2021 October 09 Archive - People's Balita

July 19, 2024
Search in People's Balita
Ang Diyaryong Pinagkakatiwalaan

Archive for October 9th, 2021

KYLIE, naka-move on na kaya dedma na lang nababalitang relasyon nina ALJUR at AJ; malaki ang pasasalamat kay ANDREA

Posted on: October 9th, 2021 by @peoplesbalita No Comments

KUNG maingay ang balita sa relasyong Aljur Abrenica at AJ Raval, iba naman ang drama ni Kylie Padilla.

Tila dedma o talagang naka-move-on na si Kylie sa naging hiwalayan nila ni Aljur at tila unaffected na ito kung kanino man nali-link o balitang may karelasyon ang ama ng mga anak niya. Nag-like pa nga ito sa HHWW picture na lumabas kina Aljur at AJ.

Mas nag-post pa si Kylie ng palitan nila ng chat ng kanyang “leading lady” sa BetCin na si Andrea Torres. Akala mo e, naging “real” na rin ang LGBTQ relationship nila bilang sina Beth at Cindy.

Sa palitan nila ng chat, sinabi ni Andrea na, “Love you always!!!! Here for you always. Kahit tapos na ang BetCin.”

Naiyak naman daw si Kylie sa message sa kanya ni Andrea at reply nito, “Love you!!! Thank you Ada. Naiyak ako bakit mo ako pinapaiyak!!! Salamat talaga for this. It means everything!”

Sa caption naman, nagpapasalamat si Kylie na si Andrea raw ang naging first leading lady niya. “I learned so much from this woman. I’m happy you were my first leading lady. Cheers to more projects with you! Another strong beautiful lady I’m blessed to have worked with.”

Habang si Andrea naman ay nag-response rito na, “Huhu!!! Ako din pinapaiyak mo dito! That instant chemistry means something talaga! Hehehe, You’re precious. Di ako magsasawang sabihin sa ‘yong I love you, I’m always here for you. I miss you and I’m proud of you! Beautiful soul!”

Naku ha, ‘di kaya magka-develop-an na sa sweetness ang dalawang ito? Huh!

***

DALAWA lang ang sinasabing magiging desisyon ng Star for All Seasons at kasalukuyang Representative ng District 6 ng Batangas na si Vilma Santos.

Tatakbo ito for a higher position as Senator or magre-retiro muna sa pulika. Taong 1998 pa nang pinasok ni Ate Vi ang pulitika mula sa pagiging Mayor ng Lipa City hanggang sa umabot na nga siya sa kasalukuyang posisyon.

At sa dalawang pagpipilian, nagkaroon na ito ng desisyon and not to run anymore.

Sa nilabas niyang statement na nakita namin sa kanyang Facebook account, sinabi niya na, “After careful consideration of the present situation especially the limitations in conducting a campaign during a pandemic, I have decided not to seek any elective post in May 2022 elections.

“Pero hindi nangangahulugan na titigil na ako sa pagseserbisyo sa ating mga kababayan. Nandito pa rin ako para maglingkod sa inyo.

“I have been serving the public for more than 23 years and will continue to serve, in the best way I can, even in my private capacity. Tuloy pa rin ang trabaho at serbisyo!

“Sa lahat ng nagtiwala at patuloy na sumusuporta sa akin, maraming, maraming salamat po. Pagpalain nawa tayo ng Poong Maykapal.”

Marami naman ang sumusuporta sa desisyon niyang ito at may mga nagko-comment pa na “Best decision, Ate Vi.” At kasunod nito, ang wish na sana raw, magbalik pelikula itong muli.

***

SA pag-anunsiyo naman ni Willie Revillame ng desisyon na hindi na tumakbo bilang Senator, tila ang anak na si Meryll Soriano ang isa sa masaya sa desisyon ng ama.

Nag-post ito sa kanyang Instagram account ng picture ni Willie habang karga ang anak nila ni Joem Bascon at isang simpleng, “Love you, Papa” na may prayer at heart emoji.

At sa kasunod na IG post ni Meryll, katulad ng ibang celebrities, naging open ito sa kung sino ang Presidente sa pagpo-post na naka-pink siya at may caption na “Pink is the new Hope.”

Hindi lang tayo sure kung pareho ba sila ng political color ng ama pagdating sa Presidente.

Sa part ni Willie, binigyang-diin nga niya na kung meron man magtutuloy-tuloy na gagawin niya at hindi mawawala ay ang kanyang programa sa GMA-7 na Wowowin.

Aniya, “Sa araw pong ito, tuloy-tuloy pa rin po ang Wowowin. Hindi ko po kailangang kumandidato. Hindi ko po kailangang manalo. Ang kailangan ko ay makasama kayo dahil sa puso ko, sa isip ko dapat laging ang mga Pilipino, kayo ang panalo.”

(ROSE GARCIA)

Gobyerno, pag-uusapan ang muling pagbubukas ng mga sinehan sa Kalakhang Maynila , travel protocols

Posted on: October 9th, 2021 by @peoplesbalita No Comments

PAG-UUSAPAN ng Inter-agency task force on COVID-19 ang panukalang muling pagbubukas ng mga sinehan sa Kalakhang Maynila at posibleng bagong protocols para sa mga byahero.

Ang mga movie houses, arcades, at cinemas sa capital region ay nagsara simula pa noong Marso matapos na sumipa ang coronavirus cases.

“Ang alam ko po, nasa agenda ‘yan mamaya ng IATF,” ayon kay task force at Presidential spokesperson Harry Roque ukol sa muling pagbubukas ng mga sinehan.

“Pero ang pagbubukas po na pag-uusapan ay Level 3, hindi po Level 4. Pero pag-uusapan pa po ‘yan mamaya,” aniya pa rin.

Ang Kalakhang Maynila ay nasa ilalim ng 4th highest alert sa 5-step scale hanggang Oktubre 15.

Ang alert system ay sinubukan sa rehiyon kasama ang granular lockdowns, kung saan ay inaasahan ng pamahalaan na mapipigilan ang COVID-19 outbreaks at muling mapasisigla ang business activity.

At sa tanong kung aalisin na ng gobyerno ang COVID-19 testing requirement para sa mga fully vaccinated travelers na papunta sa mga lalawigan ay sinabi ni Sec. Roque na “Wala pa pong desisyon ang IATF d’yan.”

“Pero isa po sa pag-uusapan mamayang hapon ay ‘yong pagbabago ng ating arrival protocols from abroad. Iyong mga darating po sa abroad, meron pong panukalang pag-uusapan mamayang hapon,” aniya pa rin. (Daris Jose)

PDu30, pinuri si Dizon sa pagtatayo ng nat’l sports academy

Posted on: October 9th, 2021 by @peoplesbalita No Comments

PINURI ni Pangulong Rodrigo Roa Duterte si Bases Conversion and Development Authority (BCDA) president at chief executive officer Vivencio Dizon dahil sa nagpapatuloy na konstruksyon ng National Academy of Sports (NAS) sa New Clark City sa Tarlac.

Sa kanyang Talk to the People, Miyerkules ng gabi, si Dizon ayon sa Pangulo ay matatandaan ng sambayanang Filipino para sa kanyang mahalagang kontribusyon sa pagtatatag ng NAS na dinisenyo bilang educational facility para sa mga student-athletes.

“Thank you, Vince Dizon. You know, about 20 years from now when you go to Clark City, then you look at the buildings that you have helped built, I’m sure that you will have that fire of love of country and patriotism and that you helped build what it is now,” ang sinabi ni Pangulong Duterte kay Dizon.

Ang pahayag na ito ng Chief Executive at matapos na tiyakin ni Dizon sa kanya (Pangulong Duterte) na mapapasinayaan ang NAS bago matapos ang termino ng Punong Ehekutibo sa Hunyo 2022.

Sinabi ni Dizon na ang paglikha sa NAS ay isa sa “legacy” ni Pangulong Duterte.

“Nagsisimula na po ang construction nito at pinapangako po namin na bago matapos ang iyong termino, you will inaugurate this beautiful, world-class sports academy. Talagang iyan po ang magiging legacy ng Duterte administration para sa ating mga atleta, present and future,” ani Dizon.

Sa sinabing ito ni Dizon, sinabi ng Pangulo na nais niyang bigyan ito ng “gold medal” para sa accomplishments ng nasabing ahensiya.

“The Filipino will remember you, which will remind me, bigyan kita ng gold medal, ” aniya pa rin.

Gayunman, sinabi ni Dizon, na ang tagumpay sa pagtatayo ng NAS ay maikukunsidera na niyang isang “gold medal.”

“First time in history po, mabibigyan ng parangal ang ating mga atleta dahil magkakaroon na po sila ng kanilang sariling high school,” anito.

Matatandaang, Hunyo 2020 nang lagdaan ni Pangulong Duterte ang National Academy of Sports Act o Republic Act 11470.

Ayon kay Sports Committee Chairman Senator Christopher “Bong” Go, pangunahing itinatakda ng batas ang pagtatayo ng National Academy of Sports (NAS) malapit sa world-class New Clark City Sports Complex sa Capas, Tarlac.

Inaatasan ng batas ang NAS na bumuo ng secondary education program na kapapalooban ng special curriculum on sports at magbibigay ito ng scholarship para sa mga kwalipikadong kabataan na may talento at kagustuhang mapahusay ang kanilang sporting skills.

Diin ni Go, daan ito para mabigyan ang mga kabataang atleta ng pagkakataon na mag-training at makapag-aral sa isang world-class na pasilidad at eskwelahan.

Sabi pa ni Go, gabay din ito para malinang ng mga kabataan ang kanilang mga talento lalo na sa larangan ng palakasan na magbibigay sa kanila ng oportunidad na magtagumpay sa buhay at mailayo sa masasamang bisyo tulad ng iligal na droga. (Bishop Jesus “Jemba” M. Basco)

Hipolito bumuhat ng tanso sa Jeddah tourney

Posted on: October 9th, 2021 by @peoplesbalita No Comments

Bumuhat ng bronze medal si Jeaneth Hipolito para simulan ang kampanya ng Pilipinas sa International Weightlifting Federation (IWF) Youth World Championships sa Jeddah, Saudi Arabia.

Pumuwesto ang 14-anyos na si Hipolito sa third place sa itinalang 51 kilograms sa snatch event ng women’s 40-kilogram division.

Naglista ang tubong Zamboanga City ng 62kgs. sa clean and jerk at may total lift na 114kgs. para sa fifth place at nabigong makasingit ng medalya sa nasabing dalawang events.

Sasabak din sa kani-kanilang weight classes sina Adrian Cristobal (men’s 61kg B), Albert Ian Delos Santos (men’s 61kg B), Rosejean Ramos (women’s 45kg A), Christian Rodriguez (men’s 67kg B) at Lovely Inan (women’s 49kg A).

Si Ezgi Kilic ng Turkey ang umangkin sa mga gold medals sa weight division ni Hipolito sa kanyang 55kgs. sa snatch at 70kgs. sa clean and jerk para sa total lift na 125kgs.

DOTr humihingi ng P19.8 B na budget para sa road transport sector

Posted on: October 9th, 2021 by @peoplesbalita No Comments

Humihingi ng P19.8 billion ang Department of Transportation (DOTr) sa Senado upang maponduhan ang mga proyekto sa road transport sector na gagawin sa buong bansa sa susunod na taon.

Noong nakaraang committee meeting sa finance ng Senado, naghain ng proposal ang DOTr para sa kanilang 2022 budget kung saan nila hiningi ang tulong ng mga Senador upang mabigyan ng alokasyon ang hinihingi ng DOTr na budget.

“That is why we are asking for your help in the Senate that the budget be changed and raised because this is important and needed by drivers, operators and passengers, especially this time of pandemic,” wika ni DOTr Secretary Arthur Tugade.

Kamakailan lamang ang DOTr ay humingi din ng tulong mula sa House of Representatives upang ipagpatuloy ang pagbibigay sa mga drivers at operators ng public utility vehicles (PUVs) ng tulong sa pamamagitan ng service contracting program.

Hiningi nila ang tulong ng House of Representatives matapos na ang mungkahi nila na P10 billion na alokasyon para sa service contracting program ay hindi pinayagan ng Department of Budget and Management (DBM) na ibigay sa susunod na taon.

Para naman sa locally funded na proyekto sa road sector, ang DOTr ay humihing ng budget na P13.2 billion habang ang hinihingi nila para sa mga proyektong foreign-assisted ay nagkakahalaga ng P6.61 billion.

Ang hinihingi nilang alokasyon para sa local road projects na ilalaan para sa programa ng service contracting ay P10 billion, P1.5 billion para sa active transportation infrastructure at related programs. Naghain din sila ng proposal para sa alokasyon ng programa ng PUV modernization na nagkakahalaga ng P800.71 million at P472.97 million na ilalaan sa proyekto ng EDSA Busway.

“Also included is P125.91 million for the Makati-BGC Greenways, P40 million for the feasibility study for the Ilocos Norte Transport Hub, P10.71 million for Taguig City Integrated Terminal Exchange, and P100 million for feasibility study for the Bataan Bus Rapid Transit,” dagdag ni Tugade.

Naghain din sila ng mungkahi na bigyan sila ng alokasyon na gamitin bilang counterpart funding sa foreign-assisted projects tulad ng EDSA Greenways Project (P243.47), Davao High Priority Bus System (P3.59 billion), Cebu Bus Rapid Transit Project (P2.47 billion) at ang Metro Manila BRT Line project- Quezon Avenue (P300 million).

Samantala, inihayag noong nakaraang buwan ng Land Transportation Franchising and Regulatory Board (LTFRB) na muling tuloy na ang pagbibigay ng libreng sakay para sa mga frontliners, medical workers at mga pasahero na sasakay sa mga PUVs dahil sa tuloy na ulit ang programa sa service contracting (SCP) ng pamahalaan.

Ito ay dahil sa mayrong natitira pa na P3 billion na alokasyong pondo sa 2021 General Appropriations Act ang nakalaan para sa ikalawang yugto ng SCP ng pamahalaan.

Ang nasabing programa ay nahinto dahil noong nakaraang July ay nag expire ang pondo para sa SCP na nasa ilalim ng Bayanihan to Recover as One Act. LASACMAR

Sen. Kiko Pangilinan tatakbo bilang VP ni Leni Robredo sa 2022

Posted on: October 9th, 2021 by @peoplesbalita No Comments

Opisyal nang kakandidato sa pagkabise presidente para sa susunod na taon si Sen. Francis “Kiko” Pangilinan, sa pagkakataong ito sa ilalim ng slate ni Bise Presidente Leni Robredo na tatakbo naman sa pagkapangulo.

Sinamahan si Pangilinan ni Robredo sa kanyang paghahain ng certificate of candidacy sa pagkabise sa Comelec, Biyernes, ang pinakahuling araw ng filing ng kandidatura.

Tatakbo sa ilalim ng Liberal Party si Pangilinan kahit na tatakbong independent ang running mate na si Leni.

“Tinanggap ko ang hamon, at ito ay tinanggap natin, hindi dahil sa katiyakan ng ating pagkapanalo kung hindi dahil sa katiyakan ng ating paninindigan at paniniwala,” wika ng maluha-luhang Pangilinan sa isang press briefing matapos ang COC filing kanina.

“Tinanggap ko at ipaglalaban nang buong lakas ang hamon bilang kandidato sa pagkapangalawang pangulo kaagapay ni pangulong Leni Robredo. Sa pamamagitan ng kanyang pamumuno at sa tulong ng mga kababayang handang tumaya, handang kumilos, handang makipagtulungan, maisasaayos na natin sa wakas ang palakad ng gobyerno sa pagharap sa pandemya [ng COVID-19].”

Sa ngayon pa lang daw na hindi pa presidente si Robredo ay nakikita na kung gaano kahusay ang kanyang pagtugon laban sa COVID-19, kagutuman atbp., bagay na mas mapapahusay pa raw kung mailuluklok bilang pinuno ng republika.

Una nang inendorso ng LP si Pangilinan, presidente ng partido, sa pagkasenador sa 2022 ngunit umatras mula rito para maging katambal ni Robredo.

Matatandaang sinabi ni dating Ifugao Rep. Teddy Baguilat nitong Huwebes na tatakbo siya sa pagkasenador para humalili sa binitawang senatorial slot ni Pangilinan.

Una nang inendorso ng LP si Pangilinan, presidente ng partido, sa pagkasenador sa 2022 ngunit umatras mula rito para maging katambal ni Robredo.

Matatandaang sinabi ni dating Ifugao Rep. Teddy Baguilat nitong Huwebes na tatakbo siya sa pagkasenador para humalili sa binitawang senatorial slot ni Pangilinan. (Daris Jose)

186 lugar sa NCR naka-granular lockdown – PNP

Posted on: October 9th, 2021 by @peoplesbalita No Comments

Nasa 186 pang lugar sa Metro Manila ang nakasailalim sa granular lockdown.

Sa datos ng Philippine National Police (PNP), bumaba na ang bilang mula sa 192 na naitala kamakalawa.

Ang mga lugar na naka-lockdown ay mula sa 122 mga barangay sa Metro Manila kabilang ang 133 mga bahay, 19 residential building, 15 kalsada, 14 na subdivision at isang settlement.

Ayon sa PNP, ang local government unit pa rin ang nagdedesisyon kung kailan aalisin ang granular lockdown sa isang lugar.

Sa mga lugar na nakalockdown, naka-deploy ang nasa 687 PNP personnel at 701 force multipliers upang matiyak na nasusunod ang health protocols.

Ang granular lockdown ay sinasabing micro level quarantine sa mga lugar na itinuturing na kritikal ng local government units.

Matatandaan na pinalawig pa ng Inter-Agency Task Force (IATF) ang pilot implementasyon ng Alert level system na may granular lockdown hanggang Oktubre 15. (Gene Adsuara)

Fury sabik ng makaharap si Wilder sa ikatlong pagkakataon

Posted on: October 9th, 2021 by @peoplesbalita No Comments

Tiniyak ni British boxer Tyson Fury na kaniyang pahihirapan ang American boxer na si Deontay Wilder sa kanilang paghaharap para sa heavyweight fight sa Oktubre 10 sa Las Vegas.

Dagdag pa ng 33-anyos na si Fury, uulitin niya ang diskarte nito noong ikalawang paghaharap nila noong Pebrero 2020 na nagresulta sa pagkatumba nito sa ikatlo at ikalimang rounds.

Sa unang paghaharap kasi ng dalawa noong Disyembre 2018 ay nagtapos sa split draw ang laban.

Mayroong 30 panalo-walang talo at 1 draw na may 21 knockouts si Fury, habang mayroong record na 42 panalo, isang talo at isang draw na mayroong 41 KOs si Wilder.

Ads October 9, 2021

Posted on: October 9th, 2021 by @peoplesbalita No Comments

‘Resident Evil’ 2021 Movie Poster Teases The Origins Of The T Virus And Zombie Outbreak

Posted on: October 9th, 2021 by @peoplesbalita No Comments

THE Resident Evil: Welcome To Raccoon City poster teases the origins of the T Virus and zombie outbreak in the titular American city.

The 2021 film is inspired by Capcom’s iconic survival-horror video game franchise. It is unconnected to the first Resident Evil film series that was directed by Paul W.S. Anderson, with Johannes Roberts taking on directorial duties.

Resident Evil: Welcome To Raccoon City adapts the events of the first 2 games where the Midwestern town of Raccoon City becomes overrun by the undead following the outbreak of an experimental virus at a mansion in the surrounding mountains.

A small group of survivors sets out to uncover the truth behind the horror and expose the Umbrella Pharmaceutical Company’s involvement. Following the release of the film’s first trailer, a new teaser poster for the film has been revealed.

Posted on the ’Resident Evil’ Twitter account, the film’s poster sets the more serious tone of the upcoming release while leaning into the franchise’s key settings. The poster features a bloodied and torn umbrella inspired by the villainous Umbrella Corporation’s logo in front of the Raccoon City Police Department, an iconic location from the second and third game that’s been faithfully recreated for the film.

The poster also features the film’s title and tagline, “Witness The Beginning Of Evil,” while also featuring the films’ November 24th release date.

Welcome To Raccoon City was announced in 2017 following the release of Resident Evil: The Final Chapter, with producers confirming a reboot, which was in the works. Roberts joined the project in 2018, taking up directing duties and becoming the writer, following Mortal Kombat writer, Greg Roberts, leaving the protect.

Photos of the film’s cast were released in August 2021, showing off Kaya Scodelerio, Avan Jogia, Robbie Amell, Hannah John-Kamen, and Tom Hopper as Claire Redfield, Leon S. Kennedy, Chris Redfield, Jill Valentine, and Albert Wesker. Photos were also released of Resident Evil monster, Lisa Trevor, who will be played by Marina Mazepa.

The latest poster for the upcoming horror movie is a promising sign to fans of the franchise, with the film’s teaser poster and portrayal of the RPD looking incredibly similar to recent covers for the video game series, such as Resident Evil 2 and Resident Evil 3. Roberts previously stated that he was inspired by the tone of Resident Evil 2‘s 2019 remake, wanting to use it as a model for his film.

As such, fans who enjoyed the remake’s tone and story should be relieved to hear that Resident Evil: Welcome To Raccoon City is aiming to faithfully recapture what made the game a fan favorite. (source: screenrant.com)

(ROHN ROMULO)