Ang Diyaryong Pinagkakatiwalaan
Puno pa rin ng pagmamahal ang pagbati ni Vanessa Bryant sa ika-43 kaarawan ng pumanaw na NBA star na si Kobe.
Sa kaniyang social media ay nag-post ang maybahay ng Los Angeles Lakers star ng larawan nilang dalawa at may mensaheng mahal niya ng buong buhay.
Bukod kay Vanessa ay bumuhos rin ang pagbati mula sa iba’t ibang NBA stars at sports personalities.
Magugunitang noong Enero 2020 ng nasawi si Bryant kasama ang anak nitong si Gianna at pitong iba pa ng bumagsak ang sinakyan nilang helicopter.
TULUYAN nang pumirma ng kontrata si Daisy Lopez na mas makilalang Madam Inutz kayformer Mr. Gay World titlist Wilbert Tolentino, na sikat din na businessman, social media infuencer at philanthropist.
Ang kontrata ay sinulat sa Pilipino para lubos na maintindihan ni Daisy ang nilalaman nito kasabay na rin ng pagdiriwang ng Linggo ng Wika. Sa pagpirma ng kontrata ay kasama nila si Atty. Bertini Causing.
Sa mga hindi nakakikilala sa viral online seller, si Madam Inutz ay na-feature na sa KMJS. Trending din ang paggaya sa kanya ni Pokwang dahil sa istilo niya sa pagbebenta sa online. Nakipag-collab din sa kanya sina Ethel Booba at Donita Nose.
Perfect manager daw si Kuya Wil II dahil mapagkakatiwalaan ito at may koneksyon. Dalawang taon siyang ima-manage. Hindi rin sila mag-aaway sa pera at komisyon dahil na-witness naman ni Madam Inutz ang generosity ni Kuya Wil II.
Wala siyang kukunin na komisyon sa lahat ng kikitain ni Daisy pero mag-i-endorse siya ng kanyang mga negosyo. Ang ginawa niya noon na pag-aalaga at treatment sa dati niyang mina-manage na si Mader Sitang ay gagawin niya rin kay Madam Inutz.
Nilatag na rin ni Wilbert ang plano na gagawa ng single ang bagong alaga entitled “Inutil” composed by Ryan Soto. Bubuo sila ng album ng nasabing viral online seller. Gagawin din siya ni Kuya Wil II na ambassador ng mga online seller.
Tutulungan din nila ang mga gustong magbenta sa online bilang owner at kung paano ito magkaroon ng brand .Tumawag lang sa 09175inutil (09175468845). Puwede rin silang mag-email at mag-message sa dlinutil@gmail.com. Look for Wilbert Tolentino. Samantala, tinuturing na pumapangalawang Kuya Wil ang ka-freshness na si Wilbert Tolentino. Sumusunod daw siya sa yapak ng generous TV host na si Willie Revillame. Bawat episode ng vlog niya ay meron siyang inaayudahan. Kahit sa mga subscribers niya ay namimigay si Kuya Wil II ng cash sa bawat vlog niya! Ito ay tinatawag na Kafreshness CodeBination Giveways. May 20 winners ng P500 Gcash at dalawa ang mananalo ng Oppo A15. Manood at sumali.Para sa mechanics i-follow niyo siya sa Instagram account niya na sirwil75. Kamakailan ay may collab sina Kuya Wil II at Madam Inutz sa Wilbert Tolentino Vlogs YouTube channel na may 1.58 M subscribers. Anyway, may sorpresang handog si Kuya Wil dahil nagbigay siya ng P200k sa mag-ina. P100k para kay Madam Inutz at P100k sa ermat niya na may sakit. 5 days pa lang ay 2M na ang views nito.
Hindi pa natapos diyan dahil nu’ ng Wednesday naman ay nag-upload si Kuya Wil ng 2 minutes shopping challenge kina Madam Inutz at Herlene Hipon. Worth P107,231 ang nahakot ni Hipon. Tatlong araw pa lang pero 2.1M views na ito. Isi-share din daw niya ang mga blessing na natanggap niya mula kay Kuya Wil II sa mga kamag-anak niya at sa mga nangangailangan.
Naniniwala siya na pag may biyayang dumating ay kailangang ipamahagi para may pumasok ulit na grasya. Si Madam Inutz naman ay umabot ng P342,173 ang na-shop niya sa challenge. Ititinda raw niya ito sa online para magamit sa medication ng kanyang ina.
(ROHN ROMULO)
Makakapagsimula nang mag-ensayo ngayong araw ang mga PBA teams sa Pampanga na magandang senyales na abot-kamay na ang restart ng PBA Season 46 Philippine Cup.
Unang aarangkada sa ensayo ang Alaska at Barangay Ginebra na nasa morning schedule ng liga.
Parehong alas-8 ng umaga ang training ng dalawang tropa kung saan sasalang ang Aces sa Colegio de Sebastian sa San Fernando, Pampanga habang ang Gin Kings ay magsasanay sa Beverly Place sa Mexico City.
Nakalinya rin ang Magnolia Hotshots sa Colegio de Sebastian at ang Blackwater Bossing sa Beverly Place sa parehong oras na 10:15 ng umaga.
Kasunod nito ang Meralco Bolts (Colegio de Sebastian) at NLEX Road Warriors (Beverly Place) sa alas-12:30 ng hapon at ang Phoenix Super LPG Fuel Masters (Colegio de Sebastian) at NorthPort Batang Pier (Beverly Place) sa alas-2:45 ng hapon.
Sa last batch ang Rain or Shine Elasto Painters (Colegio de Sebastian) at San Miguel Beermen (Beverly Place) sa alas-5 ng hapon at ang TNT Tropang Giga (Colegio de Sebastian) at Terrafirma Dyip (Beverly Place) sa alas-7:15 ng gabi.
Magkakaroon ng dalawang oras na ensayo ang bawat koponan kung saan may pagitan na 15 minuto ang bawat team para bigyang daan ang 15 minuto na disinfection procedure.
Iginiit din ni PBA commissioner Willie Marcial na sumailalim sa swab test ang lahat ng miyembro ng team bago simulan ang ensayo.
Mas magiging mahigpit ang swab testing sa oras na magsimula na ang liga.
Nakaabang pa rin ang PBA sa approval ng Office of the Governor para sa restart na planong ganapin sa Angeles University Foundation Arena at Don Honario Ventura State University sa Bacolor, Pampanga.
Nagbigay ng tribute si Tokyo Olympics bronze medalist Eumir Marcial kay Manny Pacquiao isang araw matapos matalo ang Filipino world eight-division champion kay Cuban world titlist Yordenis Ugas.
Ayon sa middleweight na si Marcial, habambuhay na mananatili si Pacquiao sa kanyang puso.
“Ever since I was a child, the name Manny Pacquiao has always been the name I’ve always heard, and has always been known in the field of boxing,” sabi kahapon ng tubong Zamboanga City.
Isa si Marcial sa mga Pinoy boxers na nasa bakuran ng MP Promotions ni Pacquiao bukod kina World Boxing Organization (WBO) bantamweight king John Riel Casimero at International Boxing Federation (IBF) super flyweight ruler Jerwin Ancajas.
“Even until now, it’s still Manny Pacquiao,” wika ng 25-anyos na si Marcial sa fighting Senator. “Proudly, I am a Filipino! I am a boxer like you!”
Ang nasabing pagkatalo kay Ugas noong Linggo sa Las Vegas, Nevada ang sinasabing pinakahuling laban ng 42-anyos na si ‘Pacman’.
“You will always be my hero, and someone I’ll always look up to. Thank you so much for inspiring us,” dagdag ni Marcial na ginawa ang kanyang matagumpay na professional debut laban kay American Andrew Whitfield noong Disyembre.
Bago matapos ang taon ay inasahang muling aakyat ng boxing ring si Marcial para sa kanyang ikalawang pro fight.
NAKAUSAP na namin dati pa si Kris Bernal bago siya nag-vlog tungkol sa pagkawala niya sa Kapuso network.
Tinanong din namin siya kung may sama ba siya ng loob, apprehensive pa itong umamin pero sinabi rin niya na, “Yes, oo, at first, nakaramdam ako ng kahit paano, sama ng loob, kasi ang tagal ko na sa network ‘di ba? “Parang napatanong lang din ako sa sarili ko, ano ba ‘yung nagawa ko? May mali ba ‘kong ginawa? Kasi in fairness naman to me, hindi naman ako namimili ng project at saka, lahat ng ibinibigay sa akin, binibigay ko naman ang best ko.
“Pero sa umpisa lang naman ‘yun, napapaisip ka. Pero naintindihan ko rin. Siyempre, pandemic. Apektado naman talaga lahat.”
Itinanggi rin niya ang isyu na kaya hindi siya ni-renew ng network dahil nagpapataas siya ng talent fee.
Sey niya rin sa vlog niya, “Hindi po totoo ‘yun, sabi ko, kahit babaaan niyo na, kahit ano lang po. I’m after you know, doing show because acting is my passion.”
At kaya raw tumanggap din siya ng project na at hindi na nahintay ang home network niya dahil kailangan din daw niyang mag-trabaho talaga. Pero sey niya, sobrang nagpaalam pa rin daw siya sa GMA-7. At never raw niyang sisiraan ang network dahil very grateful and blessed nga siya rito.
Inamin din niya na totoong marami siyang kinausap na manager na possible na mag-manage sa kanya. At ang manager nga raw niya ngayon ay sa ALV ni Arnold Vegafria.
“May mga project na rin siyang naka-line-up for me, may movie at series din pero ayoko munang sabihin baka hindi matuloy. Masarap lang pakinggan na may interested pa rin sa akin,” sey niya.
***
POSITIBO sa COVID-19 ang actor/Senator na si Lito Lapid.
Sa ngayon daw, nasa Medical City ito sa Clark, Pampanga.
Nakausap namin ang kanyang daughter-in-law na si Tanya Garcia na kasalukuyang nasa America kasama ang mga anak at ang mister na si Mark Lapid.
Ayon kay Tanya, dahil nga sa situwasyon ni Senator Lito, hindi maiwasang hindi mag-alala ni Mark. Nagwo-worry raw ito sa kanyang Daddy, pero aware rin naman na kahit nandito sila sa Pilipinas, hindi rin sila makakalapit o mababantayan ito sa hospital.
Kaya timing na rin daw na schedule talaga nilang bumalik na ng bansa ngayong araw na ito from more than a month vacation din sa America. Pero katulad ng ibang nanggaling ng ibang bansa, required din silang buong pamilya na mag-undergo muna ng ten days quarantine.
Sa ngayon, getting better naman daw ang kondisyon ni Sen. Lito kumpara raw kahapon.
***
NAPAKA-VOCAL ng actress na si Dina Bonnevie sa mga papuri niya sa co-star at ang Asia’s Multimedia Star na si Alden Richards.
Sey niya kasi na talagang noon pa, gusto niyang maka-trabaho si Alden. At ‘yun nga, more than her expectation daw sa kanya si Alden.
At sa mga papuring binitawan nga kay Alden, hindi lamang ni Ms. D kung hindi maging ng isa pang award-winning actress sa GMA Primetime series na The World Between Us pwede ng malunod si Alden, huh!
Sabi ni Ms. D, “More than what I expected, kasi I thought. Kasi, I really wanted to work with Alden. Kasi nga, gusto ko lahat ng mga now na artista, up and coming supertstar, gusto kong maka-trabaho and I was so happy to have given the chance to work with Alden.”
Tila nakilala na nga nang husto ni Ms. D si Alden dahil hindi na lang abot-abot ang papuri niya rito bilang isang artista, bilang businessman na rin.
Sey pa rin niya, “Personally, I think, he’s very kind, very giving, very respectful, very gracious. He’s so gracioso. Such a gentleman and very generous.”
Kaya inunahan na ni Dina si Alden na ‘wag daw ikalalaki ng ulo nito ang mga papuring naririnig.
“I was actually surprise knowing him and finding that he’s actually more than what I expected. Hindi lang pala siya guwapo, pati ‘yung kalooban niya, guwapo rin.”
Season ender na this week ng The World Between Us. Ang isa sa main reason kung bakit may season ender ang serye para sa safety ng cast at crew ngayong sobrang taas pa talaga ng positive cases lalo na sa NCR.
(ROSE GARCIA)
Handa na pagsapit ng unang araw ng Setyembre ngayong taon ang digital COVID-19 vaccine certificates o IDs para sa National Capital Region, ayon kay Metropolitan Manila Development Authority (MMDA) chairman Benhur Abalos.
Kinukolekta na kasi aniya ng Department of Information and Communications Technology (DICT) ang lahat ng datos hinggil sa COVID-19 vaccination sa NCR.
Nauna nang sinabi ng DICT na sa Setyembre nga ilulunsad ang digital COVID-19 vaccine certificate portal.
Ayon kay DICT Undersecretary Emmanuel Caintic, nakikipag-ugnayan ang kagawaran sa Department of Health para ilunsad ang “VaxCertPH” sa unang linggo mismo ng Setyembre.
Sinabi ni Abalos na nakiusap siya kay Caintic para sa pagkakaroon ng feature kung saan maaring i-check ng LGUs sa NCR kung ang isang tao ay naturukan na ng COVID-19 vaccine doses mula sa iba’t ibang LGUs para maiwasan na madoble ang pagtuturok sa kanila ng bakuna.
Kaugnay nito, muling nagbabala ang chairman ng MMDA sa mga kumukuha ng booster shots sa iba’t ibang LGUs.
Ang mga mahuhuling gumagawa nito ay tiyak na makukulong, ayon kay Abalos.
NAPAGKASUNDUAN ng local government units sa National Capital Region (NCR) na magtulungan sa pagbabakuna ng mga residente ng bawat isa.
Sa virtual press briefing ni Presidentia spokespeerson Harry Roque, sinabi ni Metropolitan Manila Development Authority (MMDA) chair Benhur Abalos na kailangan lamang na ang COVID-19 vaccine recipients ay magtakda muna ng kanyang iskedyul at makakuha ng QR code para maturukan ng bakuna laban sa covid 19 mula sa NCR LGU.
“Now we are going to vaccinate as one,” ayon kay Abalos.
“So napagkasunduan na magkaroon ng QR code na yung mga labas namin na hindi resident ng LGU ay puwedeng magpabakuna,” dagdag na pahayag nito.
Plano rin aniya nila na palawigin ang pagbabakuna ng NCR LGUs sa mga kalapit na lalawigan gaya ng Bulacan, Rizal, Laguna, at Cavite.
Sa kabilang dako, sinabi naman ni MMDA General Manager Jojo Garcia na ang NCR LGUs ay magkakaroon ng uniform registration para sa COVID-19 vaccination.
Nauna rito, nanawagan naman si Marikina City Mayor Marcelino Teodoro nang pagtutulungan sa pagbabakuna sa hanay ng local government units para makamit ang herd immunity sa rehiyon.
Aniya, naghihintay lamang ang Marikina City government ng polisiya sa inisyatibang ito mula sa National Vaccination Operations Center.
Binigyang diin nito na ang daylight population o mga taong regular na nagpupunta sa Kalakhang Maynila para magtrabaho, pumasok sa eskuwela at mag-negosyo o kalakal ay kailangan din na makasa sa vaccination efforts ng NCR LGUs. (Daris Jose)
NANAWAGAN ang Malakanyang sa Philippine Health Insurance Corp. (PhilHealth) na bayaran ang lahat ng pagkakautang nito o ang mga claims ng mga pribadong ospital lalo pa’t marami sa mga ito ang nagkokonsidera na putulin ang ugnayan sa state insurer.
Sa katunayan, may tatlong hospital groups na ang nagkokonsidera na kumalas sa PhilHealth matapos na magpalabas ang state insurer ng circular na pansamantalang sinusupinde ang pagbabayad sa mga claims.
Pinatunayan lamang ng PhilHealth na ang ipinalabas nitong circular ay isang “fraud-control measure” matapos na imbestigahan ang ahensiya sa P153.7 bilyong pisong nawala o nalugi rito mula taong 2013 hanggang 2018.
Sinabi ni Presidential Spokesperson Harry Roque na kailangan lamang na bayaran ng PhilHealth ang lahat ng hospitals’ claims dahil ang naging banta ng mga osiptal na kakalas sa PhilHealth ay isang malinaw na makadidiskaril sa universal health care law.
Ang mga pribadong ospital ang nagbibigay ng bultong health care services sa bansa.
Makabubuti sa PhilHealth na imbestigahan ang claims sa halip na bantaan ang mga ospital na iba-blacklist.
“Ang gobyerno sa pamamagitan ng PhilHealth ang siyang bibili ng lahat ng medical goods and services kaya itong banta nila [private hospitals] na sila ay titigil na magbigay serbisyo at magdi-disengage sa PhilHealth, that has the potential of derailing the universal health care law,” anito.
“Ang panawagan ko sa PhilHealth, magbayad kayo ng mga dapat bayaran. Totoo, maraming ma-anomalyang mga claims. Ang dapat gawin diyan, litisin ang magsusumite ng mga fictitious claims at mga ma-anomalyang claims, ‘wag natin gamitin ‘yung blacklisting o ‘yung threat of blacklisting dahil hindi kakayanin ma-implement ang universal health care law na pang-gobyernong hospital lamang ang magbibigay ng serbisyo lalung lalo na sa panahon ng pandemya,” dagdag na pahayag ni Sec. Roque.
Samantala, tinawagan din ng pansin ni Sec. Roque si PhilHealth President and Chief Executive Officer Dante Gierran na sibakin sa puwesto ang mga tiwaling opisyal na di umano’y sangkot sa maanomalyang hospital claims.
“Ang panawagan ko kay Atty. Gierran, bakit iisa pa lang ang natatanggal sa PhilHealth dahil sa mga anomalya, nag-resign pa? Ang ibig mo bang sabihin lahat ng mga anomalya sa nakalipas, eh narariyan pa rin lahat ng tao na responsable diyan at ni isang tao sa PhilHealth hindi dapat sibakin? Hindi kapani-paniwala ‘yan,” aniya pa rin. (Daris Jose)
Suspendido muna ang operasyon ng Land Transportation Franchising and Regulatory Board (LTFRB) sa Quezon City ngayon may pinatutupad na modified enhanced community quarantine (MECQ).
Ayon sa LTFRB maliban sa restrictions sa ilalim ng MECQ nalaman rin na may 20 empleyado sa central office nito ang nagpositibo sa COVID.
Ganon pa man, ang LTFRB ay patuloy na tatangap ng online transactions para sa mga correction ng typographical errors, confirmation ng units para sa franchise, verification, pagbibigay ng provisional authority, kasama na rin ang tungkol sa Information System Management at Public Utility Vehicle Modernization Program.
“The LTFRB has a limited capacity during MECQ, but will continue servicing the public,” ayon sa ahenisya.
Dagdag pa ng LTFRB na patuloy pa rin magkakaron ng online hearings ayon sa nakatakdang schedule habang ang 24/7 the assistance hotline ay mananatiling bukas pa rin.
Sa ngayon ang LTFRB ay nagpapatupad ng mahigpit na health protocols para sa mga stakeholders at empleyado nito.
Habang ang Land Transportation Office (LTO) naman ay nagbukas na ng kanilang mga tangapan sa Metro Manila, Laguna at Bataan simula noong nakaraang Lunes. Subalit magkakaron lamang sila ng ng 50 percent capacity.
“We remind the public to follow COVID-19 protocols to prevent the transmission of the virus and to allow transactions to continue,” ayon naman sa LTO.
Samantala, inihayag naman ng Department of Transportation (DOTr) na walang mababago sa kapasidad ng mga pampublikong transportasyon sa National Capital Region (NCR) ganon din sa Bataan at Laguna kung saan ito ay mananatiling 50 percent lamang sa ilalim ng MECQ.
Nilinaw din ng DOTr na ang mga authorized persons outside residence (APORs) na siyang kinilala ng Inter-Agency Task Force for the Management of Emerging Infectious Diseases (IATF) ang siyang papayagan na gumamit ng mga transport services.
“Just like during the ECQ period, there will be stricter enforcement of safety measures to ensure that only APORs are permitted to use public transport, as mandated by IATF,” wika ni DOTr Secretary Arthur Tugade.
Ang mga public utility buses at jeepneys ay patuloy na magkakaron ng operasyon na ang kapasidad ay 50 percent at kinakailangan na may one-seat-apart at dapat ay walang nakatayong pasahero at isang pasahero lamang ang pinapayagan na umupo sa hanay ng driver.
Pinapayagan rin ang taxi services at transport network vehicle service samantalang ang mga tricycles ay kinakailangan naman na isa lamang ang sakay.
Patuloy rin ang operasyon ng mga rail lines ngayon panahon ng MECQ kung saan magkakaron ng mga marshals upang makilala ang mga APORs at para magpatupad ng rin ng health at safety protocols.
“Domestic flights and sea travel in the NCR will also continue during MECQ, subject to community quarantine restrictions of the passenger’s destination,” saad ng DOTr. LASACMAR