2022 June 07 Archive - People's Balita

December 22, 2024
Search in People's Balita
Ang Diyaryong Pinagkakatiwalaan

Archive for June 7th, 2022

Sino pa kaya ang gay celebrities ang lalantad?: RAYMOND, inamin na may boyfriend na at walang dapat itago

Posted on: June 7th, 2022 by @peoplesbalita No Comments

SA podcast ni Wil Dasovich noong June 11 ay ininterbyu niya si Raymond Gutierrez at napunta sa topic ng lovelife ang usapan nila.

Inamin ni Raymond na mayroon siyang boyfriend.

“What is there to hide? There is nothing to hide. If the pandemic taught us one thing, it’s to live your life right now.”

Sino pa kaya sa mga gay celebrities ang lalantad at aaminin they are in a relationship?

***

NAGKAROON ng contract signing ang AQ Entertainment and Prime Stream, Inc. kasama ang representatives ng SBT Entertainment at MBC Plus.

Pumirma sa panig ng A&Q ang CEO nitong si Atty. Aldwin Alegre at COO na si Atty. Honey Quiño. Naka-Barong Tagalog namang pumirma ang mga Koreanong sina Danny Seo at Lee Kwang Rok para sa SBT at MBC.

Inaaasahan ng dalawang panig ang tagumpay ng pinakabagong streaming platform sa Pilipinas na magagamit din sa ibang bansa gaya ng Korea.

Ginanap ang grand launch ng AQ Prime Stream sa Conrad Manila nitong June 4 at dinaluhan ng mga VIP, celebrities, at cast and crew ng mga pelikulang magiging unang pasabog ng AQ Prime at Director’s Cut by AQ simula ngayong Hunyo.

Kasama sa mga VIP mula Korea si Dr. David Shim, isa sa mga co-producer ng mga award-winning at critically-acclaimed na pelikulang “Parasite” at “Gladiator” starring Russell Crowe. Siya rin ang may-ari ng high-end Korean restaurant na Kiwa na matatagpuan sa Solaire. Si Dr. Shim ang president and owner of Solaire Korea.

Para sa iba pang detalye, bisitahin ang social media accounts ng AQ Prime Stream at Director’s Cut by AQ.

Star-studded ang event at karamihan sa mga dumalo ay mga artistang may upcoming movies na ipalalabas sa AQ Prime. Kabilang sa mga artistang namataan namin ay sina Raymond Bagatsing, Andrew Gan, Richard Quan, Marlo Mortel, at Shido Roxas, Max Collins at marami pang iba.

Dumalo rin ang mga director na sina Joel Lamangan, Joven Tan, Rosswill Hilario, Neal “Buboy” Tan and others.

***

NAKAUSAP namin si Shido Roxas sa launching ng AQ Prime and Director’s Cut.

Very excited si Shido sa kanyang bagong movie titled Anatomiya. First time niya kasi na gaganap na kontrabida. Matagal na raw niyang dream na makagawa ng isang kakaibang role.

Dahil siya ay mestizo, sabi ni Shido karamihan sa roles na ino-offer sa kanya ay pang-rich kid. Kaya naman very thankful at na-challenge siya sa role na ginagampanan.

“I was challenged by the role and I welcome the change,” sabi pa ni Shido.

Umaasa ang guwapitong actor na masusundan pa ang Anatomiya nang mas maraming offbeat roles.

***

FOUR down, two to go na ang BL series na Papa What Is Love?

Pero very encouraging ang feedback ng mga netizens na nakapanood nito:

“I love this drama. Nakakakilig.”

“Sa lahat ng BL na napanood ko ito ang pinakagusto ko. Lahat perfect.”

Pero may nagrereklamo rin na masyado raw maigsi ang episode 4 na halos 10 minutes lang ang length.

Siyempre yung ibang viewers ay excited na kung ano ang mangyayari sa episode 5 kasi naiwan sa bahay sina Tupe (Rex Lantano) at Greg (Anthony Flores) habang nasa business trip for four days si Rich (Arnold Reyes).

Ano kaya ang mangyayari sa episode 5? Abangan na lang this Saturday.

(RICKY CALDERON)

Minimum wage hikes sa Calabarzon at Davao region aprubado na rin – DOLE

Posted on: June 7th, 2022 by @peoplesbalita No Comments

INAPRUBAHAN na rin ng Regional Tripartite Wages and Productivity Board (RTWPB) ang daily minimum wage sa mga manggagawa sa Region IV-A.

Ayon sa report ni Exequiel Ronnie Guzman, regional director ng Department of Labor and Employment (DOLE IV-A) may dagdag na P47 hanggang P97 ang matatanggap sa mga daily minimum wage earners.

Inaasahang aabot sa humigit kumulang sa anim na milyong mga manggagawa ang magbebenipisyo sa wage hike sa mga lugar ng Cavite, Laguna, Batangas, Rizal at Quezon.

Ang pay hike sa Calabarzon ay ibibigay sa dalawang tranches kung saan ang una ay pagkalipas ng 15 araw sa publication at ang ikalawa naman ay makalipas ang anim na buwan.

Samantala ang RTWPB sa Davao region ay nag-anunsiyo na rin sa pag-apruba ng P47 na taas sa daily minimum wage ng mga manggagawa sa lahat ng sektor.

Ang resolution ng RTWPB ng Calabarzon at Davao region ay isusumite sa National Wages Productivity Commission para sa pag-review at pag-apruba.

Kaugnay nito, epektibo na rin ngayong araw ang dagdag-sahod na P33 para sa mga manggagawa sa National Capital Region (NCR).

Nadal nakuha ang pang-14th French Open title

Posted on: June 7th, 2022 by @peoplesbalita No Comments

NAKUHA ni Spanish tennis star Rafael Nadal sa French Open.

Ito ay matapos na talunin si Casper Ruud sa score na 6-3, 6-3, 6-0 sa loob ng dalawang oras at 18 minuto.

Ang panalo ang siyang pang-14th French Open at 22 Grand Slam title ng 36-anyos na si Nadal.

Tinapos nito ang laro sa pamamagitan ng backhand para makuha ang 37th panalo sa final.

Marcos Jr. , ipagpapatuloy ang vlogging kahit pa Pangulo na ng bansa

Posted on: June 7th, 2022 by @peoplesbalita No Comments

SINABI ni President-elect Ferdinand “Bongbong” Marcos Jr. na ipagpapatuloy niya ang kanyang pagba-vlog kahit pa magsimula na ang kanyang trabaho at tungkulin bilang bagong Pangulo ng bansa sa Hunyo 30.

Sa kanyang pinakabagong YouTube video, araw ng Sabado, sinabi ni Marcos na ipagpapatuloy niya ang paggamit sa nasabing platform upang manatiling updated ang publiko sa kanyang mga pinakabagong aktibidad diretso “from the horse’s mouth.”

Idinagdag pa niya na ipagpapatuloy niya ang vlogging upang sa gayon ay makakuha ang publiko ng alternatibong “source of information” sa kanyang incoming presidency maliban sa mainstream media.

“Ipagpapatuloy talaga namin ‘yang vlog na ito. Every so often, mayroon tayong paliwanag doon sa ating ginagawa para hindi lamang sa pahayagan ang inyong nagiging balita, kung hindi pati na from the horse’s mouth, ‘ika nga,” ayon kay Marcos.

“Kailangan ko talagang ipaliwanag kung ano ang aming mga ginagawa… ipaalam sa inyo kung ano ba sa inyong palagay ang tama na dapat gawin at kung ano pa… at marinig ang inyong comment kung ano pa ang mga kakulangan na dapat tugunan,” dagdag na pahayag nito.

Ang pahayag na ito ni Marcos ay tugon sa naging tanong sa kanya kung ipagpapatuloy pa niya ang pagba-vlog gayong magiging abala na siya bilang bagong Pangulo ng bansa.

Sa kabilang dako, pinasalamatan naman ni President-elect Marcos ang kanyang mga tagasuporta na patuloy na pagbibigay reaksyon at pagbabahagi ng kanyang content sa kanyang social media platforms.

“Iyong pag-share ninyo, pag-like, at iyong iba ine-edit pa sa TikTok, lahat po iyan ay malaking tulong,”ayon kay Marcos.

Sa kabilang dako, nauna namang sinabi ni incoming press secretary Trixie Cruz-Angeles na inaayos na nila ngayon ang pag-accredit sa mga vloggers para mag-cover sa Malakanyang sa ilalim ng administrasyong Marcos.

“We are pushing for the accreditation of bloggers to be invited to some of the briefings especially those conducted by the President,” ayon kay Angeles, isang pro-administration vlogger. (Daris Jose)

Mt. Bulusan, sumabog; Alert Level 1, itinaas!

Posted on: June 7th, 2022 by @peoplesbalita No Comments

NAGKAROON ng phreatic eruption ang bulkang Bulusan sa Sorsogon nitong Linggo ng umaga sanhi upang itaas ng Philippine Institute of Volcanology and Seismology (Phivolcs) ang alert status nito sa Alert Level 1 o low-level unrest, mula sa dating 0 lamang o normal.

“Alert Level 1 status is now raised over Bulusan Volcano, which means that it is currently in an abnormal condition,” anang Phivolcs.

Ayon kay Phivolcs Director and Science Undersecretary Renato Solidum Jr., ang phreatic eruption ay nagsimula alas-10:37 ng umaga at nagtagal ng 16 na minuto.

Nagkaroon ng phreatic eruption ang bulkang Bulusan sa Sorsogon nitong Linggo ng umaga sanhi upang itaas ng Philippine Institute of Volcanology and Seismology (Phivolcs) ang alert status nito sa Alert Level 1 o low-level unrest, mula sa dating 0 lamang o normal.

“Alert Level 1 status is now raised over Bulusan Volcano, which means that it is currently in an abnormal condition,” anang Phivolcs.

Ayon kay Phivolcs Director and Science Undersecretary Renato Solidum Jr., ang phreatic eruption ay nagsimula alas-10:37 ng umaga at nagtagal ng 16 na minuto.

Dahil dito, kusang nilisan na ng ilang residente sa mga bayang nakapaligid sa Mount Bulusan ang kanilang mga tahanan, lalo’t umabot na sa ilang komunidad ang ashfall.

May mga naiulat ding ashfall sa Juban at Casiguran, gayundin sa apat na barangay ng Irosin.

Ligtas at agad namang nakababa sa bulkan ang 14 mountainers mula sa Calabarzon area at Metro Manila kasama ang apat na local tour guide na umakyat galing sa bayan ng Barcelona.

Hindi pa nagpapatupad ng forced evacuation sa lugar pero naglibot naman ang mga tauhan ng Barangay Cogon sa Irosin para mamahagi ng face mask at tinututukan na rin ang sitwasyon.

Naobserbahan din aniya nila ang pagdami ng volcanic earthquakes sa bulkan nitong nakalipas na magdamag na umabot sa 77.

Kaugnay nito, pinaalalahanan naman ni Solidum ang mga residente na iwasan ang four-kilometer radius ng permanent danger zone. (DARIS JOSE)

Para personal na makapagpasalamat sa naitulong… ROBIN, nangakong dadalawin si KRIS kasama si MARIEL ‘pag nagka-visa na

Posted on: June 7th, 2022 by @peoplesbalita No Comments

LABIS-LABIS ang pasasalamat ni Senator-elect Robin Padilla sa kanyang kaibigan na si Queen of All Media Kris Aquino na patuloy na nakikipaglaban sa malubha nitong karamdaman.

Sa Facebook post ng Senador, ini-reveal na malaki raw ang naibigay na tulong at suporta ng dating leading lady sa pelikula sa nagdaang May 9 national elections.

Isa ngang mahabang mensahe ang pinost ni Robin para kay Kris na punum-puno ng emosyon:

“Bismillah,

“Friends in Love.

“Ano nga ba ang ibig sabihin nito?

“Literal ba ito?

“In love ka sa Kaibigan mo literally?

“Baliw ka sa Kaibigan mo?

“Hinahanap hanap mo siya?

“Physical Attraction ba?

“Sexual ba?

“Ano nga ba?

“Isa lang ang alam ko…

“Hindi man kayo nagkikita…

“Nag aaway man kayo…

“Hindi man kayo nagpapansinan…

“Pero pag naramdaman mo na Kailangan ng Kaibigan ng Kaibigan mo…

“No sorrys.

“No explanations.

“No dramas.

“No flashbacks.

“Just Love.

“Love that doesn’t require reciprocity.”

Kuwento pa ni Robin, “Nong nalaman namin ni Mariel na may sakit si ms Kris Aquino, hindi na kami bumitaw sa kanya at ganon din si ms Kris Aquino.

“Pinagluluto ni Mariel (Rodriguez) si Kris ng pagkain at kahit hirap si Kris sa intake ng solid na pagkain she makes sure na well appreciated ng buong pamilya niya si Mariel.

“We became more closer than ever tumaas pa ang Antas ng aming mga pinag uusapan at pinagdidiskusyunan.

“Mas minulat pa namin ang isat isa sa realidad pulitika at buhay.”

Sa pagpapatuloy niya, sumentro naman ito tungkol sa naitulong ni Kris para madagdagan ang kanyang boto, “Maraming nagtatanong at nagtataka kung bakit napakataas ng boto ko at kung paano ako nag number one.

“Walang nakakaalam na may boto rin ako galing sa kampo ng mga Aquino.

“Kalagitnaan ng campaign period nag-aalala si Kris sa survey ko kinausap niya ako kung ano ang campaign strategy ko, sabi ko conventional lang ako dahil wala naman ako pera.

“Ang alas ko lang talaga ay si PRRD, SBG at si Inday Sara Duterte, endorsement lang ng tatlong ito umiikot ang aking pag-asa na manalo at siempre ang tulong ng taongbayan.

“Sabi ni Kris tutulungan niya ko at ginawa niya kahit sinabi ko na baka makadagdag ng stress niya.

“Tinawagan niya mga matitinding Governor, LGU officials at mga matataas na tao na may paggalang at malalim na sa pasasalamat sa mga Aquino.

“Hindi kailanman naging isyu sa kanya na Uniteam ako, nagtataka ang mga nakakausap niya kung bakit ako nilalakad sa kanila pero sinasagot lang niya ito ng, ‘basta pls help robin for me.’

“Ngayon ay malinawan na rin ng mga naninira at inggit kung bakit ako nakakuha ng napakataas na boto.

“Bukod sa mine vote ni Mariel, Royal lumad/Indigenous vote, Muslim vote, Marcos loyalist vote, DDS vote, Katoliko vote, Kingdom of Jesus Christ vote, El Shaddai vote at Iglesia ni Kristo vote, Kris Aquino delivered the Aquino Vote for me.”

Kaya naman ganun na lang ang pasasalamat ni Sen. Robin at may binitiawang pangako, “Maraming Maraming salamat ms Kris Aquino. Ang ating pagiging magkaibigan ay hindi naapektuhan ng pulitika bagkus ito pa ang nagbuklod sa atin.

“Hinding hindi kami makakalimot andito lang palagi kami ni Mariel para sa iyo at kapag ako’y nagka-visa sa US of A dadalawin ka namin at personal na magpasalamat sa iyo.

“Baraka Allahu Fik Allah Yashfeek,”

(ROHN ROMULO)

HOW AUSTIN BUTLER TRANSFORMED INTO THE LEGENDARY “ELVIS” PRESLEY

Posted on: June 7th, 2022 by @peoplesbalita No Comments

WITNESS new actor Austin Butler’s transformative performance as musical legend Elvis Presley in director Baz Luhrmann’s “Elvis,” only in cinemas across the Philippines starting June 22.

[Watch the featurette “Becoming Elvis” at https://youtu.be/Ae83ixhK_lo]

“Elvis” is an epic, big-screen spectacle from Warner Bros. Pictures and visionary, Oscar-nominated filmmaker Baz Luhrmann that explores the life and music of Elvis Presley, starring Austin Butler and Oscar winner Tom Hanks.

A thoroughly cinematic drama, Elvis’s story is seen through the prism of his complicated relationship with his enigmatic manager, Colonel Tom Parker (Hanks). As told by Parker, the film delves into the complex dynamic between the two spanning over 20 years, from Presley’s rise to fame to his unprecedented stardom, against the backdrop of the evolving cultural landscape and loss of innocence in America. Central to that journey is one of the significant and influential people in Elvis’s life, Priscilla Presley (Olivia DeJonge).

Baz Luhrmann offers, “Austin went on an extraordinary journey to play this role but, more importantly, to discover this human being, Elvis. In the same way that Marilyn Monroe isn’t just another movie star—she embodies a time, a place, a sensibility, a symbology—Elvis as we came to know him happened in a flash. One minute he’s a truck driver and the next minute he’s the most famous man in the world. He becomes famous in the [American] South, and within a couple of years he’s on ‘Ed Sullivan’ and he’s the most talked about, most provocative, most famous young man in the world and a millionaire overnight.

Certainly, stars like Sinatra had made women swoon before Elvis, but Elvis’s popularity intersected with the emergence of teenagers as an insatiable market force, connecting directly with their idols through radio and television. The level of rapid celebrity and wealth had no precedent and Elvis was on his own. As he said later in life, ‘It’s very hard to live up to an image.’”

And, despite the benefit of hindsight, a challenge to bring such a life to life for the screen. “I was fortunate to have so many people to help me,” Butler says, “starting with Baz. The brilliant thing about Baz is that, in the most gentle and caring way, he can take you to a place where you can do more than you ever thought possible. He creates an environment where you’re free to make mistakes, and free to try things.”

To internalize Elvis’s physicality, Butler says, “I worked with movement coach Polly Bennett prior to filming and then all the way through the shoot,” he tells. “She helped me enormously not only to move the way he did, but to understand what makes a person move in the way they do.”

But to speak and sing in the icon’s distinct manner was the real key to the role, and the actor also worked with a number of different vocal coaches, Butler says, “because the voice is so important, and the dialect. And Elvis’ voice really changed over the years.”

“And in finding Austin we were so lucky because he was capable of actually singing so much like Elvis from that era, this kind of early, rough, rock and roll punk sound,” Luhrmann shares. “At the same time, Austin’s job was to reveal the man not in the public light, but the man when he’s tinkering at a piano and he’s sad and he’s singing ‘Are You Lonesome Tonight?’ Reveal the private Elvis and most of all, reveal the humanity and the spirituality of the man. While I really respect the craft of the ‘tribute artist,’ this is fundamentally different work; it’s acting through song as opposed to impersonating an icon.”

Join the conversation online and use the hashtag #ElvisMovie

(ROHN ROMULO)

ILANG MGA INFORMAL SETTLER SA BINONDO, SINIMULAN NANG MAGKUSANG-LOOB NA GIBAIN ANG KANILANG BAHAY

Posted on: June 7th, 2022 by @peoplesbalita No Comments

SINIMULAN nang gibain ng mga pamilyang iskwater ang kanilang tinutuluyang bahay na kanilang itinirik sa kahabaan ng Delpan street sa Binondo partikular na ang mga nasa center island nito ngayong araw.

Ayon kay Manila City Engineering Office head Engr. Armand Andres, ang mga pamilyang nagkusang-loob na gibain ang kanilang tinutuluyang bahay sa nasabing lugar ay ang mga pamilyang binigyan ng pagkakataon na magkaroon ng sariling tahanan sa Binondominium I na isa sa mga housing project ni Manila Mayor Isko Moreno Domagoso.

Nabatid na sila na mismo ang naggiba sa kanilang mga bahay upang mapakinabangan nila ang mga kahoy, yero at iba pang materyales na maaari din nilang maibenta o ikalakal.

Matatandaan na nito lamang nakaraang Abril 17, 2022 ay pinangunahan nina Yorme Isko at Vice Mayor at ngayo’y Mayor-elect Dra. Maria Sheilah “honey” Lacuna-Pangan ang pagpapasinaya sa 15-palapag na Binondominium I na may mahigit 120 units at may lawak na 40 sq/mtr ang bawat unit na may dalawang kwarto, kusina, sala, at banyo.

Ang mga benepisyaryo ng Binondominium I vertical housing project ay ang mga residenteng nakatira sa center island ng Delpan na sakop ng Barangay 272 at 283 habang ang mga informal settlers sa Barangay 284 at 286 sa tabi ng center island ay ililipat sa Binondominium II na nakatakdang itayo sa Delpan Complex.

Ayon naman kay Department of Public Services (DPS) chief Kenneth Amurao, hindi muna aniya nila hahakutin ang mga debris na nasabing lugar dahil baka sakali umanong may mga mapapakinabangang yero o anumang maibebentang kalakal ang mga ito, ngunit tiniyak naman ng opisyal na lilinisin nila ang lugar sa oras na makumpleto na ang ginagawa nilang paggiba sa kanilang tirahan.

Tiniyak naman ni Amurao na ang DPS, kasama ang City Engineering Office at ang Manila Traffic and Parking Bureau na pinamumunuan ni Dir. Dennis Viaje ay patuloy na magsasagawa ng clearing operations sa lahat ng mga pangunahing lansangan at sekondaryang kalsada sa Maynila matapos nilang mapansin sa kanilang mga inspeksyon na ilang mga kalsada ang muling nakaharang sa mga nakaparadang sasakyan at iba pang uri ng mga obstructions. (BISHOP JESUS “JEMBA” M. BASCO)

Warriors nakaganti sa Game 2 ng NBA Finals matapos ilampaso ang Boston Celtics, 107-88

Posted on: June 7th, 2022 by @peoplesbalita No Comments

NAKAGANTI ngayon ang Golden State Warriors sa Game 2 ng NBA Finals matapos ilampaso ang Boston Celtics, 107-88.

Dahil dito tabla na ang serye sa tig-isang panalo.

Sa pagkakataong ito hindi na nagpabaya pa ang Warriors kung saan mula sa first quarter hanggang sa 4th quarter ay hindi na binitawan pa ang kalamangan.

Lalong ibinaon ng Warriors ang Boston sa malaking abanse sa big run pagsapit ng third quarter kung saan umabot pa sa 23 puntos ang kanilang kalamangan.

Muli na namang bumida si Stephen Curry na may kabuuang 29 points kasama na ang limang three point shots at katuwang si Jordan Poole na may 17 points mula sa bench.

Malaking tulong din sa panalo ng Golden State ang 12 points mula kina Kevon Looney na perfect sa 6-for-6 sa shooting, at may ambag na tig-11 points sina Andrew Wiggins at Klay Thompson.

Sa kampo ng Celtics nagtala naman si Jason Tatum ng 28 points kabilang ang anim na three pointers habang inalat ang iba pang teammates lalo na si Al Horford na nagpakita lamang ng two points bunsod ng matinding depensa na inilatag ng Warriors.

Ang isa pang Celtics star na si Jaylen Brown bagama’t may 17 puntos, marami namang kinapos itong tira na nagtala lamang ng 5-for-17 sa shooting.

Samantala, ang Game 3 ay tutungo na sa teritoryo ng Boston sa Huwebes.

Wage hike sa 14 rehiyon ipatutupad ngayong Hunyo — DOLE

Posted on: June 7th, 2022 by @peoplesbalita No Comments

INANUNSYO ng Department of Labor and Employment (DOLE) na 14 mula sa 17 rehiyon sa bansa ang inaasahang tatanggap na ng “wage increase” bago magtapos ang termino ni Pangulong Rodrigo Duterte.

Ayon kay Labor Secretary Silvestre Bello kahapon, ang wage orders na inisyu ng 14 Regional Tripartite Wages and Productivity (RTWPBs) ay epektibo na ngayong Hunyo.

Sinabi ni Bello na ang inaprubahan ang dagdag-sahod ng RTWPBs na nasa P30-P110 na magbebenepisyo sa milyun-milyong manggagawa sa buong bansa. Pinuri niya ang RTWPBs sa aksyong ginawa para sa mga wage petitions.

Aniya, unang tatanggap ng salary adjustment ay ang mga manggagawa mula sa National Capital Region (NCR) alinsunod sa inaprub na wage hike order na P33 na magsisimula sa Hunyo 14. Ang minimum wage rate sa NCR ay magiging P570 na para sa mga manggagawa sa non-agriculture sector at P533 sa agriculture sector.

Sa Cordillera Administrative Region (CAR), P50-P60 ang pay hikes simula sa Hunyo 14 kaya magiging P380 ang minimum wage dito at tataas pa ng hanggang P400 sa Enero 1, 2023. Ang kasambahay ay magiging P4,500 na rin ang suweldo sa buong rehiyon.

Sa Ilocos Region, ang bagong minimum wage rate ay mula P372 hanggang P400. Ang P60-P90 pay hike ay ipatutupad sa dalawa hanggang tatlong tranches, simula bukas, Hunyo 6. Ang minimum wage sa domestic workers ay umakyat din sa P5,000.

Sa Hunyo 8, ang bagong minimum wage na P400-P420 ay ipatutupad sa Cagayan Valley at ang kasambahay dito ay may P1,000 wage hike kaya magiging P5,000 na ang kanilang buwang suweldo.

Sa Central Luzon, inaprub ang P40-wage hike sa mga workers na ibibigay sa dalawang tranches sa magkakaibang sektor. Dito, ang new minimum wage ay magiging P414-P460 sa rehiyon habang sa Aurora province ay P344-P409.

Sa Calabarzon, ang new minimum wage ay P390-P470 sa non-agriculture sector; P350-P429 sa agriculture sector; at P350 sa retail and service establishments na may hindi hihigit sa 10 empleyado.

Tatanggap din ng P35 pay hike ang MIMAROPA workers simula Hunyo 10 kaya magiging P329 na ang bagong minimum wage sa mga negosyo o establisimyento na may mababa sa 10 workers at P355 sa may 10 o higit pang manggagawa. Ang monthly wage rate ng domestic workers ay magiging P4,500.

Sa Bicol, ang bagong suweldo ay P365 sa lahat ng sector matapos ma-aprub ang P55-pay hike na ibibigay sa 2 tranches simula Hunyo 18 at sa Disyembre 1. Ang Kasambahay ay tatanggap ng P1,000-P1,500 wage hike kaya magiging P4,000 na ang buwanang sahod.

Tatanggap naman ng bagong suweldo na P410-P450 ang mga manggagawa ng private sector sa Western Visayas habang ang monthly pay ng domestic workers ay magiging P4,500 simula kahapon.

Sa Central Visayas, ang bagong minimum wage ay P382-P435, P500 pay hike sa Kasambahay kaya magiging P5,500 ang kanilang buwanang suweldo sa chartered cities at first class municipalities habang P4,500 sa mga mumicipalities na epektibo na sa Hunyo 14.

Sa Northern Mindanao, ang minimum wage ay magiging 378-P405 na ibibigay sa 2-tranches. Unang tranche ay P25 na epektibo sa Hunyo 18 habang and 2nd tranche na P15-P22 ay sa Disyembre 16. Ang mga kasambahay ay tatanggap ng P4,500 sa cities at first class municiplaities habang P3,500 sa mga munisipalidad.

Samantala sa Davao Region, nasa P47 ang pay hike na ibibigay sa 2-3 tranches simula sa Hunyo 19. Magiging P438 ang arawang suweldo sa agriculture sector, P443 sa non-agriculture at P443 sa retail/service establishments na may hindi hihigit sa 10 empleyado. Magiging P4,500 ang suweldo ng Davao region.

Sa SOCCSKSARGEN, P32-wage increase ang ipatutupad sa 2 tranches, sa Hunyo 9 at sa Sept. 1. Papatak ang minimum wage rate sa rehiyon ng P368 para sa non-agriculture sector at P347 sa agriculture/service/retail establishments.

Sa Caraga, epektibo ang daily minimum wage rate na P350 sa Butuan City ngayong araw at sa Agusan del Norte, Agusan del Sur, at Surigao del Sur; habang ang umento sa Dinagat Islands at Surigao del Norte, kabilang ang Siargao Islands ay ibibigay sa 2-tranches, isa sa Hunyo 6 at ika-2 sa Septyembre 1. (Daris Jose)