EXCITED na si Jericho Rosales na masimulan ang pagbibidahan na international prison drama na “Sellblock.”

Ni-reveal ng aktor na three years ago pa raw binigay sa kanya ang project at gustung-gusto na raw niyang gawin ito.

“It’s always very exciting to do new things, especially groundbreaking projects and I felt that ‘Sellblock’ is one of those. It was presented to me at the time when I was looking for projects with more grit, projects that would push me, motivate me to try out new things, out of the box stuff, even character roles. Working on this kind of project would push me to prepare in ways that I haven’t done before so I kind of love that fresh experience. There’s a little nervousness on my part and when I get nervous about something, it means that it’s a good thing,” sey ni Jericho.

Dream daw ni Jericho na to work with the best kaya hindi niya pinakawalan ang naturang project.

“My dream has always been to work with the best in the world. The best actors, best directors, best people in production, best scripts, the best locations. Who doesn’t want that, right? When an opportunity like this comes, you don’t sleep on it. You respond right away. When it was presented to me, I really liked it. Unfortunately, COVID-19 happened, but I’m really glad that ‘Sellblock’ is back. And I hope this opportunity will open new doors in the international scene, not just for me, but for all the great Filipino talent behind this project. I’m excited that ABS-CBN is focusing on international projects and bringing talents, helping them get discovered and be seen not just in the Philippines, but all over the world.”

Makakasama ni Jericho sa Sellblock ay sina Tirso Cruz III, Cherry Pie Picache, Ronnie Lazaro, Rosanna Roces, Mon Confiado, Pepe Herrera, and RK Bagatsing.

***

HINDI nagpahuli si Heaven Peralejo sa pag-post ng kanyang sexy summer photos sa social media.

Fly agad to Boracay si Heaven para ma-enjoy ang tag-init at ilantad ang kanyang alindog suot ang two-piece white swimsuit.

Caption pa niya: “Heaven on earth. Just wanna give my thanks to ate @colzvidal for the presets!! Super love it!”

Pinusuan naman ng maraming netizen ang pasabog sa tag-init ni Heaven na tila sinasabi ng kanyang mga mata na “ito ang sinayang mo”. Kanino kaya niya ito gustong sabihin?

Anway, noong nakaraang taon ay naka-graduate si Heaven sa kanyang business management degree mula sa Southville International School.

“Ang pag-aartista pwedeng mawala anytime. Pero kung nakatapos ka puwede mong magamit ito to change career. Sampol pa lang ‘yan sa mga sermon ni Mom dagdagan pa ng Barangay Family. That being said, best support system talaga ang family. I’m very thankful for them, they keep me grounded,” sey pa ni Heaven.

(RUEL J. MENDOZA)

BALIK sa kanyang workout si Ruru Madrid na parang hindi siya naaksidente na may dalawang linggo na ang nakaraan.

Mabilis daw gumaling ang natamong right foot injury ng Kapuso hunk sa isang action scene sa pinagbibidahan nitong teleserye na Lolong. Nakakapaglakad na raw ito ng walang saklay kaya nabigyan siya ng clearance ng doktor na mag-workout na ulit pero kailangan mag-ingat pa rin daw ito.

Sa kanyang Instagram ay nag-share na si Ruru ng photos and videos na nasa gym na ito kasama ang kanyang fitness trainer.

Caption pa niya: “The comeback is always stronger than the setback.”

At siyempre, hindi mawawala ang pagpapakita ni Ruru ng kanyang six-pack abs na ikinatuwa ng maraming beki netizen.

Noong maaksidente si Ruru at nagkaroon ng hairline fracture sa kanyang right foot, nag-worry daw ito dahil muling matitigil ang lock-in taping nila na limang araw na lang daw ay matatapos na sila. Kaya pinilit ng aktor na gumaling agad para makabalik na silang lahat sXa taping at matapos na ang Lolong na matagal nang hinihintay ng mga followers ni Ruru.

Kaya nagpalakas ng katawan at mas magiging maingat na raw si Ruru para hindi na maulit ang aksidente sa set.

***

HINDI lang sina Gabby Concepcion at Sanya Lopez ang nagpapakilig sa mga televiewers ng First Lady gabi-gabi. Inaabangan na rin sa naturang teleserye ang bagong loveteam nina Thou Reyes at Muriel Lomadilla bilang sina Yessey ay Bevs. Ang tawag sa loveteam nila ay BevSSey.

Kilig ang hatid ng dalawa tuwing may mga eksena silang nag-aaway pero malagkit ang tingin nila sa isa’t isa. Si Yessey na chief of staff ni President Glenn Acosta at si Bevs na fellow OFW ni Melody ang siyang nag-aalaga na sa tatlong anak ni PGA na sina Nina (Cassy Legaspi), Nathan (Clarence Delgado), at Nicole (Patricia Coma).

Nadiskubre nina Thou at Muriel na may chemistry pala silang dalawa sa harap ng kamera. Naging close sila noong magsimula ang lock-in taping ng First Lady last year.

Comment ng ilang netizens ay bagay sina Yessey at Bevs. Inaasahan nila na mag-develop ang love story ng dalawa na para lang PGA at Melody ang dating.

Si Thou ay former child actor at produkto ng kiddie-teen variety-gag show na Ang TV, samantalang si Muriel ay kasama sa first batch of contestants ng The Clash ng GMA-7.

(RUEL MENDOZA)

MAS lalo pa yatang na-inspire magtrabaho si Kapuso Primetime King Dingdong Dantes kahit sunud-sunod ang dumarating na work sa kanya.  

Bukod kasi sa pagti-taping niya ng daily show niya sa GMA Network, ang high-rating na “Family Feud Philippines,” hands-on pa rin siya sa kanyang delivery business na “Dingdong PH.”

Sa Instagram post ni Dingdong: “Soon, you can have your passports delivered by Hatid Dingdong and be assured your passport arrives in a safe, courteous and reliable manner.”

Last Monday, March 21, 2022, Doorbell Technologies, the Department of Foreign Affairs and APO Production Unit Inc.  formalized their partnership which adds Dingdong PH as the DFA’s newest delivery solutions provided.  When the partnership takes effect, you may now choose Dingdong PH as your preferred delivery service in DFA’s ePassport Online Appointment System.

Tamang-tama siguro ito dahil back to normal na ang travels abroad at kitang-kita ito sa dami ng mga nakapila sa DFA para sa pagri-renew at pag-aayos ng kanilang mga passport.

Kaya naman very supportive ang misis niya, si Kapuso Primetime Queen Marian Rivera at nag-comment siya ng ‘galing! Kaka-proud!!!’  Sagot naman ni Dingdong: “@marianrivera mission possible.”

***

NGAYONG tapos na si award-winning director-actress Gina Alajar sa lock-in taping niya ng “Prima Donnas, Season 2,” tumanggap na siya ng offer na muling umarte naman.

And this time, muli niyang itsa-challenge ang sarili niya sa pagganap ng isang mabait na lola na tutulong sa kanyang mabait na apo sa Philippine adaptation ng hit Korean drama na “Start-Up.”

Sa interview ni Nelson Canlas sa “24 Oras,” inamin niyang tiyak na maninibago siya sa bagong character na ginagampanan.

“Yes, that would be the challenge because doing villain roles for so long, of course my facial muscles are different, because I always frown, always angry, always irritating,” natatawang pahayag ni Ms. Gina.

“So ngayon, kailangan ko namang i-exercise ang facial muscles ko para magmukha akong mabait.”

Kung matatandaan, ang huling GMA afternoon prime na ginawa ni Ms. Gina ay ang “Nagbabagang Luha” kasama sina Glaiza de Castro at  Rayver Cruz na talaga namang ubod ng sungit ang kanyang character.  Pagkatapos ng nabanggit afternoon prime drama, balik-directing na siya sa season 2 ng “Prima Donnas.”

Ngayong tapos na ang lock-in taping  ng top afternoon prime series, libre na muling umarte si Ms. Gina.

Ang primetime series ay first team-up nina Alden Richards at Bea Alonzo sa GMA, makakasama nila sina Jeric Gonzales, Yasmien Kurdi, Royce Cabrera, Kim Domingo  at Boy Quizon.

Ang serye ay ididirek ni Jerry Sineneng.

                                                 ***

HINDI makapaniwala si Kapuso actress Glaiza de Castro nang malaman niyang ipalalabas na ang katatapos lamang niyang gawing bagong GMA teleserye.

Sa Instagram caption niya: “Is this real? “Is this true?”  As in, sa April 25 na nga mapapanood ang “False Positive” sa GMA Network?”

Binanggit ni Glaiza na kasama niya sa serye sina Xian Lim, Herlene Budol, Buboy Villar, Rochelle Pangilinan, Dominic Roco, Luis Hontiveros, Tonton Gutierrez, and Ms. Nova Villa.

Habang naka-lock in taping sina Glaiza at ang cast ng “False Positive,” sa isang five-star hotel, isinama na niya ang husband niyang si David Rainey at biro niya ay extended honeymoon daw nila iyon since kababalik lamang nila mula sa Ireland, at pagkatapos ay nag-report na siya sa lock-in taping nila.

Naging busy rin si Glaiza afer, na mag-guest sa iba pang shows ng GMA, like “Tadhana,” “Family Feud,” at regular siyang napapanood sa GMA noontime show na “All-Out Sundays.”

(NORA V. CALDERON)