2022 March 01 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for March 1st, 2022

Ukraine president Zelenskiy tinawagan ni Pope Francis; nagpaabot nang panalangin sa bansa – Vatican

Posted on: March 1st, 2022 by @peoplesbalita No Comments

IPINAABOT ni Pope Francis kay Ukrainian President Volodymyr Zelenskiy ang kanyang “most profound pain” sa dinaranas ngayon ng bansa, ayon sa Ukrainian Embassy sa Vatican.

Inanunsyo ng embahada ang pag-uusap na ito nina Pope Francis at Zelenskiy sa pamamagitan ng isang tweet.

Sa isang panayam, sinabi ng isa sa mga opisyal ng Ukranian Embassy sa Vatican na nangyari ang pag-uusap nina Pope Francis at Zelenskiy bandang alas-4:00 ng hapon (1500 GMT).

Kinumpirma naman ng Vatican ang naturang pag-uusap at sa kanyang naging tweet ay nagpasalamat naman si Zelenskiy kay Pope Francis sa pagpanalangin ng kalayaan para sa Ukraine.

Nangyari ang pag-uusap na ito isang araw pagkatapos nang surprise visit ni Pope Francis sa Russian embassy para i-relay ang kanyang concern dahil sa invasion ng Russia sa Ukraine.

Pero mariing itinanggi ni Russian ambassador sa isang Argentine media report ang pagpapagitna ni Pope Francis.

Mahigpit 40 Filipino, inilikas mula Kyiv, Ukraine; naghihintay na makauwi ng Pinas —DFA

Posted on: March 1st, 2022 by @peoplesbalita No Comments

MAHIGIT sa 40 Filipino ang inilikas mula Kyiv at dinala sa lungsod ng Lviv sa Ukraine at naghihintay ngayon na makauwi ng Pilipinas sa gitna ng pagsalakay ng Russia.

Ayon sa tweet ni DFA Undersecretary for Migrant Workers’ Affairs Sarah Lou Ysmael Arriola, tinanggap ni Philippine Ambassador to Poland Leah Basinag-Ruiz sa Lviv ang 37 Filipino na bumiyahe ng buong araw mula Kyiv.

Ang mga Filipino ay in- accommodate sa isang hotel sa Lviv.

Sinabi ni Ruiz na nakahandang tulungan ng Philippine Embassy ang mga ito na makaalis ng Ukraine at makapasok sa Poland upang makasakay ang mga ito pabalik ng Pilipinas.

“The Philippine Embassy in cooperation with DFA-OUMWA, is committed to assisting the remaining Filipinos in Kyiv and in other parts of Ukraine in order to bring them out of harm’s way while there is still time,”ayon kay Ruiz.

Samantala, sinabi ng Overseas Workers Welfare Administration (OWWA) na naghanda na ang Philippine government ng local at international relocation para sa mga OFWs sa Ukraine sa gitna ng sigalot sa Russia. (Bishop Jesus “Jemba” M. Basco)

Ravena, ‘Pinas olats sa NZ

Posted on: March 1st, 2022 by @peoplesbalita No Comments

NAWALANG saysay ang tikas nina Ferdinand ‘Thirdy’ Ravena III at Dwight Ramos nang tambakan ang Gilas Pilipinas ng New Zealand Tall Blacks, 88-63, sa 2023 International Basketball Federation World Cup Asian Qualifiers sa Araneta Coliseum sa Cubao, Quezon City Linggo ng gabi.

Lumamang lang ang host Philippine quintet sa 5-4 sa opening period, saka ginawa na ng NZ n sariling palabras ang salpukan at iputong sa sa mga Pinoy ang unang talo sa torneo sa tatlong asignatura.

Patungo sa laro, nagwagi ang mnga alipores ni national coach Vincent ‘Chot’ Reyes sa South Korea via forfeiture sa India 88-64. Hindi na pumunta ng Pinas ang mga Koreano dahil sa COVID-19 sa team.

Ratsada si Ravena ng 23 points, tig-5 rebounds, assists at steals samantalang mayroong 18 markers at 10 boards si Ramos. Bumakas si Robert Bolick ng 10 puntos sa pagdausdos ng Nationals sa Group A second place.

Sinolo ng visiting team ang tuktok sa 3-0 sa bangis ni Tom Vodanovich na rumagada ng 20 pts. at 20 rebs. ni Tom Vodanovich may 20 iniskor din ang kapwa Most Vluable Player niya sa NZ National basketball League na si Dion Prewster.

Ang iskor:

New Zealand 88 – Prewster 20, Vodanovich 20, Loe 15, Samuel 12, Rusbatch 10, Harris 5, Fahrensohn 4, Britt 2, Wynward 0, Rodger 0, Gold 0, Cook-Green 0.

Philippines 63 – Ravena 23, Ramos 18, Bolick 10, Kouame 5, Pogoy 4, Rosario 2, Williams 1, Erram 0, Navarro 0, Tungcab 0, Gomez de Liano 0, Montalbo 0.

Quarters: 22-19, 40-30, 65-48, 88-63. (REC)

Mas maunlad na ekonomiya, asahan sa Alert Level 1

Posted on: March 1st, 2022 by @peoplesbalita No Comments

NANINIWALA si Taguig Mayor Lino Cayetano na sa paglalagay sa Alert Level 1 sa Metro Manila ay hindi lamang new normal ang dapat asahan, kundi ang mas mainam na kinabukasan para sa ekonomiya.

Maibabalik aniya, ang buhay ng ekonomiya, kahit hindi naman agad-agad basta magtiwala lamang ang mga kababayan, Dapat aniya, na maging matapang na lumabas basta tiyakin na nakasuot ng face mask, bumiyahe kung bakunado, buksan na ang mga paaralan para makabalik sa kolehiyo ang mga estudyante, magsimula ng ibang negosyo at kumuha ng mga bagong empleyado.

Kabilang si Cayetano sa 17 alkalde na kabuuan ng Metro Manila Council (MMC) na lumagda sa Metropolitan Manila Development Authority (MMDA) Resolution 22-06 na nagrekomenda sa Inter-Agency Task Force for the Management of Emerging Infectious Diseases (IATF-EID) na isailalim na ang National Capital Region sa Alert Level 1 simula Marso 1. (Gene Adsuara)

Hindi rin natuloy si PIOLO sa ‘366’ dahil sa schedule: LIZA, first choice ni BELA nagka-problema lang dahil sa pandemya

Posted on: March 1st, 2022 by @peoplesbalita No Comments

SI Liza Soberano pala ang first choice ni Bela Padilla sa kanyang directorial debut na 366 na mapapanood through streaming sa Vivamax.

Ayon sa naging pahayag ni Bela, “The film, 366, wasn’t meant for me. I didn’t want to act in it because I was told I was going to direct it, so I wanted another actress to be in it.”

Bukod dito, ibinulgar din ng aktres na, “I required Liza Soberano for this. I even came to a point where I asked for her schedule already. She was doing a TV show at that time. I think it was Make It With You.”

Pero dahil nga sa pandemya, nagkaroon ng mga pagbabago.

“When the pandemic started, a lot of actors didn’t want to work,” sabi niya.

“Mahirap naman na biglang sasabak sa bubble, sa shooting life. Hindi ko pinilit ang original vision ko for this film.”

Kaya nagdesisyon na siya na lang ang gumanap sa bidang babae, na mas mahirap sa part niya dahil siya rin nga ang direktor.

Say pa ni Bela, “I wouldn’t say better, but it’s definitely different. I am older than Liza. I guess my interpretation of grief and love are different. Liza and I are in different stages in our lives.

“I gave a different interpretation and performance than she would have given. I still love to work with her, though. Maybe one day, that will still happen,” dagdag pa niya.

Nagkaroon pa siya ng major revisions sa script, dapat sana sa Budapest, Hungary ang shooting, pero nag-close ang borders kaya lumipat sila sa Turkey.

Kinausap na rin niya si Piolo Pascual para makapareha ni Liza. Nabasa na ng aktor ang script at nagka-interes ito sa role. Hanggang siya na ang gaganap na bida at hindi na si Liza. Pero dahil sa schedule nagkaproblema rin si Papa Pi, kaya ‘di na rin natuloy sa kanyang directorial debut.

Hindi nga nga pinilit ni Bela ang original vision niya para sa 366, at nang sinabi nina Boss Vic at Boss Vincent del Rosario na siya na rin ang gumawa ng project, hindi na siya nagdalawang-isip pa at nag-yes na lang sa producers ng Viva Films.

At dahil nga nagbago ang plano si Zanjoe Marudo ang kinuhang ka-partner at muli silang magkakasama ni JC Santos na kinakiligan naman ng netizens, na kung saan napapanood na ang official trailer nito sa facebook at youtube account ng Viva Films at Vivamax, streaming na ito sa April 22.

Nasa London ngayon si Bela matapos magdesisyong doon muna manirahan, at makikita nga ang pagsi-share sa kanyang IG post ang photos and videos sa iba’t ibang bahagi ng Europe. Wala pang balita kung kailan siya babalik at gagawa ng bagong pelikula.

(ROHN ROMULO)

2 kalaboso sa P137K shabu sa Valenzuela

Posted on: March 1st, 2022 by @peoplesbalita No Comments

DALAWANG drug suspects, kabilang ang isa umanong high value target ang arestado matapos makuhanan ng higit P.1 milyon halaga ng shabu sa magkahiwalay na drug operation sa Valenzuela City.

Sa report ni Valenzuela police chief Col. Ramchrisen Haveria Jr, kay Northern Police District (NPD) Director P/BGen. Jose Santiago Hidalgo, Jr., alas-11:20 ng gabi nang magsagawa ang mga operatiba ng Station Drug Enforcement Unit (SDEU) sa ilalim ng pangangasiwa ni PLT Joel Madregalejo ng buy bust operation sa Caimito St., Brgy., Bagbaguin matapos natanggap na impormasyon mula sa kanilang impormante hinggil sa pagbebenta ng shabu ni Jocris Bencion, 33 ng Kabuhayan St. Purok 4, Brgy. Mapulang Lupa.

Isang pulis na umakto bilang poseur-buyer ang nagawang makaiskor sa suspek ng P30,000 halaga ng droga at nang matanggap ang pre-arranged signal mula sa poseur-buyer na hudyat na nakabili na siya ng shabu kay Bencion ay agad lumapit ang back-up na operatiba saka inaresto nila ang suspek.

Nakuha kay Bencion ang nasa 20 grams ng hinihinalang shabu na may standard drug price P136,000.00, cellphone, at buy bust money na isang tunay na P500 bill, 15 pirasong P500 boodle money at 22 pirasong P1,000 boodle money.

Samantala, nakuhanan din si John Renz Villamin, 22 ng Block 9, Lot 6, Villa Crystal, Phase 3 Bagumbong, Caloocan City at si Jordan Baesa alyas “John” ng tatlong transparent plastic sachets ng hinihinalang shabu ng mga tauhan ng Valenzuela Police Sub-Station 7 sa pangunguna ni PMSg Ricky Labrador at PSSg Rogie Conge sa ilalim ng pangangasiwa ni P/Major Cyril Lawrence Tubongbanua na nagsasagawa ng anti-criminality operation sa Northville 2, Brgy., Bignay alas-3 ng madaling araw nang masita dahil kapwa walang suot na face mask.

Ani PSSg Carlos Erasquin Jr, mistulang dalag na nagpupumiglas si Villamin na naging dahilan upang mabaling sa kanya ang atensyon ng mga pulis na sinamantala naman ni Baisa at kumaripas ng takbo hanggang sa makatakas. (Richard Mesa)

North Korea muling nagpakawala ng ‘ballistic missile’ – Japan gov’t

Posted on: March 1st, 2022 by @peoplesbalita No Comments

ITO ANG iniulat ng Japanes government nitong Linggo.

Batay sa report ng Japan Coast Guard (JCG) ang nasabing unidentified projectile ay posibleng bumagsak na sa ngayon.

Ayon naman sa South Korean military ang nasabing projectile ay pinakawala sa eastward driection.

Kung ang nasabing projectile ay isang missile, ito na ang ika walong round of missile na inilunsad ng Pyongyang sa pagsisimula ng taong 2022.

Sa ngayon, hindi pa nagbibigay ng komento ang Pentagon o maging ang U.S. State Department hinggil sa pinakawalang projectile ng North Korea.

Ang paglulunsad ng ballistic missile ng North Korea’s ay mahigpit na pinagbawalan ng United Nations Security Council.

NAVOTAS MAGBIBIGAY NG P3K SA HINDI NABIGYAN NG SAP

Posted on: March 1st, 2022 by @peoplesbalita No Comments

NAGLAAN ang Pamahalaang Lungsod ng Navotas ng pondo para mabayaran ang mga pamilyang Navoteño na hindi nakatanggap ng P8,000 second tranche ng Bayanihan 1 Social Amelioration Program (SAP).

Inihayag ni Mayor Toby Tiangco na dagdagan ng Pamahalaang Lungsod ang natitirang P3,000 dahil 2,939 Navoteño families ang unang nakatanggap ng kanilang P5,000 cash aid mula sa Department of Social Welfare and Development – National Capital Region (DSWD-NCR) noong October 2021.

Sinabi rin niya na ibibigay ng Pamahalaang Lingsod nang maaga ang P3,000 na dapat matatanggap ng 1,881 family-beneficiaries, na validated noong December 2021, bilang bahagi ng kanilang SAP second tranche.

“We learned that these beneficiaries will only get P5,000, not P8,000 as originally intended for the SAP second tranche,” ani Tiangco, nauukol sa ilalim ng DSWD-NCR na tinalakay din sa online meeting kasama ang mga kinatawan ng nasabing ahesya.

Sinabi ng DSWD na ang mga hindi nabayarang kwalipikadong benepisyaryo ng SAP second tranche at ang mga nakatanggap ng kanilang paunang payout noong Oktober 2021 ay pinapayagan lamang ng maximum na P5,000 subsidy sa ilalim ng Assistance to Individuals in Crisis Situation (AICS) program.

October noong nakaraang taon, 2,939 Navoteño SAP second tranche beneficiaries ang nakatanggap ng P5,000 sa ilalim ng AICS program ng DSWD. Kinakailangan kunin ng departamento ang pondo mula sa isa pang programa habang ang Bayanihan to Heal as One Act ay nag-expire na noong 2020.

Ngayong taon, 1,881 benepisyaryo na sumailalim sa validation noong December 21-23, 2021 at nakumpirmang hindi pa nila natatanggap ang kanilang second tranche ay parehong makakakuha ng parehong halaga sa ilalim ng AICS.

Gayunman, ang pagbabayad ay kailangang maghintay hanggang sa mailabas ang P2 bilyong budget para sa AICS. (Richard Mesa)

Sa usapin ng P11.7 trillion na utang ng Pinas, mga kandidato nagbakbakan ukol sa “good vs. bad debt”

Posted on: March 1st, 2022 by @peoplesbalita No Comments

NAGBAKBAKAN at naglabas ng kani-kanilang sariling posisyon at opinyon ang mga presidential candidates ukol sa P11.7-trillion debt ng Pilipinas, pananaw ng mga ito sa paghiram ng pera at kung saan ito gagastusin.

Sa isang debate na inilunsad ng CNN Philippines, sinabi i Vice President Leni Robredo na ang foreign debt ay hindi naman masama.

“Foreign debt is not bad per se, kung ang inutang natin ay mapupunta sa mga bagay na kailangan natin,” ayon kay Robredo.

“Dapat iyong returns, mas marami kaysa sa intuang natin. During the pandemic, malaki ang kinailangan nating pera pero hindi puedeng iyong inutang ay napunta lang sa korapsyon,” dagdag na pahayag nito.

“‘Pag tayo nangutang, bilang pangulo, sisiguraduhin ko na dapat mapunta sa dapat mapuntahan kasi lugi ang taumbayan na nagbabayad siya ng utang na di naman siya nakinabang,” ang pahayag ni Robredo.

Para naman kay Dr. Jose Montemayor, walang mabuti sa paghiram o pangungutang ng pera ng bansa.

“Masama ‘yan. You are mortgaging the future ng ating mga anak at apo

We will create a safety net para hindi mapunta iyong inutang para lang sa government officials. We will clog all loopholes of corruption,” ayon kay Montemayor.

“Walang mabuting utang, lahat masama,” dagdag na pahayag nito.

Para naman kay Senador Manny Pacquiao, okay ang ang utang para sa investment para magkaroon ng kita ang bansa subalit ang perang hihiramin para sa mga gastusin ng bansa ay “bad debt.”

“For example, shortage sa power dito. Mangutang tayo dahil maglalagay tayo ng power generator para madagdagan ‘yung power natin. Hindi masama ‘yun kasi may income return,” ayon kay Pacquiao.

“Pero kung mangungutang tayo dahil sa expenses natin taon-taon, ‘yun ay talagang masasabi kong mismanaged ang bansa natin,” dagdag na pahayag nito.

Para naman kay Manila Mayor Francisco “Isko” Moreno, tutugunan niya ang “challenging” debt ng bansa sa pamamagitan ng pagtatapon sa mga non-performing at underperforming assets.

“I will dispose non-performing, underperforming asset to the state to accept to our debt servicing so that, mga kababayan wag naman sa inyo ng sa inyo yung pasa ng utang,” ayon kay Moreno.

“Kumbaga ang gobyerno, sometimes you have to let go of these liabilities of the state to address a particular problem. and this will be the next challenging task of the next president,” dagdag na pahayag ni Moreno.

Samantala, sinabi naman ni Labor leader Leody De Guzman na ang debts o utang ay kailangan na i-audit at iyong mga ” nag-stole” o mga nagnakaw ng mga hiniram na pera ay marapat lamang na maparusahan.

Sa isinagawang CNN Presidential Debate, araw ng Linggo, sinabi ni De Guzman na ang malaking utang ng Pilipinas ay di umano’y ninakaw ng mga taong nasa kapangyarihan.

“Masama ang utang kasi itong inutang mula kay Marcos, noong mga nagdaang administrasyon, inutang ito ng mga trapo, ng mga dinastiya nakaupo sa gobyerno… kaya karamihan ng mga inutang na ito ay ninakaw,” ayon kay De Guzman.

“Ang dapat gawin natin ay i-audit natin ito at pagbayaran natin kung sino ang mga nagnakaw dito at klaro naman ito na susubaybayan itong ganitong klase ng mga utang at nasa record ‘yan ng Freedom of Debt Coalition na kasamahan natin,” dagdag na pahayag nito.

Dahil sa pag-come-out na isa ring kakampink: ANNE, naikumpara ng netizens kay TONI na kilalang BBM supporter

Posted on: March 1st, 2022 by @peoplesbalita No Comments

NAGLABAS na ng statement si Anne Curtis kung ano ang political color o kung sino ang Presidenteng sinusuportahan niya.

Ang daming nag-comment at halos umabot ng 15,000 ang retweet sa simpleng pagre-retweet ni Anne ng kakampink crowd sa Iloilo campaign sortie ni Vice President Leni Robredo.

Ni-retweet lang ni Anne ang picture na may caption na “wow.” Pero dahil sa pag-come-out na ito ni Anne na siya ay isang kakampink din tulad ng ibang mga celebrities, naikumpara na ng netizens si Anne at ang known BBM supporter naman na si Toni Gonzaga.

Ilan sa nabasa naming comments, “Toni Gonzaga tama ka may nanalo na! VP LENI ROBREDO is our new president! Mapapahiya ka Toni Gonzaga at ang asawa mong pipitsuging direktor.”

“May Darna na, may Dyosa pa!”

“Kahit kumanta si Anne ng “Linamnam Ulam” sa isang Leni rally palagay ko ikasasaya na ng napakarami.”

Pero sa lahat, ang pinaka-classic na comment na nabasa namin, “Kaya si Anne ang great love ni Sam Milby hindi si Toni.”

***

NAALIW ang netizens sa ginawa ni Ellen Adarna, lalo na at mas astig pa raw ito at nauna pang nabuksan ang bote na may takip na tansan ng kanyang ngipin.

Yes, parang ‘yung mga manginginom lang sa kanto na ngipin lang nila, sapat na para mabuksan ang mga bote ng alak.

Ang kaibahan lang daw ni Ellen ay ang graceful pa rin ng pagkakabukas nito. Kaya mga comments na, “Lodi,” “How to be you?” at “walang kaarte-arte.”

At nadaig pa ni Ellen si Derek Ramsay dahil ‘yung huli, parang mas may effort ang pagkakabukas.

Kasalukuyang nasa Africa sina Ellen at Derek para sa kanyang honeymoon na natuloy rin. Though, kasama pa rin nila ang anak ni Ellen kay John Lloyd Cruz na si Elias at ang yaya/friend ni Ellen.

***

HINDI talaga maiiwasan na ang daming nakakaramdam ng inggit kay Heart Evangelista.

Hindi lang sa kung ano ang mga nae-enjoy niya sa buhay niya ngayon, mapa-luxury and all, pero heto nga naman at pati ang hinahangaan internationally na lead singer ng bandang Incubus na si Brandon Boyd ay obviously, ka-close na rin ni Heart at naka-collaboration niya sa kanyang arts naman.

Ang Kapuso actress na si Chynna Ortaleza ay napa- “whaaaaa!!!! Whaaaaa!!!!!!” na lang ng comment kay Heart. Alam namin na isa si Chynna sa matagal ng fan ng Incubus.

Solid naman talaga ang art collaboration na ito ni Heart with Brandon kunsaan, isinabay na niya nang magpunta siya ng Los Angeles.

Sey ni Heart, “It was such an amazing moment meeting Brandon Boyd, the man behind Moonlight Arts Collective. And I’m sure you know him, too!

“I’m happy to share this passion project that we collaborated on late last year.”

Wala namang duda na ina-admire rin talaga ng international singer si Heart at sey nga niya, nag-enjoy raw siya sa misis ni Gov. Chiz Escudero na “Love” na ang tawag kay Heart.

Sabi ni Brandon sa post ni Heart, “You’re the best Love. So fun making art with you.”

(ROSE GARCIA)