng magkasya ang 1,250 na cyclists kada oras para sa isang meter ng road space.

“The development of bike lanes in metropolitan cities aims to increase accessibility to key activity areas and fundamental facilities, significantly lessen carbon emission and promote road safety,” dagdag ni Tugade.

Magkakaron din ng tinatawag na South-NCR bike lanes. Ang mga ito ay ilalagay sa Las Pinas, Paranaque, at Muntinlupa upang pagdugtungin ang tatlong (3) nasabing lungsod sa existing bika lanes para magamit ng mga tao hindi lamang sa mga social activities kung hindi para na rin gamitin sa kanilang pagpasok sa trabaho at paguwi sa bahay.

Samantala, binuksan na rin ang 54.7-kilometer na Davao bike lane noong July 21 kung saan sinabi ni Tugade na ang mga cyclists sa Davao City ay makakasiguro na rin sila na magkakaron ng ligtas na lugar sa mga lansangan.

Kasama ito sa 497-kilometer na bike lane network sa Metro Manila, Davao City, at Metro Cebu. Natapos ang bike lane network sa Davao noong June 30 kung saan ito ay babagtas sa 14 na road sections sa Davao City.

Habang ang 129-kilometer na Metro Cebu bile lanes ay nagkaron ng inagurasyon na sinaksihang ng DOTr at DPWH noong July 16.

Lahat ng bike lane network ay binigyan ng pondong P145.371 million mula sa Bayanihan to Recover as One Act o ang tinatawag na Republic Act 1149.

“The DOTr will continue to promote cycling and other forms of active transportation, which are considered as sustainable modes of transport widely used in the most progressive cities in the world,” saad pa rin ni Tugade.  (LASACMAR)

Sa ngayon ay maaring masakop ng malakas na bansa ang mas mahina hindi lang sa paggamit ng “military power” kundi ng “economic power”.   Maaring malubog na sa utang ang mas mahinang bansa na hindi maayos sa paghawak ng ekonomiya kaya walang magagawa kundi isuko na lang ang sarili sa pamamagitan ng malalaking negosyo at kontrata sa gobyerno. Isa ito sa pinangangambahan ng mga tutol sa pag-aalis ng ‘nationality restriction requirement’ sa Saligang Batas na 60 – 40 pabor sa Pilipino sa mga public utility industries.

Kailangan ang mga dayuhang kapitalista sa ekonomiya kaya nga pwede sa mga public utilities kahit hanggang 40 percent na foreign ownership. Sa mga hindi naman public utility ay pwede lumampas sa 40 percent na pagmaymayari ng dayuhan ang pinapayagan ng batas.  Pero bakit nga ba dapat lamang ang pag-aari ng pinoy sa public utility industries – dahil kapag kontrolado ng dayuhan ng buong buo ang tubig, kuryente, broadcast, telepono, transportasyon, at iba pa ay kontrolado na ng dayuhan ang Pilipinas nang hindi man lang nagpapaputok kahit isang bala.  Ang panganib na ito ay pangamba rin ng mga mambabatas na nagsusulong ng SB2094 na bubukas ng bukang-buka ang mga industriyang binanggit sa dayuhan maliban sa kuryente at tubig.

Sa panukala :

Sec. 14 Review of Foreign Direct Investment in Covered Transactions

A. National Security Reviews, how initiated – The President or the National Security Council shall initiate a review of a covered transaction TO DETERMINE ITS EFFECTS ON THE NATIONAL SECURITY OF THE REPUBLIC OF THE PHILIPPINES if

1. The covered transaction is a FOREIGN GOVERNMENT CONTROLLED TRANSACTION; and,
2. The transaction would RESULT IN CONTROL OF ANY CRITICAL INFRASTRUCTURE OF OR WITHIN THE REPUBLIC OF THE PHILIPPINES.

Karagdagan sa maaring gawin ng Pangulo ay:

Action by the President – The president MAY take (not ‘shall take’ – ibig sabihin depende sa kanya) such appropriate action including suspension of a covered transaction involving critical infrastructure that THREATENS TO IMPAIR THE NATIONAL SECURITY OF THE PHILIPPINES.

So, kung maipapasa ang panukala at maging batas ay nakasalalay sa Pangulo ang pagdepensa ng bansa laban sa “economic takeover” ng dayuhang bansa gamit ang kanilang mga kapitalista. Kaya nga kinakailangan pagaralang mabuti ang panukalang ito bago pa tayo mawalan ng sariling bayan.

Sa 2022 at lantad na ang mga kandidatong presidente at mga mambabatas, kailangan maging klaro ang posisyon nila sa mahalagang isyung ito.

Sa mga botante ok lang na maaliw tayo sa pagsasayaw o pagkanta ng mga kandidato, tanggapin ang pera siguruo o mg bagay na ibinibigay nila pero mas isipin natin na iba na kapag BOTO MO ANG PINAGUUSAPAN. SAGRADO YAN.

Ibigay natin ang botong yan sa mga kandidatong tunay na may malasakit sa bayan at kaya tayong lahat na ipaglaban!

NAGHAHANDA na ang lokal na pamahalaang lungsod ng Maynila ang posibleng pagpapatupad ng lockdown sa gitna ng pagtaas ng kaso ng COVID-19 Delta variant sa bansa.

Nagpatawag ng emergency meeting si Manila City Mayor Francisco ‘Isko Moreno’ Domagoso kasama si Vice Mayor Ma. Sheilah ‘Honey’ Lacuna-Pangan at iba pang  local government health officials upang talakayin kung paano mapagaan ang pagkalat ng Delta variant.

Inatasan ng alkalde ang  Manila Disaster and Risk Reduction Management Office, Manila Barangay Bureau, at  Manila Police Department na alertuhin ang kanilang tauhan sakaling kakailanganin ang granular lockdown.

Nakipag-ugnayan na rin ang alkalde sa anim district hospitals, Manila COVID-19 Field Hospital at Manila Health Department sakaling may panibagong surge ng kaso ng  COVID-19

“Ayaw na nating marinig na may mga namatay sa parking lot dahil wala nang space sa ospital. Grabeng dagdag pasakit ‘yun,” pahayag ni  Domagoso .

“Kaya ngayon na may Delta variant, it’s a good thing that we have a facility that can serve the public. Welcome po ang lahat dito,” dagdag na pahayag pa ng alkalde

Sinabi ni Domagoso na ang Mania LGU ay magpapatuloy upang mapigilan ang posibleng pagtaas ng impeksyon ng COVID-19 sa mga residente.

“The City of Manila has actually been preparing for the worst case scenario over the past few months. Kahit nung hindi pa nagka-surge, we have kept on adding to our quarantine facilities and other resources in response to the pandemic. Hindi talaga dapat maging kampante,” ayon pa kay Domagoso

Ngayong Miyerkules hanggang alas 12 ng tanghali,  nasa 642 active cases at 66,582 recoveries ang naitala.

Ang anim na  district hospitals ay kasaukuyang nasa  32%  ang bed capacity occupancy rate; 65% bed capacity occupancy rate para naman sa  Manila COVID-19 Field Hospital; at  9% occupancy rate para sa  COVID-19 quarantine facility. (Bishop Jesus “Jemba” M. Basco)