2022 May 16 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for May 16th, 2022

12 NANALONG SENADOR, HANDA NG IPROKLAMA

Posted on: May 16th, 2022 by @peoplesbalita No Comments

HANDA na ang Commission on Elections na iproklama ang mga nagwaging mga senador sa katatapos lamang na May 9 elections matapos matukoy na ang Certificates of Canvass (COCs) mula sa mga lugar na nagsagawa ng special election o hindi pa nagsasagawa ng halalan ay hindi na makakaapekto sa pangkalahatang senatorial rankings.

Ayon kay acting Comelec spokesperson Atty John Rex Laudiangco, nais nilang isagawa ang proklamasyon sa lalong madaling panahon

“By immediate, we mean that the canvass had practically covered and most of the COCs and those remaining votes perhaps referring to a special election will not anymore affect the canvass,” saad ni Laudiangco sa press conference.

“If we reach that point, the Comelec will not delay the proclamation. I think we want this to be over and done with. The earlier we could proclaim the better… it will be a big savings to the government… we will not delay. For as long as we had canvassed and the remaining votes will not affect anymore (the results), I know for sure the NBOC (National Board of Canvasser) will schedule the proclamation,” dagdag niya.

Kabilang sa mga magdadaos ng special election ang 14 barangay sa Lanao del Sur.

Ang Beijing , China naman ang overseas na hindi pa rin nagsasagawa ng eleksyon dahil nasa ilalim pa rin ito sa lockdown bunsod ng mga kaso ng COVID-19 .

Ang mga botante sa munisipalidad ng Butig, Binidayan at Tubaran sa nasabing probinsya ay nasa 10,000 habang ang mga Pilipino saBeijing ay nasa 1,991 lamang .

Samantala,pinaalalahanan ni Laudiangco ang 12 nanalong senador na limitahan ang kanilang kasama sa panahon ng proklamasyon.

“We have to remind our potential senators-elect, this time, we will be limiting their companion like what we did during the filing of the Certificate of Candidacy (COC),” sabi ng opisyal.

Paalala pa niya na dunaranas pa rin ang bansa Ng pandemic at nasa alert level 1 pa kaya kailangang sundin ang ipinatutupad na minimum health protocol. (GENE ADSUARA)

Singil ng PHILHEALTH, tataas sa Hunyo

Posted on: May 16th, 2022 by @peoplesbalita No Comments

NAKATAKDANG magpatupad ang Philippine Health Insurance Corporation (PhilHealth) ng mas mataas na premium rate sa mga miyembro nito.

Alinsunod ito sa Universal Health Care (UHC) Law na plano namang simulan sa darating na buwan ng Hunyo.

Ayon kay PhilHealth Senior Manager for Formal Sector-member Management Group Rex Paul Recoter, ngayong taong 2022 ay nasa sa 4% ang kanilang magiging premium rate, habang nasa P10,000 ang halaga ng income floor, at P80,000 naman ang income ceiling.

Ibig sabihin nito ay papalo na dapat sa P400 ang halaga ng monthly PhilHealth contribution ng bawat indibidwal na kumikita ng P10,000 kada buwan, kung kaya’t dapat ay papalo na sa P4,800 ang annual premium ng nasabing mga indibidwal.

Aabot naman sa P3,200 ang magiging monthly contribution ng mga miyembrong mga sumasahod ng hanggang P80,000 kada buwan na may katumbas naman na P38,400 na annual PhilHealth contribution ng mga ito.

IATF, suportado ang face-to-face classes para sa public at private schools

Posted on: May 16th, 2022 by @peoplesbalita No Comments

SUPORTADO ng Inter-Agency Task Force (IATF) ang pagsasagawa ng face-to-face classes para sa lahat ng public at private public institutions para sa pangunahing edukasyon.

Gayunman, sinabi ng IATF na hindi dapat gamitin bilang requirement ang COVID-19 vaccination para sa pagsasagawa ng full face-to-face classes para sa basic education.

Sa halip ayon kay Presidential Communications Secretary at Acting Presidential Spokesperson Secretary Martin Andanar, hinikayat ng IATF ang public at private educational institutions for basic education na magsagawa ng COVID-19 vaccination programs para sa kani-kanilang mga mag-aaral.

“To provide an opportunity for children to be vaccinated, public educational institutions for basic education are enjoined to allow the Department of Health (DOH), in coordination with their respective local government units (LGUs), to facilitate the conduct of the COVID-19 vaccination programs within their premises,” ayon kay Andanar.

Samantala, ang mga private educational institutions for basic education ay maaaring magsagawa ng pagbabakuna sa kanilang mga mag-aaral sa pakikipag-ugnayan sa DOH at LGU na nakasasakop sa kanila.

Ang nasabing COVID-19 vaccination programs ay dapat na isagawa na may “informed consent” na ibinigay at nilagdaan ng magulang o guardian, at pagsang-ayon mula naman mismo sa mga mag-aaral alinsunod sa naaangkop na DOH guidelines.

Ang DOH, sa pakikipagtulungan sa kani-kanilang LGUs, ay dapat na tiyakin ang tamang implementasyon ng COVID-19 vaccination programs para sa basic education learners sa public at private educational institutions. (Daris Jose)

Resulta ng halalan, irespeto — PNP

Posted on: May 16th, 2022 by @peoplesbalita No Comments

KUNG talagang mahal ninyo ang Pilipinas, igalang ang resulta ng halalan.”

Ito ang apela sa publiko ni Police Maj. Gen. Valeriano De Leon, Deputy Task Force Commander STF NLE 2022 sa patuloy na protesta sa resulta ng nagdaang eleksiyon.

“Patunayan ninyo na mahal talaga ninyo ang ating bansa at ito ay nag-uumpisa sa pag-respeto ng resulta ng halalan.

Nagsalita na ang taumbayan at maliwanag na ngayon kung sino ang magiging bagong presidente at bagong bise presidente, tanggapin natin ito ng bukal sa ating kalooban dahil ito ang desisyon ng mahigit tatlumpung milyong Pilipinong botante,” ani De Leon.

Sinabi ni De Leon na may ilang grupo pa rin ang nagsasagawa ng rally at protesta kung saan kinukuwestiyon ang umano’y iregularidad sa halalan.

Paliwanag pa ni De Leon, maituturing din na insulto sa mga guro, sundalo, pulis at coast guard personnel ang mga paratang na dayaan na walang matibay na ebidensiya.

Hindi matatawaran aniya ang mga sakripisyo ng mga ito upang matiyak lamang maisasagawa ng maayos at may kredibilidad ang May 2022 elections.

Gayunman, sinabi pa ni De Leon, na ipatutupad pa rin nila ang maximum tolerance sa mga protesta alinsunod sa kautusan ni PNP Officer-In-Charge Police Lt. Gen. Vicente Danao. (Daris Jose)

MMDA, MMC magsasagawa ng malawakang pag-aaral hinggil sa posibleng bagong number coding scheme

Posted on: May 16th, 2022 by @peoplesbalita No Comments

SANIB-PUWERSA ang Metro Manila Council (MMC) at ang Metropolitan Manila Development Authority (MMDA) sa pagsasagawa ng mas malawak na pag-aaral para sa implementasyon ng bagong number coding scheme sa rehiyon.

Sa Laging Handa public briefing, sinabi ni MMDA chairperson Romando Artes na si Pasig Mayor Vico Sotto ang nagpanukala na pag-aralang mabuti ang bagay. Nagkaroon kasi ng pagpupulong sa pagitan ng MMDA at MMC bago pa ang 2022 polls.

“’Yan po ay pagpupulungan namin once na matapos po ‘yung further study na ‘yan. At magde-decide po ang MMC kung kailan po ipapatupad itong bagong number coding scheme,” ani Artes.

Mayroon din aniyang suhestiyon na ipagpaliban ang implementasyon ng bagong number coding scheme hanggang sa susunod na administrasyon.

“If the new scheme will be implemented before the current administration ends, it is suggested to have a review on the policy every three months,” ani Artes.

Nito lamang buwan ng Abril, ipinanukala ng MMDA ang bagong number coding scheme na ang pangunahing layunin ay bawasan ng 40% ang bilang ng mga sasakyan na dumadaan sa mga pangunahing lansangan sa Kalakhang Maynila.

Sa ilalim ng panukalang coding system, ang mga pribadong sasakyan ay pagbabawalan na bagtasin ang mga apektadong lansangan ng dalawang araw mula alas- 5 ng hapon hanggang alas-7 ng gabi.

“Plate numbers ending 1 and 2 will be on Monday and Wednesday; those ending in 3 and 4 on Monday and Thursday; 5 and 6 every Tuesday and Thursday; 7 and 8 Tuesday and Friday; and 9 and 0 every Wednesday and Friday,” ayon pa rin kay Artes.

Ang mga Public utility vehicles (PUV) gaya ng bus, jeepney, taxi, at ride-hailing services ay “excluded” o hindi kasama mula sa scheme.

Sa kasalukuyan, ipinatutupad ng MMDA ang modified number coding scheme mula alas-5 ng hapon hanggang alas-8 ng gabi, mula Lunes hanggang Biyernes maliban tuwing holidays. (BISHOP JESUS “JEMBA” M. BASCO)

Pinoy Olympian EJ Obiena nasungkit ang SEA Games record sa pole vault at nakamit ang gold medal

Posted on: May 16th, 2022 by @peoplesbalita No Comments

BINASAG ngayon ng Pinoy Olympian na si EJ Obiena ang SEA Games record sa pole vault matapos masungkit niya ang gold medal at matagumpay na madepensahan ang kanyang korona.

Si Obiena na ranked 5th sa buong mundo sa pole vault ay nagtala ng SEA Games record makaraang malampasan niya ang 5.46m sa nagpapatuloy na 31st Southeast Asian Games sa My Dinh National Stadium sa Hanoi, Vietnam.

Kinakailangan lamang ni Obiena na isang tangka para ma-clear ang dati niyang record noong 2019 sa Pilipinas.

Una na kasi niyang natalon ang 5.40m para matiyak ang gold medal matapos na malasin ang kanyang mga kalaban bunsod ng lagay ng panahon.

Sa kabila nito, pinilit pa rin ng 26-anyos na flag bearer ng Team Pilipinas na itaas sa 5.94m ang tatalunin para sana sa kanyang personal best.

Gayunman tatlong beses siyang nabigo at kung nagawa naman sana ay magtatala siya ng panibagong Asian record.

Ang kababayan naman na si Hokett delos Santos ay pumangalawa sa kanya na may 5.0m record.

Kung maalala muntik nang hindi napasama sa SEA Games si Obiena dahil sa iskandalo at away niya sa PATAFA na umabot pa ang kaso sa Kongreso hanggang sa makialam na ang Philippine Sports Commission, Malacanang at ang Philippine Olympic Committee.

Fighting Maroons bagong hari ng UAAP!

Posted on: May 16th, 2022 by @peoplesbalita No Comments

TINAPOS ng University of the Philippines Fighting Maroons ang kanilang 36-taong pagkauhaw sa korona matapos talunin ang Ateneo Blue Eagles sa overtime, 72-69, sa ‘winner-take-all’ Game Three ng UAAP Season 84 men’s basketball championship kahapon sa MOA Arena sa Pasay City.

Hinirang na bayani si guard Joel Cagulangan na nagsalpak ng three-point shot sa natitirang segundo ng extra period para wakasan ang paghihintay ng Katipunan-based cagers sa inaasam na korona.

Isinara ng Fighting Maroons ang kanilang best-of-three titular showdown ng Blue Eagles sa 2-1 sa harap ng 15,000 fans na nanood sa venue.

Huling nagkampeon ang UP noong 1986 sa likod nina Benjie Paras, Ronnie Magsanoc at Eric Altamirano sa ilalim ni legendary coach Joe Lipa.

Ipinoste ng Blue Eagles ang 69-64 abante sa huling 1:47 minuto ng overtime mula sa ikalawang triple ni Gian Mamuyac kasunod ang tres ni Cagulangan at slam dunk ni Malick Diouf para itabla ang Fighting Maroons sa 69-69 sa natitirang 39.7 segundo.

Umalog ang tangkang jumper ni Dave Ildefonso sa posesyon ng Ateneo sa huling 16 segundo na nagresulta sa game-winning triple ni Cagulangan para sa UP.

Nauna nang inilista ng Fighting Maroons ang 31-22 bentahe sa 3:22 minuto ng second period mula sa tres ni Cagulangan bago naagaw ng Blue Eagles ang 59-56 bentahe sa huling 56.7 segundo sa fourth quarter.

Ang triple ni CJ Cansino sa huling 47.8 segundo ang nagtulak sa Fighting Maroons sa overtime.

Arroyo inendorso si Romualdez sa Speakership

Posted on: May 16th, 2022 by @peoplesbalita No Comments

INENDORSO ni dating pangulo at Congresswoman-elect Gloria Macapagal-Arroyo si Leyte 1st District Representative at Majority Leader Martin Romualdez upang maging House speaker ng 19th Congress.

Ayon kay Arroyo, buo ang kanyang suporta para iluklok si Romualdez bilang susunod na House Speaker. Hinimok din nito ang kanilang mga kapartido na suportahan din si Romualdez.

Unang inendorso ng National Unity Party ang speakership ni Romualdez.

Paliwanag ni Arroyo, dekada na silang magkatuwang ni Romualdez sa paglilingkod sa mga Pilipino, kung saan malaking bahagi nito ay bilang kinatawan sa Kamara. Balik kongreso si Arroyo sa Hunyo 30, matapos itong manalo bilang 2nd District representative ng Pampanga.

Samantala, nagpahayag na rin ng suporta ang Nacionalista Party sa pangunguna ni Deputy Speaker Camille Villar kung saan ipinunto nito ang outstanding performance ni Romualdez bilang House Majority Leader sa pagpapasa ng mga vital na batas at pagbubuklod sa mga miyembro ng Kongreso na mula sa magkakaibang partido.

Sa pulong naman ng party-list coalition, tiniyak din nila ang kanilang suporta para sa pag-upo ni Romualdez bilang House speaker.

Naglabas na rin ng statement ang PDP Laban na kanilang sinusuportahan ang speakership ng Leyte solon.

Ayos kay PDP Laban President Alfonso Cusi, naniniwala sila sa kakayanan ni Romualdez na pag-isahin ang Kongreso at ipagpatuloy ang legacy program ng Duterte administration kasabay ng pagsusulong sa agenda ni presumptive president Bongbong Marcos.

DOTr: MM subway 2025 pa ang partial opening

Posted on: May 16th, 2022 by @peoplesbalita No Comments

PINAHAYAG ng Department of Transportation (DOTr) na ang partial opening ng Metro Manila Subway project ay nalipat sa 2025 dahil sa mga challenges na dinulot ng pandemyang COVID-19 sa bansa.

Sinabi ni DOTr Secretary Arthur Tugade na ang targeted partial opening ng Metro Manila Subway ay sa 2025 habang ang buong operasyon ay sa taong 2027.

“If there’s no problem, what we have completed is already substantial to have partial operability. The landscape formatting has been made so that by 2027, the full operation of the first Metro Manila subway will commence,” wika ni Tugade.

Ngayon buwan na gagawin ang lowering ng unang tunnel boring machine at test run ng Valenzuela depot.

Samantala, tuloy-tuloy ang ginawang konstruksyon sa Metro Manila Subway project habang ang Department of Transportation (DOTr) ay lumagda kamakailan lamang sa isang “right-of-way usage agreement” sa apat (4) na malalaking kumpanya para sa pagtatayo ng dalawang (2) estasyon nito.

“We inked right-of-way usage agreement with Megaworld Corp., Robinsons Land Corp., Ortigas & Co. Ltd Parnership and Blemp Commercials of the Philippines Inc. to fastrack the construction of Japan-funded Metro Manila Subway Project,” wika ng DOTr.

Pumayag ang mga nasabing kumpanya na gamitin ang kanilang lupa para sa subway project ng walang bayad ang pamahalaan.

Ang Megaworld ay magbibigay ng 8,200 square-meter property para sa permanenting structure ng Kalayaan at Lawton na estasyon at may karagdagan pa na 14,400 square-meter na lupa para sa temporary facilities habang may konstruksyon.

Samantalang ang Robinsons Land ay magbibigay din ng 1,700 square-meter property para naman sa pagtatayo ng estasyon sa Tandang Sora.

Habang ang Ortigas & Co.ay maglalaan naman ng 5,200 square-meter lot sa Shaw Boulevard at mula naman sa Blemp Commercials ay ang 6,700 square-meter na lupa para sa pagtatayo ng estasyon sa Ortigas.

“Filipino taxpayers will save approximately P7.5 billion for not having to purchase 21,800 square meter of land for permanent stations and structures and will further save P770 million per year for up to five years for not having to lease 26,900 square meters of land for temporary facilities during construction,” saad ni DOTr undersecretary Timothy Batan.

Nagbigay din ang DOTr ng Contract Package 104 para sa Metro Manila Subway Project sa Megawide Construction Corp. at ang joint venture partners nitong Japan, Tokyu Construction and Tobishima Corp.

Sa nasabing kontrata, ang kasama ay ang pagtatayo ng underground na mga estasyon sa Ortigas North at South at ang connecting tunnels sa mga nasabing lokasyon.

Binigyan ng pondo mula sa Japanese government ang P488 billion na subway na babagtas mula sa lungsod ng Valenzuela hanggang sa Ninoy Aquino International Airport (NAIA) Terminal 3 sa Pasay.

Magiging 35 minuto na lamang ang travel time mula sa lungsod ng Quezon papuntang NAIA mula sa dating isang (1) oras at 10 minuto. Kapag may operasyon na, ang subway ay makapagsasakay ng 370,000 na pasahero kada araw sa unang taon ng operasyon nito. LASACMAR

Ads May 16, 2022

Posted on: May 16th, 2022 by @peoplesbalita No Comments