2021 August 26 Archive - People's Balita

July 19, 2024
Search in People's Balita
Ang Diyaryong Pinagkakatiwalaan

Archive for August 26th, 2021

Risk allowance ng 20K health workers mababayaran na

Posted on: August 26th, 2021 by @peoplesbalita No Comments

Nangako si Health Secretary Francisco Duque III na mababayaran na ang P311 Special Risk Allowance ng 20,000 pang healthcare workers.

Sa kanyang pagharap sa pagdinig ng House Committee on Health, sinabi ni Duque na natukoy na ang nasabing mga healthcare workers at maibibigay na ang SRA ng mga ito ngayong araw.

Una nang nagbanta ang grupo ng mga healthcare workers na magsasagawa ng mass resignation kapag hindi nabayaran ang kanilang mga SRA at iba pang mga allowance sa gitna na rin ng sakripisyo sa pagsabak sa COVID-19.

Bunsod nito, inatasan ni Pangulong Rodrigo Duterte si Duque at ang Department of Budget and Management (DBM) na bayaran ang SRA at iba pang mga allowance ng medical frontliners sa loob ng 10 araw.

Samantala, aabot sa P7M ang utang ng PhilHealth sa bawat miyembro ng Philippine Hospital Association o kabuuang P86 bilyon sa mga hindi nabayarang claims partikular na sa COVID patients.

Sinabi ni PHA President Dr. Jaime Almora na ang P86 bilyon ay ang kabuuang halaga na ginastos ng mga ospital sa kanilang pasyente pero walang reimbursement sa PhilHealth.

Ayon kay Almora, nasa P13.6 bilyon ang denied claims, nasa P13 bilyon hanggang P16 bilyon ang in-process claims, at P46 bilyon ang Return to Hospital (RTH) claims. (Daris Jose)

SHARON, looking forward to growing old with Sen. KIKO, pero ayaw niyang magmukhang matanda

Posted on: August 26th, 2021 by @peoplesbalita No Comments

BIRTHDAY ni Senator Kiko Pangilinan yesterday at gusto naming i-share sa inyo ang IG greeting ni Megastar Sharon Cuneta sa kanyang loving husband.

“Happy, happy birthday to one of best fathers in the world, my Sutart, playmate, “neybor,” friend, no. 1 fan and supporter, partner, no.1 fan also of my cooking, my faithful, loving, kahit masungit husband and boyfriend, Kiko! You are, next to God, the glue that holds the family together. You are our strength and protector, and we love you very much.

“May God guide and protect you as you do the work He has planned for you to finish with His gift of life to you. We are behind you, beside you, around you with you sungit! I love you even if were best frenemies! Hahaha. With all my wawa heart.”

Nakakakilig naman ang pagbati ni Ate Shawie.

May isang birthday greeting pa si Ate Shawie sa kanyang hubby.

“Happy birthday again, Neybor! 58 years old na?!!! We met and started dating when you were 30! OMG. Time por a change na yata. Hahaha joke only!!! Looking forward to growing old (but not looking old cos I’m a vampire! Kahit na bumili nako sa science ng pampahaba ng pagkavampire ko hahaha!).”

May reaction video naman si Sen. Kiko sa kanyang You Tube account about the Revirginized movie ni Ate Shawie. Pero hindi pa namin ito napanood.

Pero for sure, kahit na ano ang maging reaction ni Sen. Kiko, the fact remains that he and Sharon truly love each other. Lagi naman nakasuporta si Sen.Kiko sa mga projects ng kanyang loving wife.

***

WINI-WISH daw ni Gerald Anderson na patawarin siya ni Bea Alonzo.

Pero bakit naman sa isang interview on national television nito ito sinabi?

Parang kulang naman ito sincerity. Parang lip service lang.

Kung gusto ni Gerald na maniwala ang mga tao na sincere siya sa paghingi ng tawad kay Bea, dapat ginawa niya ito privately.

Siguro naman alam niya kung paano magri-reach out kay Bea.

At dahil gusto niya televised ang paghingi ng patawad kay Bea, payag din kaya ni Gerald na magpasampal kay Bea na may TV coverage?

Ano naman ang reaction ni Julia Barretto sa wish ni Gerald na patawarin siya ni Bea?

Teka, si Julia ba walang balak humingi ng sorry kay Bea?

(RICKY CALDERON)

P8 bilyong pisong intelligence fund, gagamitin sa mga terorista, komunista at drug lords- Sec. Roque

Posted on: August 26th, 2021 by @peoplesbalita No Comments

PATULOY pa rin ang banta ng mga terorista, Islamic State of Iraq and Syria (ISIS), komunista at mga drug lords kahit may pandemya.

Dito ani Presidential Spokesperson Harry Roque mapupunta ang P8 bilyong piso sa national budget para sa surveillance ngayong taon.
“Hindi naman ibig sabihin na pandemya ay tigil na muna ang terorismo. Dyan napupunta ang ating intel fund at kasama na rin diyan.. sa mga benepisyong ibinibigay doon sa mga napapatay ng mga sundalo at mga kapulisan,” ayon kay Sec. Roque.

Sa ulat, sinasabing mas mababa ito kumpara sa nakaraang alokasyon.

Ayon sa Budget of Expenditures and Sources of Financing Tables na naka- attached sa 2022 National Expenditure Program (NEP) na isinumite ng Mababang Kapulungan ng Kongreso, naglaan ang pamahalaan ng P8.6 billion para sa intelligence at confidential expenses.

Sinasabing mas mababa ito ng P911,372,000 mula sa inilaan noong nakaraang taon.

Ang Intelligence expenses ay tumutukoy sa intelligence information-gathering activities ng uniformed at military personnel, at intelligence practitioners na mayroong direktang epekto sa national security.

Ang mga ahensiyang gumagamit ng intelligence funds ay kailangan na magsumite sa Pangulo ng “quarterly report” ukol sa accomplishments sa paggamit ng nasabing pondo.

Ang Confidential expenses, sa kabilang dako ay may kinalaman sa surveillance activities sa civilian government agencies na ang nilalayon ay suportahan ang mandato at operasyon ng ahensiya.

Ang mga ahensiya na gumagamit ng confidential funds ay kinakailangan na magsumite sa Pangulo at sa dalawang Kapulungan ng Kongreso ng “quarterly report” hinggil sa accomplishments sa paggamit ng naturang pondo. (Daris Jose)

Duterte tatakbong VP sa 2022 elections

Posted on: August 26th, 2021 by @peoplesbalita No Comments

Pormal nang tinanggap ni Pangulong Rodrigo Duterte ang pag-eendorso sa kanya ng ruling party Partido Demokratiko Pilipino-Lakas ng Bayan (PDP-Laban) na tumakbong bise-presidente sa darating na halalan sa Mayo 2022.

Inanunsiyo noong Martes ni Cabinet Secretary Karlo Alexei Nograles, executive vice president ng PDP-Laban, na pumayag na ang Pangulo sa alok ng partido na tumakbong vice president sa darating na halalan.

Ani Nograles, nakipagpulong si Pangulong Duterte nitong Lunes sa mga opisyal ng partido.

“President Rodrigo Roa Duterte agreed to make the sacrifice and heed the clamor of the people, and accepted the endorsement of the PDP Laban Party for him to run as Vice President in the 2022 National Elections,” sabi ni Nograles.

Ang naturang paksyon ng PDP-Laban na pinamumunuan ni Energy Secretary Alfonso Cusi ang siya ring nagnomina kay Sen. Bong Go para maging “manok” sa pampanguluhang karera sa 2022.

Matatandaang ipinahayag ng Pangulo na ikokonsidera o tatakbo lamang siya sa pagkabise-presidente kung ang magiging katambal o pangulo niya ay isang kapartido at makakasundo sa pagpapatakbo sa gobyerno.

Maaalala rin na ininomina o inendorso ng national executive council ng PDP-Laban ang tambalan nina Sen. Go at President Duterte para maging pambato nito sa darating na pambansang halalan.

Sinabi naman ni Sen. Go na hindi siya interesado na tumakbo sa pagka-pangulo.

“Nakatutok ako sa aking tungkulin bilang senador upang tulungan ang bansa na malampasan ang krisis na ating hinaharap. Bakuna muna bago pulitika. Mas mabuti unahin niyo na muna ’yung mga interesado na tumakbong Pangulo,” wika ni Go.

Ang Go-Duterte ang itinuturing na “super-tandem” at walang katibag-tibag sa darating na eleksyon dahil maraming naniniwala na ito ang magpapatuloy ng magagandang nasimulang programa at proyekto ng Duterte administration.

“As I have said many times before, I leave my fate to God, to the Dutertes (both PRRD and Mayor Sara) — kung ano man po ang kanilang magiging desisyon sa pulitika — and to the Filipino people to whom I owe this opportunity to serve our country. Sila po ang nagbigay sa akin ng pagkakataon na maglingkod kaya hindi ko po sasayangin ang oras na ito na makapagserbisyo sa aking kapwa Pilipino sa abot ng aking makakaya,” anang mambabatas. (Daris Jose)

Pinay powerlifter sa Tokyo Paralympics nagpositibo sa COVID, coach ‘di na rin makakasama

Posted on: August 26th, 2021 by @peoplesbalita No Comments

Labis labis ang pagkadismaya ng isa sa mga atleta ng Pilipinas na sasabak sa 2020 Tokyo Paralympics matapos na hindi matuloy dahil sa nahawa sa COVID-19.

Una rito kinumpirma ni Philippine Paralympic Committee (PPC) president Michael Barredo na dinapuan ng virus si Filipina powerlifter Achele Guion.

Dahil dito maging ang kanyang coach na si Antonio “Tony” Taguibao ay hindi na rin makakasama sa delegasyon kung saan ngayong araw ang opening ceremony sa Tokyo, Japan.

Sinasabing sobra raw ang “frustrations” ni Guion bunsod ng kabiguan nitong maging kinatawan ng Pilipinas makaraan ang matagal din na paghahanda sa Paralympics.

Tutungo sana ito sa Tokyo dala ang inspirasyon sa naging panalo rin ng gold medal ni Hidilyn Diaz sa weigthlifting.

“Jinky is deeply frustrated that she will not be able to compete in her powerlifting event for her country after training for so long, and especially getting much inspiration from Hidilyn Diaz,” ani Barredo sa statement. “Despite this most unfortunate development, all our para athletes remain in high spirits and committed to give their best possible performances to bring honor and glory for our country.”

Sa ngayon limang mga Pinoy athletes na lamang ang sasabak sa paralympics na kinabibilangan ni wheelchair racer Jerrold Mangliwan na lalaban sa tatlong events na men’s 400m, 100m, and 1500m.

Ang swimmer na si Ernie Gawilan ay dadalhin naman ang bandila ng Pilipinas sa men’s 200m individual medley (IM), 400m freestyle, at 100m backstroke.

Ang isa pang swimmer na si Gary Bejino ay nasa apat namang events ang sasalihan na kinabibilangan ng men’s 200m IM, 50m butterfly, 400m freestyle, at 100m backstroke.

Ang isa pang atleta na si Jeanette Aceveda ay sasabak sa women’s discus throw event habang ang taekwondo jin na si Allain Ganapin ay tatangkain namang makasungkit ng medalya sa men’s K44-75kg division.

Hindi pa rin interesado na tumakbo bilang bise-presidente sa Eleksyon 2022

Posted on: August 26th, 2021 by @peoplesbalita No Comments

“I am still not interested.”

ito ang naging pahayag ni Senador Bong Go matapos tanggapin ni Pangulong Rodrigo Roa Duterte ang pag-endorso sa kanya ng ruling party PDP-Laban na tumakbo bilang bise-presidente sa Eleksyon 2022.

Sa isang video message, sinabi ni Go na nakatutok siya sa kanyang tungkulin bilang senador upang tulungan ang bansa na malampasan ang krisis na hinaharap ng lahat.

“Bakuna muna bago ang politika,” diing pahayag ni Go.

Ang pakiusap pa ni Go ay mas mabuti aniya na unahin muna ang mga interesado na tumakbong Pangulo kaysa sa kanya.

Matatandaang, sinabi ni Go na “makapagbabago lang ng aking desisyon na tumakbo bilang Presidente ay kung si Tatay Digong ang aking magiging Bise Presidente.”

Sinabi ni Go na nais niyang si Pangulong Duterte ang kanyang maging ka-tandem sa pampanguluhang halalan hanggang sa pagsisilbi sa bayan dahil naniniwala siyang ito ang magiging “continuity” ng pamamahala sa pamahalaan.

Ganito rin ang naging pahayag ng Pangulo na nagsabing tatakbo lamang siya sa pagkabise-presidente kung ang magiging pangulo niya ay isang kapartido at makakasundo sa pagpapatakbo sa gobyerno.

Ginawa ni Go ang pahayag matapos inomina ng national executive council ng PDP-Laban ang tambalan nina Sen. Go at President Duterte para isabak sa darating na halalan. (Daris Jose)

Ads August 26, 2021

Posted on: August 26th, 2021 by @peoplesbalita No Comments

Manny puno ng pasasalamat

Posted on: August 26th, 2021 by @peoplesbalita No Comments

Sa kabila ng kabiguan kay World Boxing Association (WBA) welterweight champion Yordenis Ugas, walang ibang bukambibig si Manny Pacquiao kundi pasasalamat.

Sa kanyang bagong post sa social media, nagpasalamat ito sa Panginoon sa paggabay nito sa kanyang laban noong Linggo sa Las Vegas, Nevada.

“I want to thank God for giving me the strength to fight,” ani Pacquiao.

Sa katunayan, madaling-araw na nakapagpahinga si Pacquiao matapos ang laban kung saan alas-4 ng umaga na ito nakatulog.

Subalit gumising ng alas-9 ng umaga si Pacquiao kasama ang kanyang pamilya para dumalo sa isang misa.

Patuloy din ang pasasalamat ni Pacquiao sa kanyang pamilya na kasama nito sa hirap man o ginhawa.

Muling nagpaabot ng congratulatory message si Pacquiao kay Ugas sa tagumpay nito.

Sa huli, pinasalamatan din ni Pacquiao ang milyun-milyong boxing fans sa buong mundo na sumuporta at nanood ng kanyang laban.

Ipinagmalaki ni Pacquiao na malaking karangalan para sa kanya na muling iwagayway ang bandila ng Pilipinas sa buong mundo upang ipamalas ang husay ng isang Pinoy.

“Thank you to the fans all around the world who were watching. Thank you to every Filipino that has ever supported me. I’m so proud to represent my country. I’m sorry I could not give you a win, but I did my very best. From the bottom of my heart, THANK YOU! God bless you all,” pagtatapos ni Pacquiao.

JESSICA, inaalala ang magiging buhay ng mga taga-Afghanistan dahil sa Taliban; di na mabubura ang nasaksihan noong 2002

Posted on: August 26th, 2021 by @peoplesbalita No Comments

NEVER daw mabubura sa isipan ng award-winning broadcast journalist na si Jessica Soho ang mga nasaksihan niya sa Afghanistan nang mag-cover siya rito noong 2002.

Nagiging emosyal si Soho tuwing maaalala niya ang pagsabog ng isang ambulansiya na malapit lang sa kanilang kinatatayuan.

Nang panahong iyon, nakontrol na ng mga sundalong Amerikano at kanilang mga kaalyado mula sa Taliban ang Afghanistan. Sa gitna ng digmaan, maraming landmines o bomba ang itinamin ng kalaban na kailangang alisin.

Sasama raw dapat ang grupo ni Jessisa sa pagpapatrolya ng mga sundalong Amerikano sa Bagram Air Base nang makita nila ang Danish Deminers Group, na mag-aalis ng mga itinanim na bomba. Naisipan nilang i-cover na muna ang mga mag-aalis ng bomba dahil malapit din lang ito sa Bagram Air Base.

Kuwento ni Soho: “So sabi ko, ‘Uy! Tamang-tama!’ So nag-usap kami ng producer ko, ni Joy Madrigal. Sabi ko, ‘Bago tayo pumunta dun sa loob ng base, i-cover muna natin ‘yung mga nagtatanggal ng landmine.”

Hanggang sa may mangyaring pagsabog at may nadisgrasyang nag-aalis ng bomba na isinakay sa ambulansya.

Tinanong pa raw sila kung gusto nilang sumama sa ambulansiya pero tumanggi sila Jessica dahil mayroon pa silang coverage sa Bagram Air base. Habang kinukuhanan ng video ng cameraman ang pag-alis ng ambulansiya, bigla itong sumabog nang magulungan ang nakatanim na mas malakas na bomba.

Isang uri ng anti-tank landmine ang itinamin at sasabog kapag nadaganan ng mabigat na sasakyan. Nang sandaling iyon, marami raw sakay ang ambulansiya.

Maluha-luhang pag-alala ni Soho: “Kaya ako tumanggi. Pero kung wala siguro ‘yun na naka-schedule, baka sumama kami. Bigla na lang parang ‘boom!’ Tapos parang nabingi na ako. Parang na-mute ‘yung TV mo o ‘yung gadget mo, parang ba’t ganito? Tapos parang iba bigla ‘yung mundo mo.

“Parang slowmo ba o—ewan ko, ang hirap ipaliwanag pero naramdaman ko ‘yung init, tapos ‘yung parang ripples. After that time, para kaming tulala. Para kaming mga basang sisiw. Napaupo na lang kami sa isang tabi pero nagpapasalamat na lang ako na walang nangyari sa amin.”

Ngayon na muling nakabalik sa kapangyarihan ang Taliban, inaalala ni Jessica ang magiging buhay muli ng mga mamamayan doon; kumusta na kaya ang mga taong nakapanayam at nakasalamuha niya noon.

***

HABANG wala pang pinagkakaabalahang bagong teleserye si Arci Muñoz, panay ang liwaliw nito sa ibang-ibang lugar sa US.

Nitong nakaraang weekens, bumiyahe ang aktres sa isang road trip ng higit na 11-hours gamit ang RV or Recreational Vehicle.

Pinost ni Arci via Instagram ang kanyang photo katabi ang nirentahang RV na minaneho niya ng 706 miles across three states para makarating ng Denver, Colorado papuntang Arizona.

Kasama ni Arci ang ilang mga kaibigan sa kanyang road trip at pinakita niya via IG video ang loob ng RV at kunsaan sila nagluluto at natutulog na magkakaibigan.

Nagawa ng aktres na mabisita si Pambansang Kamao Manny Pacquiao sa Los Angeles bago ang naging laban nito sa Las Vegas noong nakaraang August 22. Napapirma ni Arci kay Pacman ang kanyang boxing gloves.

Bukod sa pagiging artista, nagsisilbi rin bilang sergeant si Arci sa Philippine Air Force Reserve Command.

***

BALITANG nagde-date ngayon ang Magic Mike star na si Channing Tatum at ang aktres na si Zoë Kravitz. Nakita ang dalawa na magkasama sa New York City.

Namamasyal sa East Village ang dalawa at tila walang pakialam na may mga nakakakita sa kanilang lambingan. Sumakay pa ng BMX bike ang dalawa at masayang umiikot-ikot sa kunsaan-saan. Nakayakap pa si Zoe kay Channing habang nasa bisikleta sila.

Noong January 2021 pa unang nabalitang nagkakamabutihan ang dalawa. Kaka-file lang noon ng divorce ni Zoe sa kanyang husband na si Karl Glusman.

Si Channing naman ay tuluyan nang nakipaghiwalay sa singer girlfriend na si Jessie J. noong October 2020. Kaya single siya noong nakaraang pandemic.

Noong November 2019, na-grant ang divorce niya mula sa ex-wife na si Jenna Dewan. Meron silang 8-year daughter named Everly.

Naging magkaibigan sina Channing at Zoe nang gawin nila ang thriller na Pussy Island. Si Zoe ang director at bida sa movie si Channing.

(RUEL J. MENDOZA)

KASO NG DELTA VARIANT, NADAGDAGAN PA

Posted on: August 26th, 2021 by @peoplesbalita No Comments

SA patuloy na pagtukoy ng mga variant of concern at variant of interest ng Philippine Genome Center (PGC) , ngayong araw ay muling nakapagtala bg karagdagang 466 Delta variant (B.1.617.2) .

Mayroon ding natukoy na 90 Alpha (B.1.1.7) variant cases, 105 Beta (B.1.351) variant cases, at 41 P.3 variant cases sa huling batch ng whole genome sequencing.

Ayon sa DOH kabuuang 746 samples ang isinumite ng 62 collecting institutions at iba’t ibang Centers for Health Development (CHD) ang na-sequence.

Local cases ang 442 , at 14 are Returning Overseas Filipinos (ROF), habang 10 cases ang biniberipika.

Sa local cases, 201 ang may address na NCR, habang 69 ang may address na Central Luzon, 7 sa Cagayan Valley, 49 kaso sa CALABARZON, 14 kaso sa MIMAROPA, 4 sa Bicol Region, 52 sa Western Visayas, 19 sa Central Visayas, 6 sa Northern Mindanao, 11 sa Davao Region, 7 sa SOCCSKSARGEN, at 3 sa Ilocos Region. (Bishop Jesus “Jemba” M. Basco)