IPALALABAS ang Gameboys The Movie sa Japan sa January at excited na si Direk Jun Lana sa pagpunta sa Land of the Rising Sun.    Magkakaroon ng premiere night ang movie sa Japan kaya inaayos din nina Direk Jun at Direk Perci Intalan na kasama sa Japan ang lead actors ng movie na sina Kokoy de Santos at Elijah Canlas.

Inaayos lang ang schedules nina Kokoy at Elijah dahil pareho silang maraming trabaho.    Siyempre ni-request ng mga Japan producers ng Gameboys The Movie ang presence ng dalawang sikat na actor ng phenomenal Pinoy BL series.

Kaya ang sabi ni Direk Jun ay inaayos nila makasama sina Kokoy at Elijah sa Japan.

Kwento pa ni Direk Jun, ipalalabas sa mga cinemas sa Japan ang Gameboys The Movie. Malakas daw ang clamor, ayon mismo sa co-producer nilang Japanese who really wanted to be a part of Gameboys when he heard about the movie.

***

MASAYA si Raikko Mateo nung malaman na siya ang napili ng Saranggola Media Productions para gumanap na batang Isko Moreno sa life story ng Mayor ng Maynila.

“Happy ako at excited din kasi alam ko na there is so much goodness about him na makaka-inspure sa maraming tao,” sabi ni Raikko.

“Challenging na malaman na ipo-portray ko ang buhay niya as a young boy, doon sa panahon na nasa struggle ang buhay nila. Nag-prepare ako for the role by feeling and understanding para maibigay ko ang tamang emotion kung paano si Sir Isko, bilang isang bata, ay hinarap ang kanilang condition at that time.”

“The biggest lesson I gained from doing Sir Isko is pag gusto may paraan, pag ayaw may dahilan. Si Sir Isko, gusto niyang makatulong sa kanyang magulang. Gusto niyang kumita para sa kanyang pamilya. Kaya nagsumikap po siya.”

Ayon pa kay Raikko, dapat daw natin panoorin ang pelikula dahil maraming aral na matututuhan dito, lalo na at hindi madali ang buhay na pinagsimulan at pinagdaanan ni Isko

“He is living proof that dreams do come true if you work hard, pray and put love in everything that you do.”

Portraying the teen Isko is McCoy de Leon. Filling in the shoes of Domagoso as a politician is Xian Lim.

Ramon Christopher Gutierrez and Tina Paner play as the parents of Isko. Jestoni Alarcon essays Domagoso discoverer and manager, Wowie Roxas. Janno Gibbs stars as the star maker and the legend that was German Moreno. MJ Lastimosa appears as the wife of Isko.

Ipapalabas ang Yorme: The Story sa mga sinehan simula December 1.

(RICKY CALDERON)

SA virtual media conference ng More Than Blue na magsisimula na ang streaming ngayong Biyernes, November 19 sa Vivamax, natanong si Diego Loyzaga sa rami ng nagawang pelikula kahit na may pandemya. 

Sa pagpasok ng 2021, una siyang napanood sa Death of A Girlfriend at nakatambal si AJ Raval.

Magkakasunod naman ang paglabas niya sa Bekis On the Run, House Tour at ngayon nga sa More Than Blue.

Next month, mapapanood na rin ang Dulo with her love Barbie Imperial and soon ang pagbabalik-Viva Films ni Nadine Lustre sa  Greed na kung saan siya ang napiling leading man.

May TV series din siyang pinagbidahan ang PH adoptation ng Encounter na si Cristine Reyes naman ang kanyang nakatambal.

Paliwanag ni Diego, magkakaiba naman ang mga nagawa niyang pelikula sa Viva Films at patuloy na napapanood sa Vivamax, kaya nabigyan naman niya ng justice ang bawat character na ginampanan.

“They’re all very different for the past films that I’ve done,” tugon ng young actor.

“But I always go back to, like, a part of me that looks like or is like the character and mas pinangingibabaw ko yung ganoong ako, para mas bumagay sa karakter.

“And, of course, adding other details that you get from the script that the director might give you, so siguro, dun ko siya na nadi-differentiate ‘yun mga characters and the situations.

“’Yung isa mahirap. Yung isa mayaman, yung isa magnanakaw, yung isa sawi sa pag-ibig, so they’re all different.

“But then, all still they’re human. They’re also derived from normal human traits, how a person would react in that situation.” 

Humingi ba siya ng tips sa kanyang ama na si Cesar Montano na alam naman natin na mahusay at premyadong aktor?

“Yung sa dad ko, I would love to ask him tips,” sabi niya.

“I’ve been reaching out to him lately. We talk very, very briefly when he has the time.”

Rebelasyon pa ni Diego, “He fell sick previously from COVID-19 and, because of that, we were able to talk again.

“Sana, one of these days, I get to see him and definitely ask him a lot of tips, a lot of advise.”

Sa mga past movies ni Diego, impressive naman ang pag-arte niya at ang laki na ng improvement niya, kaya inaasahan na hahangaan na naman siya dito sa More Than Blue at nakipagsabayan kina JC Santos at Yassi Pressman, na kung saan kasama rin si Ariella Arida.

Mula ito sa direksyon ni Nuel C. Naval, ang direktor ng adaptation ng comedy-drama film Miracle in Cell No. 7, at ang panibagong Philippine remake ng Korean romantic drama film na dudurog sa mga puso nang makapapanood sa iba’t-ibang panig ng mundo.

Ang More Than Blue ay South Korean drama classic na pinalabas noong 2009, in-adapt naman ito sa Taiwan taong 2018. Mainit ang naging pagtanggap dito, sa katunayan naging domestic highest-grossing film ito ng Taiwan na may halos $300 Million gross sa taong iyon.

Naging worldwide phenomenon ito na may blockbuster screenings sa mga East Asian countries kabilang ang China, Hong Kong, Malaysia, at Singapore, at nakapagtala ito bilang highest-grossing Taiwanese film sa mga bansang nabanggit.

Magsisimula sa November 19 ang streaming ng More Than Blue sa Vivamax sa available na sa mas maraming lugar sa buong mundo.

(ROHN ROMULO)