2022 April 29 Archive - People's Balita

November 5, 2024
Search in People's Balita
Ang Diyaryong Pinagkakatiwalaan

Archive for April 29th, 2022

‘Walang regrets, pero kulang kami at palaging may injuries’ – Durant

Posted on: April 29th, 2022 by @peoplesbalita No Comments

LABIS ang panghihinayang ng Brooklyn Nets matapos na tuluyang matanggal na sa nagpapatuloy na first round ng NBA playoffs makaraang ma-sweep sila ng Boston Celtics, 4-0.

Ayon kay NBA superstar Kevin Durant, kung healthy lang daw sana ang kanilang team ay mas maganda ang kanilang kampanya.

Hindi rin napigilan ni Durant na magparinig na sana ay naging kompleto sila at walang nang-iwan na kasama.

Kung maalala ang isa sa big three nila na si James Harden ay lumipat sa Philadelphia Sixers.

Ang kapalit niya na si Ben Simmons ay hindi pa rin nakakalaro sa team bunsod ng injury.

Habang si Kyrie Irving naman ay sa huling bahagi na ng NBA season pinayagan ng New York na makapaglaro sa homecourt bunsod ng hindi niya pagpapabakuna.

August 30 idineklara ni Duterte bilang ‘National Press Freedom Day’

Posted on: April 29th, 2022 by @peoplesbalita No Comments

NILAGDAAN na ni Pangulong Rodrigo Duterte ang ang ilang batas na nagdedeklara sa petsang August 30 bilang “National Press Freedom Day”.

Ito ay bilang pagkilala kay Marcelo H. del Pilar, ang ama ng Philippine Journalism, na kilala rin sa kanyang pen name na “Plaridel” na isinilang noong August 30, 1890.

Sa ilalim ng Republic Act (RA) 11699, ang National Press Freedom Day tuwing August 30 kada taon ay isang working holiday.

Upang matiyak na magiging makabuluhan ang pagdiriwang nito ay inatasan ng pamahalaan ang lahat ng ahensya ng gobyerno, maging ang mga pribadong sektor ay inaatasan na makisali at lumahok sa anumang isasagawang aktibidad sa lugar ng kani-kanilang mga opisina o establisyemento na may kauganayan dito.

Nasasaklaw nito ang Armed Forces of the Philippines, Philippine National Police, at iba pa.

Habang inatasan naman na magsagawa ng consciousness-raising activities na may kaugnayan sa importansya, karapatan, at responsibilidad ng press ang Department of Eductaion (DepEd), Commission on Higher Education (CHED), at Technical Education and Skills Development Authority (TESDA) sa lahat ng mga pampubliko at pribadong paaralan.

COVAX, nangako na papalitan ang mga expired vaccines

Posted on: April 29th, 2022 by @peoplesbalita No Comments

WELCOME kay Pangulong Rodrigo Roa Duterte ang naging commitment ng Covid-19 Vaccines Global Access (COVAX) facility na palitan ang 3.6 milyong doses ng bakuna sa bansa na napaso’ na o expired na.

“That’s nice of them to do that. It’s a distinct humanitarian sentiment,” ayon kay Pangulong Duterte sa kanyang Talk to the People, araw ng Miyerkules.

Ito’y matapos na ianunsyo ni Department of Health (DOH) Secretary Francisco Duque III ang magandang balita at tiyakin na hindi gagasta ng kahit na isang sentimo ang Pilipinas para sa ipapalit na Covid-19 jabs.

“Ire-replace po ng COVAX facility. Nag-meeting na po kami kahapon at mayroon na po silang sulat sa atin,” ang naging pag-uulat ni Duque kay Pangulong Duterte.

Aniya, papalitan ng COVAX ang mga donasyon at binili ng gobyerno na Covid-19 vaccines na expired na.

“The 3.6 million doses of Covid-19 vaccines that have expired account for 1.46 percent of the country’s current vaccine inventory,” ayon kay Duque.

Ang pigura aniyang ito ay mababa sa 10 percent indicative wastage rate na ginamit ng World Health Organization (WHO).

Bilang tugon, sinabi naman ni Pangulong Duterte na masaya siya na malaman na ang mga expired na Covid-19 jabs ay papalitan ng libre.

Samantala, pinaalalahanan naman ni Pangulong Duterte ang mga botante na tiyakin na susunod ang mga ito sa minimum public health standards, lalo na sa panahon ng halalan.

“Better again remember when you go to the electoral precincts, kindly tell yourself that you have to remember the things that government wants you to follow. So that hindi masyado tayo mahirapan and we will prevent another surge,” ani Pangulong Duterte.

Hinikayat naman nito ang ang publiko na magtiwala sa mga health at medical experts gaya ng doktor at scientists, pinag-aralan aniya ng mga itong mabuti ang “best ways” para tugunan ang nagpapatuloy na krisis sa pangkalusugan sa bansa.

“…You have to listen to our medical professionals, our scientists, Pilipino ang mga scientists natin, may alam ‘yan. Huwag na tayong magpa-ano pa na mas marunong tayo kaysa kanila,” dagdag na pahayag ni Pangulong Duterte.

Aniya, ang pagkakaroon lamang ng “a little knowledge” ukol sa mga hakbang para protektahan ang sarili laban sa Covid-19 ay “a very dangerous thing.”

“It’s a question of law and you are a lawyer, then okay lang. But if you are not — you are a lawyer and you start to argue with things that you think that you know better than the medical practitioners, ‘yan sabi ko little knowledge of — bantay ka diyan ,” dagdag na pahayag nito.

Ang kapalaran ng mga national at local candidates ay dedesisyunan ng mahigit sa 65 milyong Filipino na inaasahan na boboto sa Mayo 9.

Ito ang kauna-unahang halalan na gagawin sa ilalim ng pandemic conditions.

“As of April 24,” mayroon ng 67.4 milyong Filipino ang fully vaccinated laban sa Covid-19, subalit mayroon lamang 12.9 milyon ang nakatanggap ng booster shot. (Daris Jose)

MEKANIKO, PATAY, 2 SUGATAN, 6 NA SASAKYAN NASIRA

Posted on: April 29th, 2022 by @peoplesbalita No Comments

NASAWI ang isang 24-anyos na mekaniko habang sugatan ang dalawa pang trabahador at nasira ang anim pang sasakyan nang araruhin ng isang dump truck ang isang container van na nagsisilbing barracks ng mga trabahador sa Carmona, Cavite Martes ng hapon.

Pawang isinugod sa Carmona Hospital and Medical Center ang mga biktimang sina Anicor Yuson y Ecot, binata, isang mekaniko ng B7 L11, Roseville Subd., Camarin, Caloocan City; Jerome Carlos y Montilla, 38, isang helper ng Governor’s drive, Mabuhay, Carmona, Cavite at Rodolfo Ibañez y Sales, 50, isang carpenter/helper and resident ng Purok 2, Brgy. Langkiwa, Biñan, Laguna subalit hindi na umabot ng buhay si Yuson.

Kinilala naman ang driver ng dump truck na si Leonardo Sanggalan Jr y Belando, Filipino, male, 24 y/o, driver and a resident of Calevity St., Suñiga Farm, San Jose, Rodriguez, Rizal.

Sa ulat ni Corporal Rommel Samorin ng Carmona Police Station, minamaneho ni Sanggalan ang isang Shackman dump truck na may plakang NFU 5807 habang binabagtas ang kahabaan ng Governor’s Drive patungo sa Binan City dakong alas-3:40 kamakalawa ng hapon pero pagsapit sa Brgy Mabuhay, Carmona, Cavite nang nawalan ng break ang kanyang sasakyan at inararo ang isang container van na nagsisilbing barracks ng mga trabahador ng Ekspertow Corporation.

Dahil dito, nag-collapsed ang nasabing container van at tumama sa ilang trabahador na noon ay nagtratrabaho malapit sa lugar.

Bukod sa mga trabahador na nabagsakan ng barracks, nasira din ang anim na sasakyan kabilang ang (4) motorcycles, one (1) Honda Civic sedan, isang Mitsubishi L300 at apat na motorsiklo na nakaparada malapit sa lugar.

Isinugod sa ospital ang mga nasugatan subalit hindi na umabot ng buhay si Yuson. GENE ADSUARA

Ads April 29, 2022

Posted on: April 29th, 2022 by @peoplesbalita No Comments

Warner Confirms ‘The Batman’ Sequel, Reveals First-Look of ‘Don’t Worry Darling’

Posted on: April 29th, 2022 by @peoplesbalita No Comments

WARNER Bros. Pictures confirms vengeance is returning to Gotham plus a first-look debuts for ‘Don’t Worry Darling.’

Warner Bros. Pictures made that revelation plus a couple of first-look debuts during the studio’s presentation April 26 at CinemaCon, the annual convention of movie theater owners held this year in Las Vegas.

Warner announced that director Matt Reeves has begun scripting a sequel to “The Batman,” which he and Dylan Clark would also return to produce. The news comes on the heels of the current film passing the $750 million mark at the global box office.

The announcement was made by Toby Emmerich, Chairman, Warner Bros. Pictures Group, and Reeves himself, who joined Emmerich onstage during his opening remarks.

HBO Max recently announced a series centered around Colin Farrell as The Penguin, derived directly from the universe launched by the “The Batman.” Reeves is currently reteaming with J.J. Abrams and DC universe veteran Bruce Timm on the streamer’s upcoming animated series “Batman: Caped Crusader.”

The filmmaker’s prior films include the hugely successful “Planet of the Apes” franchise, the acclaimed fantasy horror film “Let Me In,” and the sci-fi horror hit “Cloverfield,” among others.

Reeves’ additional credits include the popular TV series “Felicity,” which he co-created with Abrams, as well as the series “Ordinary Joe,” “Lift,” “Mother/Android,” “Away,” “Tales from the Loop” and “The Passage,” among others.

Meanwhile, Director Olivia Wilde unveiled the first look at Harry Styles and Florence Pugh in the psychological thriller “Don’t Worry Darling.”

In the film, a 1950s housewife (Pugh) living with her husband (Styles) in a utopian experimental community begins to worry that his glamorous company may be hiding disturbing secrets.

During her presentation, Wilde shared the idea behind “Don’t Worry Darling,” which is inspired by “Inception,” “The Matrix” and “The Truman Show.” She calls the movie “a love letter to movies that push the boundaries of our imagination.”

Slated to open in the Philippines this September, “Don’t Worry Darling” is Wilde’s follow-up feature to 2019’s coming-of-age comedy “Booksmart.”

(ROHN ROMULO)

DepEd, suportado ang pagpapatuloy ng work immersion para sa mga SHS students

Posted on: April 29th, 2022 by @peoplesbalita No Comments

SUPORTADO ng Department of Education (DepEd) ang “reintroduction” ng physical work immersion sa gitna ng nagpapatuloy na progressive expansion ng face-to-face classes.

Ang pagsasagawa ng onsite work immersion para sa senior high school (SHS) students, na isang required subject para sa Technical-Vocational-Livelihood (TVL) track, ay sinuspinde sa panahon ng COVID-19 pandemic.

Sinabi ng DepEd na ang hakbang na payagan ang pagpapatuloy ng physical work immersion ay naglalayong palakasin ang active school participation at pagpa-plano para sa iba’t ibang service delivery conditions.

“We are strongly suggesting that work immersion should be implemented for the senior high school learners as they are nearest to accomplishing their postsecondary goals and dreams,” ayon kay Education Secretary Leonor Briones.

Sa isinagawang regional EduAksyon Press Conference kung saan hinost (host) ng DepEd MIMAROPA, binigyang diin ni Undersecretary for Curriculum and Instruction Diosdado San Antonio na ang ahensiya ay lumikha na ng guidelines o mga alituntunin hinggil sa work immersion bago pa ang COVID-19 pandemic.

“Puwede naman po kasi gawin ang immersion kahit hindi pa pinapayagan ang limited face-to-face classes noon, pero ngayong may face-to-face classes na, siyempre ibabalik natin face-to-face immersion,” paliwanag ni San Antonio.

“Maaaring magkaroon ng pagkakataon sa aktwal na karanasan sa industriya ang mga mag-aaral sa senior high school hinggil sa kanilang specializations na napili,” dagdag na pahayag nito.

Aniya pa, ang onsite work immersion ay dapat na alinsunod sa guidelines ng Inter-Agency Task Force Against COVID-19 (IATF).

Base sa kamakailan lamang na inaprubahang Revised Operational Guidelines on the Progressive Expansion of Face-to-Face Learning Modality (DepEd-DOH Joint Memorandum Circular No. 1, s. 2022), inatasan ng DepEd ang mga eskuwelahan na sumunod sa School Safety Assessment Tool (SSAT) na binago upang payagan ang mas maraming paaralan na muling magbukas.

Samantala, ibinahagi naman ni Assistant Secretary for National Academy of Sports and Field Operations Malcolm Garma na ang mga eskuwelahan na sumasailalim sa assessments ay dapat na iprayoridad na isama ang mga SHS students sa pagpapalawak ng in-person classes.

“Naniniwala tayo na ang Grades 11 and 12 ay kailangang bumalik sa kanilang klase, so ‘yong immersion natin ay kasama sa babalik sa ating face-to-face classes,” ayon kay Garma.

“Kung magkakaroon na sila ng immersion sa anomang industriya, isasailalim sila doon sa mga patakaran na pinaiiral ng IATF,” dagdag na pahayag nito. (BISHOP JESUS “JEMBA” M. BASCO)

Miami Heat pasok na sa NBA semifinals dahil sa 4-1 lead sa serye vs Atlanta Hawks

Posted on: April 29th, 2022 by @peoplesbalita No Comments

PASOK na rin sa second round ng NBA playoffs ang Miami Heat o sa Eastern Conference semifinals matapos na talunin sa Game 5 ang Atlanta Hawks, 97-94.

Ang panalo sa serye ng Miami sa 4-1, ay sa kabila na hindi nakalaro ang dalawa nilang superstars na si Jimmy Butler at Kyle Lowry.

Dahil dito, doble kayod ang ginawa nina Victor Oladipo na may 23 points at ang big man na si Bam Adebayo na nagdagdag ng 20 points at 11 rebounds.

Hindi rin nagpahuli ang Heat sa init ng mga tira ng iba pang mga players na sina Tyler Herro na umiskor ng 16, Max Strus na may 15 at si Caleb Martin na nagdagdag ng 10 puntos.

Muli na namang inalat ang All-Star guard ng Atlanta na si Trae Young na meron lamang 11 puntos dahil pa rin sa hirap siyang malusutan ang inilatag na malapader na depensa ng Miami.

Aminado naman si Young na ang magaling na depensa ng Heat ang nagpadiskarel sa kanilang kampanya.

“They’re a good defensive team,” ani Young matapos ang game.

Sa ngayon inaantay na lamang ng Miami ang magwawagi sa hiwalay na serye sa pagitan ng Philadelphia Sixers at Toronto Raptors kung saan magsisimula naman ang Game 1 sa semifinals sa darating pa na Martes.

Nagbigay pugay din ang Fil-Am head coach ng Miami na si Erik Spoelstra sa mga players at sinabi nito na tama lamang daw na tapusin nila ang serye sa harap mismo ng kanilang mga fans.

“I thought it was fitting that we had to get this game with a stop at the end,” wika pa ni Spoelstra.

Año, target ang mahigpit na pagpapatupad ng COVID protocols

Posted on: April 29th, 2022 by @peoplesbalita No Comments

NANAWAGAN si Interior Secretary Eduardo Año ng mas mahigpit na implementasyon ng COVID-19 protocols bunsod ng mabilis na pagsirit ng mga paglabag sa iba’t ibang bahagi ng bansa kabilang na ang mass gathering offenses na umakyat na sa 5,469%.

Nagbigay ng direktiba si Año sa Philippine National Police (PNP) at local government units (LGUs) sa Talk to the People ni Pangulong Rodrigo Roa Duterte, araw ng Miyerkules, sabay sabing mas pinili niyang iwasan ang COVID-19 surge kahit pa inaasahan na ng mga health authorities na posibleng mangyari ito.

“So muli po tayong mag-iistrikto, ang ating kapulisan sa pagpapatupad ng minimum public health standards. At tinatawagan din natin ang mga LGUs lalo na ang mga barangay officials at barangay tanod, ang mga management ng commercial establishments, ang mga community leaders, ang mga campaign organizers na tumulong mapatupad ang mga minimum public health standards,” ayon sa Kalihim.

“Hindi natin papayagan na magkakaroon muli ng COVID surges or spikes dito sa ating bansa kahit na meron pong projection or prediction na maaari pong sumipa ang COVID sa susunod na mga buwan or linggo,” dagdag na pahayag ni Año.

Ibinahagi rin ni Año ang mga sumusunod na statistics tungkol sa protocol violations mula Abril 15 hanggang 24 gaya ng:

*mass gathering violations na 724, o 5,469% ang itinaas mula sa nagdaang linggo na mga may 13 incidents;

*no physical distancing violations na 9,057 o 201% ang itinaas mula sa nakalipas na mga linggo na 3,002;

*non-wearing of face masks na pumalo sa 84,969, o 196% ang itinaas mula sa nakalipas na mga linggo na 28,622

Ayon kay Año, walang lugar sa bansa ang nasa ilalim ng granular lockdown subalit maingat ito sa posibleng pagtaas ng kaso dahil na rin sa mataas na bilang na naitalang paglabag.

“Ngayon po, Mr. President, sa buong Pilipinas ay zero pa rin ang mga areas under granular lockdown, so ibig sabihin po maganda ang numero natin at mababa ang COVID-19 cases natin. At dalawa po ang ating pinaka-importanteng depensa o sandata natin dito — ang ating mataas na vaccination rates at pagsunod sa ating minimum public health standards protocols,” ayon kay Año.

“Kaya lang po itong nakaraang panahon mula April 15 to 24, nakakabahala ang ating naitalang community health protocol violations dahil malaki ang tinaas ng nai-report na violations sa maikling panahong ito,” dagdag na pahayag nito.

Nauna rito, sinabi naman ni vaccine czar Secretary Carlito Galvez kay Pangulong Duterte na inaasahan nila ang surge sa infections sa loob ng dalawang linggo hanggang isang buwan dahil nakita ang pagsirit ng COVID- 19 cases sanhi ng Omicron variant sa South Africa.

“As of April 24,” mayroon ng 67.4 milyong Filipino ang fully vaccinated laban sa Covid-19, subalit mayroon lamang 12.9 milyon ang nakatanggap ng booster shot. (Daris Jose)

Higit 30-K PNP personnel ‘nag-avail’ ng absentee voting

Posted on: April 29th, 2022 by @peoplesbalita No Comments

MAHIGIT 30,000 mga pulis at sibilyan personnel ng PNP ang nag-avail ng absentee voting.

Ayon kay PNP Public Information Office (PIO) chief, BGen. Roderick Augustus Alba na nasa mahigit 3,000 na mga Crame based personnel at halos 27, 000 naman ang mga nasa police regional offices ang nag-avail ng absentee voting.

Ang Multi Purpose Center sa Camp Crame ang venue para sa Crame-based PNP personnel.

Habang ang mga kampo naman sa Police Provincial Office at Regional Police Office ang venue para sa mga PNP personnel na nasa probinsya.

Matapos bumoto, agad na ipakakalat ang mga pulis sa kanilang mga assignment sa halalan para magsilbing dagdag-pwersa sa mga pulis na una nang naideploy para magbantay ng seguridad.

Tatagal ang absentee voting sa PNP hanggang Biyernes, April 29, 2022.

Hinimok naman ni PNP Chief Gen. Dionardo Carlos ang mga pulis na bumoto.

Sa ngayon all-set na ang mga personnel at mga kagamitan ng PNP para sa May 2022 national and local elections.

Ayon kay PNP Directorate for Operations Director PMGen. Val De Leon na patulong ang kanilang monitoring sa ground lalo na sa mga lugar na nasa areas of concern at Comelec control areas.

Sinabi ni De Leon, naka depoy na rin ang kanilang Civil Disturbance management unit nationwide na tutulong sa pagmando ng seguridad. (Daris Jose)