BINAWI ng Department of Transportation (DOTr) ang naunang pahayag ang pagbibigay ng libreng sakay sa mga estudyente sa lahat ng rail lines maliban sa Light Rail Transit Line 2 (LRT2) matapos ang pamahalaan ay nagsabing hindi na makakayanan ang revenue losses na kanilang nararanasan.

“The DOTr has received an order from the President to offer free rides for students on LRT 2 only. The President removed MRT 3 and PNR from the program because the government will incur losses that can be used instead for rail maintenance,” wika ni DOTr undersecretary Cesar Chavez.

Ayon kay Chavez nag desisyon si Marcos na sa LRT 2 na lamang magbigay ng libreng sakay matapos makitang ang pamahalaan ay nalugi ng P515.9 million mula sa tatlong rail lines na nagbigay ng libreng sakay.

Sa naitalang datus, lumalabas na may 1,400 na estudyante lamang ang gumagamit ng MRT3 kumpara sa 4,500 na sumasakay sa LRT 2 na mga estudyante noong walang pa ang pandemya. Dahil dito minabuti ni Marcos na mag focus na lamang sa libreng sakay sa LRT 2 sapagkat ito ay dumadaan sa university belt.

Sinabi rin ni Chavez na ang pamahalaan ay nagbibigay ng subsidize na 80 porsiento para sa pamasahe sa PNR ng isang pasahero.

“It costs the PNR up to P362 to transport a commuter from Tutuban to Calamba, but it only charges P60 for the route that spans nearly 60 kilometers. The daily passenger count at the PNR reaches as high as 80,000 before the pandemic. Right now, the rail line just services more or less 25,000 per day. Given this, we want to allow PNR to recover the revenues it lost to the pandemic,” dagdag ni Chavez.

Ang isang alternatibong paraan ayon kay Marcos ay mabigyan ang mga estudyante ng automatic na 20 porsiento na discount sa kanilang pamasahe kung kayat binigyan niya ang DOTr na pag-aralan ang nasabing mungkahi. Binigyan ng instruction ni Marcos ang DOTr na pag-aralan kung paano ang mga turnstiles sa mga estasyon ay ma identify ang Beep cards ng mga estudyante upang mabigyan sila ng discount na 20 porsiento na siyang mandated ng batas.

Kung kaya’t nagbigay din ng instruction si Marcos na dahan-dahan ng alisin ang libreng sakay sa lahat ng rail lines kapalit ay ang pagbibigay na lamang ng 20 porsiento discount sa mga estudyante.

May mahigit na 29 million na mga pasahero ng tatlong rail lines ang nabigyan ng benipisyo ng libreng sakay mula noong March 28 hanggang June 30.

Samantala, isisusulong naman ni Congressman LRay Villafuerte ang pagbibigay ng libreng sakay kung saan hinihikayat niya ang DOTr at Department of Budget and Management (DBM) na magtulungan upang makahanap ng pondo para sa programa ng libreng sakay.

Ayon kay Villafuerte na ang pagpapatuloy ng programa ay mahalaga sa mga pasahero sa gitna ng tumataas ng presyon ng mga pangunahing bilihin at serbisyo kasama na ang transportasyon.

Sa Land Transportation Franchising and Regulatory Board (LTFRB) naman ay pinag-aaralan ang mungkahi na magdagdag ng mas madaming ruta para sa mga pampublikong transportasyon lalo na ang mga public utility jeepneys (PUJs) at buses para sa darating na pagbubukas ng face-to-face klase ngayon August.

Nangako naman si LTFRB chairman Cheloy Garafil na pagagandahin pa nila ang serbisyo ng EDSA Carousel na ipagpapatuloy hanggang December. Nangako rin si Garafil na madadaliin nila ang mga payouts sa mga concerned operators ng EDSA Carousel na naaantala ang bayad sa mga partner operators at drivers. LASACMAR

MAGPAPATULOY  ang pamamahagi ng tulong pinansyal ng pamahalaan para sa mga sektor ng transportasyon at agrikultura ayon kay Finance Secretary Benjamin Diokno.

Ipinahayag ito ni Diokno matapos ang isinagawang kauna-unahang pagpupulong ng economic team ni Pangulong Ferdinand “Bongbong” Marcos Jr.

Aniya, handa ang gobyerno na ipagpatuloy ang pamamahagi ng nasabing ayuda para sa mga kababayan nating lubhang apektado ng sunud-sunod na mataas na singil sa produktong petrolyo bansa.

Ngunit sinabi niya na sa mga susunod na taon ay inaasahan nang magiging stable ang presyuhan ng langis sa pandaigdigang merkado matapos na ibalita ni Department of Budhet and Management Secretary Amenah Pangandaman na posibleng pumalo na lamang sa USD70 hanggang USD90 ang kada bariles ng Dubai crude oil pagsapit ng taong 2024-2028 dahil inaasahan aniyang magiging stable na ang supply nito sa mga panahon na iyon.

Samantala, sa kabilang banda naman ay sinabi rin ni Pangandaman na bagama’t sinabi ng pamahalaan na handa itong ipagpatuloy ang fuel subsidy program ay wala pa aniya silang natatanggap na kahilingan mula sa Department of Transportation (DOTr) na ipagpatuloy ang pagpopondo para dito.

LUNGSOD NG MALOLOS – May kabuuang 300 Bulakenyong mangingisda at 85 Farmers Cooperatives and Associations (FCAs) ang tumanggap ng ayuda mula sa Department of Agriculture (DA) at Bureau of Fisheries and Aquatic Resources (BFAR) katuwang ang Pamahalaang Panlalawigan ng Bulacan sa ginanap na “Distribution of Agricultural and Fisheries Interventions to Farmers and Fisherfolks” sa Bulacan Sports Complex, Brgy. Sta Isabel sa lungsod na ito noong Martes, Hulyo 12, 2022.

Ayon sa Provincial Agriculture Office (PAO), umabot sa P35,963,322.48 milyong halaga ng mga kagamitang pangsaka at pangingisda ang ipinagkaloob sa mga benepisyaryo na nagmula sa mga bayan at lungsod sa Bulacan.

Pinangunahan nina DA Regional Technical Director Dr. Eduardo L. Lapuz, Jr., BFAR Regional Director Wilfredo Cruz, Gob. Daniel R. Fernando at Bise Gob. Alexis C. Castro ang pamamahagi ng ayuda kabilang na ang tulong para sa Agricultural and Biosystems Engineering na 14 shallow tube well; apat na warehouse with mobile mechanical dryer; tatlong four-wheel drive tractor; tatlong rice combine harvester at tatlong Solar Powered Fertigation Systems (SPFS-8) para sa may 27 FCAs.

Para naman sa programa ng High Value Commercial Crops, nakapagkaloob ng 100 knapsack sprayers para sa 50 FCAs at 180 kgs na assorted vegetable seeds para sa apat na FCAs.

Gayundin, nagpamahagi para sa Fisheries Program ng 170 rolls ng gillnets with accessories sa 170 na mangingisda; 120 rolls ng multifilament PE net (black net) sa 120 mangingisda; limang marine engine para sa limang mangingisda; limang fish vending equipment (tri-bike) para sa limang mangingisda; tatlong smokehouse package para sa tatlong FCAs; at isang smokehouse para sa isang FCA.

“Kaisa po ang inyong lingkod sa adhikaing mapalakas ang sektor ng agrikultura sa ating lalawigan at patunay po nito ang tuluy-tuloy na pamamahagi natin ng makabagong farming technology at agricultural machineries upang mapanatili natin ang sapat na supply ng pagkain sa ating lalawigan at bansa. Tungo rito, nais ko ring pasalamatan ang PAO, DA RFO 3, at DA-BFAR Region 3 para sa makabuluhang programa. Malaki po ang papel ng mga magsasaka at mangingisda sa paglalatag ng pundasyon ng matatag na ekonomiya. Sila po ay maituturing na mga bayaning sumisiguro na mayroong sapat na pagkain sa ating pamayanan,” ani Fernando.

Ibinida rin ni Fernando ang ilan pang programa para sa mga magsasaka at mangingisda kabilang ang malapit ng matapos na Bulacan Farmers Training Center, pagkakaloob ng mga organikong pataba at pagpaparami ng mga alagang hayop.

Samantala, tumanggap din ng sertipiko ng pagkilala ang Lalawigan ng Bulacan sa pangunguna ni Fernando mula sa DA Regional Field Office 3 dahil sa mahusay na pagpapatupad ng mga programa at proyekto ukol sa high value crops production. (BISHOP JESUS “JEMBA” M. BASCO)