2022 May 09 Archive - People's Balita

July 18, 2024
Search in People's Balita
Ang Diyaryong Pinagkakatiwalaan

Archive for May 9th, 2022

Knights sa Finals; Red Lions humirit ng ‘do-or-die’

Posted on: May 9th, 2022 by @peoplesbalita No Comments

TINAKASAN ng No. 1 at nagdedepensang Letran Knights ang No. 4 Perpetual Altas, 77-75, sa Final Four para umabante sa NCAA Season 97 men’s basketball finals kahapon sa FilOil Flying V Centre sa San Juan City.

Ito ang ika-10 sunod na ratsada ng Knights, nagdala ng ‘twice-to-beat’ advantage sa Final Four, matapos ang 9-0 sweep sa elimination round.

Humataw si Rhenz Abando ng 24 points, 3 rebounds, 2 assists at 2 steals, para sa muling pagpasok ng Letran sa best-of-three championship series.

Nag-ambag si Jeo Ambohot ng 14 points at 14 rebounds, habang may 13 markers si Fran Yu.

Ang three-point play ni Jielo Razon ang nagtabla sa Perpetual sa 71-71 sa 3:18 minuto ng fourth period.

Nagsalpak naman si Yu ng sarii niyang 3-point play para sa 76-73 abante ng Knights sa 2:21 minuto ng laro.

Matapos ang basket ngi Jeff Egan para sa 75-76 agwat ng Altas ay nagkaroon muli sila ng tsansang maagaw ang panalo kundi lamang naimintis ni Razon ang tangka niya sa 3-point line sa pagtunog ng final buzzer.

Tumapos si Razon na may 21 points kasunod ang 14 markers ni Egan.

Sa ikalawang laro, inilusot ng No. 3 San Beda Red Lions ang 73-67 overtime win kontra sa No. 2 Mapua Cardinals.

Pag-aagawan ng Cardinals, may ‘twice-to-beat’ edge, at ng Red Lions ang ikalawang finals seat sa Miyerkules.

Bumangon ang San Beda mula sa 10-point deficit sa fourth period para humirit ng overtime sa likod ni Ralph Penuela.

Malakanyang, masaya sa kasalukuyang employment situation sa Pinas

Posted on: May 9th, 2022 by @peoplesbalita No Comments

PARA sa Malakanyang, gumanda ang employment situation sa bansa dahil sa patuloy na muling pagbubukas ng ekonomiya.

Ito ang dahilan upang mas maraming job opportunities ang malikha sa gitna ng coronavirus disease 2019 (Covid-19) pandemic.

Ikinatuwa ni acting Presidential Spokesperson at Communications Secretary Martin Andanar ang resulta ng March 2022 Labor Force Survey ng Philippine Statistics Authority (PSA) na nagpapakita na pumalo sa 94.2% ang employment rate.

Ang bilang ng employed Filipino, ayon sa PSA report ay umabot sa 46.98 milyon noong Marso 2022, mas mataas sa 45.48 milyon o 93.6% na naitala noong Pebrero 2022.

“We welcome the latest employment situation reported by the Philippine Statistics Authority showing employment rate in March 2022 at 94.2 percent – the highest since April 2020,” ayon kay Andanar.

Sa isang kalatas ng PSA, nakasaad dito na tinatayang 2.87 milyong Filipino ang walang hanapbuhay noong Marso, bumaba ito mula 3.13 milyon noong Pebrero 2022 at 3.44 milyon ng Marso 2021.

Pinanindigan naman ni Andanar ang nauna niyang pahayag na ang calibrated strategies ng gobyerno laban sa Covid-19 ay epektibo sa paglikha ng mas maraming hanapbuhay sa bansa.

Ang ilagay ang halos kalahati ng kabuuang lungsod at munisipalidad sa buong bansa sa ilalim ng most lenient Alert Level 1, pinapayagan ang mas maraming Filipino na maghanapbuhay, sinabi ni Andanar na maraming negosyo ang nag-o-operate sa kabila ng umiiral na pandemya.

“This proves how effective our calibrated strategy of shifting to Alert Level System to further reopen the economy,” aniya pa rin.

Sa kabilang dako, muli namang tiniyak ni Andanar na walang konkretong plano upang masiguro ang economic recovery mula sa matinding epekto ng coronavirus pandemic.

Muling inulit nito na itutuloy ng pamahalaan na pataasin at paigtingin ang Covid-19 vaccination drive upang hindi makompromiso ang public health, dahil na rin sa pagpapatuloy ng mas maraming economic activities.

“We are confident to see a further improvement in our employment situation as government has concrete plans to sustain our economic rebound,” ayon kay Andanar. (Daris Jose)

May ‘good vision’ kahit baguhan lang sa pulitika… ARJO, dream talaga na maging isang mabuting public servant

Posted on: May 9th, 2022 by @peoplesbalita No Comments

HINDI na bagito sa acting si Migs Almendras.

May acting experience na siya sa pelikula, TV, teatro at commercials.

Winner siya ng Best Actor Award mula sa ALIW para sa mahusay niyang performance sa stage play na ‘Under My Skin.’

Nakalabas na rin siya sa BL film na Hello Strangers. Sa ngayon ay part si Migs ng cast ng ‘The Broken Marriage Vow’ ng Dreamscape TV.

“Acting is a great job. I enjoy being challenged by the roles being given to me,” pahayag ni Migs na isa sa bida ng ‘Memories of a Love Story’, ang comeback ni Jay Alterejos sa Viva Entertainment.

“Kahit na anong role ang ibigay sa akin, I always do my best. Anything goes for me. Hindi naman sa hindi ako choosy sa roles pero tinitignan ko rin how a role will be able to help improve my acting skills. Bawat role kasi ay may dalang challenge. Kaya dapat pag-aralan mo how to attack it.”

***

ASIDE from being an award-winning actor, marami pang magandang katangian si Arjo Atayde.

While he is a showbiz personality, hindi naman siya “showbiz” pagdating sa pagtrato ng tao.

Despite his showbiz stature, totoong tao si Arjo kaya maraming taga-showbiz ang hanga at bilib sa kanya.

Maayos ang pagpapalaki kay Arjo ng mga magulang niya na sina Sylvia Sanchez at Art Atayde. He is good natured, maganda ang values, marespeto sa kapwa and God-fearing.

He may be still young pero aggressive siya at passionate in anything that he wants to do.

Maaaring sabihing baguhan pa lang siya sa larangan ng politika, pero mayroon siyang good vision para sa mga constituents niya sa District 1 ng Quezon City, na tumatakbo siya bilang congressman.

Hindi siya ang tipong who will promise the moon and the stars pero sisikapin niyang gawin ang lahat para makatulong.

Ang dream ni Arjo ay maging isang mabuting public servant.

(RICKY CALDERON)

Marcos, namumuhay ng simple, duda sa ill-gotten wealth- PDu30

Posted on: May 9th, 2022 by @peoplesbalita No Comments

WALANG pera at namumuhay lamang ng simple si presidential candidate at dating Senator Ferdinand Marcos Jr.

Ito ang sinabi ni Pangulong Rodrigo Roa Duterte sa naging panayam sa kanya ni Pastor Apollo Quiboloy ng SMNI, araw ng Biyernes.

Matatandaang, tinawag ng Pangulo si Marcos na “a weak leader” at “a spoiled child”.

Sa nasabing panayam, sinabi rin ng Pangulo na sa nakalipas na mga taon ay nabigo ang gobyerno ng Pilipinas na makita na mayroong ill-gotten wealth ang pamilya Marcos.

“Iyong pera ninakaw, eh, hanggang ngayon, wala naman silang nakita. Ito kung maniwala kayo, kung hindi, okay lang. Marcos, may kaunting perang naiwan, na-sequester lahat eh, pati iyong sa Switzerland,” ayon kay Pangulong Duterte.

Sa katunayan aniya ay nakisakay lamang sa kanya si Marcos noong mangampanya ito sa pagka-senador.

“Alam mo noong kampanya sa senador, nakikisakay lang iyan siya sa akin… Kung saan ako, kung may pera siya noon o wala, magtataka kami,” ayon kay Pangulong Duterte.

“Walang pera ito, wala. Simula noon, wala naman… Simple living lang siya, wala siya ‘yung sabihin mo talaga,” dagdag na pahayag nito.

Nobyembre ng nakaraang taon nang tawagin ni Pangulong Duterte si Marcos Jr. na isang “spoiled” at “weak leader”.

Tinanong kasi ang Chief Executive ng local Mindoro lider kung may alyansa sa pagitan ng kanyang anak na si Davao City Mayor Sara Duterte-Carpio ng Lakas-CMD party at PDP-Laban at PDDS na kung siya ay miyembro nito.

“No. I cannot because nand’yan si Marcos. Hindi ako bilib sa kaniya. He’s really a weak leader,” wika ni Duterte.

Si Marcos Jr., na kapangalan ng yumaong dating pangulong Ferdinand Marcos, ay running mate ni Duterte-Carpio.

“Hindi ako naninira ng tao, talagang weak kasi spoiled child, only son. Of course he can talk, he delivers English articulate[ly], ang aral kasi kung saan-saan sa labas. Pero kung sabihin mo na may crisis, he’s a weak leader at saka may bagahe siya,” dagdag pa ni Duterte. (Daris Jose)

DOTr, MMDA paiigtingin ang transport, road security sa araw ng eleksyon

Posted on: May 9th, 2022 by @peoplesbalita No Comments

MAGSASANIB-PUWERSA ang Department of Transportation (DOTr) at Metropolitan Manila Development Authority (MMDA) na paigtingin ang security measures sa lahat ng lansangan at public transportation kapag bumoto na ang mga Filipino sa darating na Lunes, Mayo 9, araw ng halalan sa bansa.

Inanunsyo ng DOTr ang muling pagbuhay sa “Oplan Byaheng Ayos: Implementation of Heightened Alert Status sa panahon ng National at Local Elections 2022” upang matiyak ang “health, safety, security, reliability, and comfort” ng mga pasahero sa araw ng eleksyon.

“With “Oplan Biyaheng Ayos”, all DOTr units guarantee the riding public safe, reliable, and comfortable transportation, whether by land, sea, or air, as they proceed to their respective towns, cities, or provinces to cast their votes on Monday,” ang pinost ng DOTr sa social media.

Ang DOTr sectoral offices at attached agencies ay “24/7 coordination, monitoring, and real-time reporting of activities and incidents” mula Huwebes, Mayo 5 hanggang araw ng Martes, Mayo 10.

“Desks, booths, counters, and centers serving passengers shall also be properly manned during operating hours to prevent long queues,” ayon sa DOTr.

Ang mga advisories at iba pang informational materials ay ipo-post naman sa iba’t ibang transport hubs upang ipabatid sa publiko ang iskedyul ng iba’t ibang “modes of transport, safety, and security precautions.”

“The task force also required the dissemination of safety tips, common types of violations, and safety/security regulations at airports, seaports, and other transportation hubs,” ayon sa DOTr.

Ang programa ay naging epektibo sa pamamagitan ng memorandum na nilagdaan ni DOTr Assistant Secretary for Maritime at Officer-in-Charge for Special Concerns, Vice Admiral Narciso Vingson Jr., na nagbigay direktiba sa lahat ng “sectoral offices and attached agencies” ng DOTr na maging heightened alert.

Sa kabilang dako, sinabi naman ni MMDA Chair Romando Artes na may 90 personnel ang ide-deploy mula Mayo 8 hanggang 21 upang bantayan ang trapiko sa Philippine International Convention Center (PICC) sa Pasay City, kung saan ang National Board of Canvassers (NBOC) ay magsasagawa ng pagka-canvass ng mga boto para sa national posts.

“Traffic congestion in the area is expected as it will coincide with some graduation rites at PICC Plenary Hall. Hence, we will deploy personnel to ensure the smooth flow of traffic,” ayon kay Artes.

Makikipagtulungan naman ang MMDA sa Commission on Elections, Southern Police District, Armed Forces of the Philippines, Bureau of Fire Protection, at Pasay local government para sa “other administrative and operational activities in the area”.

Isasara naman sa mga behikulo o sasakyan ang Magdalena Jalandoni Street sa loob ng PICC Complex mula Gil Puyat Avenue papuntang Vicente Sotto Street sa kahalintulad na petsa.

Ang mga traffic road signages ay ilalagay ng MMDA Traffic Engineering Center sa northbound portions ng Macapagal at Diokno Boulevards para gabayan ang mga motorista.

Pinayuhan naman ni Artes ang mga motorista na gamitin ang alternate routes at umiwas sa mga apektadong lugar.

Upang matiyak ang availability ng transport options sa panahon ng halalan, sinuspinde ng MMDA ang modified unified vehicular volume reduction program, o mas kilala bilang number coding, sa araw ng Lunes.

Ang lahat ng mga behikulo kabilang na iyong may plate numbers na nagtatapos sa 1 at 2, ay papayagan na makadaan sa mga pangunahing lansangan ng Kalakhang Maynila sa panahon ng coding hours na alas-5 ng hapon hanggang alas-8 ng gabi. (BISHOP JESUS “JEMBA” M. BASCO)

Taika Waititi Talks About Giving Natalie Portman’s Jane Foster A More Powerful Role

Posted on: May 9th, 2022 by @peoplesbalita No Comments

Thor: Love And Thunder director Taika Waititi explains why he’s bringing Jane Foster back for the latest Marvel Cinematic Universe film. Natalie Portman joined the MCU as Jane in the franchise’s early days in 2011’s Thor.

Jane’s background as an astrophysicist makes her a helpful ally for Chris Hemsworth’s God of Thunder considering his mythical background isn’t exactly rooted in Earth’s science. Following their adventure in the first Thor movie, Portman returned for the film’s 2013 sequel, Thor: The Dark World, solidifying herself as a partner and love interest of the title hero.

However, the romance does not go far as Jane is not featured in the third Thor film, Thor: Ragnarok, and has since only made a brief, dialogue-free cameo in Avengers: Endgame.

Now, after nearly a decade, Portman is returning to play Jane in the fourth Thor film. Details about Jane’s storyline in Love And Thunder are scarce, but it has long been confirmed that Jane will become Mighty Thor, a warrior worthy of wielding Thor’s hammer, during the events of the film. Jane has been no pushover in her previous MCU appearances, but access to powers like Thor’s will give the character quite a different role to play when she returns.

Waititi’s return for Thor 4 is also an exciting prospect since he is often credited with rejuvenating the Thor franchise with Ragnarok after the divisive The Dark World. Waititi tells Empire about the choice to bring Jane back after her absence in Ragnarok – and about the decision to make her a superhero.

Director Waititi says, “I didn’t know we were going to use the storyline of the Mighty Thor character until we started working out the actual story… I was writing and it was like, ‘Wouldn’t it be kind of cool to bring Jane back into the storyline?’… You don’t want Natalie coming back and playing that same character who’s walking around with science equipment. You know, while Thor’s flying around, she’s left on Earth, tapping her foot going, ‘When’s he going to be back?’ That’s boring. You want her to be part of the adventure.”

Considering the positive reaction to the changes Waititi made to Thor’s character in Ragnarok, it’s likely that Jane will get a similar treatment in Love And Thunder. Waititi talks about giving Portman something different to do in Thor 4. Jane’s previous appearances have mostly relegated the character to helping Thor from the sidelines, so handing Portman the remains of Mjolnir to join Thor in the action means she’ll have a lot more to do.

Thor: Love And Thunder is likely going to be jam-packed with fan service considering it will also feature the Guardians of the Galaxy and Christian Bale’s introduction to the MCU as Gorr the God Butcher. But Portman’s return as Jane and her new role as Mighty Thor is likely to be just as much of a highlight.

New takes on old characters are always fun, so seeing Jane as more of a superhero instead of a love interest is likely going to be almost as memorable as the laughs that are sure to come when Thor realizes he’s not the only God of Thunder anymore. Thor: Love And Thunder will hit theaters on July 8, 2022. (source: screenrant.com)

(ROHN ROMULO)

65.7 milyong Pinoy pipili na ng mga bagong lider

Posted on: May 9th, 2022 by @peoplesbalita No Comments

NASA 65.7 milyong mga botanteng Pilipino ang inaasahang dadagsa ngayon sa iba’t ibang ‘polling precints’ ng Commission on Elections (Comelec) para pumili ng mga bagong lider ng bansa ngayong 2022 National at Local Elections.

Sinabi ni Comelec Chairman Saidamen Pangarungan na “all systems go” na sila maging ang mga katuwang na ahensya ng pamahalaan kabilang ang Philippine National Police (PNP), Armed Forces of the Philippines (AFP), at ang Department of Education (DepEd).

Kahapon, personal na ininspeksyon ni Pangarungan ang Comelec Election Monitoring and Action Center (CEMAC) sa Parañaque at ang Philippine International Convention Center sa Pasay City, kung saan gaganapin ang ‘canvassing’ para sa senatorial at party-list elections.

Tuluy-tuloy pa rin naman ang pagkukumpuni ng Comelec sa mga depektibong ‘vote counting machines (VCMs)’. Sinabi ni Commissioner George Garcia na 632 sa 790 nasirang VCM na ang kanilang nakukumpuni nitong nakaraang Sabado.

Ayon naman kay Atty. John Rex Laudiangco, bagong spokesman ng Comelec, na 106,174 VCMs o 85 porsyento na ang naisailalim sa ‘final testing and sealing (FTS)’.

Bukod sa 65.7 na lokal na botante, nasa 1.7 milyong mga Filipino rin ang nauna nang bumoto sa ibang bansa sa pamamagitan ng ‘overseas absentee voting’.

Nasa 18,000 posisyon sa national at lokal na pamahalaan ang pupunuan ng mga botante mula Pangulo hanggang miyembro ng Sangguniang Pambayan o mga konsehal. (Daris Jose)

PDu30, bumoto na sa kanyang hometown sa Davao City

Posted on: May 9th, 2022 by @peoplesbalita No Comments

BUMOTO na si Pangulong Rodrigo Roa Duterte para sa national at local elections mula sa kanyang hometown sa Davao City.

Bumoto si Pangulong Duterte sa Daniel R. Aguinaldo National High School, Precinct 1245-A, ng alas- 4:45 ng hapon.

Nananatili naman ang posisyon ng Pangulo na hindi mag-endorso ng kahit na sinumang presidential candidate bilang kanyang successor.

Nagpahayag lamang siya ng kanyang suporta sa kanyang anak na si Davao City Mayor Sara Duterte-Carpio, tumatakbo bilang bise-presidente at ilang Senate hopefuls.

HIndi naman in-endorso ng Pangulo ang running mate ng kanyang anak na si dating senador Ferdinand “Bongbong” Marcos Jr., tumatakbo sa pagka-pangulo.

Gayunman, bilang pangulo ng PDP-Laban party ay suportado nito ang tambalang Marcos and Duterte-Carpio.

Si Pangulong Duterte, pang-16 na Pangulo ng bansa ay nakatakdang iwan ang Malakanyang sa Hunyo. (Daris Jose)

Mayorya ng mga Pinoy naniniwalang importanteng pondohan ang family planning

Posted on: May 9th, 2022 by @peoplesbalita No Comments

HALOS siyam sa 10 Filipino adults ang naniniwala na importanteng paglaanan ng gobyerno ng sapag na pondo ang modern methods ng family planning.

Batay sa lumabas na March 2022 Pulse Asia Survey, 88% ng respondents ang naniniwala na dapat maglaan ang pamahalaan ng pondo para sa modernong pamamaraan ng family planning, tulad ng pills, IUD, ligation, condom, at vasectomy.

Mayorya ng respondents ay mula sa iba’t ibang lugar at socio-economic classes, partikular na sa Metro Manila (60%), Visayas (55%), Mindanao (63%), at socioeconomic classes (53% – 61%) ang kumukunsidera sa paglalaan ng pondo para sa family planning ay “very important.”

Ang sentimyento na ito ng publiko ay halos hindi nagbago simula February 2016 at March 2022, base sa iba’t ibang survey sa national level at subgroupings.

Sa pinakahuling survey, halos 97%-99% ng respondents mula Cordillera Administrative Region, Eastern Visayas (Region 8), Davao Region (Region 11), at Caraga Region (Region 13), at miyembro ng Iglesia ni Cristo (INC) at Warays ay naniniwalang importante ang public funding para sa family planning.

“The results of this survey confirm our call on the government for adequate funding for modern family planning should be among the top priorities when it comes to crafting the national budget. We need to ensure that the government is able to support the choices of Filipino women and couples, particularly during the pandemic, when many are choosing to delay childbearing because of uncertainties in our current situation,” pahayag ni Romeo Dongeto, executive director ng Philippine Legislators’ Committee on Population and Development (PLCPD). (ARA ROMERO)

Comelec, tiniyak na nananatiling nasa ilalim ng kanilang ‘full control’

Posted on: May 9th, 2022 by @peoplesbalita No Comments

PINAWI ng Commission on Elections (Comelec) ang pangamba ng publiko partikular na ang mga botante hinggil sa posibilidad na magkaroon ng dayaan pagdating sa resulta ng national at local elections ngayong araw, Mayo 9, 2022.

Sa press briefing na isinagawa ng National Board of Canvassers for the 2022 National and Local Elections ay binigyang-diin ni Comelec Commissioner George Garcia na nananatiling kontrolado ng komisyon ang nagaganap na halalan ngayon.

Ito ay sa kabila ng mga ulat na nakakaranas ng ilang glitches o pagpalya ang mga vote counting machines (VCMs) sa ilang mga polling precinct sa iba’t-ibang panig ng bansa.

Ayon kay Garcia, walang dapat na ikabahala ang publiko dahil ang naturang mga problemang naranasan sa ilang presinto ay pawang mga “minor glitches” lamang at lahat ng ito ay inasahan na raw ng komisyon na kasalukuyan na rin nilang ginagawan ng aksyon.

Bukod dito ay muling ipinaalala ng commissioner na kinakailangang ang botante mismo ang maghuhulog ng kanyang balota sa vote counting machines (VCMs) pagkatapos nilang bumoto.